Երևան
12 °C
Վարչապետ Նիկոլ Փաշինյանը մասնակցել է Եվրասիական Բարձրագույն տնտեսական խորհրդի հերթական նիստին, որն անցկացվել է տեսակապի միջոցով: Նիստին մասնակցել են նաև Ռուսաստանի Դաշնության նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաևը, Ղրղզստանի նախագահ Սադիր ժապարովը, Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը:
Այս մասին տեղեկացնում է ՀՀ կառավարությունը:
ԵԱՏՄ-ում որպես դիտորդ պետություններ՝ ելույթներով հանդես են եկել Ուզբեկստանի Հանրապետության նախագահ Շավքաթ Միրզիյոևը, Կուբայի Հանրապետության նախագահ Միգել Մարիո Դիաս-Կանել Բերմուդեսը:
Վարչապետ Փաշինյանն իր ելույթում նախ շնորհակալություն է հայտնել ղրղզական կողմին՝ այսօրվա հանդիպումը կազմակերպելու և քննարկման թեմաների լայն շրջանակ մշակելու ուղղությամբ ջանքերի համար։ Ողջունելով ԵԱՏՄ անդամ և դիտորդ երկրների ղեկավարներին՝ ՀՀ կառավարության ղեկավարը նշել է. «Մենք անցկացնում ենք Եվրասիական Բարձրագույն տնտեսական խորհրդի այս տարվա առաջին նիստը, ինչի կապակցությամբ ցանկանում եմ բոլորիս հաջողություն մաղթել համատեղ արդյունավետ աշխատանքի շարունակման գործում։
Եվրասիական տնտեսական միության մասին պայմանագրի ստորագրումից հետո անցել է ընդամենը 8 տարի, սակայն ԵԱՏՄ-ն արդեն ամենադինամիկ զարգացող ինտեգրացիոն միավորումներից է, ինչի մասին են վկայում նաև «Ռազմավարություն-2025»-ի իրականացման արդյունքները։
Այնուամենայնիվ, մեր երկրները պետք է օպերատիվ կերպով հարմարվեն արագ փոփոխվող արտաքին և ներքին պայմաններին։ Կարծում եմ, որ մենք արդեն պետք է ուրվագծենք 2025 թվականից հետո ռազմավարական փուլում մեր Միության զարգացման հորիզոնները՝ հաշվի առնելով ձևավորվող աշխարհակարգը։
Անհրաժեշտ է ավելի լայն հայացք նետել ինտեգրացիոն նախագծին, դնել ու իրականացնել հավակնոտ նպատակներ, յուրացնել համագործակցության նոր ոլորտներ ու ոլորտներ։
Հարգելի գործընկերներ,
որպես ժամանակի պահանջներին և մարտահրավերներին հարմարվելու գործիք՝ մենք կարևորում ենք ԵԱՏՄ անդամ-պետությունների մակրոտնտեսական քաղաքականության հիմնական ուղեցույցների հետևողական իրականացումը, որտեղ սահմանվում են մեր երկրների տնտեսությունների առջև ծառացած կարևորագույն խնդիրները։
Ցանկանում եմ նշել Հանձնաժողովի՝ ԵԱՏՄ անդամ երկրների հետ համատեղ կատարած մեծ աշխատանքը ներքին շուկայում խոչընդոտները վերացնելու ուղղությամբ։ Այս համատեքստում չի կարելի անտեսել դրանց առաջացման բուն պատճառները, քանի որ դրանք հիմնականում կրում են տնտեսական բնույթ։ Համոզված եմ, որ մեր տնտեսությունները զարգացնելուն և երրորդ երկրների շուկաներ մուտք գործելու նպատակով արդյունաբերական համագործակցության ուղղված համակարգված գործողությունները կդառնան ներքին շուկայում խոչընդոտների զգալի կրճատման բանալին։
Արդյունաբերական համագործակցության ակտիվացումը, համատեղ ձեռնարկությունների ու նորարարական նախագծերի զարգացումն ու իրականացումը, ինչպես նաև գիտատեխնիկական համագործակցությունը թույլ կտան կապել «գիտական հայտնագործություններ» - «արդյունաբերական ոլորտ» շղթան։
Հարկ է նաև արձանագրել, որ տեղեկատվական տեխնոլոգիաների առաջանցիկ զարգացումը, թվայնացումը մեր երկրների լիազոր մարմինների և տնտեսվարող սուբյեկտների միջև փոխգործակցության ժամանակակից ձևերի զարգացման կարևորագույն պայմաններն են։ Իսկ վստահությունը փոխգործակցության ընթացքում՝ այն հիմքն է, որի միջոցով մենք կարող ենք ապահովել ապրանքների, ծառայությունների, կապիտալի և աշխատուժի ազատ տեղաշարժը:
Միևնույն ժամանակ, մենք պետք է հասկանանք, որ տեղեկատվական և հաղորդակցական տեխնոլոգիաների զարգացման և թվայնացման արդի պայմաններում ցանկացած քայլ կարող է իրականացվել միայն տեղեկատվական անվտանգության պատշաճ մակարդակի առկայությամբ։
Հարկ է նշել նաև համաշխարհային տնտեսության՝ վերջին ամիսներին աննախադեպ ծավալներ և խորություն ստացած մարտահրավերների ռիսկերը նվազագույնի հասցնելու մեխանիզմների մշակման կարևորությունը։ Մեր կարծիքով, նպատակահարմար է մտածել պիլոտային նախագծերի և համատեղ միջոցառումների մշակման մասին, որոնք ուղղված կլինեն առևտրատնտեսական հարաբերությունների ընդլայնմանն ու խորացմանը և կոոպերացիոն փոխգործակցության ամրապնդմանը։
Միևնույն ժամանակ, անդամ-պետությունների կայուն տնտեսական աճ ապահովելու համար անհրաժեշտ է ինտեգրացիոն գործընթացների զարգացման արդիական հարցերի շուրջ մշտապես համագործակցել գործարար համայնքի հետ։ Բիզնեսի շահերը հաշվի առնելու և առաջ մղելու, ծրագրերի իրականացմանը գործարար համայնքի մասնակցության ընդլայնման տեսակետից ցանկանում եմ առանձնացնել երեկ տեղի ունեցած Եվրասիական տնտեսական համաժողովի շրջանակներում իրականացված աշխատանքը։
Փորձագիտական քննարկումներն արդյունավետ գործիք են ներկա իրավիճակի համապարփակ գնահատման և դրա հիման վրա մեր միավորման կայուն զարգացմանն ուղղված գործնական միջոցառումներ մշակելու համար:
Գործընկերներ,
միջազգային համագործակցության համատեքստում արդիական է թվում երրորդ երկրների գործընկերների հետ շփումների ձևավորումը և փոխգործակցության կոնկրետ շղթաների կառուցումը: Կարող եմ վստահորեն նշել, որ տարիների ընթացքում Միությունը զգալիորեն ընդլայնել է միջազգային համագործակցության հորիզոնները։
Կարևոր եմ համարում հերթական անգամ ուշադրություն հրավիրել Իրանի և ԵԱՏՄ-ի միջև լիարժեք ազատ առևտրի համաձայնագրի շուտափույթ կնքման հարցում Հայաստանի շահագրգռվածության վրա։ Թեհրանի հետ ժամանակավոր համաձայնագրի գործունեության փորձը հստակ ցույց է տալիս իրանական շուկայի գրավչությունը և համագործակցության հետագա խորացման հեռանկարները։
Այսօր մենք նաև նախատեսում ենք Ինդոնեզիայի Հանրապետության հետ ազատ առևտրի համաձայնագրի շուրջ բանակցությունների մեկնարկը տալ։
Կարևոր է այսուհետ ևս շարունակել հագեցնել միջազգային օրակարգը, որպեսզի և՛ Միության երկրները, և՛ մեր գործընկերները տեսնեն փոխշահավետ համագործակցության շոշափելի արդյունքներ։
Հանդիպման հարգելի մասնակիցներ,
Եզրափակելով՝ ցանկանում եմ շնորհակալություն հայտնել բոլորիդ համատեղ աշխատանքի համար և ևս մեկ անգամ հաստատել հայկական կողմի պատրաստակամությունը՝ շարունակելու յուրաքանչյուր անդամ-պետության և միավորման շահերին համապատասխանող համատեղ որոշումների մշակմանն ու ընդունմանն ուղղված ջանքեր գործադրել։
Շնորհակալություն ուշադրության համար»։
Խորհրդի նիստում անդրադարձ է կատարվել ԵԱՏՄ միջազգային գործունեությանը, Միության շրջանակում տարբեր ոլորտների շուկաներում փոխգործակցության դյուրացմանն ու հետևողական պարզեցմանը, ինչպես նաև նախորդ նիստում ձեռք բերված պայմանավորվածությունների կատարմանը վերաբերող հարցերի:
«Հայկական Ժամանակ»-ը Telegram-ումԱլեն Սիմոնյանը հանդիպել է Ֆրանսիայի Սենատի նախագահի հետ
Արցախցիների հանրահավաքը՝ բարձրությունից. լուսանկար
Իսրայելական ուժերը 48 ժամվա ընթացքում հարվածել են Գազայում շուրջ 250 թիրախի
«Իմ Քայլը»-ի «Հորիզոններ» դուալ կրթական ծրագրի մասնակիցները Չինաստանում ամառային ճամբարի են մասնակցել
Ի՞նչ իրավիճակ է Լարսի ճանապարհին
Թեհրանի համագործակցությունն ԱԷՄԳ-հետ չի դադարեցվել, կշարունակվի նոր ձևաչափով․ Արաղչի
Մանկական կաթի վկայականով Երեմյան կաթնամթերքը միակն է․ տեսանյութ․ լուսանկարներ
Արմավիրում բախվել են «Jeep Compass»-ն ու «ՎԱԶ 2106»-ը
Գազամատակարարման պլանային դադարեցումներ կլինեն Սյունիքի և Արարատի մարզերի մի շարք հասցեներում
Սերգեյ Լավրովն ու Կիմ Չեն Ինը քննարկել են երկկողմ հարաբերություններն ու ձեռք բերված պայմանավորվածությունները
Ահաբեկչության դեմ պայքարը Թուրքիայի տնտեսության համար մոտ 2 տրիլիոն դոլար է արժեցել. Էրդողան
Երևանի երկու վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
SOCAR-ն ու Սիրիայի կառավարությունը փոխըմբռնման հուշագիր են կնքել
Արարատյան դաշտում և Սյունիքի հովիտներում առաջիկա 5 օրերին սպասվում է բարձր կարգի հրդեհավտանգ իրավիճակ
«ՔՊ 6-րդ Քաղաքական ժողովը տեղի ունեցավ Գորիսում». վարչապետը տեսանյութ է հրապարակել
Շղթայական վթար՝ Երևան-Սևան ավտոճանապարհին․ հիվանդանոց է տեղափոխվել հղի կին
Բաքվում ընթանում է Ադրբեջանի ու Սիրիայի նախագահների հանդիպումը
ՆԳՆ-ն հերքում է նախատեսված հանրահավաքին ընդառաջ արցախցիների նկատմամբ ճնշումների մասին պնդումները
Երեխայի իրավունքների ոլորտում ՄԻՊ լիազորությունների իրականացմանը խոչընդոտելը արգելված է․ հայտարարություն
Վթարային ջրանջատում Երևանի Աջափնյակ վարչական շրջանում
34-ամյա երիտասարդը կամավոր հանձնել է ապօրինի պահվող հրացան և փամփուշտներ
Ռուսաստանն ու Հյուսիսային Կորեան պայմանավորվել են ամրապնդել ռազմավարական երկխոսությունը
Լաթաքիայում մոլեգնող հրդեհը հասել է հայաբնակ Քեսաբի առաջին գյուղին
Կապանում մեքենաներ են բախվել․ կա 1 զոհ ու վիրավոր
ԼՂ առաջին պատերազմի մասնակիցը զենք-զինամթերքը թողել է Ջրաշեն տանող ճանապարհին
Հայաստանն ու Վրաստանը մշակույթի բնագավառում համագործակցության ծրագիր են ստորագրել
ԱՄՆ-ի կողմից Ուկրաինային զենքի մատակարարումները վերսկսվել են․ Զելենսկի
Շախմատի կանանց աշխարհի գավաթի 2-րդ փուլի թայ-բրեյքում Էլինա Դանիելյանը զիջել է Անտոանետա Ստեֆանովային
«Կախվածությունների բուժման ազգային կենտրոն» էջը չի պատկանում Առողջապահության նախարարությանը․ ՀՀ ԱՆ
Ռուսական ուժերը հարվածել են Լվովին, Չեռնովցիին, Լուցկին և Խարկովին. կան զոհեր
Սիսիանի շինություններից մեկում պայթյունի դեպքի առթիվ նախաձեռնվել է քրեական վարույթ
Ջաֆար Փանահիի Ոսկե արմավենու ճյուղի մրցանակակիր ֆիլմը՝ 22-րդ «Ոսկե ծիրան»-ի բացման ֆիլմ
Երևանում ավտոմեքենան շրջվել է, կա երկու տուժած
ՀՀ տարածքում ավտոճանապարհները հիմնականում անցանելի են
ՄԻՊ-ը՝ մանկահասակ երեխաների մորը դատարանի որոշմամբ կալանավորելու վերաբերյալ
Ես իմ երկրում նախաձեռնեցի «Կրթվելը նորաձև է» շարժումը, իմ ուշադրության կենտրոնում հիմա կրթությունն է․ Հակոբյան
Օդի ջերմաստիճանն աստիճանաբար կբարձրանա․ սպասվում է առանց տեղումների եղանակ
«Զվարթնոց»-ի օդանավակայանի բաժնի ոստիկանները ձերբակալել են Ղրղզստանի իրավապահների կողմից հետախուզվողի
Վրաստանի պաշտոնակցի հետ հանդիպմանը նախարարը կարևորել է համատեղ ծրագրերի ընդլայնման հնարավորությունները
Աննա Հակոբյանը Նյու Յորքում մասնակցում է առաջին տիկնանց գլոբալ ամենամյա ակադեմիային․ լուսանկարներ
© 2025 Հայկական ժամանակ
Website by MATEMAT