Երևան
12 °C
Ռուսաստանը դադարեցնում է ՆԱՏՕ-ում իր առաքելության աշխատանքը: Այս մասին հայտարարել է ՌԴ արտգործնախարար Սերգեյ Լավրովը:
Մոսկվայում նաև կդադարեցվի դաշինքի ռազմական առաքելության և դրա տեղեկատվական բյուրոյի գործունեությունը: Սա պատասխան է ՆԱՏՕ-ում Ռուսաստանի առաքելության կրճատմանը: ԶԼՄ-ները ավելի վաղ հայտարարել էին հենց նման պատասխանի մասին:
«Ի պատասխան ՆԱՏՕ-ի գործողությունների՝ մենք դադարեցնում ենք ՆԱՏՕ-ում մեր մշտական առաքելության աշխատանքը, ներառյալ՝ գլխավոր ռազմական ներկայացուցչի աշխատանքը: Հավանաբար դա կլինի նոյեմբերի 1-ից կամ ևս մի քանի օր էլ կտևի, բայց նոյեմբերի սկզբին աշխատանքը կավարտվի»,- ասել է Լավրովը Մոսկվայում կայացած մամուլի ասուլիսում:
«Մենք կասեցնում ենք նաև Մոսկվայում ՆԱՏՕ-ի ռազմական կապի առաքելության գործունեությունը, նրա աշխատակիցների հավատարմագրումը չեղյալ է հայտարարվում այս տարվա նոյեմբերի 1-ից: Եվ բացի այդ, կդադարեցվի ՆԱՏՕ-ի տեղեկատվական բյուրոյի գործունեությունը Մոսկվայում, որը ստեղծվել է Բելգիայի Թագավորության դեսպանատանը»,-«Ինտերֆաքսի» մեջբերմամբ՝ շարունակել է նախարարը:
Ինչո՞ւ կայացվեց նման որոշում
Բանն այն է, որ հոկտեմբերի 6-ին ՆԱՏՕ-ի ղեկավարությունը որոշեց կիսով չափ կրճատել ռուսական առաքելությունը կազմակերպությունում, վտարել 8 ռուս դիվանագետների և վերացնել ևս երկու պաշտոն: Մինչ այդ, Բրյուսելում Ռուսաստանի մշտական ներկայացուցչությունը կազմված էր 20 հոգուց, ուստի այն պետք է կրճատվեր մինչև 10 դիվանագիտական անձնակազմ:
BBC-ն գրում է, որ ՆԱՏՕ-ի խոսնակն այն ժամանակ որպես պարզաբանում ասել է, թե առաքելության 8 աշխատակիցներին զրկել են հավատարմագրումից, քանի որ նրանք ռուսական հետախուզության չհայտարարված անդամներ են:
Հաջորդ օրը ՆԱՏՕ-ի գլխավոր քարտուղար Յենս Ստոլտենբերգը, ըստ էության, հաստատեց խոսնակի խոսքերը.
«Մենք չեղյալ համարեցինք ՆԱՏՕ-ում Ռուսաստանի առաքելության 8 անդամների հավատարմագրումը, որոնք ռուսական հետախուզության չհայտարարված անդամներ էին: Այս որոշումը կապված չէ որևէ կոնկրետ իրադարձության հետ»,- ասել է Ստոլտենբերգը:
Sky News-ը նշում է, որ ՆԱՏՕ-ն կիսով չափ կրճատել է Ռուսաստանի առաքելությունը դաշինքում՝ ի պատասխան Ռուսաստանի կողմից ենթադրյալ թշնամական գործողությունների:
«Կոմերսանտ» -ը, վկայակոչելով իր աղբյուրները, ավելի վաղ էր հայտնել, որ Ռուսաստանը կարող է ամբողջությամբ փակել ՆԱՏՕ-ի իր մշտական առաքելությունը՝ ի պատասխան Բրյուսելից 10 ռուս դիվանագետների վտարման:
Ենթադրելի է, որ պատասխան միջոցները կազդեն Մոսկվայում ՆԱՏՕ-ի ռազմական կապերի առաքելության վրա, որը ստեղծվել է 2002 թվականին և գործում է Բելգիայի դեսպանատան հովանու ներքո: Նրա աշխատակիցներն օժտված են դիվանագիտական անձեռնմխելիությամբ: ՆԱՏՕ-ի կայքում նշվում է, որ առաքելությունը բաղկացած է 13 հոգուց, սակայն, ըստ թերթի, իրականում նրանց կեսից էլ պակասն է աշխատում:
«Եթե ՆԱՏՕ-ում՝ կառույցի ներսում, ՌԴ-ի հետ կապված հրատապ խնդիրներ լինեն, նրանք կարող են դիմել Բելգիայում մեր դեսպանին այդ հարցերով: Դեսպանն ապահովում է երկկողմ հարաբերությունները»,- երկուշաբթի ասել է Լավրովը:
ՌԴ ԱԳՆ կայքում տեղադրված հաղորդագրության մեջ ասվում է, որ դաշինքի հայեցողությամբ Մոսկվայում ՆԱՏՕ-ի անդամ երկրների դեսպաններից ցանկացած մեկը կարող է կատարել կառույցի հետ կապված դիվանագիտական գործառույթներ:
ՆԱՏՕ-ն ի գիտություն է ընդունել Լավրովի խոսքերը՝ դիվանագիտական ներկայացուցչությունների փոխադարձ փակման մասին, սակայն Մոսկվայից դեռ պաշտոնական ծանուցումներ չի ստացել: Այս մասին էլ հայտարարություն է տարածել Հյուսիսատլանտյան դաշինքի մամուլի ծառայությունը:
Մոսկվայում ՆԱՏՕ-ի առաքելությունը կոչված էր նպաստելու Բրյուսելում դաշինքի ռազմական կոմիտեի և Ռուսաստանի պաշտպանության նախարարության երկխոսությանը և փոխազդեցությանը:
Կոնֆլիկտի նախապատմությունը
Ռուսաստանի և ՆԱՏՕ-ի միջև ռազմական համագործակցությունը սառեցվել է դեռ 2014-ի ապրիլին դաշինքի նախաձեռնությամբ, որն այդպիսով արձագանքել էր Ղրիմի «բռնակցմանը» (ըստ կառույցի):
ՆԱՏՕ-ում Ռուսաստանի դիվանագիտական ներկայացուցչությունը ստեղծվել է 1998 թվականին: 2002 թվականի մայիսին ստեղծվել է Ռուսաստան-ՆԱՏՕ խորհուրդը: Այս մարմինների մասնակցությամբ ստորագրվել են մի քանի պայմանագրեր ռազմատեխնիկական համագործակցության և համատեղ վարժանքներ անցկացնելու վերաբերյալ:
Դաշինքի և Ռուսաստանի միջև հարաբերությունները սկսեցին վատթարանալ 2008 թվականի օգոստոսին՝ Վրաստանում պատերազմի ֆոնին, այնուհետև Ռուսաստան-ՆԱՏՕ խորհրդի գործունեությունը կասեցվեց, բայց հետագայում վերսկսվեց:
2014-ի մարտին՝ Ղրիմի հարցի ի հայտ գալուց հետո, Ռուսաստանի հարաբերությունները ՆԱՏՕ-ի հետ կրկին սրվեցին: Դաշինքը սահմանափակել էր Ռուսաստանի հետ քաղաքացիական և ռազմական համագործակցության բոլոր ձևերը, և 2014-ի սեպտեմբերին՝ սառը պատերազմի ավարտից հետո, առաջին անգամ Ռուսաստանը չհրավիրվեց ՆԱՏՕ-ի գագաթնաժողովին: Դաշինքում Ռուսաստանի մշտական առաքելության թիվը սկսեց կտրուկ նվազել:
2018 թվականին ՆԱՏՕ-ում Ռուսաստանի մշտական ներկայացուցիչ Ալեքսանդր Գրուշկոն ազատվեց զբաղեցրած պաշտոնից, և այդ ժամանակվանից մինչ հիմա ներկայացուցչի պաշտոնը թափուր է մնում:
2018-ի մարտի վերջին Ստոլտենբերգը հայտարարեց ՆԱՏՕ-ում Ռուսաստանի առաքելության յոթ անդամների վտարման և ևս երեքի հավատարմագրման երկարացումը մերժելու մասին: Մինչ այդ ավելի քան 20 երկիր հայտարարել էին տասնյակ ռուս դիվանագետների արտաքսման մասին՝ ի նշան Բրիտանիայի հետ համերաշխության՝ Սերգեյ Սկրիպալի եւ նրա դստեր թունավորման դեպքի հետ կապված:
«Տասը տարի առաջ՝ 2011-ի հունիսին, պաշտպանության նախարարների մակարդակով ՆԱՏՕ-Ռուսաստան խորհրդի նիստից առաջ ՆԱՏՕ-ի այն ժամանակվա գլխավոր քարտուղար Անդերս Ֆոգ Ռասմուսենն ասաց, որ կողմերի ամենակարևոր ձեռքբերումը, որոնց հետ նրանք եկել են այս հանդիպմանը, այն է, որ նրանք դադարել են միմյանց իրար համար սպառնալիք համարել:
Այնուհետ կողմերը պատրաստել են փաստաթուղթ՝ «21-րդ դարի անվտանգության ընդհանուր սպառնալիքների համատեղ վերանայում»: Սա այն պահն էր, երբ կողմերը քննարկել են ոչ միայն Մոսկվային հուզող հարցերը (դաշինքի ընդլայնում և եվրոպական հակահրթիռային պաշտպանություն), այլ նաև սուզանավերի և մարտական ինքնաթիռների մասնակցությամբ համատեղ զորավարժություններ են պլանավորել:
10-ը տարի անց կողմերի հարաբերությունները հավասարվել են 0-ի
ՆԱՏՕ-ի և Ռուսաստանի միջև հարաբերությունների կտրուկ վատթարացում տեղի ունեցավ 2014-ից հետո, այնուհետ Բրյուսելը ամբողջությամբ սառեցրեց ռազմական համագործակցությունը՝ թողնելով միայն դիվանագիտական ուղին: Հարաբերությունները փոքր-ինչ բարելավվեցին 2016 թվականին, երբ վերսկսվեց մշտական ներկայացուցիչների մակարդակով խորհրդի նիստեր անցկացնելու պրակտիկան. անհրաժեշտ էր լուծել Աֆղանստանում և Ուկրաինայում ստեղծված իրավիճակի հրատապ խնդիրները:
Այնուամենայնիվ, փոխադարձ պահանջները ոչ միայն չվերացան, այլ ավելի բարդացան: Մինչև 2030 թվականը դաշինքի նոր ռազմավարությունը, որը կազմվել և ներկայացվել է 2020 թվականի դեկտեմբերին, մասնավորապես ասում է՝ փաստ է, որ Ռուսաստանը «անօրինական կերպով միացրել է Ղրիմը և ներխուժել ու գրավել Ուկրաինայի արևելքը», շարունակում է զբաղեցնել Վրաստանի միջազգայնորեն ճանաչված տարածքի մի մասը և խոչընդոտում է Վրաստանի և Ուկրաինայի մերձեցմանը ՆԱՏՕ-ի հետ, ամրապնդում է իր ուժերը Բալթիկ ծովում, Սև ծովում և Արկտիկայում և, ընդհանրապես, «խորհրդային ժամանակաշրջանի իր տիրապետության վրա հեգեմոնություն է փնտրում»:
Դաշինքի նկատմամբ Ռուսաստանի վերաբերմունքն էլ պակաս վատը չէ: Կողմերը զորավարժություններ են անցկացնում, որոնցում նրանք միմյանց դեմ ռազմական գործողություններ են իրականացնում, ռազմական ինքնաթիռներն անընդհատ թռչում են սահմանների մոտ: Ի վերջո, այս ամբողջ առճակատումը հանգեցրեց դիվանագիտական հարաբերությունների իսպառ կասեցմանը:
Միջազգային փորձագետների կարծիքով՝ պետությունների կամ ռազմական դաշինքների միջև անմիջական հաղորդակցության ուղիները կարևոր են առաջին հերթին հակամարտությունների սրումը կանխելու համար: Երկրորդ, դրանք ծառայում են միմյանց մտադրությունների՝ գոնե ինչ-որ մակարդակի հասկացմանը, հակառակ դեպքում կողմերը սկսում են միմյանց նայել միայն այլ տեսադաշտից՝ կասկածելով հակառակորդին պատերազմի պատրաստվելու մեջ և հաշվի առնելով նրա ցանկացած քայլ այս համատեքստում: Այդ իսկ պատճառով մինչև վերջերս կողմերի համար շատ կարևոր էր պահպանել գոնե որոշակի շփումներ:
Թե ինչպիսին կլինի կառույցի և ՌԴ-ի հետագա աշխատանքը, ցույց կտա ժամանակը:
«Հայկական Ժամանակ»-ը Telegram-ումԵրևանում օդում փոշու պարունակությունը մայիսի 11-ին 3.9 անգամ գերազանցել է սահմանային թույլատրելի կոնցենտրացիան
Հրաշք Սյունիք. Գագիկ Սուրենյանը լուսանկար է հրապարակել
Դատախազությունը «Սևքարի անտառտնտեսություն» մասնաճյուղի նախկին տնօրենից բռնագանձման պահանջ է ներկայացրել
«Հոկտեմբերի 27»-ի գործով քննչական խումբը այնպիսի ինֆորմացիայի է տիրապետում, որ ոչ մի տեղ չեք գտնի. Քոչարյան
Գառնիում մեքենաներ են բախվել. ընտանիքի 3 անդամ տեղափոխվել է հիվանդանոց
Որքան գումար են հետ ստացել հունվարի 1-ից մինչև օրս հայտարարագիր լրացրած քաղաքացիները. վարչապետը թվեր է հայտնել
Պետական դավաճանության վերաբերյալ քրեական վարույթներ կան. ՔԿ նախագահը՝ 44-օրյա պատերազմի մասին
Ամփոփվել են ՀՀ մարզերի և Երևան քաղաքի՝ առաջին անգամ իրականացվող մարզական վարկանիշավորման արդյունքները
Աննա Պետրոսյանն ընտրվել է Մրցակցության պաշտպանության հանձնաժողովի անդամ
Լիլիթ Աղեկյանը բազմաթիվ առերևույթ հանցանքներ է կատարել. ՔԿ նախագահը պարզաբանել է՝ ինչու է նա կալանավորվել
Դոլարն ու եվրոն էժանացել են. ի՞նչ փոփոխություններ է արձանագրել տարադրամի շուկան մայիսի 12-ին
Առաջարկվում է ժամկետային զինվորական ծառայության սահմանային տարիքը 27-ից դարձնել 37
ՎՏԲ-Հայաստան Բանկը 2,5 անգամ ավելացրել է հաճախորդի վարկային պատմության հիման վրա տրվող վարկերի ծավալը
Լոռիում էլեկտրալարերը պոկվել ու ընկել են. հոտն արածեցնող հովիվը մահացել է, մի քանի անասուն՝ սատկել
«Հոկտեմբերի 27»-ի գործով հարցաքննվել է Ժիրայր Սեֆիլյանը
Ծառայել 1 ամիս և վճարել 20 մլն դրամ․ Հայկ Սարգսյանն առաջարկում է ժամկետային զինծառայության 3 տարբերակ
«Հոկտեմբերի 27»-ի և «Մարտի 1»-ի գործերով ժողովուրդը սպասելիքներ ունի, կհրապարակվի կոնկրետ արդյունքը. Պողոսյան
Բանկային խարդախությունների հիմնական դերակատարները ՀՀ-ից դուրս են. ՔԿ նախագահ
Անհետ կորած զինծառայողների շրջանում ունենք նույնականացված անձինք, որոնց ծնողները հուղարկավորել են. ՔԿ նախագահ
Յամալում նավթի հորատման հարթակը հրդեհվել ու փլուզվել է. կան տուժածներ. տեսանյութ
Հայաստանը և Չինաստանն այս պահին գտնվում են հարաբերությունների էական զարգացման փուլում. Միրզոյանը՝ դեսպանին
Մարզիկներն արդարացրին իրենց. Հայաստանի կարատեի ֆեդերացիայի նախագահ
Հորդառատ անձրև, ամպրոպ, կարկուտ, քամի. առաջիկա օրերի եղանակային կանխատեսումը
Վայոց ձորում դանակահարություն է տեղի ունեցել. պատճառը՝ տուժածի աղջկա լուսանկարները «TikTok»-ում տեղադրելը
Այլևս չեմ կատարում ԲՏԱ նախարարի մամուլի քարտուղարի պարտականությունները. Տերտերյան
Լեհաստանը կփակի Կրակովում Ռուսաստանի հյուպատոսությունը. ռուսական կողմն արձագանքել է
Իվետա Մուկուչյանը պարզաբանել է իր հղիության մասին լուրերը
Ի՞նչ բացահայտումներ կան Արարատ Միրզոյանի դեմ 2020 թվականին իրականացրած սպանության փորձի գործից․ մանրամասներ
Հօգուտ Հայաստանի բռնագանձվել է ավելի քան 50,7 հազար եվրոյին համարժեք 22 մլն դրամ. վարչապետ
Թալանի արքաներին ՀՀ ճակատագիրը երբեք չի հուզել. տվայտվեցին, երբ սկսվեց ապօրինի գույքի բռնագանձումը. Չախոյան
Անհետ կորած 2-ամյա Տիգրանի որոնողական աշխատանքները վերսկսվել են, ստուգվել է պապի հեռախոսին ստացված զանգը
Հայաստանի ներկայացուցիչ Պարգը՝ «Եվրատեսիլ 2025»-ի պաշտոնական բացման արարողությանը
Ավտովթար Նոր Երզնկա-Աշտարակ ավտոճանապարհին. կա տուժած
Գառներին պահ տվեցին գայլին. Կոնջորյանը՝ Հովիկ Աբրահամյանի գլխավորությամբ Կոռուպցիայի դեմ պայքարի խորհրդի մասին
Ի՞նչ է Դատախազությունը պահանջում բռնագանձել Ռոբերտ Քոչարյանից և նրա ընտանիքից․ մանրամասներ
Գազամատակարարման պլանային դադարեցում Երևանի որոշ հասցեներում
Ընդդիմադիր թևն այլևս չի խոսում ԼՂ-ից, Կարսից. դա Իրական Հայաստանի հաղթանակի վառ վկայությունն է․ Ալեքսանյան
Կոտայքում «ՈՒԱԶ»-ը դուրս է եկել հանդիպակաց երթևեկելի գոտի, ապա բախվել այլ մեքենայի
Կատարի թագավորական ընտանիքը պատրաստվում է Թրամփին 400 մլն դոլար արժողությամբ ինքնաթիռ նվիրել
Իրար աչքերի մեջ շուտ-շուտ նայեք ու կտեսնեք ԼՂ-ի հանձնումը․ Հովհաննիսյանը՝ ընդդիմությանը
© 2025 Հայկական ժամանակ
Website by MATEMAT