Դատական դեպարտամենտում գործուղման «մեկնած» 9 աշխատակիցներից երկուսը դատավորներ են. Փոլադյանը հակադարձում է ՊՎԾ-ին

Դատական դեպարտամենտի ղեկավարի հրամանով՝ գործուղման «մեկնած» 9 աշխատակիցներից երկուսը դատավորներ են:

Հիշեցնենք՝ մի քանի օր առաջ ՀՀ քննչական կոմիտեն եւ Պետական վերահսկողության ծառայությունը հայտարարեցին դեպարտամենտում կատարված առերեւույթ չարաշահումների մասին:

Մասնավորապես, ըստ ՊՎԾ ուսումնասիրության, 2016-2018թթ. դատական դեպարտամենտի ղեկավարի հրամաններով 9 աշխատակիցներ գործուղվել են ՀՀ տարբեր մարզեր, սակայն նույն ժամանակահատվածում եղել են աշխատավայրում: Բացի այդ, աշխատակիցները, գործուղման ծախսերի հատուցման համար ներկայացնելով տարբեր տնտեսվարող սուբյեկտների տրամադրած՝ գիշերակացը հավաստող փաստաթղթեր, ստացել են առանձնապես խոշոր չափերի՝ շուրջ 42 միլիոն դրամ գումար:

Հատկանշական է, որ բոլորովին վերջերս դատական դեպարտամենտում ստուգումներ են իրականացրել նաեւ ԱԺ վերահսկիչ պալատը եւ ֆինանսների նախարարության ֆինանսաբյուջետային վերահսկողության վարչությունը, որոնք, սակայն, չեն բացահայտել այս խախտումները:

Շաբաթներ առաջ էլ մամուլը գրել էր, որ ոստիկանությունը նյութեր է նախապատրաստում Կարեն Փոլադյանի կողմից 2017-2018թթ. «Հանրային ծառայության մասին» օրենքի խախտմամբ իր մոտ իր իսկ կնոջը՝ Նաիրա Սարգսյանին աշխատանքի ընդունելու կապակցությամբ: Մեր աղբյուրների համաձայն՝ ոստիկանությունը այս մասին տեղեկացել էր ՊՎԾ-ից, որը, իր հերթին, դա բացահայտել էր վերոնշյալ ստուգման ժամանակ:

Դատական դեպարտամենտի ղեկավար Կարեն Փոլադյանը հարուցված քրգործի շրջանակում դեռեւս որեւէ կարգավիճակ չունի: Մեր զրույցում նա պնդեց՝ ամեն բան այնպես չէ, ինչպես ներկայացվում է:

«Այո՛, ՊՎԾ-ն դատական դեպարտամենտում գործողություններ իրականացրել է, բայց չի եղել դեպք, երբ գործուղման մեջ գտնվող անձը լինի աշխատավայրում: Բոլորը գործուղվել են, բոլորի հրամանները եղել են: Գործուղումների ուսումնասիրությունների արդյունքներն առկա են: Իրականությանը այդ տվյալները չեն համապատասխանում: Թե նախաքննության վերջում ինչ պատկեր կլինի, ես չեմ կարող մեկնաբանել, սակայն ինձ համար տարօրինակ է, որ առանց սպասելու դեպարտամենտի դիրքորոշմանը, չգիտես ինչու, գործն անմիջապես ուղարկել են նախաքննական մարմին: Բայց դա իրենց գործն է»,- պարզաբանեց նա:

Փոլադյանը հաստատեց մեր այն տեղեկությունները, որ գործուղված 9 աշխատակիցներից երկուսը գործող դատավորներ են. նրանք են Մանվել Շահվերդյանն ու Արման Սարոյանը: «Ըստ ՊՎԾ ուսումնասիրությունների, այո՛, շոշափվում է նաեւ իրենց անունները: Գործուղման գնացածները դեպարտամենտի աշխատակիցներ են ու հիմա էլ են աշխատում դեպարտամենտում: Գործուղումների գնալը նրանց աշխատանքային բնույթն է, անհրաժեշտության դեպքում էլի են գնալու»,- ասաց նա:

Անդրադառնալով Դատական դեպարտամենտում «Հանրային ծառայության մասին» օրենքի խախտմամբ իր կնոջը աշխատանքի տեղավորելու մասին տեղեկություններին՝ Փոլադյանը պնդեց. «Իմ կինն աշխատել է դեպարտամենտում շատ կարճ ժամանակահատված: Որեւէ օրենքի խախտում տեղի չի ունեցել: Նա մրցութային հիմունքներով է ընդունվել աշխատանքի, բոլորի նման, շատ սովորական: Կինս զբաղեցրել է դեպարտամենտի վարչություններից մեկի գլխավոր մասնագետի հաստիքը»:

Պետական վերահսկողական ծառայության ղեկավարի տեղակալ Արա Եղոյանը մեր զրույցում ընդգծեց՝ այն, ինչ իրենք արձանագրել են, փաստաթղթավորված է: «Հիմքերը մեզ տրամադրել են դատական դեպարտամենտից: Մուտքի եւ ելքի սարքերով ֆիքսված են, թե տվյալ մարդիկ երբ են եկել աշխատանքի եւ դուրս եկել աշխատավայրից: Եվ ենթադրյալ գործուղումների մեջ գտնվող մարդիկ մուտքի եւ ելքի այդ սարքերով ֆիքսվել են, որ եղել են աշխատավայրում: Ինչպես նաեւ աշխատակիցները հյուրանոցային ծառայությունների ծախսերի փոխհատուցման համար ներկայացրել են այնպիսի տնտեսվարողների կողմից տրամադրված փաստաթղթեր, որոնք, ըստ ՊԵԿ տվյալների, չեն մատուցել համապատասխան ծառայություններ: Բացի դրանից, Կառավարությունը կեղծ փաստաթղթերի դուրսգրման գործընթացը կանխելու նպատակով 2016թ. հունվարի 1-ին հաշիվների դուրսգրումը բացառապես էլեկտրոնային դարձրեց: Այսինքն, երբ անձը գնում է գործուղման, ՀԴՄ կտրոն է ցույց տալիս, որն ապացույց է վճարման, եւ աշխատակցի անձնագրով էլ էլեկտրոնային հաշիվ է դուրս գրվում, որը հարկային համակարգում պարզ ցույց է տալիս, թե որ պահին է այն դուրս գրվել,  որտեղ, բայց մենք տեսել էինք, որ դեպարտամենտում այդ գործողությունները ձեռագիր լրացված փաստաթղթերով էին արված, ինչը արդեն կասկածանքի տեղիք էր տվել, ինչի համար էլ որոշեցինք դատական դեպարտամենտի մուտքի եւ ելքի սարքերի տվյալները ուսումնասիրել»,- մանրամասնեց Եղոյանը:

Անդրադառնալով Կարեն Փոլադյանի կնոջ՝ Նաիրա Սարգսյանի նշանակմանը՝ ՊՎԾ ղեկավարի  տեղակալն ասաց, որ կոնկրետ մրցութային փուլի անցկացման մասով չի կարող ասել՝ եղել են խախտումներ, թե ոչ, քանի որ դա իրենց վերահսկողության ներքո չէ: «Բայց մի ռիսկային հարց ենք արձանագրել, ըստ որի՝ Կարեն Փոլադյանի տիկնոջ՝ ստորաբաժանման մուտքի եւ ելքի մասին հավաստող տվյալներ դեպարտամենտը մեզ չի տրամադրել: Նրանք դա պատճառաբանում են այսպես. նշված աշխատակիցների համար մուտքն ու ելքը չի կանոնակարգվում: Դրա հավաստիությունն իրավապահ մարմինները կպարզեն»,- ասաց Արա Եղոյանը:

Հարցին՝ բացի գործուղումների հետ կապված խախտումներից, այլ խախտումներ արձանագրե՞լ են, Եղոյանը պատասխանեց: «Տարաբնույթ խախտումներ արձանագրել ենք: Քննչական կոմիտեն այս մասով է միայն հաղորդագրություն տարածել ու քրեական գործ հարուցել, ուստի մենք դրա մասին ենք հիմա բարձրաձայնում»,- նշեց ՊՎԾ ղեկավարի տեղակալը:

Դատական դեպարտամենտի չարաշահումների մասով հարուցվել է քրեական գործ խարդախության, փաստաթղթեր կեղծելու, պաշտոնեական կեղծիքի, պաշտոնեական լիազորությունները չարաշահելու դեպքով:

Անյուտա Աթանեսյան

Տպել
7173 դիտում

Ասեք՝ մետադիչկան նույն տեղը չի արվել. Ադրբեջանում գոչում են՝ շուտով ռեպրեսիաներ են, ՀՀ-ում ասում են՝ սկսել է. Սաֆարյան

Երևանի մետրոպոլիտենի երթևեկությունն ամբողջ գծով վերականգնվել է

«Մարտական եղբայրություն միաբանության» անդամներին տարել են ոստիկանություն. հայտնի են նրանց անունները

Փլվածք է տեղի ունեցել Լծեն-Տաթև հատվածում. ճանապարհը երկկողմանի փակ է (տեսանյութ)

Քաղաքացին նետվել է «Զորավար Անդրանիկ» կայարան ժամանող գնացքի տակ

Երևանից գնացած մի խումբ ջարդել է սահմանապահ ծառայություն իրականացնող ԵԿՄ մեքենան, սա զարմանալի չէ. Ալեքսանյան

Ոսկեպարում Երևանից ժամանած մարդիկ ջարդուփշուր են արել Երկրապահների մեքենան (տեսանյութ)

Տավուշը ՀՅԴ-ի համար եղել է գրպանները լցնելու թիվ 1 հորիզոնականում, հիմա փորձում են սահմանազատում արգելել. Ալեքսանյան

«Ճվճվ Արոյի» որդին փորձել է պարեկներին համոզել՝ առանց ԱՊՊԱ-ի ու մգեցված ապակիներով մեքենաները չտանել տուգանային հրապարակ

Երկրաշարժ Թուրքիայի տարածքում

Շտապօգնության մեքենան առանց վարորդի առաջ է ընթացել և բախվել երկաթե ճաղավանդակին

Ապրիլի 24-ին կգործեն անվճար երթուղիներ Ծիծեռնակաբերդի հուշահամալիրի այցելուների համար

Զուրաբիշվիլին «վրացական մղձավանջ» է անվանել երկրի իշխող կուսակցությանը

140 ինքնաթիռ ու կործանիչ, ցամաքային և ծովային ուժեր. ՆԱՏՕ-ն պատարաստվում է զորավարժությունների

Ավտոմեքենան գլխիվայր շրջվել է, վարորդը՝ հոսպիտալացվել

Հայաստանում պոլիէթիլենային տոպրակի, պլաստիկե մեկանգամյա օգտագործման սպասքի վաճառքը կարգելվի. ինչ է առաջարկվում փոխարենը

Տարեց կնոջն արնաշաղախ վիճակում տեղափոխել են հիվանդանոց. ըստ ականատեսների՝ քարով հարվածներ է հասցրել փեսան

Եթե ուզում ենք մեզ օրինական կերպով պատկանող բնակավայրերը չկորցնել, պետք է Ադրբեջանին տանք իրեն պատկանողը. Իոաննիսյան

Ախուրյանում ավտոմեքենա է հրդեհվել

Պետք է պատժվի օրենքի ողջ խստությամբ, ուզում է՝ ախպերս լինի. Գյումրու քաղաքապետը՝ «Մերսեդես»-ի վարորդի քայլի մասին

Մագա Հարությունյանը և Սուրեն Փահլևանյանը պսակադրվել են (լուսանկարներ)

Բռնցքամարտի ԵԱ. Գուրգեն Մադոյանը և Նարեկ Մանասյանը հաղթանակով են մեկնարկել

Խուստուփ լեռան փեշերին կայացել է Տիգրան Համասյանի՝ «Հող և ջուր» խորագրով համերգը (լուսանկարներ)

ԱԺ պատվիրակությունը մասնակցել է ԵԽԽՎ գարնանային նստաշրջանի աշխատանքներին (տեսանյութ)

«Նիսսան»-ը «Օպել»-ին բախվելուց հետո վրաերթի է ենթարկել 3 հետիոտնի

2 օր սպասվող անձրևին ու ամպրոպին կհաջորդի արևոտ, տաք ու առանց տեղումների եղանակ

Գորիսից մեկնարկել է Ֆրանսիա-Հայաստան բարեկամության խմբի նախագահի գլխավորած պատվիրակության այցը Հայաստան

Գառնու ձորում մոլորված արշավախմբի անդամներին գետի վրայով տեղափոխել են ափ

Երևանի մի քանի հասցեում վթարային ջրանջատում է

Նիկոլ Փաշինյանը հետևել է Սպիտակ-Վանաձոր ճանապարհահատվածի հիմնանորոգման աշխատանքներին (տեսանյութ)

Նախկին իշխանության, ընդդիմության, ընդհուպ հոգևոր դասի անդամներ լծված են ժողովրդին մանիպուլացնելու գործին. Հովհաննիսյան

Մի քիչ շոգելու ենք. Սուրենյանը նորություն է հայտնել

Շատ լավ լուր Հայաստանի, Ադրբեջանի և ողջ Հարավային Կովկասի համար. Շվեդիայի ԱԳ նախարարը՝ սահմանազատման մեկնարկի մասին

«Մերսեդես»-ը հայտնվել է Գյումրիի քաղաքապետարանի աստիճաններին. վարորդը պահանջ է ներկայացրել (լուսանկարներ)

Վարչապետը կառավարության աջակցությունն է խոստացել 350 գլուխ խոշոր եղջերավոր անասուն ունեցող ֆերմային (տեսանյութ)

Խոշոր վթար Երևանում. բախումից հետո մեքենաներից մեկը հարվածել է սյանը, 3 մարդ հոսպիտալացվել է (լուսանկարներ)

Սահմանազատման ընթացքում որևէ գյուղ չի զրկվի ճանապարհից. վարչապետը՝ մեկնարկած գործընթացի մասին (տեսանյութ)

6-7 բալ ուժգնությամբ երկրաշարժ Իրանում. ցնցումները զգացվել են Սյունիքի մարզում

Երևանում տղան կտրել է մոր վիզը և գնացել ու նետվել Կիևյան կամրջից. երկուսն էլ մահացել են

Ադրբեջանն ու Ռուսաստանը համաձայնության չեն եկել, Բաքուն դեմ է գնացել խաղաղապահների ներկայությանը ԼՂ-ում. Հովհաննիսյան