Երևան
14 °C
Արցախի արտաքին գործերի նախկին նախարար Դավիթ Բաբայանի խոսքով՝ յուրաքանչյուր բանակցություն, անկախ դրա ֆորմատից, անհրաժեշտություն է: Վերջինս համոզված է՝ ավելի լավ է բանակցել, քան պատերազմել:
Բաբայանի հետ «Հայկական ժամանակ»-ի ամբողջական զրույցը՝ ստորև.
- Պարոն Բաբայան, Բրյուսելում և Պրահայում տեղի ունեցող բանակցությունները կարծես թե փոխարինում են Մինսկի խմբի շրջանակներում տեղի ունեցող բանակցություններին: Ինչպե՞ս եք գնահատում սա:
- Մեզ համար Մինսկի խմբի ձևաչափը շատ կարևոր է: Սա միջազգայնորեն ճանաչված միակ ձևաչափն է, որտեղ Արցախի սուբյեկտայնությունը ֆիքսվել է: Ադրբեջանի կոկորդին սա, իհարկե, մնացել է, որից ցանկանում է ձերբազատվել: Ադրբեջանն ամեն բան անելու է, որ այս ձևաչափը չլինի, և շատ լավ կլինի, որ դա Հայաստանն իր ձեռքերով անի: Հասկանում ենք, որ հիմա Արևմուտքի և ՌԴ-ի հարաբերությունները գերլարված են, բայց դա չի նշանակում, որ միշտ այդպես է լինելու: Հետևաբար, մենք պետք է պահպանենք Մինսկի գործընթացը, որովհետև դրա գործունեությունն ընդամենը սառեցված է, ոչ թե դադարեցված: Պետք է նաև արձանագրենք, որ Մինսկի խմբի համանախագահ երկրները առանձին աշխատում են մեզ հետ:
- ՀՀ իշխանությունները գնում են խաղաղության օրակարգի հաստատման ճանապարհով, սակայն սրան զուգահեռ Հայաստանի և Արցախի սահմանների երկայնքով ադրբեջանական ԶՈՒ-ն պարբերաբար սադրանքների է դիմում: Խաղաղության պայմանագրի կնքումը մոտալուտ ժամանակներում իրատեսական համարո՞ւմ եք:
- Ով չի ուզում, որ լինի խաղաղության պայմանագիր, այն շատ կարևոր է: Պետք է հարցերը հստակեցվեն: Ադրբեջանն այդ խաղաղության պայմանագիրը ցանկանում է որպես պատրվակ՝ Արցախի ճանաչումն իրենց կազմում տեսնելու հարցում: Դա մեզ համար անընդունելի է: Իմ համոզմամբ՝ կատարյալ խաղաղություն գոյություն չունի: Խաղաղությունը դա հավասարակշռություն է: Միայն բարի կամքի հիման վրա հենվել չենք կարող, քանի որ մարդկությունը դեռ դրան չի հասել, մանավանդ Ադրբեջանը և Թուրքիան: Եթե մենք ցանկանում ենք խաղաղություն լինի, ապա առաջին հերթին պետք է լինի կայունություն:
- Վերջերս Արցախում տեղի ունեցավ մեծ հանրահավաք, որը բավականին բուռն արձագանք ստացավ: Շատերը Արցախի իշխանություններին և արցախցիներին մեղադրեցին ՌԴ-ի կազմի մեջ մտնելու ցանկություն ունենալու համար: Այդ խոսակցություններն ավելի սրվեցին, երբ հանրահավաքի ժամանակ նշմարվում էին ՌԴ-ի ու Արցախի դրոշները, և կար քննադատություն ՀՀ-ի դրոշների բացակայության մասին:
- Այդ ամենը չի համապատասխանում իրականությանը: Որոշ շրջանակների տարածած սուտն է: Հանրահավաքին ՀՀ-ի դրոշներ եղել են: Ամոթ է նման լուրեր տարածելը: Այն մարդիկ, որոնք նման լուրեր են տարածում, պատվեր են կատարում: Եթե նայեք հանրահավաքի տեսանյութերը, կտեսնեք, որ Հայաստանի դրոշներն առկա են, ի վերջո, Արցախի դրոշն էլ է հայկական: Հայաստանի Հանրապետության դրոշը նաև ծածանվում է Արցախի նախագահականի դիմաց, կապ չունի՝ հանրահավա՞ք է տեղի ունենում, թե՞ ոչ:
Ինչ վերաբերում է ՌԴ-ի կազմի մեջ մտնելու արցախցիների ցանկություններին. մարդիկ անգրագետ են, ապուշ, չգիտեն տարրական քարտեզ. որտեղ ենք մենք գտնվում, որոնք են այն երկրները, որոնք մեզ հարևան են, որտեղ են Թուրքիան և Ադրբեջանը: Մարդիկ Ռուսաստանին վերաբերվում են որպես մեզ թշնամի: Առանց Ռուսաստան չկա Հայաստան: Թուրքիան մեզ կհոշոտի: Եթե ռուս խաղաղապահները չլինեն, Արցախը չի լինի: Այն մարդիկ, որոնք կեղտոտում են Ռուսաստանին, փաստորեն, նրանց գերնպատակը Արցախի ոչնչացումն է: Ռուսաստանը մեզ համար եղբայր է: Բայց մենք պետք է բոլոր երկրների հետ էլ պահպանենք մեր լավ հարաբերությունները: Մենք ունենք 2 միլիոն հայ ԱՄՆ-ում, մարդիկ, որոնք միշտ եղել են ՀՀ-ի ու Արցախի կողքին: Մենք ինչո՞ւ պետք է ԱՄՆ-ի հետ վատ լինենք: Մենք պետք է լինենք իմաստուն, մեր բոլոր խնդիրները իմաստության բացակայության մեջ է:
- Խոսենք նաև ներքաղաքական հարցերի մասին. Արցախի կառավարությունն օրեր առաջ ֆունդամենտալ փոփոխության ենթարկվեց. պաշտոններից ազատվեցին գրեթե բոլոր նախարարները: Սա արցախցու պահա՞նջն էր, քաղաքացիները դժգո՞հ էին Կառավարության աշխատանքից, թե՞ Արցախի նախագահն էր դժգոհ:
- Կառավարության անդամների փոփոխությունը նորմալ պրակտիկա է: Նոր պետնախարար է նշանակվել, պետք է նոր թիմ ձևավորվի: Կարևոր է, որ Կառավարության նոր անդամները լինեն պրոֆեսիոնալներ և հայրենասերներ:
- Նոր պետնախարար Ռուբեն Վարդանյանը խնդիրնե՞ր ուներ նախորդ թիմի հետ:
- Նոր պետնախարարը հայտարարեց, որ ունի նոր ծրագրեր, և դրանք հավանության են արժանացել նախագահի կողմից: Պետք է աշխատի, տեսնենք՝ ինչ է ստացվում:
- ԱԳ նախարարի պաշտոնում Ձեզ փոխարինող մի շարք անուններ են ԶԼՄ-ներում շրջանառվում: Տեղյա՞կ եք, թե ով է նշանակվելու:
- Ես միշտ հայտարարել եմ՝ «տաբուրետկաների» համար կռիվ տալն ինձ համար չէ, դա ես անբարոյական եմ համարում՝ որպես Դավիթ Բաբայան, արցախցի, քաղաքական գործիչ ու դիվանագետ: Ես ցանկացել եմ ինչ-որ ձև պիտանի լինել իմ ժողովրդին: Ինձ համար մեծ ազդեցություն չունի, թե ում կնշանակեն իմ փոխարեն, կարևորը Մամեդյարովին չնշանակեն, մնացածը ոչինչ:
Ալեքսեյ Սանդիկովը կգործուղվի Մոսկվա
Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը
ԱԺ պատգամավորները կգործուղվեն Բեռլին
5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին
Հայաստանում տեղումների դադար է, ջերմաստիճանը կբարձրանա 8-10 աստիճանով
«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել
200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության
Սյունիքի մարզում դատավոր է նշանակվել
Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները
Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում
Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը
Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ
Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել
Երբ է սպասվում դեղձենու մասսայական ծաղկումն Արարատյան դաշտում
«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին
Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է
Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ
Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում
Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է
Լեհաստանը զորքեր կուղարկի Ֆրանսիա
Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները
Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ
Այրվել է վագոն-տնակ՝ ներսում եղած իրերով
Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը
Երևանի և 2 մարզի որոշ հասցեներ մի քանի ժամով կհոսանքազրկվեն
Բախվել են «Նիսսան» և «ՎԱԶ» մակնիշի ավտոմեքենաներ
Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ
Քարաթափում Արարատի մարզում. ճանապարհը դարձել է միակողմանի երթևեկելի
Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել
ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին
Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)
Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը
ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան
© 2024 Հայկական ժամանակ