Երևան
25 °C
Երևանի պետական բժշկական համալսարանի ռեկտոր Արմեն Մուրադյանի ու համալսարանական «Հերացի» թիվ 1 հիվանդանոցային համալիրի պլաստիկ վիրաբուժության եւ միկրովիրաբուժության կլինիկայի ղեկավար Արտավազդ Սահակյանի հակասությունները նախորդ մի քանի օրերին հանրային հնչեղություն են ստացել:
Բուհի ղեկավարությունը վստահեցնում է, թե նշված կլինիկայի շենքը հիմնանորոգման կարիք ունի, եւ միայն ժամանակավորապես է առաջարկվում տեղափոխել այլ տարածք, իսկ Արտավազդ Սահակյանը հայտարարում է, որ գործունեությունը այլ վայր տեղափոխել չեն պատրաստվում, ասում է՝ շենքը ընդամենը 2016 թվականին է վերանորոգվել ու խոստացվող շինաշխատանքներն ընդամենը կլինիկան տարրալուծելու պատրվակ են:
Բուհի ղեկավարության փոխանցմամբ՝ Արտակարգ իրավիճակների նախարարության մասնագիտական եզրակացության մեջ նշվում է, որ տվյալ տարածքի «տեխնիկական վիճակը գնահատվում է «անբավարար» (երրորդ աստիճանի), այն է կոնստրուկտիվ տարրերի շահագործումը հնարավոր է միայն կապիտալ նորոգումից հետո», իսկ հիվանդասենյակները չեն համապատասխանում այսօրվա չափանիշներին։
Մուրադյանը Սահակյանին առաջարկում է շենքը նորոգելու ընթացքում կլինիկական գործունեությունը ժամանակավորապես շարունակել «Հերացի» թիվ 1 հիվանդանոցային համալիրում կամ «Միքայելյան վիրաբուժության ինստիտուտում»: Ըստ ֆեսբուքյան էջում արված գրառման, նա նշում է՝ շենքը վերանորոգելու որոշումը կայացված է և փոփոխման ենթակա չէ: Ռեկտորը վստահեցնում է՝ վերանորոգումից հետո բաժանմունքը նույն սկզբունքներով կշարունակի իր գործունեությունը`Աբովյան 58 հասցեում:
Բայց Արտավազդ Սահակյանի կարծիքով՝ բուհի ռեկտորն ու «Զինվորի տան» տնօրեն Հայկուհի Մինասյանը շենքը օտարել են, իրենց տարբեր կենտրոններ ուղարկելով փորձում են անձնակազմին տարանջատել ու կազմալուծել, և առաջարկել բոլորովին այլ պայմաններ, որի ընթացքում պլաստիկ վիրաբուժության եւ միկրովիրաբուժության կլինիկան կգործի «Զինվորի տան» ենթակայության ներքո:
«Ես իմ ընկերների հետ ստեղծել եմ այդ կառույցը և հիմա ինչ-որ երիտասարդ աղջիկ փորձում է մեզ տարրալուծել և ռեկտորի օգնությամբ բաժանել: Նրա նամակում, որտեղ նշել է, որ մեր կառույցը պետք է վերանորոգել, ոչ մի առնչվող բան չկա կենտրոնի ապագայի վերաբերյալ: Ինքը առաջարկում է առաջին հարկում լավ ախտորոշիչ կենտրոն ստեղծել, երկրորդ հարկում ողնաշարային խնդիրներ ունեցողների համար մահճակալներ տեղադրել: Այսինքն՝ մենք պետք է սպասարկենք միայն ողնաշարային հիվանդություններ ունեցող անձանց: Հայկուհի Մինասյանի միակ ցանկությունն այն է, որ ինքը ղեկավարի այդ տարածքը, մենք էլ այդտեղ չլինենք: Թե՛ ռեկտորը, թե´ տնօրենը առանց մեզ զգուշացնելու մեր թիկունքում կայացրել են այս որոշումը և մեր թիկունքի հետևում օտարել այն»,- մեզ հետ զրույցում ասաց Արտավազդ Սահակյանը:
Նրա խոսքով՝ իր ղեկավարած կլինիկայի շենքը վերջին անգամ վերանորոգվել է 2016 թվականին, իրենք կան և որակյալ բուժօգնություն են տրամադրում հիվանդներին: Ասում է՝ ինքը դեմ չէ կենտրոնի նորոգմանը, նոր սարքավորումներին, այլ դեմ է «Զինվորի տան» ենթակայության տակ գործելուն:
Ինչ վերաբերում է գործունեությունը այլ վայրերում ժամանակավորապես շարունակելուն, վիրաբույժը պատասխանեց՝ «Հերացի թիվ 1» հիվանդանոցային համալիր տեղափոխվել իրեն ոչ ոք չի առաջարկել, իսկ «Միքայելյանը» գործում է բոլորովին այլ սկզբունքով:
«Ես 14 տարի Միքայելյանում աշխատել եմ, նա լրիվ այլ սկզբունքով է աշխատում, բացի դրանից՝ Միքայելյանում մեզ առաջարկում են մի կիսաքանդ սենյակ ու մի փոքր սենյակ, դա էլ նշանակում է, որ ամբիոնը ամբողջովին ուզում են կազմալուծել: Մեր ուզածը այն է, որ բաժանմունքը պահպանվի, չտարրալուծվի: Մենք դեմ ենք իրենց կազմի մեջ մտնել, քանի որ իրենց ֆունկցիան ոչ թե վիրաբուժակական միջամտություններն են, այլ հետվիրահատական ամոքիչ բժշկությունը: Հայկուհին իրավասու չէ բժշկական համալսարանի ներքին խնդիրները լուծելու: Հայկուհին ասում է՝ ինքը ազգային արժեք է, իսկ մենք արժեք չե՞նք, մեր հիվանդները արժեք չե՞ն»,- ասաց նա հավելելով՝ վերանորոգման մասին նախկինում իրեն երբեք տեղյակ չեն պահել:
Երևանի պետական բժշկական համալսարանի աշխատակազմի ղեկավար Շուշան Դանիելյանը մեզ հետ զրույցում ասաց՝ «Աբովյան 58 շենքը պետական գույք է, չի տրվել որևէ կառույցի, պարզապես անհատույց օգտագործման իրավունքով տրվել է հայ զինվորին՝ 15 տարի ժամկետով։ Կառավարության որոշման մեջ հստակ գրված է, որ որոշումից հետո շենքի այդ հատվածում տեղակայվելու է Արտավազդ Սահակյանի գլխավորած կլինիկան։ Ներկա պահին առաջարկվել է ժամանակավոր այլընտրանքային տարբերակներ՝ կլինիկայի բնականոն գործունեությոունը շարունակելու համար»։
Բայց համալսարանի ղեկավարության պնդումներն ու խոստումները պլաստիկ վիրաբույժը որակում է ուղղակի պատճառներ իրեն և իր բժշկական անձնակազմին այդ տարածքից դուրս հանելու համար: Որ իրեն բազմիցս տեղյակ են պահել վերանորոգման որոշման մասին՝ Սահակյանը առակով պատասխանեց՝ «Ты виноват уж тем, что хочется мне кушать» (Դու ես մեղավոր, որ ես ուզում եմ քեզ ուտել):
Արտավազդ Սահակյանն ասում է՝ օրենքի սահմաններում գնալու է մինչև վերջ: Այսօր էլ արդեն ֆեյսբուքյան տեսանյութի միջոցով դիմել է վարչապետին, ասելով՝ գործընթացը կատարվել է իրենց թիկունքում, ԵՊԲՀ ռեկտոր Արմեն Մուրադյանի թույլտվությամբ, համաձայնությամբ և հովանավորչությամբ, Հայկուհի Մինասյանի հետ, իրենցից ծածուկ կատարվել է գործարք՝ առանց հաշվի առնելու ամբիոնի շահերը և ամբիոնի աշխատակիցների շահերը:
Սահակյանը մեզ հետ զրույցում հայտնեց նաև, որ ամեն ինչ անելու է, որպեսզի վարչապետի հետ հանդիպի և ներկայացնի խնդրի ողջ էությունը:
Երևանի պետական բժշկական համալսարանի ռեկտոր Արմեն Մուրադյանն էլ քիչ առաջ ֆեսբուքյան էջի միջոցով արձագանքեց Սահակյանին. «Աբովյան 58 շենքը չի օտարվել, պետական գույք է, ԵՊԲՀ-ին կցված և պարզապես 15 տարի ժամկետով Հայ Զինվորն իրավունք ունի առանց վարձակալության գումարի բուժվել այդ հասցեում գտնվող շենքում՝ որպես փաստ կցում եմ Կառավարության որոշումը՝ ի դեպ առաջին որոշումը կայացվել է վարչապետ Կարեն Կարապետյանի օրոք, երկրորդ որոշումը՝ Նիկոլ Փաշինյանի օրոք»,- ասված է նրա գրառման մեջ:
Ռեկտորը շեշտում է՝ վերանորոգումից հետո ստորաբաժանումը հնարավորություն է ունենալու նույն հասցեում շարունակել իր գործունեությունը և վիրաբույժին առաջարկում հետևյալը՝ գալ կառուցողական դաշտ, չխոչընդոտել վթարային շենքի վերանորոգման աշխատանքներին՝ եղանակային պայմանները բարենպաստ են շինարարության համար, քննարկել և համատեղ որոշման գալ՝ բաժանմունքի տեղափոխման հարցի շուրջ, միանալ գործին և մասին հրատապ ավարտին հասցնել Աբովյան 58 շենքի հիմնանորոգումը։
Խախտումների մասին որոշումը էլեկտրոնային ծանուցման եղանակով ստանալու դեպքում տուգանքի գումարը կնվազի 20 տոկոսով
Մերձմոսկովյան Բալաշիխայում ադրբեջանցի գործարար է սպանվել
Աշխարհի գավաթ․ մարմնամարզիկ Արթուր Դավթյանը՝ 2024 թվականի բացարձակ հաղթող (տեսանյութ)
Ստեփանավանի թիվ 1 հիմնական դպրոցում վարչապետը ծանոթացել է խնդիրների վերացման աշխատանքներին (տեսանյութ)
Մեքենան դուրս է եկել հանդիպակաց երթևեկելի գոտի, բախվել քարերին, հայտնվել ձորակում. ընտանիքի 3 անդամ հիվանդանոցում է
Սահմանազատման մասին պայմանավորվածությունը վերացնում է խաղաղության համաձայնագրի ճանապարհի մեծ խոչընդոտը․ Գերմանիայի ԱԳՆ
Կան ուժեր, որոնք ուզում են, որ Հայաստանի ինքնությունը կամ պետականությունը զարգանա ֆորպոստի տրամաբանությամբ․ Փաշինյան
Թուրքիայի ԱԳՆ-ն ողջունել է Հայաստանի և Ադրբեջանի սահմանազատման հանձնաժողովների ձեռք բերած համաձայնությունը
Վերին Ծաղկավանի անտառում շունը ընկել է մոտ 15 մ խորության ձորը
Հայոց ցեղասպանության թանգարան-ինստիտուտին են հանձնվել Սողոմոն Թեհլիրյանին առնչվող բացառիկ ընտանեկան մասունքներ
Չհանդիպելու պլաններ չունենք․ Փաշինյանը՝ ՌԴ նախագահի հետ հանդիպման հավանականության մասին
Հասանովը խորհրդակցություն է հրավիրել և հանձնարարել Հայաստանի ու Ադրբեջանի միջև սահմանազատումն արդյունավետ իրականացնել
Տեղի է ունեցել «Քաղաքացիական պայմանագիր» կուսակցության Լոռու մարզի նախաձեռնող խմբի նիստ․ վարչապետը ելույթ է ունեցել
ԱՄՆ դեսպանատան հարևանությամբ «BMW» է այրվել
Վարչապետը երկրորդ անգամ այցելել է Վանաձորի N 27 և N 23 հիմնական դպրոցների մարզադահլիճներ (տեսանյութ)
37-ամյա կինը շենքում գտնվող տղային իր փոխանցելիս ընկել է հորը
Օդի ջերմաստիճանը չի փոխվի․ կարճատև անձրևներ կլինեն, տեղ-տեղ նաև կարկուտ կտեղա
Պատրաստվում ենք դե յուրե արձանագրել Արծվաշեն էքսկլավի, իրենց տեսակետից անկլավի՝ ՀՀ-ի մաս լինելը․ վարչապետ
Որպես անհետ կորած որոնվող 56-ամյա տղամարդը հայտնաբերվել է Ջրվեժի ձորում. մարմինը եղել է կենդանիների կողմից հոշոտված
Սահմանը հանձնվելու է սահմանապահներին, ինչ վերաբերում է պաշտպանության ապահովմանը, դա արդեն ուրիշ խնդիր է․ Փաշինյան
Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
© 2024 Հայկական ժամանակ