Լայնամասշտաբ գործողությունները չեմ բացառում, բայց տարվա այս եղանակին դա քիչ հավանական է. ռազմագետ

Լայնամասշտաբ ռազմական գործողությունները չեմ բացառում, բայց դրանք տարվա այս եղանակին քիչ հավանական են: Այս մասին «Հայկական ժամանակի» հետ զրույցում ասաց ռազմական փորձագետ Հրաչյա Պետրոսյանցը:

Նշենք, որ հուլիսի 28-ի երեկոյան՝ ժամը 03:40-ից, հակառակորդը Գեղարքունիքի սահմանային հատվածում՝ Սոթքից մինչեւ Վերին Շորժա, տեղային մարտեր էր սկսել, սակայն ժամը 09:20-ի դրությամբ կորուստներ տալով՝ հետ շպրտվել ելման դիրքեր: Գործողությունների հետեւանքով հայկական կողմն ունի 3 զոհ եւ 4 վիրավոր:

Թեմայի վերաբերյալ զրուցել ենք Հրաչյա Պետրոսյանցի հետ:

- Պարո՛ն Պետրոսյանց, առավոտյան Գեղարքունիքի սահմանին մարտական գործողություններ տեղի ունեցան: Ձեր գնահատմամբ՝ ո՞րն էր դրա պատճառը:

- Կարծում եմ՝ այստեղ պատճառ փնտրելու կարիք չկա. նայեք վերջին օրերին Ադրբեջանի բարձր ղեկավարության հռետորաբանությանը: Կարծում եմ՝ դա արդեն հերիք է: Իսկ Հայաստանի ռազմաքաղաքական ղեկավարության կողմից ոչ մի քայլ չի ձեռնարկվել:

- Ի՞նչ նպատակ էր հետապնդում հակառակորդը սրանով եւ որքանո՞վ է ռազմական տեսանկյունից հասել իր նպատակին:  

- Մենք միայն պաշտոնական տեղեկությունները գիտենք: Իրականությունը, ցավոք սրտի, մեզ անհասանելի է այս պահին: Դրա համար միայն ենթադրություններ կարող ենք անել: Իսկ ենթադրությունն այն է, որ հակառակորդը քայլ առ քայլ, մետր առ մետր զավթում է մեր տարածքները: Չեմ կարող ասել, թե ռազմական տեսանկյունից որքանով են իրենց նպատակին հասել, բայց, ըստ բաց տվյալների, ունեցել են որոշակի հաջողություն, իսկ հետո մերոնք վերականգնել են կորցրածը:

- ՊՆ-ն նշել էր, որ տեղային մարտեր են ընթացել: Ի՞նչ ասել է տեղային մարտ: Ելնելով առկա վիճակից՝ լայնամասշտաբ գործողություններ հնարավոր համարո՞ւմ եք:

- Եթե ռազմարվեստի տեսանկյունից նայենք, տեղային մարտ հասկացություն չկա: Այդ տերմինն օգտագործվում է պատերազմների հետ կապված՝ տեղային պատերազմներ: Կան մարտեր կոնկրետ մարտավարական նշանակություն ունեցող տարածքների կամ օբյեկտների համար: Ըստ երեւույթին՝ դա գալիս է հայտարարությունը տարածողների ռազմարվեստին ընդհանրապես չտիրապետելու հանգամանքից: Այսինքն՝ մարտավարական նշանակության մարտեր են տեղի ունեցել: Մենք չգիտենք, թե կոնկրետ ո՞ր բարձունքի համար են այդ մարտերն ընթացել, որ գնահատենք:

Ես երբեւիցե լայնամասշտաբ գործողությունները չեմ բացառում: Ուղղակի զուտ տրամաբանորեն միշտ ենթադրում ենք, որ տարվա այս եղանակին լայնամասշտաբ գործողությունները քիչ հավանական են: Դրանք հավանական են աշնանը եւ գարնանը, եւ եթե նայենք Ադրբեջանի իրականացրած ակտիվ մարտական գործողությունները, կտեսնենք, որ դրանք բոլորը հիմնականում սկսվել են կա՛մ աշնանը, կա՛մ գարնանը: Ձմռան եւ ամռան ամիսներին մեր բնակլիմայական պայմանները որոշակի խնդիրներ են ստեղծում ե՛ւ ռազմական տեխնիկայի շահագործման, ե՛ւ սպասարկման, ապահովման ու կոմունիկացիոն առումով:

- Ըստ ձեզ՝ ինչո՞ւ են գործողություններ սկսել սահմանային հենց այդ հատվածում:

- Կարծում եմ՝ առաջին հերթին պետք է հասկանանք, թե դա ի՞նչ նպատակ է հետապնդում: Եթե քաղաքական նպատակներ են հետապնդում, ապա ընդհանրապես նշանակություն չունի, թե որտե՞ղ են տեղի ունենում. դա կլինի Երասխում, Սյունիքում, Սոթքում, թե՞ այլ տեղ: Եթե զուտ ռազմական տեսանկյունով է տեղի ունենում՝ թշնամու կողմից ռազմական որոշակի խնդիրներ լուծելու համար, ապա տրամաբանորեն ռազմարվեստի ուսումնասիրությունից պետք է հասկանալ, որ հարձակվում են իրենց կողմից վերլուծությունով դուրս բերված ամենաթույլ օղակի վրա կամ շատ կարեւոր մարտավարական նշանակության օբյեկտի վրա:

- Որքանո՞վ է հայկական բանակը պատրաստ դիմակայելու այս գործողություններին:

- Այս մեդալը մի քանի երես ունի. ինչ-որ մի պահի կարող է թվալ, որ ընդհանրապես պատրաստ չէ ոչ մի բանի, բայց իրականում կարող է շատ ավելի պատրաստ լինել: Ամեն ինչ կախված է բարոյահոգեբանական իրավիճակից եւ հստակ կառավարումից: Եթե չլինի կառավարում, մնացածը շատ դժվար է:

- Արցախյան վերջին պատերազմից հետո այս ամիսների ընթացքում, ըստ ձեզ, հասցրե՞լ ենք վերականգնվել թե՛ հոգեբանական, թե՛ սպառազինության առումով:

- Կարծում եմ՝ դա պետք է հարցնել համապատասխան մարմիններին: Իմ կարծիքով՝ եթե ռազմավարական-քաղաքական տեսանկյունից նայենք, որեւէ բան չի փոխվել:

- Ելնելով այս պահին առկա տեղեկություններից՝ ի՞նչ եզրահանգման եք եկել:

- Եզրահանգումը մեկն է, որը ես ասել եմ դեռեւս նոյեմբերին. պատերազմը չի վերջացել, իսկ մենք մոռացել ենք դրա մասին:

- Այսինքն՝ հակառակորդից դեռ պետք է որոշակի գործողությունների՞ սպասել :

- Անպայման պետք է սպասել: Դրանք անընդհատ լինելու են մեկ այս կողմում, մեկ՝ այն:

- Ներկայում, ըստ ձեզ, ի՞նչ քայլեր պետք է ձեռնարկի ՀՀ զինված ուժերը:

- Ամեն ինչ կախված է ավելի բարձր ռազմաքաղաքական ղեկավարությունից: Իրենք պետք է սկսեն եւ համապատասխան հրահանգներ իջեցնեն ՊՆ-ից, որ սկսեն գործել:

- Պրոֆեսիոնալ բանակի գնալու պրոցեսն այս պահին պե՞տք է ավելի արագացնել, թե՞ ներկայիս ձեւաչափով պետք է շարունակվի:

- Խնդիրն այն է, որ դրանցից որեւէ մեկը մյուսին չի խանգարում: Մենք ունենք ներկա, եթե մենք գտնվում ենք պատերազմի մեջ, պետք է շարունակենք այդ ներկայով ու չքանդենք դա: Անկախ ամեն ինչից՝ սա կայացած, գործող համակարգ է, ու դրանով պետք է կարողանանք ապահովել մեր անվտանգությունը: Զուգահեռաբար պետք է ստեղծել պրոֆեսիոնալ բանակ: Ո՞վ է խանգարում: Երբ պրոֆեսիոնալ բանակն արդեն ստեղծված կլինի եւ հասած կլինի այն մակարդակին, որ կարողանա մարտական խնդիր կատարել, այդ ժամանակ արդեն աստիճանաբար կսկսես հնից հրաժարվել:

Տպել
5128 դիտում

Արարատ Միրզոյանը հանդիպել է ՄԱԿ-ի Քաղաքակրթությունների դաշինքի բարձր ներկայացուցիչ Միգել Անխել Մորատինոսի հետ

Մարալիկ քաղաքում այրվել է մոտ 25 հակ անասնակեր

«Արևիք» ազգային պարկի տարածքում հրդեհաշիջման աշխատանքները ժամանակավորապես դադարեցվել են

Մեր դպրոցների որոշ մասում տպավորություն է, թե իրերն ավելի կարևոր են, քան երեխաները. Ժաննա Անդրեասյան

ԱԱՏՄ-ն ստուգայցեր է կատարել առևտրի օբյեկտներում և դեղատներում

Կարևորվել է Հայաստանի և Եգիպտոսի միջև քաղաքական երկխոսության ակտիվացման քայլերի իրականացումը. հանդիպել են ԱԳ նախարարները

19-ամյա գյումրեցին շրջանցել է երկու թուրք մարզիկների և հռչակվել ծանրամարտի Եվրոպայի չեմպիոն

3 օրում ստացվել է հրդեհների մասին 3 ահազանգ Երևանում ու մարզերում

Ծիծաղելի են լուրերը, թե Գյումրիում ՔՊ-ն գաղտնի պայմանավորվածություն ունի «Բալասանյան» դաշինքի հետ․ Ալեքսանյան. Civic

Տիգրան Արզաքանցյանն իր թիմով դուրս է գալիս Դեմոկրատական կուսակցությունից. պայմանավորվածություն է խախտվել

Կոտայքի մարզում մեքենան բախվել է գազախողովակներին, մի քանի պտույտ շրջվելով՝ հայտնվել դաշտում. կան վիրավորներ

Անկարան մտադիր է լրացուցիչ С-400 համալիրներ ձեռք բերել Մոսկվայից. Էրդողան

Առաջիկա օրերին ցրտելու է. մի քանի օրից կվերսկսվեն տեղումները՝ քամու ուղեկցությամբ

Գերմանիայում 16 տարում առաջին անգամ անցկացվում են ընտրություններ՝ առանց Մերկելի թեկնածության

«Երբ լսեցի անունս, կյանքս մի քանի վայրկյանում անցավ դիմացովս». «Միսս Աշխարհ Արմենա 2021»-ի հաղթող

Միջազգային հանրության պատշաճ արձագանք Ադրբեջանի կողմից Արցախի հայաթափմանը. Միրզոյանը՝ ՄԱԿ պաշտոնյայի հետ հանդիպմանը

«Արևիք» ազգային պարկի տարածքում հրդեհաշիջման աշխատանքները վերսկսվել են

Գառնիում մեկնարկում է «Համընդգրկուն ժառանգություն» խորագիրը կրող միջոցառում (լուսանկարներ)

Արարատ Միրզոյանը հանդիպել է Սիրիայի արտաքին գործերի և սփյուռքի նախարար Ֆեյսալ Ալ-Միկդադի հետ (տեսանյութ)

Թուրքիայից Ռուսաստան արտահանվող մրգերի ու լոլիկի մեջ հայտնաբերվել են վտանգավոր հարուցիչներ

Արցախում կորոնավիրուսային հիվանդության 2 դեպք է գրանցվել

Արցախյան պատերազմի մասնակիցներին նվիրված ֆոտոպատմության ցուցադրություն կլինի

Անթիլիասի Մայրավանքում մատուցվում է հոգեհանգստի կարգ՝ ի հիշատակ 44-օրյա պատերազմի զոհերի (տեսանյութ)

Հանդիպել են Գուտերեշն ու Միրզոյանը. քննարկվել են տարածաշրջանային կայունության և անվտանգության մասին հարցեր (տեսանյութ)

ԱԺ-ում կորոնավիրուսի դեմ պատվաստվել են պատգամավորներ ու աշխատակիցներ (լուսանկարներ)

Ուկրաինայի հայկական եկեղեցիներում պատերազմի զոհերի հիշատակին նվիրված հոգեհանգստի պատարագներ կմատուցվեն

Սպանություն Երևանում. իր բնակարանում հայտնաբերվել է դանակի մի քանի հարված ստացած տղամարդու դի

ՀՀ ԱԳ նախարարն ու ԵԱՀԿ գործող նախագահը քննարկել են Արցախում ստեղծված իրավիճակը և ծառացած հումանիտար խնդիրները

Կորոնավիրուսային վիճակագրությունը շարունակում է մտահոգիչ մնալ. 925 նոր դեպք է հաստատվել

16 տարվա ընդմիջումից հետո Հայաստանն Օլիմպիական խաղերին կմասնակցի նաև գեղասահքում

Տաթևից Աղվանի 43 կիլոմետրանոց ճանապարհահատվածը պատրաստ կլինի մինչև նոյեմբերի վերջ (տեսանյութ)

Եղվարդի մոտակայքում մեքենան բախվել է գազատարին, հետո սահել ձորակը. կան տուժածներ

Երկկողմ տնտեսական համագործակցության հեռանկարներին են անդրադարձել ՀՀ և Ռումինիայի ԱԳ նախարարները (տեսանյութ)

Արցախում պետական դավաճանության դեպք է բացահայտվել․ Արցախի ԱԱԾ (տեսանյութ)

Գյումրիում «Բալասանյան» դաշինքի թեկնածուի նախընտրական պաստառի համար ծառի ճյուղեր են կտրում (տեսանյութ)

Բացահայտվել են ռազմամթերքի մատակարարման գործում ՀՀ ԶՈՒ բարձրաստիճան պաշտոնյայի լիազորությունները չարաշահելու դեպքեր. ԱԱԾ

Հանդիպումը, որը կայացավ պատերազմից մեկ տարի անց, դրական քայլ է. Ֆրանսիայի ԱԳ նախարարը Միրզոյան-Բայրամով հանդիպման մասին

Ստեփանակերտը Երևանի թիկունքն է ու հենարանը. Հայկ Մարությանի շնորհավորել է Ստեփանակերտի օրը

Հակամարտության կարգավորումը պետք է տեղի ունենա ԵԱՀԿ ՄԽ համանախագահության հովանու ներքո.Միրզոյանը հանդիպել է Նուլանդի հետ

Գյումրեցին անպայման պետք է լսի Ստեփանակերտի թատրոնի ասելիքը. Աճեմյանի բեմում են Արցախի դերասանները