Եթե Ադրբեջանն Արցախում գործադրի ռազմական ուժ, կնշանակի՝ ունի համաձայնություն, և հակագործողություններ չեն լինի. քաղաքագետ

Քաղաքագետ Արեգ Քոչինյանի կարծիքով՝ գրեթե ամենօրյա ռեժիմով սահմանում հրադադարի ռեժիմի խախտման դեպքերը, իրավիճակի վերաբերյալ ապատեղեկատվություններ տարածելը վկայում է այն մասին, որ Ադրբեջանը Հայաստանի դեմ նոր ռազմական ագրեսիայի համար հող է նախապատրաստում։

Արեգ Քոչինյանի հետ «Հայկական ժամանակ» զրույցը՝ ստորև․

- Պարոն Քոչինյան, վերջին շրջանում հայ-ադրբեջանական սահմանին հրադադարի խախտման վերաբերյալ դեպքեր են տեղի ունենում գրեթե ամենօրյա կտրվածքով, որը, բնականաբար, նախաձեռնում է ադրբեջանական կողմը՝ այն վերագրելով ՀՀ-ին: Այս համատեքստում պատահական չէ նաև ամենօրյա ռեժիմով ադրբեջանական կողմից ապատեղեկատվության տարածումը: Ի՞նչ ենթադրություններ կարող ենք սրանից անել. արդյոք նոր հո՞ղ է նախապատրաստվում հերթական մեծ ռազմական էսկալացիայի համար՝ հաշվի առնելով նաև Ադրբեջանի նախագահի հռետորաբանությունը:

- Այո՛, ես կարծում եմ, որ Ադրբեջանը գնում է այս քայլերին՝ հնարավորինս ապակայունացնելու սահմանագիծը և նախապատրաստվում լայնամասշտաբ ռազմական գործողությունների, որոնցով նպատակ ունի հասնել այն խնդիրների լուծմանը, որոնց, ըստ Ադրբեջանի նախագահի, հնարավոր չէ հասնել բանակցությունների միջոցով։ Այդ խնդիրներն են՝ ՊԲ կազմալուծումը, կամ, ինչպես Ադրբեջանն է համարում, հայկական զորքերի դուրսբերումը Արցախից, Լաչինի միջանցքի և Մեղրիում իրենց ցանկալի ճանապարհի նույնական կարգավիճակ ունենալը, այսինքն՝ այն միջանցքը, որի մասին միշտ խոսում են։ Ադրբեջանի նպատակը նաև սահմանազատում և սահմանագծումն է՝ համաձայն իրենց առաջարկների, այդ թվում՝ անկլավների հարցով։

- ՀԱՊԿ նիստից առաջ ՌԴ նախագահ Վլադիմիր Պուտինը հեռախոսազանգ էր ունեցել Ադրբեջանի նախագահի հետ։ Այդ նիստից առաջ էլ Ալիևը հայտարարել էր, թե ՀԱՊԿ-ում իրենք ավելի շատ ընկերներ ունեն, քան Հայաստանը։ Նկատենք, որ ՌԴ նախագահը նաև նիստից հետո հեռախոսազրույց ունեցավ Ալիևի հետ: Ի՞նչ եզրակացություններ կարող ենք անել այս ամենից. կա՞ն արդյոք թաքնված ուղերձներ՝ ուղղված ՀՀ-ին:

- Ես կարծում եմ, որ զանգերը հիմնականում կապված են կոմունիկացիաների բացման հետ, որի մասին նշում է նաև Ռուսաստանի Դաշնությունը։ Ունեմ կասկածներ, որ կոմունիկացիաների բացումը փաթեթային տարբերակով ՌԴ-ում նկատի ունեն հենց միջանցքային տրամաբնությունը, երբ նաև համադրում ենք ՀԱՊԿ-ի քաղաքական գնահատականի բացակայությունը։ Ընդհանրապես, որևէ միջոցառման կազմակերպման բացակայությունը ՀԱՊԿ-ի մասով հասկանալի է դարձնում, որ այն պահանջները, որոնք Ադրբեջանը ներկայացնում է, կիսում է ՌԴ-ն: Այսինքն՝ այդ պահանջները երկու տեր ունեն․ մեկը Ադրբեջանն է, մյուսը՝ ՌԴ-ն։

- Ադրբեջանը Արցախում գտնվող ՌԴ զորախմբից պահանջում է չօգտագործել «Ղարաբաղ» տերմինը։ Սակայն ընդգծենք, որ նոյեմբերի 9-ի փաստաթղթում էլ է այդ տերմինը գործածված։ Այս մասով ի՞նչ դիտարկումներ կարող ենք անել:

- Ամբողջությամբ Ադրբեջանի անպատրաստության մասին է խոսում այս հայտարարությունը, որ բանակցային որևէ տրամաբանության մեջ պատրաստ չէ շարժվել։ Ադրբեջանի մաքսիմալիստական ակնկալիքներն են ցույց տալիս, որ չկա՛ Ղարաբաղ, չկա՛ Ղարաբաղյան հարց, կա միայն Ադրբեջանի տարածքային ամբողջականության հարց, որի հետ Հայաստանը կապ չունի։ Այս պահանջները վկայում են այն մասին, որ երբ Ադրբեջանը հայտարարում է՝ կխոսի հայերի հետ, անվտանգությունը կապահովի, դրանք լուրջ չեն, քանի որ հրաժարվում է անգամ ընդունել, որ նման հարց կա դրված սեղանին։

- Իսկ, ըստ Ձեզ, Ադրբեջանը Արցախում կդիմի՞ ռազմական էսկալացիայի՝ հաշվի առնելով ՌԴ զորախմբի այնտեղ գտնվելը: Եվ եթե դիմի, ՌԴ-ի արձագանքը, ինչ եք կարծում, ինչպիսի՞ն կլինի: 

- Եթե Ադրբեջանը դիմի որոշակի ռազմական գործողությունների Արցախում, ապա կնշանակի, որ որևէ համաձայնություն ստացել է, ինչը կնշանակի՝ հակագործողություններ այդ դեպքում չեն լինի։ Ես բացառում եմ, որ Ադրբեջանի ռազմաքաղաքական ղեկավարությունը Արցախում սրացում սկսի՝ առանց նախապես համաձայնեցնելու ՌԴ-ի հետ։

- Ադրբեջանի նախագահը հայտարարել է, թե հայկական կողմը հրաժարվել է Բրյուսելում հանդիպել՝ նշելով՝ «Հայաստանի ղեկավարը չի ցանկացել առանց Ֆրանսիայի նախագահի մասնակցել այդ հանդիպմանը»: Այնինչ շատ սուր աչք պետք չէ ունենալ՝ հասկանալու համար, որ հենց Ալիևն է խուսափում նման ձևաչափով հանդիպումից: Ըստ Ձեզ՝ ո՞րն է պատճառը. գուցե Ֆրանսիայի Սենատի հայանպաստ բանաձևի ընդունո՞ւմը:

- Մտավախությունները և պատճառները պարզ են․ Մակրոնը, ի տարբերություն բրյուսելյան ֆորմատի միջնորդի՝ Շառլ Միշելի, բավականին հստակ դիրքորոշում ունի հետևյալ հարցերում․ բոլոր պայմանավորվածությունները պետք է իրականացվեն։ Այսինքն՝ մենք տեսնում ենք, որ Բրյուսելում նախկին հանդիպման ընթացքում ձեռք բերված պայմանավորվածությունները, հատկապես հումանիտար հարցերի վերաբերյալ, չեն պահվում, ինչը հարմար է Ադրբեջանի համար, քանի որ պետք չեն առանձին պայմանավորվածություններ, այսպես ասած, առաջ տալու համար, այլ Ալիևը փաթեթային պայմանավորվածություններ է ցանկանում միայն իր պահանջածները ստանալուց հետո։

Մակրոնի ներկայությամբ դա հնարավոր չէ։ Ենթադրում եմ՝ եթե լիներ այդ հանդիպումը, ապա պետք է հարց բարձրացվեր ԵՄ-ի ուղարկած քաղաքացիական առաքելության դիտորդների ներկայության երկարաձգման վերաբերյալ, որոնց ներկայությանը Ադրբեջանն ի սկզբանե դժկամությամբ էր համաձայնել։ Այս ամենից զատ, հանդիպումից հրաժարվելը, այո, Ալիևի պատասխանն էր Ֆրանսիայի Սենատի ընդունած հայանպաստ բանաձևին, որով պահանջվում է ադրբեջանական զինուժն անհապաղ դուրս բերել Հայաստանի օկուպացված տարածքներից՝ ապահովելով 2020 թվականի նոյեմբերի 9-ի հրադադարի համաձայնագրի կատարումը և կոչ արվում Ֆրանսիայի կառավարությանը պատժամիջոցներ կիրառել Ադրբեջանի դեմ։

«Հայկական Ժամանակ»-ը Telegram-ում
Տպել
14254 դիտում

ԱԺ նախագահ Ալեն Սիմոնյանի գլխավորած պատվիրակությունն աշխատանքային այցով մեկնել էր Իտալիա. տեսանյութ

Ջեբկիրին ասեք՝ Գյումրիում համայնքապետի ընտրություններ են, ոչ թե ծաղրածուի, ալիքները խառնել է. Պալյան

Դիլիջանի գիշերօթիկի լքված շենքը ռիսկային է. ինչ է առաջարկվում այնտեղ բնակվող ԼՂ-ից բռնի տեղահանվածներին

Էվերեստի վրա թափվող ձյունն այլևս չի պահպանվում, ձնածածկույթը 150 մետրով նահանջել է

Սահմանազատումն այսօրվա դրությամբ բանակցային գործընթացի միակ հատվածն է, որ շոշափելի արդյունքներ ունի. Դըկոտինյի

Փետրվարի 24-ից հանրապետության դպրոցներում դասերը շարունակվելու են բնականոն կերպով. ԿԳՄՍՆ

Անկում տարադրամի շուկայում. ինչ փոփոխություններ են արձանագրվել փետրվարի 23-ին

Օդի ջերմաստիճանը կնվազի 6-9 աստիճանով. ինչ եղանակ սպասել առաջիկա օրերին

Շնորհակալ եմ բոլորին, ովքեր իրենց գործը կատարում են հոգատարությամբ ու պատասխանատվությամբ. Ավինյան

Մարտունի-Վարդենիս ճանապարհին ձյուն ու բուք է. տեսանյութ

Վատիկանը նոր տեղեկություն է հայտնել Հռոմի պապի առողջական վիճակի մասին

Վրաստանում ձյան տեղումների հետևանքով որոշ գնացքների երթուղիներ չեղարկվել են. սպասվում է եղանակի վատթարացում

Ահազանգեր են ստացվել արգելափակված ավտոմեքենաների վերաբերյալ. 59 քաղաքացու օգնություն է ցուցաբերվել. տեսանյութ

34-ամյա տղամարդը առանց վարորդական իրավունքի վկայականի, ոչ սթափ վիճակում մեքենաների է բախվել. վիրավորներ կան

Փլուզվել է Պերուի առևտրի կենտրոններից մեկի տանիքը. կան զոհեր

Իսրայելը հետաձգել է պաղեստինցի բանտարկյալների ազատ արձակումը

ՀՀ-ն կարևորում է Ճապոնիայի հետ համակողմանի համագործակցության խորացումը. Փաշինյանի ուղերձը Ճապոնիայի վարչապետին

Քանի չկա խաղաղության համաձայնագիր, հակամարտությունը կարող է վերսկսվել. ԵՄ դիտորդները պրոֆեսիոնալներ են. դեսպան

Հայկական հեռուստատեսությունն անհնար է պատկերացնել առանց Ձեզ. վարչապետի շնորհավորական ուղերձը Նարա Շլեպչյանին

Պաշտպանության ոլորտում համագործակցությունը ՀՀ-ի հետ շարունակվում է, պաշտոնական Փարիզի դիրքորոշումն է. դեսպան

Դպրոցում ծեծկռտուք է տեղի ունեցել ֆիզկուլտուրայի ուսուցչի և աշակերտների միջև․ 27-ամյա մանկավարժը ձերբակալվել է

Երևանի և 4 մարզի բազմաթիվ հասցեներում մի քանի ժամ լույս չի լինի

Վարդենյաց լեռնանցքը փակ է կցորդով փոխադրամիջոցների համար. իրավիճակը ՀՀ ավտոճանապարհներին

Էդգար Ղազարյանի նկատմամբ վարչական հսկողություն է կիրառվել

Թուրքիայում ընթացած լեռնադահուկային սպորտի պատանեկան միջազգային մրցաշարում հայ մարզիկը բրոնզե մեդալ է նվաճել

Հալիձորի մոտակայքում չորս բեռնատար է արգելափակվել ձյան շերտում

Ինչ իրավիճակ է Լարսի ճանապարհին

Մի քանի տարածաշրջանում ձյուն է տեղում. կան փակ և դժվարանցանելի ավտոճանապարհներ

Վահագն Դավթյանը ոսկե մեդալ է նվաճել աշխարհի գավաթի առաջին փուլում

Հոսպիտալում հիվանդության հետևանքով զինծառայողի մահվան դեպք է արձանագրվել. ՊՆ

Երևանի քաղաքապետարանը զգուշացնում է

2021-2025 թվականներին Փարաքար համայնքում կառուցվել և շահագործման է հանձնվել 2 դպրոց

«Բոշա՛», «բոշան դո՛ւ ես» ոճի մեղադրանքներ կամ ինչու Թրամփը բռնեց ռուսական գիծը՝ ակնհայտ լարվելով Զելենսկիի հետ

Դավիթ Բեկ համայնքում կրակոցներ չեն հնչել և տուժածներ չկան. ՆԳՆ

15 տարվա դպրոցի ճաշարանը խուց է, գրադարանը՝ հավաբնի չափ, պետության ներդրումը եղել է փող աշխատելու ձև. նախարար

Դիտորդները չեն ծեծվի, լցոնում չի չլինի. ինչ խնդիրներ կան Սահմանադրության մեջ, ինչպես կշտկվեն դրանք

Ռուս-ամերիկյան 2-րդ բանակցությունները կկայանան հաջորդ շաբաթ. Թրամփ

ՄԻՊ աշխատակազմը, ՔԿԾ ղեկավարն ու «Նուբարաշեն» ՔԿՀ պետը քննարկել են հիմնարկում արձանագրված խնդիրները

ԱՄՆ կոնգրեսականները տրամադրված չեն Ուկրաինային նոր օգնություն տրամադրել. Ջոնսոն

Երևանում փետրվարի 24-ի գիշերը սպասվում է -15․․․-17 աստիճան ցուրտ․ Լևոն Ազիզյան