Երևան
16 °C
Հայաստանի ազգային պոլիտեխնիկական համալսարանի (ՀԱՊՀ) հոգաբարձուների խորհրդի որոշմամբ՝ գիտական կոչում ունեցող դասախոսների մեկ ակադեմիական ժամի աշխատավարձը բարձրանում է մինչև 95 տոկոս: Այսինքն՝ եթե նախկինում 1080 ժամ աշխատելու համար պրոֆեսորը, գիտությունների թեկնածուն ստանում էին 276 հազար դրամ, ապա այժմ նման ծանրաբեռնվածության համար կստանան 810 հազար ՀՀ դրամ:
Համալսարանի ռեկտոր Գոռ Վարդանյանը «Հայկական ժամանակի» հետ զրույցում ընդգծում է՝ այս փոփոխությունը կնպաստի, որ գիտական ոլորտում հեղինակություն ունեցող պրոֆեսորները ապագայում ցանկանան միանալ իրենց համալսարանական համայնքին, նաև նոր մոտիվացիա է ներկայիս պրոֆեսորադասախոսական կազմի համար:
«Այս բարեփոխումները ոչ թե տեղային բնույթ են կրում, այլ շղթայաձև են լինելու: Ոչ միայն փոխվել է պրոֆեսորի, գիտությունների թեկնածուի աշխատավարձը, այլ գիտությամբ զբաղվող անձանց համար ստեղծվել են այն բոլոր հնարավորությունները, որ նրանք սոցիալական առումով ապահովված լինեն»,- ասում է նա:
Ռեկտորի խոսքով՝ բուհի ցանկացած աշխատող ցանկացած կարգավիճակում պետք է ունենա արժանապատիվ աշխատավարձ: Այս փոփոխությունները, ըստ նրա, կրում են ռազմավարական բնույթ, որի արդյունքները տեսանելի են լինելու: Սա նաև նոր հնարավորություն է այն երիտասարդների համար, որոնք ցանկանում են գիտական կյանքում ծավալել իրենց գործունեությունը, սակայն սոցիալական խոցելիությամբ պայմանավորված՝ ճանապարհից շեղվում են և ընտրում այլ աշխատանք՝ բարձր աշխատավարձով:
Գիտական կոչումը ունեցող դասախոսների թիվը բուհում 67-ն է, դասախոսական կազմի թիվը տատանվում է 700-ի սահմաններում:
«Նման բարձրացում չի եղել, տարբեր տարիների ընթացքում եղել է միայն 10 տոկոս բարձրացում: Սա ձևական աշխատավարձի բարձրացման խնդիր չէ, այլ բուհի ֆինանսական հնարավորությունների և ակադեմիական այլ հաստատությունների նկատմամբ այնպիսի մրցունակ աշխատավարձ սահմանելն է, որի միջոցով կարող ենք լավագույն կադրերին խրախուսել և նորերին գրավել դեպի մեր համալսարան: Սա լավագույն մոտիվացիան է ոլորտի մասնագետների համար: Օրինակ՝ երիտասարդները չեն ցանկանում ասպիրանտ դառնալ, մնալ գիտական կյանքում, այլ նախընտրում են լավ աշխատավարձով ու հարմարավետ պայմաններով ուրիշ աշխատանք գտնել: Իսկ այսօր կարող են վստահ լինել և զգալ, որ մենք գիտական համայնքի նկատմամբ ունենք բավականին ուշադրություն»,- նշում է Վարդանյանը:
Բացի աշխատավարձի բարձրացումից՝ գիտական կոչում ունեցող դասախոսները կարող են օգտվել նաև ներբուհական գիտական դրամաշնորհներից, որի շրջանակներում տարեկան 50 միլիոն դրամի չափով ֆինանսավորվելու են գիտական թիմերը: Նրանք կարող են նաև 150-300 հազար դրամ լրավճարներ ստանալ, եթե վերջիններիս գիտական հոդվածները, հետազոտությունները տպագրվեն միջազգային գիտական ամսագրերում:
Պոլիտեխնիկի ռեկտորը շեշտում է՝ այդ քայլերը կարևոր են նաև բուհի վարկանշային գործընթացի ապահովման համար, քանի որ այն միջազգային կազմակերպությունները, որոնք բուհերի վարկանիշն են որոշում և հրապարակում, հաշվի են առնում նաև տվյալ բուհի գիտական համայնքի գործունեությունը:
«Ներբուհական գիտական դրամաշնորհների շրջանակում, ըստ ուղղությունների, համալսարանում մրցույթ է իրականացվելու: Գիտական համայնքի ներկայացուցիչները կարող են միասին թիմ կազմել և ներկայացնել իրենց գաղափարները: Մրցույթի հանձնաժողովի հավանությունն ստանալուց հետո այդ թիմերին տրամադրվելու է 7 միլիոն և ավելի դրամաշնորհ: Մի մասը լինելու է աշխատավարձային ֆոնդի տեսքով, մի մասը՝ անհրաժեշտ սարքավորումները ձեռք բերելու համար: Այդ գաղափարի առաջխաղացման ընթացքում բոլոր հնարավոր ռեսուրսները օգտագործելու ենք, որ կայուն ֆինանսավորում ապահովենք, և ձևավորվեն գիտական ստարտափ թիմեր»,- ասում է Վարդանյանը:
Զրուցակցի խոսքով՝ աշխատավարձերի բարձրացման հարցը քննարկել է նաև բուհի գիտական խորհուրդը. ճնշող մեծամասնությունը պրոֆեսորներ են, և այս առաջարկության նկատմամբ վերաբերմունքը դրական է եղել: Սա պրոֆեսորադասախոսական կազմի համար մասնագիտական աշխատանքի և գիտական կյանքով զբաղվելու լավ հնարավորություն է:
Հայաստանի ազգային պոլիտեխնիկական համալսարանի ռեկտոր Գոռ Վարդանյանի հավաստմամբ՝ աշխատավարձի բարձրացում նախատեսվում է նաև գիտական կոչում չունեցող մնացած դասախոսների համար: Վերջինս նկատում է՝ յուրաքանչյուր աշխատող հնարավորություն պետք է ունենա իր կատարած աշխատանքի և ցուցաբերած արդյունավետությամբ ձևափոխել իր աշխատավարձի ֆոնդը:
Բուհի ներկայիս պրոֆեսոր, գիտության դոկտոր Մարտին Այվազյանն էլ մեզ հետ զրույցում նշում է՝ այս որոշումը երիտասարդների համար բավականին մեծ խթան է, որպեսզի նպատակ ունենան իրենց գործունեությունը շարունակելու գիտական ոլորտում:
«Ես ունեցել եմ մի քանի ասպիրանտներ, որոնք կոչումը ստացել են, բայց չեն աշխատում գիտության ոլորտում, որովհետև աշխատավարձը քիչ է. 24 տարեկան երիտասարդը չի կարող ընտանիք կազմել, հիփոթեք վերցնել այդ աշխատավարձով: Այդ պատճառով տաղանդավոր երեխաները դուրս են մնում գիտական կյանքից: Այս փոփոխությունը, համոզված եմ, կհագեցնի նրան, որ շատերը կզբաղվեն գիտական կյանքով»,- ասում է Այվազյանը:
Նրա խոսքով՝ պրոֆեսորադասախոսական կազմի համար ոգևորող է նաև դրամաշնորհների ծրագիրը, որը հնարավորություն կտա գիտնականին զբաղվել միայն գիտական աշխատանքով և չփնտրել երկրորդ կամ երրորդ աշխատանք:
«Ես արդեն 32 տարի է՝ աշխատում եմ համալսարանում, կար ժամանակ՝ տարեկան 10 տոկոս բարձրացնում էին, հետո չեղարկեցին: Հիմա աշխատավարձերի մինչև 95 տոկոս բարձրացումը թռիչքային մեծ քայլ է: Օրինակ՝ ես եթե 500 ժամ եմ աշխատում, աշխատավարձս 207 հազար է, հիմա կարող է բարձրանալ՝ 300 հազարից սկսած»,- նկատում է զրուցակիցը:
Պրոֆեսորի խոսքով՝ սա նաև առիթ կլինի, որ ցածր աշխատավարձի պատճառով բուհից դուրս եկած գիտական կոչում ունեցող դասախոսները նորից հետ վերադառնան համալսարան, մյուսներն էլ մնան և իրենց գիտական գործունեությունը ծավալեն համալսարանում:
Մերի Խաչատրյան
Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ
«Crocus City»-ի գործով Տաջիկստանում ձերբակալվել է 9 մարդ
Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)
Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է
Ալեքսեյ Սանդիկովը կգործուղվի Մոսկվա
Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը
ԱԺ պատգամավորները կգործուղվեն Բեռլին
5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին
Հայաստանում տեղումների դադար է, ջերմաստիճանը կբարձրանա 8-10 աստիճանով
«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել
200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության
Սյունիքի մարզում դատավոր է նշանակվել
Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները
Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում
Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը
Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ
Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել
Երբ է սպասվում դեղձենու մասսայական ծաղկումն Արարատյան դաշտում
«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին
Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է
Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ
Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում
Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է
Լեհաստանը զորքեր կուղարկի Ֆրանսիա
Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները
Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ
Այրվել է վագոն-տնակ՝ ներսում եղած իրերով
Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը
Երևանի և 2 մարզի որոշ հասցեներ մի քանի ժամով կհոսանքազրկվեն
Բախվել են «Նիսսան» և «ՎԱԶ» մակնիշի ավտոմեքենաներ
Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ
© 2024 Հայկական ժամանակ