Երևան
12 °C
searchclose
menuclose
Երևան
12 °C
Ինչպես հայտնի է, ԵԽԽՎ-ում հայկական պատվիրակության ընդդիմադիր անդամ Հայկ Մամիջանյանն օրեր առաջ ելույթ է ունեցել վեհաժողովի լիագումար նիստում, որտեղ վերջինս առիթը բաց չի թողել ևս մեկ անգամ իշխանություն-ընդդիմություն ներքին հակասությունը բարձր ատյաններում բարձրացնելու համար:
Ընդդիմադիր պատգամավորը նշել է, թե «ՀՀ ներկայիս կառավարության վարած անմիտ դիվանագիտության հետևանքով է իրականություն դառնում Հայաստան-Ադրբեջան հարաբերությունների և Լեռնային Ղարաբաղի հակամարտության կարգավորման տարանջատման գաղափարը: Աշխարհը պատրաստվում է թողնել փոքր Արցախին Ադրբեջանի դեմ մեն-մենակ»:
Քաղաքագետ Էդվարդ Անտինյանի կարծիքով՝ երբ երկիրը ներքաշված է պատերազմի մեջ, պետք է բոլորը միասնական լինեն, ինչը, ավաղ, չենք տեսնում:
«Շատ վատ է, որ որպես օրինակ մեր թշնամիներին եմ բերում. Ադրբեջանն ու Թուրքիան իրար հետ լուրջ տարաձայնություններ ունեն, սակայն միջազգային հարթակներում միմյանց եղբայրավարի են ընդունում և չեն խոսում տարաձայնությունների մասին: Իսկ մեզ մոտ ընդդիմությունն այս բարդ ժամանակահատվածում փոխանակ փորձի միասնական լինել, ուզում է ամեն տեղ ցույց տալ, որ մեր իշխանությունները թույլն են, վատն են»,- «Հայկական ժամանակ»-ի հետ զրույցում ասում է նա:
Վերջինս անուղղակի հարցադրում է անում՝ եթե իշխանությունները լեգիտիմ, ընտրությունների միջոցով ընտրվել են, աշխարհն այս իշխանությունների հետ համագործակցում է, այդ թվում՝ Եվրոպան ու ԱՄՆ-ը, ի՞նչ է ուզում ընդդիմությունը:
«Ընդդիմությանը բոլորն ընկալում են որպես Ռուսաստանի «մասնաճյուղի», այն Ռուսաստանի, որին միջազգային կառույցները համարում են ագրեսոր և նույնիսկ ահաբեկիչ պետություն: Եթե գնում ես ԵԽԽՎ ու բողոքում քո երկրի իշխանություններից, ի՞նչ ես դառնում՝ ՌԴ-ի նման ահաբեկի՞չ: Կամ ո՞վ է ասում, որ աշխարհը ձեռք է քաշել Արցախից: Ֆրանսիայի կամ ԱՄՆ-ի հայտարարությունները չե՞ն տեսնում: Երկու երկրներն էլ ասում են՝ բանակցությունները պետք է շարունակվեն, Արցախի հարցը փակված չէ»,- նշում է զրուցակիցը:
Ըստ քաղաքագետի՝ Հայաստանի իշխանությունը դիվանագիտական քայլերով պաշտպանում է Արցախի շահերը. «Հայաստանը դիվանագիտորեն ցույց է տալիս, որ Ադրբեջանը մեր տարածաշրջանում ագրեսոր է, ոտնձգությունների է դիմում Հայաստանի սուվերեն տարածքի նկատմամբ, որ անկախ ամեն ինչից՝ նրանք մարդասպան են: Հայաստանը պարբերաբար բարձրացնում է Արցախի անվտանգության երաշխիքներին վերաբերող հարցերը: Ուրիշ ի՞նչ կարող է անել Հայաստանն Արցախի համար, որ չի անում: Արցախի անվտանգության հարցը հանձն է առել Ռուսաստանը եռակողմ պայմանագրի միջոցով, որին Արցախը համաձայն է եղել: Եթե Հայաստանին դուրս մղեցին այդ եռակողմ բանակցություններից, մի օր հետո Ադրբեջանն Արցախից ՌԴ զորքերը դուրս կհանի»:
Էդվարդ Անտինյանի նկատառմամբ՝ մեր ընդդիմության խնդիրն այն է, որ Արցախի անվտանգության երաշխիքը միայն Ռուսաստանի Դաշնության հետ է տեսնում:
«Ռուսաստանից անվտանգություն են աղերսում, իսկ ՌԴ-ն Ուկրաինայի 4 մարզ մտցրել է իր կազմի մեջ: Այս երկրից ինչպե՞ս ակնկալես, որ կպաշտպանի մեր տարածքները, ինչպե՞ս չփորձես այլ ելքեր գտնել»,- ասում է Անտինյանը:
Վերջինիս խոսքով՝ ոչ մի կերպ չի կարողանում հասկանալ Մամիջանյանի քայլը:
Դիտարկմանը, որ միգուցե երկրի ներսում չկարողացան իշխանափոխություն անել, հիմա այլ երկրների աչքերում ՀՀ իշխանություններին սևացնելով են փորձում որևէ առաջխաղացում ունենալ, քաղաքագետն ասում է.
«Իրենք էլ ի՞նչ մեթոդներ են մտածել իշխանափոխության՝ ահաբեկչությո՞ւնը: Չեմ հասկանում, թե ինչո՞ւ են դիմում միջազգային կառույցներին: Ի՞նչ լծակներով են փորձելու ազդել միջազգային կառույցների վրա, որոնք ընդունում են ժողովրդավարությունը և ՀՀ-ի լեգիտիմ իշխանություններին: Հասարակությունն էլ չի աջակցում այլևս իրենց ու իրենց տեսլականներին: Նրանց ոչ միայն չհաջողվեց իշխանափոխություն անել, այլև այն զանգվածը, որ իրենց հետ հույս էր կապում, էլ դրա իմաստը չի տեսնում»,- նկատում է Անտինյանը:
Զրուցակիցը, անդրադառնալով այն փաստին, որ խորհրդարանական ընդդիմությունը չի մասնակցում ԱԺ լիագումար և հանձնաժողովային նիստերին, սակայն գործողումների գնում է, նշում է՝ փորձում են կառույցներին ցույց տալ, որ իրենք էլ են իշխանություն, թեկուզ՝ գործադիր:
«Բայց դա իրենց չի փրկելու: Ռեսուրս են ծախսում, դրսում Հայաստանի իշխանություններից են բողոքում, սակայն ոչ ոք իրենց լուրջ չի ընդունում: Նրանք մեկուսացած են և՛ Հայաստանում, և՛ Հայաստանից դուրս: Անլուրջ է գնալ, միջազգային կառույցների մոտ բողոքել ՀՀ իշխանություններից, այն էլ այս ժամանակահատվածում: Մամիջանյանի այս քայլը որևէ ազդեցություն չի կարող ունենալ: Չի կարող փչացնել որևէ երկրի կամ կառույցի հետ կառուցված մեր փոխհարաբերությունները: Սրանով ևս մեկ անգամ Հայկ Մամիջանյանն ընդգծեց խորհրդարանական ընդդիմության անլրջությունը: Ցույց տվեցին իրենց անտեղյակ լինելը, թե աշխարհում ինչ է կատարվում»,- եզրափակում է նա:
«Հայկական Ժամանակ»-ը Telegram-ում
Ալեն Սիմոնյանը Վիետնամի նախագահի հետ հանդիպմանը քննարկել է հարցերի լայն շրջանակ
Սրանից հետո ժամկետի խախտում եղավ, կոնկրետ գալու է անձնական պատասխանատվություն․ վարչապետ
Ավտոմեքենան բախվել է ջերմաքարշին և բռնկվել
«Գազ 66»-ի «ռամա»-ն դնում են մայթի վրա, թե՝ պապի «ռաման» է, հիշողություն, տարեք, ննջարանում կախեք. վարչապետ
«Հայկական ավիաուղիներ»-ը մեկնարկելու է Երևան-Թբիլիսի ուղիղ չվերթերը. մանրամասներ
Մտածում եմ՝ չաշխատելու աշխատավարձն է բարձր, քան աշխատելունը․ վարչապետ
Անցել է ժամանակը, երբ նման դեպքում ասում էինք՝ երիտասարդ և անփորձ, այս դեպքում՝ երիտասարդ և փորձառու. վարչապետ
Մարդիկ պետք է մտածեն սեփական աշխատանքով ընտանիքի ծախսերը հոգալու մասին․ ՀՀ վարչապետ
Ճանապարհը կառուցում ենք, մեկը ավազ է թափում, մյուսը՝ քար, պաշտոնյան էլ ասում է՝ բա ուր տանի, իր տուն. վարչապետ
90-ականներից հետո ամենամեծ, ամենամասշտաբային փոփոխություններն են տեղի ունեցել ՆԳՆ համակարգում. վարչապետ
Յունիբանկը Հայաստանում առաջինը թողարկել է ստորադաս պարտատոմսեր
Երևանի մի շարք փողոցներում ռետինե կանգնակներ կտեղադրվեն
Վարչապետը ներկայացրել է, թե որ ճանապարհներն են վերակառուցվելու
Կառավարության նիստի ժամանակ Նիկոլ Փաշինյանն անդրադարձել է պաշտոնյաների ազատումներին
Շնորհակալություն հայտնեցի Գնել Սանոսյանին և հաջողություն մաղթեցի Դավիթ Խուդաթյանին. վարչապետ
Լյուքսեմբուրգի Պատգամավորների պալատը Բաքվnւմ պահվnղ հայերին առնչվող բանաձև է ընդունել
Մենք պարոն Ղազարյանի հետ մանկության ընկերներ ենք, սա և՛ օգնել է, և՛ խանգարել. վարչապետ
Աղձք բնակավայրի հարակից հատվածում իրականացվելու են պայթեցման աշխատանքներ
Վարդան Օսկանյանի վերաբերյալ վարչական տույժ կիրառելու որոշում է կայացվել
Բիթքոինի գինը հասել է պատմական նոր առավելագույնի
20 հարկ վճարողի մոտ արձանագրվել է «Անկանխիկ գործառնությունների» օրենքի խախտում. հայտնի է տուգանքի չափը
Տիգրան Դադունցը նշանակվել է արդարադատության նախարարի տեղակալ
Երևանի քաղաքապետն ու Իսպանիայի դեսպանը քննարկել են համագործակցության մի շարք ոլորտներ
Նախագահը ստորագրել է Դավիթ Խուդաթյանի՝ ՏԿԵ նախարար նշանակվելու հրամանագիրը
Իտալիայի առաջին տիկնոջ հրավերով հյուրընկալվել էինք Կվիրինալի պալատում. Աննա Հակոբյան (տեսանյութ)
ՀՀ վարչապետը աշխատանքի է ուղևորվել հեծանվով (տեսանյութ)
Ռուբեն Քոչարի՝ «Ինքնադիմանկար»-ի վերաբերյալ հնչեցրած կարծիքը չի համապատասխանում իրականությանը. ԿԳՄՍՆ
Հայաստանը կրկին չեմպիոն ունի. ժամկետային զինծառայող Անդրանիկ Ավետիսյանը ոսկե մեդալ է նվաճել
Ազգությամբ թուրք առաջին պաշտոնյան ԱՄՆ կառավարության կազմում. ով է Մեհմեթ Օզը
Զինվորականների ԱԱ. Ռազմական սպորտի միջազգային խորհրդի մարզական տնօրենը պարգևատրել է մրցանակակիրներին
Ըմբիշ Սարգիս Բեգոյանը դարձավ Զինվորականների ԱԱ-ի արծաթե մեդալակիր
Քննիչը հանձնարարում է, օպերը չի անում, քանի որ իր վերադասը չէ, քննչականը պետք է լինի ՆԳՆ-ի կազմում. Իոաննիսյան
ԲՏԱ նախարարն այցելել է Picsart Academy, ծանոթացել ուսանողների՝ աշխատանքի անցնելու հնարավորություններին
Աղձք բնակավայրի հարակից հատվածում պայթեցման աշխատանքներ են իրականացվելու
Ադրբեջանական բանակի զինծառայող է մահացել
Ժամկետային զինծառայող Աշոտ Խաչատրյանը Ըմբշամարտի զինվորականների աշխարհի առաջնության բրոնզե մեդալ է նվաճել
Բանակայինների ԱԱ. Արայիկ Հարությունյանը պարգևատրել է 67 կգ քաշային կարգի մրցանակակիրներին (լուսանկարներ)
Բանակայինների ԱԱ. Սուրեն Պապիկյանը պարգևատրել է 60 կգ քաշային կարգի մրցանակակիրներին (լուսանկարներ)
Հաղթանակի կամրջի տակ տղամարդու դի է հայտնաբերվել
Բանակայինների ԱԱ. Գասպար Տերտերյանը ոսկե մեդալ է նվաճել, դարձել աշխարհի առաջնության չեմպիոն
