Հոգեբանական խնդիրներն անտեսվում են. կնքվեց «Հոգեկան առողջություն» կոալիցիոն հուշագիր, Աննա Հակոբյանը ևս ներկա էր

Հայաստանում և ամբողջ աշխարհում հոգեբանական առողջության խնդիրներն այդքան էլ ուշադրության կենտրոնում չեն: Հասարակության մեջ նման խնդիրներ ունեցող մարդիկ անհրաժեշտ ուշադրության չեն արժանանում, երբեմն էլ՝ անգամ պիտակավորվում: Բացի դրանից, շատ քիչ են անհրաժեշտ մասնագիտական կարողություններին տիրապետող հոգեկան առողջության բուժմամբ զբաղվող մասնագետները:

Ոլորտում առկա խնդիրների մասին արձանագրում է նաև ՀՀ առողջապահության նախարարությունը և ուշադրության տակ է առել դրանք: 

Ըստ այդմ՝ այսօր կնքվեց «Հոգեբանական առողջություն» կոալիցիա անդամ-կազմակերպությունների միջև համագործակցության հուշագիր։ Արարողությանը ներկա էին ՀՀ վարչապետի տիկին Աննա Հակոբյանը, ՀՀ առողջապահության նախարար Անահիտ Ավանեսյանը, «Հայկական հոգեբուժական ասոցիացիայի» նախագահ Արմեն Սողոյանը, Հայաստանում ԱՀԿ գրասենյակի ներկայացուցիչը։ Միջոցառմանը ներկա էին նաև ՀՀ-ում գործող տարբեր հոգեբանական կազմակերպությունների և կենտրոնների տնօրեններ, ներկայացուցիչներ:

Հուշագրի ստորագրումը, ՀՀ առողջապահական գերատեսչության ղեկավարի խոսքով, խոսում է, որ հոգեբանական առողջության խնդիրներ կան, և դրանց պետք է բովանդակային ու ֆինանսական առումով լուծումներ տալ։

Նա լրագրողների հետ զրույցում ընդգծեց՝ ստեղծված կոալիցիան ունի երեք կարևոր նպատակ՝ համախմբել ոլորտում աշխատող հետաքրքրված թե՛ մասնագիտական կառույցներին, թե՛ պրակտիկ բուժմամբ զբաղվողներին, միջազգային կազմակերպություններին: Նրանք պետք է  վեր հանեն, բարձրաձայնեն ոլորտի խնդիրները: «Պետք է հասկանալ՝ ինչպիսի օրենսդրական, ֆինանսական, մշակույթի փոփոխության, բուժման ընթացքին վերաբերող հարցեր կան, որոնք մենք միասին պետք է կարգավորենք»,- ասաց նախարարը:

Անահիտ Ավանեսյանը նշեց՝ առողջությունը մարդու ընդհանուր լավ լինելն է, որի մեջ կարևոր է նաև հոգեբանական առողջությունը: Նրա խոսքով՝ Հայաստանում տեղի ունեցած վերջին երկու արտակարգ դեպքերը՝ պատերազմը և կորոնավիրուսային հիվանդության պատճառով ստեղծված իրավիճակը, ապացուցեին՝ հոգեբանական առողջության ոլորտում խնդիրներ կան:

«Ամբողջ աշխարհում և Հայաստանում հոգեկան առողջության խնդիրներն այդքան ուշադրության կենտրոնում չեն եղել: Սակայն մենք աշխատում ենք ոլորտը կարգավորելու հարցում: Վերջին երեք տարիների ընթացքում, օրինակ, Աբովյանի մանկական հոգեբուժական կենտրոնն ենք վերաբացել: Վերանորոգել ենք հոգեկան առողջության ազգային կենտրոնը: Պետությունը, իր կողմից ուշադրություն դարձնելով հոգեբանական առողջության հետ կապված խնդիրներին, կնպաստի դրանց արագ լուծմանը»,- վստահեցրեց նա:

Առողջապահական գերատեսչության ղեկավարի խոսքով՝ կոալիցիան նպատակ է ունենալու կարգավորել ոլորտի մասնագիտական կարողությունների հետ կապված խնդիրները, անհրաժեշտ մասնագետների առկայությունը ոլորտում: Ավանեսյանը նշեց՝ պետք է բուժական ավելի լավ մեթոդներ ներառել, խնամքը տարանջատել ստացիոնար բուժումից. «Հոգական առողջության խնդիրներ ունեցող մարդկանց պիտակավորմանը պետք է վերջ դնել, իրազեկենք, որ նման խնդիրների դեպքում ժամանակին պետք է դիմել: Եթե մարդը վաղ դիմի օգնության, ապա լուրջ հոգեբանական խնդիր ունենալու հատվածը կարող է հաղթահարել»:

Նախարարը շնորհակալություն հայտնեց նաև Աննա Հակոբյանին՝ իր ներկայությամբ աշխատանքի կարևորությունը ընդգծելու համար: Հայկական հոգեբուժական ասոցիացիայի նախագահ Արմեն Սողոյանն էլ հավելեց, որ, առհասարակ, ազդեցիկ անձանց, բարձրաստիճան պաշտոնյաների ներգրավվածությունը պայման է ապահովում, որ հոգեկան առողջության խնդիրներն ավելի շատ բարձրաձայնվեն ու լուծում ստանան: Նա փաստեց, որ ՀՀ-ում միայն 22 հազարից ավելի հոգեկան առողջության հետ կապված խնդիր ունեցող անձինք այդ խնդիրների հետևանքով ձեռք են բերել նաև հաշմանդամություն։

Մասնագետի խոսքով՝ պետք է այնպես անել, որ մարդիկ, կարծրատիպերից կամ ամոթի զգացումից ելնելով, ոչ թե չդիմեն անհրաժեշտ մասնագետներին, այլ հակառակը՝ դիմեն ժամանակին և ստանան համապատասխան անհրաժեշտ բուժումը:

«Կար ժամանակ՝ երազանք էր. առողջապահության ոլորտի ամենաբարձր պաշտոնյայի մակարդակով պատրաստակամություն է ցուցաբերվել զբաղվել ոլորտի խնդիրներով: Կոալիցիան լինելու է հարթակ, որտեղ ոլորտի բոլոր կազմակերպությունները համատեղում են իրենց մասնագիտական հմտությունները: Շատ կարևորում ենք տիկին Աննա Հակոբյանի մասնակցությունը այս կոալիցիայի ստեղծմանը: Հետևաբար կարող ենք փաստել, որ պատրաստ ենք կարգավորել ոլորտում առկա բացերն ու խնդիրները»,- ասաց նա:

Կոալիցիայի մեջ ընդգրկված է ոլորտի 43 կազմակերպություն: Սողոյանը ընդգծեց՝ չկա տեղեկատվություն՝ մարզերում ի՞նչ ռեսուրսներ կան ոլորտի խնդիրների լուծման համար: Չկան տվյալներ նաև, թե ՀՀ-ում հոգեբանական առողջության քանի՞ ծառայություն կա: Կոալիցիան ուղղված է նաև դրանք կարգավորելուն:

Հայաստանում ԱՀԿ ներկայացուցիչ Ժիհան Թաուիլան նույնպես նշեց՝ հոգեկան առողջության խնդիրը իսկապես մտահոգության առարկա է: Նա նկատեց, որ նախաձեռնությունը շատ կարևոր է, քանի որ աշխարհի փոփոխվելուն զուգընթաց ավելանում է հոգեկան առողջություն ունեցող անձանց թիվը: «Ամեն օր մենք ականատես ենք լինում հոգեկան առողջության խնդիրներին։ Մարդկանց 5-ից մեկը տառապում է այս հիվանդությամբ»,- հավելեց նա:

Առողջապահության համաշխարհային կազմակերպության տվյալներով՝ եվրոպական տարածաշրջանում 150 մլն մարդ ապրում է հոգեկան առողջության խնդիրներով:

Մերի Խաչատրյան

Տպել
1740 դիտում

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար