Ովքեր են Գորիսի համայնքապետի թեկնածուները եւ ինչ կենսագրություն ունեն նրանք

22/09/2021 schedule21:08

Սույն թվականի հոկտեմբերի 17-ին մի շարք համայնքներում տեղի են ունենալու ՏԻՄ ընտրություններ: Սյունիքի 4 համայնքներում նույնպես սպասվում են, որոնցից մեկը Գորիս համայնքն է:

Գորիսում ընտրապայքարն ընթանալու է երեք ուժերի միջև՝ «Առուշ Առուշանյան» դաշինք, «Քաղաքացիական պայմանագիր» և «Հայ ազգային կոնգրես» կուսակցություններ:

«Առուշ Առուշանյան» դաշինքի թեկնածուն Գորիսի այժմյան քաղաքապետ Առուշ Առուշանյանն է: Վերջինս ծնվել է 1991թ. մարտի 12-ին, Սյունիքի մարզի Գորիս քաղաքում:

Առուշանյանը 1997-2007թթ. սովորել է Գորիսի Սերո Խանզադյանի անվան թիվ 6 միջնակարգ դպրոցում:

2007 թվականին ընդունվել է Երևանի տնտեսագիտական համալսարանի ազգային տնտեսագիտության ֆակուլտետ և սովորել մինչև 2009 թվականը: Ելնելով նպատակահարմարությունից՝ 2009թ. տեղափոխվել է Գորիսի պետական համալսարան՝ տնտեսագիտության ֆակուլտետ և ավարտել 2011թ.՝ որպես տնտեսագիտության բակալավր:

2012 թվականին ընդունվել է նույն ֆակուլտետի մագիստրատուրան և ավարտել 2014թ.:

2008թ. օգոստոսից հիմնադրել է «Գոր Մետալ» ՍՊԸ-ն:

ՀՀ վարչապետի 2017 թվականի սեպտեմբերի 14-ի որոշմամբ՝ նշանակվել է Գորիս համայնքի ղեկավարի պաշտոնակատար, 2017 թվականի նոյեմբերի 5-ին ընտրվել է համայնքի ղեկավար։

Այժմ կալանավորված է: Ըստ ՀՔԾ-ի՝ մեղադրվում է արտահերթ ընտրությունների ժամանակ ընտրական իրավունքի իրականացմանը խոչընդոտելուն օժանդակելու, ընտրողներին կաշառք տալուն օժանդակելու և նախապատրաստելու համար։ Առուշանյանը մեղադրանքը չի ընդունում:

Իշխող «Քաղաքացիական պայմանագիր» կուսակցության թեկնածուն Գորիսում Վլադիմիր Աբունցն է: Նա ծնվել է 1975թ. ապրիլի 23-ին, Գորիսում։

1992թ.-ին ավարտել է Գորիսի թիվ 5 միջնակարգ դպրոցը։

1993-1994թթ. ծառայել է Հայկական բանակում՝ մասնակցելով Հայաստանի Հանրապետության և Արցախի Հանրապետության հարավային սահմաններում տեղի ունեցած մարտական գործողություններին։

1996թ.-ին ավարտել է Գորիսի «Սյունիք» ինստիտուտի իրավաբանական ֆակուլտետը։

2012թ.-ին ավարտել է Գորիսի պետական համալսարանի Իրավագիտության ֆակուլտետը։

Աշխատանքային գործունեությունն սկսել է Գորիսի «Բաց շուկա» ընկերությունում՝ որպես մառանապետ։

1998-2002թթ. աշխատել է ՀՀ մաքսային վարչության Սյունիքի տարածաշրջանային մաքսատան մաքսային հսկողության բաժնում՝ որպես մաքսային տեսուչ, իսկ 2002թ.-ից՝ որպես ավագ մաքսային տեսուչ՝ ստանալով ՄԾ ավագ լեյտենանտի կոչում։ 2016-2018թթ. աշխատել է նույն բաժնում՝ որպես գլխավոր մաքսային տեսուչ՝ ստանալով ՄԾ կապիտանի կոչում։

2018թ.-ին նշանակվել է Սյունիքի տարածաշրջանային մաքսատան Բեռների և տրանսպորտային միջոցների զննման բաժնի պետ՝ ստանալով ՄԾ մայորի կոչում։

2019թ.-ին նշանակվել է Հարավային մաքսատուն-վարչության Մեղրիի մաքսային կետ-բաժնի պետ՝ ստանալով ՄԾ փոխգնդապետի հատուկ կոչում։

Ամուսնացած է, ունի մեկ որդի։

ՀԱԿ-ի համայնքապետի թեկնածուն Կարեն Լազարյանն է: Լազարյանը ծնվել է 1979թ. նոյեմբերի 7-ին, Գորիս քաղաքում:

Գորիսի N 3 միջնակարգ դպրոցն ավարտելուց հետո՝ 1996 թ., ընդունվել է Ֆիզիկական կուլտուրայի հայկական պետական ինստիտուտ, որն ավարտել է 2000 թվականին՝ ստանալով Ֆիզիկական կուլտուրայի դասատուի եւ աթլետիկայի մարզչի որակավորում:

Այնուհետեւ զորակոչվել է բանակ եւ 2000-2002թթ. ծառայել Արմավիրում, Վայքում և Խաչիկում (պահեստազորի լեյտենանտ է):

Զորացրվելուց մեկ տարի անց, որպես ֆիզիկական կուլտուրայի դասախոս, աշխատանքի է անցել «Գորիսի պետական քոլեջ» ՊՈԱԿ-ում:

2009թ. ապրիլի 14-ին մրցույթով ընտրվել է նույն քոլեջի տնօրեն, վերընտրվել՝ 2015թ. հոկտեմբերի 6-ին եւ 2021թ. մարտի 30-ին:

Աշխատանքին զուգահեռ 2010-2015թթ. սովորել է Գորիսի պետական համալսարանի պատմաիրավագիտական ֆակուլտետի իրավագիտության բաժնում՝ ստանալով ուսուցչի, մանկավարժության բակալավրի աստիճան՝ «Իրավագիտություն» մասնագիտությամբ:

2015-2018 թվականներին աշխատանքին զուգահեռ սովորել է Երեւանի Խ. Աբովյանի անվան հայկական պետական մանկավարժական համալսարանի բանասիրական ֆակուլտետի մագիստրատուրայում՝ 2018թ. փետրվարի 2-ին ստանալով մագիստրոսի աստիճան՝ «Հայոց լեզու եւ գրականություն» մասնագիտությամբ:

2008թ. հոկտեմբերի 12-ին ընտրվել է Գորիս քաղաքի ավագանու անդամ:

2016թ. սեպտեմբերի 18-ին ընտրվել է նորակազմ Գորիս խոշորացված համայնքի ավագանու անդամ:

2014թ. ապրիլի 4-ին ՀՀ պաշտպանության նախարարի հրամանով պարգեւատրվել է «Գարեգին Նժդեհ» մեդալով, 2015թ. դեկտեմբերի 30-ին՝ պատվոգրով՝ «Մատաղ սերնդի հայրենասիրական դաստիարակության գործում ունեցած մասնագիտական առաջընթացի եւ ներդրած կազմակերպչական աշխատանքների համար», 2017թ. հունվարի 25-ին՝ «Վազգեն Սարգսյան» մեդալով:

2015թ. հունվարի 6-ին մեկ տարի ժամանակով ստանձնել է Գորիսի Սուրբ Գրիգոր Լուսավորիչ եկեղեցու «Խաչի քավորի» պարտականությունը:

Մասնակցել է Արցախյան երրորդ պատերազմի մարտական գործողություններին:

Ամուսնացած է 2006 թվականից, ունի չորս զավակ:

Անյուտա Աթանեսյան

Տպել
6954 դիտում

Քանի մարդ է մինչ այժմ պատվաստվել Երևանում. քաղաքապետարանը հրապարակել է ընդհանուր թիվը

Նախնական արդյունքներով՝ ՔՊ կուսակցությունը Գյումրու ավագանիում կունենա 11 մանդատ. Սարուխանյան

Իսպանիան դիվանագիտական ներկայացուցչություն կբացի Երևանում. Իսպանիայի ԱԳ նախարար

Արցախում կորոնավիրուսով վարակված 11 հիվանդի վիճակը ծայրահեղ ծանր է, 30-ինը՝ ծանր

Վազաշեն գյուղի հարակից հատվածում հայտնաբերվել է տղամարդու դի՝ ծեծված վիճակում, վնասվածքներով. ՔԿ

Մեր երկրների միջև կա արդյունավետ համագործակցություն. Պուտինն ուղերձ է հղել հայ-ռուսական ֆորումի բացման կապակցությամբ

Վահրամ Դումանյանի հրամանով՝ ԿԳՄՍՆ ՊՈԱԿ-ի տնօրենի պարտականությունները կկատարի Արմեն Հովհաննիսյանը

Սաքսոֆոնահար Ֆեդերիկո Մոնդելչին գալիս է Հայաստան՝ Ազնավուրին և Թարիվերդիևին նվիրված նախագծով

Նիկոլ Փաշինյանի որոշմամբ՝ ՌԴ կգործուղվեն Ռուստամ Բադասյանը, Աշոտ Մուրադյանը և Շուշանիկ Ներսիսյանը

Ատոմակայանը միացվել է Հայաստանի էներգահամակարգին

ՔՏՀԱ-ն պարզաբանել է՝ ինչու են այսօր 55 համարի միկրոավտոբուսից ուղևորներն իջեցվել, իսկ մեքենան՝ տեղափոխվել ոստիկանություն

ԱՆ-ն հրապարակել է Հայաստանում կորոնավիրուսի դեմ պատվաստվածների ընդհանուր թիվը՝ հոկտեմբերի 17-ի դրությամբ

Սյունիքում կայացած ՏԻՄ ընտրությունների վերաբերյալ ստացվել է հանցագործության 10 ահազանգ, հարուցվել է 1 քրգործ

Ռոբերտ Քոչարյանի գործով դատավոր Նարինե Հովակիմյանը բացարկ չհայտնեց

Հայտնի են Շամիրամ և Ֆիոլետովո համայնքների ղեկավարների անունները

Դժբախտ պատահար Վանաձորում. բեռնիչի կողաշրջման հետևանքով վարորդը մահացել է

ԿԳՄՍ նախարարի հրամանով հաստատվել է դպրոցական արձակուրդների ժամանակացույցը

Վլադիմիր Հովհաննիսյանն ազատվել է ՀՔԾ պետի տեղակալի պաշտոնից

Հաստատվել է կորոնավիրուսային հիվանդության 1192 նոր դեպք, գրանցվել է 27 մահ

Քորթնի Քարդաշյանը նշանադրվել է (լուսանկարներ)

ԿԸՀ-ն հրապարակել է բոլոր 6 համայնքներում կայացած ՏԻՄ ընտրությունների նախնական արդյունքները

ՎՏԲ-Հայաստան բանկը հայտարարում է հիփոթեքային վարկավորման արտոնյալ պայմանների մասին

Գյումրիի ՏԻՄ ընտրություններում առերևույթ ընտրախախտումների վերաբերյալ 20 հաղորդումներից 4-ով նյութեր են նախապատրաստվում

Երկար ժամանակով լույս չի լինելու Երեւանի և 6 մարզերի մի շարք հասցեներում

Գեղարքունիքի մարզ ներխուժած ադրբեջանական զինված ուժերը կառուցել են մեծ ապաստարաններ, բետոնապատել ճանապարհը. ՄԻՊ

Հայտնի են Գորիսում կայացած ՏԻՄ ընտրությունների նախնական արդյունքները

Հայտնի են Գյումրիի ՏԻՄ ընտրություններում անցողիկ շեմը հաղթահարած 5 քաղաքական ուժերը

«Քաղաքացիական պայմանագիրը» հայտնում է երեք համայնքում գրանցած հաղթանակի մասին

Անցած 1 օրում հրշեջ-փրկարարները 4 հրդեհ են հանգցրել 3 քաղաքներում

Մեղրիում կայացած ՏԻՄ ընտրություններում, նախնական տվյալներով, հաղթել է «Հանրապետություն» կուսակցությունը

Սյունիքի մարզի Տեղ և Տաթև համայնքներում հաղթել են «Քաղաքացիական պայմանագիր» կուսակցության թեկնածուները

Դիլիջանում 57% ձայնով հաղթել է «Քաղաքացիական պայմանագիր» կուսակցության թեկնածուն

Գյումրու ՏԻՄ ընտրությունների արդյունքները 61 ընտրատեղամասերից (թարմացվող)

ՏԻՄ ընտրություններում արձանագրված խնդիրները ՄԻՊ-ը կամփոփի և կուղարկի իրավասու մարմիններին

Հայտնի է Գյումրու ՏԻՄ ընտրությունների նախնական պատկերը (թարմացվող)

ՏԻՄ ընտրություններին ժամը 20։00-ի դրությամբ մասնակցել է ընտրողների 33,23 տոկոսը

Հայտնի է Գյումրու ՏԻՄ ընտրությունների նախնական պատկերը

Գյումրիում 109.453 ընտրելու իրավունք ունեցող քաղաքացուց այսօր ընտրատեղամաս է գնացել 26.417 մարդ

Ոստիկանությունն առաջարկում է 10 տարվա փոխարեն անձնագրերը տրամադրել ընդամենը 2 տարվա վավերականության ժամկետով

Ժաննա Անդրեասյանը՝ տարակարգի և կամավոր ատեստավորման նկատմամբ ուսուցիչների հետաքրքրությունների մասին