Հումանիտար առաքելությունը կարևոր է Սիրիայի և Հայաստանի բարեկամության համար. դեսպան

11/11/2022 schedule16:00

«Օրբելի» տեղեկատվական-վերլուծական կենտրոնը զրուցել է Երևանում Սիրիայի Արաբական Հանրապետության դեսպանության արտակարգ և լիազոր դեսպան տիկին Նորա Արիսյանի հետ: Հարցազրույցը ներկայացնում ենք՝ ստորև.

- Ձերդ Գերազանցություն, ինչպես գիտենք՝ այս տարի լրացել է Հայաստանի Հանրապետության և Սիրիայի Արաբական Հանրապետության միջև դիվանագիտական հարաբերությունների հաստատման 30 տարին: Երեք տասնամյակների ընթացքում տարբեր ոլորտներում նկատում ենք հաջողված համագործակցություն: Երկկողմ համագործակցությունը որակապես նոր փուլ է մտել Հայաստանում և Սիրիայում երկու երկրների դիվանագիտական ներկայացուցչությունների բացման և արդյունավետ գործունեության շնորհիվ: Ըստ Ձեզ՝ ո՞ր ոլորտներում է արձանագրվել առավել նկատելի առաջընթաց:

- Շնորհակալ եմ հարցազրույցի հրավերի համար: Սիրիայի Արաբական Հանրապետության և Հայաստանի Հանրապետության միջև դիվանագիտական հարաբերությունները բնական շարունակությունն են Սիրիայի ժողովրդի և հայ ժողովրդի միջև դարերի ընթացքում ունեցած բարեկամական հարաբերությունների, որոնք խարսխված են եղել քաղաքակրթական, պատմական, մշակութային և ընկերային հիմքերի վրա: Սիրիայի և Հայաստանի միջև բարեկամական հարաբերությունները հիմնված են եղել փոխադարձ հարգանքի և վստահության վրա, և երկու երկրները պարտավորվել են ընդլայնել հարաբերությունները՝ տնտեսական, քաղաքական, մշակութային և այլ մակարդակներում:

Պետք է արձանագրել որ երեք տասնամյակների ընթացքում երկու երկրների դիվանագիտական ներկայացուցչությունները մեծ ջանք գործադրած են, որի արդյունքով ստորագրվել է ավելի քան հինգ տասնյակ փաստաթղթեր՝ (պայմանագիր, փոխըմբռնման հուշագիր, արձանագրություն), կրթական, տնտեսական, մշակութային, առողջապահական, գյուղատնտեսության և այլ ոլորտներում: Համագործակցության ոլորտները բազմաշերտ են երեսուն տարվա ընթացքին, սակայն, երևի կառանձնացնեմ կրթական ոլորտը, որ բավական առաջընթաց արձանագրած է:

Իսկ ներկայիս, շեշտեմ որ Սիրիան ցանկանում է, որ Հայաստանը մասնակցություն ունենա Սիրիայի վերաշինության հանգրվանին, որ ընդգրկում է տնտեսական, շինարարական և ներդրումային ոլորտներ:

- Տիկի՛ն դեսպան, Երևան-Դամասկոս փոխհարաբերությունների որակական մակարդակում կարելի է դիտարկել սիրիական հակամարտության ընթացքում ՀՀ սկզբունքային դիրքորոշումը, ինչպես նաև արդեն մի քանի տարի Հալեպում ՀՀ հումանիտար առաքելության հաջող գործունեությունը։ Դուք ինչպե՞ս եք գնահատում Հայաստանի և Սիրիայի միջև քաղաքական հարաբերությունների ներկա մակարդակը:

- Սիրիայի և Հայաստանի միջև քաղաքական հարաբերություները միշտ եղած են բարձր մակարդակի: Սիրիան մեծապես գնահատում է Հայաստանի դիրքորոշումը Սիրիայի պատերազմի ժամանակ: Ավելացնեմ, որ այդ ժամանակ քաղաքական հարաբերությունները դրսևորվեցին մի քանի ուղղությամբ՝ ինչպես միջազգային հարթակների վրա բարձր մակարդակի մեր համագործակցությունը: Մյուս կողմից, Սիրիայում Հայաստանի Հանրապետության ներկայացուցչությունները պահպանելու վերաբերյալ Հայաստանի որոշումը, ինչպես նաև Սիրիա մարդասիրական օգնություն ուղարկելու հանգամանքը՝ սննդամթերք և հագուստ, որոնք բաժանվում էին Սիրիայի մի քանի նահանգներում:

Սիրիայի կառավարությունը մեծապես գնահատում է 2019 թվականին Հայաստանի կառավարության որոշումը՝ մարդասիրական առաքելություն Սիրիա ուղարկելու կապակցությամբ: Առաքելությունը բժշկական ծառայություններ մատուցեց և հումանիտար ականազերծման, նաև բնակչության հակաականային իրազեկման գործունեություն ծավալեց Սիրիայի տարբեր շրջանների մեջ:

Իմ կարծիքով, հումանիտար այս առաքելությունը լավագույն դրսևորումն է Սիրիայի և Հայաստանի բարեկամական սերտ հարաբերություններին: Հարկ է հիշել, որ երկու երկրների միջև դիվանագիտական հարաբերությունների հաստատման 30-ամյակի կապակցությամբ, Սիրիայի արտաքին գործերի և սփյուռքի նախարար Ֆեյսալ Ալ-Միկդադը և Հայաստանի արտաքին գործերի նախարար Արարատ Միրզոյանը ուղերձներ են փոխանակել՝ շեշտվելով, որ հայ-սիրիական բարեկամական հարաբերությունները հետագա տարիներին առավել կընդլայնվեն և կամրապնդվեն։ Սիրիական կողմը պատրաստակամություն է հայտնում առավել խորացնել հայ-սիրիական հարաբերությունները և ամրապնդել պատմական կապերն՝ ի շահ երկու բարեկամ ժողովուրդների և երկրների։

- Տիկի՛ն դեսպան, հայտնի է, որ տարածաշրջանային մի շարք հիմնախնդիրներում ՀՀ-ն և Սիրիան ունեն բավականաչափ մոտ դիրքորոշում: Հնարավոր համարու՞մ եք այս ուղղությամբ երկկողմ առարկայական համագործակցությունը:

- Երկու երկրների դիրքորոշումները միշտ եղել են մոտ, ու դրա արդյունքով է, որ միջազգային հարթակներում ծավալել ենք արդյունավետ համագործակցություն և փոխադարձ աջակցություն: Այդ մոտ դիրքորոշումները առիթ կարող են հանդիսանալ տարածաշրջանի հիմնախնդիրների շուրջ ավելի սերտ համակարգման և առարկայական համագործակցության:

- Երկկողմ հարաբերությունների զարգացման համար ինչպիսի՞ խոչընդոտներ եք տեսնում, որոնց լուծմանը կարող են նպաստել ՀՀ իշխանությունները:

- Դարավոր բարեկամների միջև խոչընդոտները վերացված պետք է լինեն, իսկ եթե կան, պետք է աշխատել վերացնել՝ ի շահ երկու երկրների և ժողովուրդների: Կարծում եմ մուտքի արտոնագրի գործընթացի դյուրացումը, լավապես նպաստելու է երկկողմ հարաբերությունների զարգացման նոր փուլեր թևակոխելու:

- Տիկի՛ն դեսպան, այսօր ինչպիսի՞ խնդիրների է առերեսվում հայկական համայնքը Սիրիայում:

- Սիրիայի դեմ ահաբեկչական պատերազմից 11 տարի անց, Սիրիայի պետությունը աջակցություն ցուցաբերեց՝ Սիրիայում վնասված հայկական եկեղեցիների, դպրոցների և հայերի արհեստանոցների վերաշինության համար: Սա մի հանգամանք է, որ ապացուցում է Սիրիայի նախագահ Բաշար Ասադի ղեկավարության տեսլականի մասին՝ պահպանելու հայկական պատմամշակութային արժեքները Սիրիայում: Նշեմ, որ սիրիահայերը օգտվում են Սիրիայի սահմանադրությամբ ճշտված բազմազանության պահպանման իրավունքներից:

Իմ կարծիքով նոսրացած գաղութին համար այսօր մասնագիտացած հայերեն լեզվի դասավանդումը գերակշիռ տեղ է գրավում դիմագրաված զանազան խնդիրների շարքում:

Տպել
783 դիտում

Քասախ գյուղում կատարված սպանությունը բացահայտվել է, հետախուզվող հայրն ու որդիները հայտնաբերվել են

2023 թվականին Կենտրոն և Նորք-Մարաշ վարչական շրջաններում արձանագրվել է ծանր հանցագործությունների 587 դեպք

Բեռլինում մեկնարկել է Միրզոյան-Բայրամով հանդիպումը

Անընդունելի են Հայաստանի ներքին հարցերին խառնվելու Ադրբեջանի փորձերը. Սարգիս Խանդանյան

Մեկ օրում ՆԳՆ ոստիկանության ստորաբաժանումները բացահայտել են հանցագործության 130 դեպք

ՀԱՊԿ-ին Հայաստանի մասնակցության «սառեցումը» քաղաքական, այլ ոչ թե իրավական գնահատական է. Խանդանյան

ԵՄ երկրները պետք է հետևեն Ֆրանսիայի օրինակին, որը Երևանին զինտեխնիկա է տրամադրում. Նատալի Լուազոն

Մենք պետք է իմանանք, թե ճանապարհը մեզ ինչքան պետք է ծառայի. վարչապետին հաշվետվություն է ներկայացվել

Բացահայտում չէ, որ Ադրբեջանը հուսալի գործընկեր չէ. Խանդանյան

Ով է Հայաստան ներթափանցած հակառակորդի զինված զինծառայողը. Ադրբեջանի ՊՆ-ի հայտարարությունը

Հայաստանի սահմանը հատել է Ադրբեջանի զինված զինծառայող, նա վնասազերծվել է. ԱԱԾ

ԵՄ-ն և Հայաստանը երբեք այսքան մոտ չեն եղել. Եվրախորհրդարան

2023 թվականին պետական միջոցներով հանրապետությունում ասֆալտապատվել է 501 կմ ճանապարհ. Սանոսյան

Նորատուսցի ձկնորսների գործով 5 անձի մասով նախաքննությունն ավարտվել է, նրանց մեղադրանք է ներկայացվել

Շուրջ 4 մլն դրամի հափշտակության գործով ՊՆ պաշտոնատար անձանց վերաբերյալ նախաքննությունն ավարտվել է

Իմ մահվան դեպքում երբեք դեմ չեմ լինի, որ օրգաններս հանձնեն որևէ մեկին. Արսեն Թորոսյան

Հանրապետությունում շարունակում են շրջանառվել գրիպ Ա տեսակի H3N2 և H1N1 ենթատեսակները

Ինչպես են բերման ենթարկվում ՔՀԿ-ում պատիժը կրող «Դլո»-ին թմրանյութից տորթ ուղարկողները. մանրամասներ (տեսանյութ)

Թրամփը, ըստ նախնական արդյունքների, հաղթում է Միչիգանում հանրապետականների փրայմերիզում

Իր ամբողջ շքեղությամբ գալիս է. Սուրենյանը լուսանկար է հրապարակել

Նախագահ Վահագն Խաչատուրյանն այցելել է Բաղդադի Հայ առաքելական առաջնորդարան

Մահացել է Հայաստանի Ազգային հերոս Նիկոլայ Ռիժկովը

ՀՀ նախագահն ու Իրաքի վարչապետը մտքեր են փոխանակվել տարածաշրջանային ընդհանուր իրավիճակի վերաբերյալ (տեսանյութ)

Թևոսյան փողոցում՝ կամրջի տակ, ավտոմեքենան բախվել է սյանը. կա տուժած

Երևան-Սևան ավտոճանապարհին կցորդիչով բեռնատար է կողաշրջվել

Դեբեդից ապօրինի ջրառը կասեցվել է

Աննա Հակոբյանը Հունաստանի վարչապետի տիկնոջ հետ այցելել է Աթենքի հայկական «Քալֆայան» պատկերասրահ

ԱՄՆ-ն շարունակում է Հայաստանին և Ադրբեջանին խաղաղության կոչ անել․ Պետդեպ

Երևանի մի շարք խաչմերուկներում երթևեկությունը կկարգավորվի լուսացույցներով

Միացյալ Նահանգները նախապատրաստվում է ընտրություններին

Վրաստանի իրավասու մարմինը բավարարել է ՀՀ գլխավոր դատախազության միջնորդությունը. հետախուզվողը հանձնվել է

Հովհաննես Հարությունը վարձակալական հիմունքներով հանդես կգա «Փյունիկ»-ում

Մերգելյանի այգում մեկնարկել են հիմնանորոգման աշխատանքները (տեսանյութ)

Հայ լողորդները հանրապետական նոր ռեկորդներ են սահմանել ջրային մարզաձևերի աշխարհի առաջնությունում

Նորագավթի 7-րդ փողոցում մեքենաներ են այրվել

Վանաձոր-Ալավերդի ճանապարհի մի հատված փակ է ավտոբուսների և կցորդով բեռնատարների համար

Երևանի և մարզերի որոշ հասցեներում լույս չի լինի

Բռնի տեղահանված անձանց համար 2023-ին կազմակերպվել են 35-40 մլրդ դրամ ընդհանուր բյուջեով աջակցության ծրագրեր. Խաչատրյան

Տեղահանված անձանց՝ ՀՀ քաղաքացիություն ընդունելը կարևոր է, դա ամրագրում է կենսականորեն այստեղ ապրելու փաստը. փոխվարչապետ

Պատրաստ ենք աջակցել ԼՂ-ից տեղահանված անձանց բնակարանի ձեռքբերման հարցում. Խաչատրյանը նշեց՝ ինչպես է դա հնարավոր