Երևան
12 °C
Գյումրու Ստեփան Ալիխանյանի տիկնիկային թատրոնը հստակ ձեռագիր ունի, այն է՝ լինել այն հանդիսականի կողքին, որն իր կարիքն ունի։ Տիկնիկները ճամփորդում են, ներկայանում իրենց սպասողներին։
Այս տարի 87-րդ թատերաշրջանը ալիխանյանցիները մեկնարկել են հենց արտագնա ներկայացմամբ։ 2022-ի հյուրախաղային ցանկն ընդգրկուն է՝ պայմանավորված տիկնիկայինում ընթացող շինաշխատանքներով։
«Հայկական ժամանակ»-ի հետ զրույցում տիկնիկային թատրոնի տնօրենի պաշտոնակատար Արմենուհի Մանուկյանն ասում է՝ մշտապես են հրավերներ ունեցել. որքան կարողացել են, ոչ մեկին չեն մերժել։ «Թատրոնը այն հանդիսականի կողքին է, որը կարիք ունի որակյալ արվեստի»,- շեշտում է Մանուկյանը։
Ընդամենը մի քանի օրում սպառված տոմսեր և լեփ-լեցուն դահլիճ։ Արտագնա հյուրախաղերից մեկը հյուրընկալել է Վանաձորի տիկնիկային թատրոնը։ Տնօրենի և Վանաձորի համայնքապետարանի մշակույթի, կրթության և զբոսաշրջության հարցերի բաժնի պետ Քրիստինե Մադոյանի հետ եկել են համաձայնության ու վանաձորցի հանդիսականին ներկայացրել, ըստ Հովհաննես Թումանյանի, «Վայ Հուռի, վայ» պիեսը։ Պիեսը, բեմադրությունն ու երաժշտական ձևավորումը տիկնիկայինի տնօրեն, ռեժիսոր Արմենուհի Մանուկյանինն են։ Այս ներկայացման մեջ զբաղված է գրեթե ողջ թատերախումբը։
Բեմադրությունը, Մանուկյանի խոսքով, ոճային առումով տիկնիկային արվեստում առաջինն է, որտեղ միաձուլված են դերասանը, ստվերը, ձողիկավորը, հարթակայինն ու մարդ-տիկնիկները։
«Վանաձորի հանդիսականը ընդունեց ներկայացումը այն նույն ջերմությամբ, ինչպես Գյումրիում, որտեղ հանդիսատեսը արտերկրից և Հայաստանի տարբեր մարզերից, Երևանից և տեղի բնակիչներ են լինում։ Սա էլ հպարտությամբ շարունակելու ոգևորիչ շարժառիթի հիմք է։ Մինչև Ամանոր ներկայացումը կլինի սիրելի Երևանի սիրելի բեմերից մեկում»,- ընդգծում է տիկնիկային թատրոնի տնօրենը։
Սակայն բոլոր ներկայացումները չէ, որ հնարավոր է դուրս բերել թատրոնից, քանի որ կան ներկայացումներ, որոնք հարմարեցված են իրենց բեմին, նկատում է նա. «Շատ հաճախ դեկորացիաները պատրաստվում են մեր տիկնիկայինի համար՝ չափերով մեծ, իսկ արտագնա ներկայացման համար՝ ավելի փոքր»:
Արտագնա հյուրախաղերը հաճելիից զատ, նաև այս պահին դժվարություններ էլ են առաջացնում տիկնիկայինի համար։ Շենքում օգոստոսից վերանորոգման աշխատանքներ են մեկնարկել, որոնք դեռ ընթացքի մեջ են, ինչը նշանակում է, որ տիկնիկայինը չի կարողացել հանդիսական ընդունել ո՛չ աբոնեմենտային տարբերակով, ո՛չ սովորական տոմսերով։
«Մեզ մոտ ֆինանսական դժվարություններ են առաջանում հասնելու որևէ բնակավայր՝ արվեստ, մշակույթ մատուցելու համար։ Բայց այն գիտակցմամբ ենք, որ փոքրիկ նեղություն է, որից շուտով կազատվենք։ Մեզ հետ նաև համբերատար սպասում է մեր հանդիսականը»,-նշում է զրուցակիցը:
Այս պահին հյուրախաղերի մեծ թիվը զուտ հանգամանքների բերումով է պայմանավորված։ Մանուկյանն ասում է՝ մշտապես հորդորում է ներկայացումները դիտել հենց թատրոնում. դա ուրիշ մի աշխարհ է, այլ զգացողություններով լցված. «Հրավերներն անհաշվելի են, թեև մշտապես ասում եմ, խնդրում՝ եկեք, թատրոնի բեմում վայելեք ներկայացումները։ Առաջինը՝ կարևոր քաղաքակրթություն է, երկրորդ, ներկայացումները տեղում խաղալիս առավել գրավիչ ու ազդեցիկ են։ Արտագնայի դեպքում այդ գրավչությունը ընդամենը 40-50 տոկոս է»։
Տիկնիկայինի շենքը փակ է հանդիսականի համար, բայց սա չի նշանակում, թե դերասաններն արձակուրդում են։ Ուղիղ հակառակը՝ աշխատում, ստեղծագործում են առավել մեծ պատասխանատվությամբ, քանի որ հանդիսականի պահանջներն ամեն օր փոխվում են, դրանց հետևից հասնել, սպասումներն էլ գերազանցել է պետք։
Անձնակազմը արտագնա հյուրախաղերին զուգահեռ նոր ներկայացումների է պատրաստվում։ Մեկ փոքրիկ սենյակում հարմարված դերասանները ստեղծագործում են՝ անկախ անհարմարություններից։ Մանուկյանը շեշտում է՝ թատրոնը շնչող օրգանիզմ է։
Այս ընթացքում բեմադրվել է, ըստ Սերգեյ Միխալկովի, «Երեք խոզուկները» հեքիաթի հիման վրա բեմադրված ներկայացումը։ Այն կրկին թատրոնի տնօրենինն է։ Ընթացքի մեջ է Անի Մարգարյանի «Գնդիկ Բոքոնիկը» ներկայացումը, հանդիսականի դատին կհանձնվի վերանորոգման աշխատանքների ավարտից հետո։ Ընթացքի մեջ են նաև մեծահասակների համար նախատեսված ներկայացման փորձերը։ Ներկայացման մասին Մանուկյանը շատ բան չի ասում։
«Բեմադրվում է ռուս հեղինակ Լեոնիդ Անդրևից մի շատ հետաքրքիր գործ։ Այս պահին միայն սա, ավելի ուշ կմանրամասնենք համամարդկային թեմային մեր անդրադարձի ու ներկայացման մասին»,- խոստանում է նա։
Քանի Ամանորը մոտենում է, տիկնիկայինի հեռախոսի զանգերն ու ստացվող նամակները բազմապատկվում են։ Իսկ Ամանորը Գյումրու տիկնիկայինն առանց տոնական ներկայացման, բնականաբար, չի դիմավորի։
Տոներին ընդառաջ ՀՀ տարբեր բեմերում կլինի Սուտեևի հեքիաթի մոտիվներով բեմադրված «Նամակ Շլդիկից» ներկայացումը։
Հակամարտությունը պետք է դադարեցվի․ ես հրաժարվում եմ միջնորդ լինելուց․ Տոկաևը՝ Պուտինին
ԻԻՀ նավթի նախարարը վերահաստատել է Իրանի պատրաստակամությունը՝ զարգացնելու համագործակցությունը Հայաստանի հետ
ԳՇ պետը հանդիպել է N զորամիավորման ժամկետային զինծառայող ջոկերի հրամանատարների, բանակային դիրքերի ավագների հետ
Քարով բարձված «Կամազ»-ը կողաշրջվել է․ 51-ամյա վարորդը տեղում մահացել է
Ռուսաստանը պատրաստվում է առաջիկա 48 ժամում նոր զանգվածային հարված հասցնել Ուկրաինային. Զելենսկի
Քննարկվել են ՀՀ-Ֆրանսիա ռազմավարական գործընկերության հարցերը․ Փաշինյան-Մակրոն հեռախոսազրույց է տեղի ունեցել
Երկրաշարժ Վրաստանում․ ցնցումները զգացվել են նաև Հայաստանում
Եվրոն էժանացել է. ինչ փոփոխություններ է արձանագրել տարադրամի շուկան հուլիսի 25-ին
Սաուդյան Արաբիան Եմենից արձակված բալիստիկ հրթիռներ է որսացել
Վրաստանում էլեկտրաէներգիայի մատակարարումն ամբողջությամբ վերականգնվել է
2026-ի առաջին կիսամյակի առաջին 1000 խոշոր հարկ վճարողների ցանկում ՀԷՑ-ն արդեն 13-րդ տեղում է․ Պետրոսյան
Ուրուգվայում ՀՀ դեսպանը ներկայացրել է COP17-ում Հայաստանի նախագահության առաջնահերթությունները
Իրան-Հայաստան էներգետիկայի հարցերով աշխատանքային խումբ կստեղծվի․ ՀՀ-ին նոր առևտրային մոդել է առաջարկվել
Ուկրաինայի ԶՈՒ-ն հարվածել է Զապորոժիեի զբոսաշրջային կենտրոններին․ զոհերի թվում երեխաներ կան
Սևանա լճում քաղաքացիներով հեծանվանավակ է շրջվել
Դավիթ Խուդաթյանը հանդիպել է Իրանի նավթի նախարար Մոհսեն Փաքնեժադիի հետ․ տեսանյութ
Օդի ջերմաստիճանը կբարձրանա 2-4 աստիճանով․ տեղումներ չեն լինի
Զգո՛ն եղեք, մի՛ վստահեք կասկածելի աղբյուրներից ստացված նամակներին․ ՆԳՆ
Որտե՞ղ են թաքնված բռնության դեպքերի արմատները. Աննա Հակոբյան
Դավիթ Խուդաթյանը գործուղվել է Իրան
Ընտրակաշառք տալու մեղադրանքով հետախուզվող է հայտնաբերվել․ 31-ամյա տղամարդը կալանավորվել է
Անտառներում և խոտածածկ տարածքներում հրդեհների առաջացման և տարածման վտանգ կա․ ՆԳՆ
Հայ գրոսմայստեր Վլադիմիր Հակոբյանը՝ 2026-ի շախմատի ԱՄՆ-ի վետերանների չեմպիոն
Երևանը նոր սերնդի 10 աղբատար կունենա․ առաջին անգամ մեքենաներում կիրառվել է 360° տեսադիտման համակարգ
Քարիմ Խանը հեռացված է պաշտոնից․ ՄՔԴ-ն հաստատել է գլխավոր դատախազի հրաժարականը
Կանանց հրաձգային գումարտակն առաջին անգամ հերթապահություն է ստանձնել․ տեսանյութ ամրացված շրջաններից մեկից
Հայաստանից արտահանումը 2026թ. հունվար-հունիսին աճել է․ Պապոյանը վիճակագրություն է հրապարակել
Առանձնահատուկ կլիմայական տարի․ Սուրենյանը տեսանյութ է հրապարակել
Բացահայտվել է Երևանի Մուրացանի փողոցում տեղի ունեցած հանցագործությունը․ կան կալանավորված անձինք
Ինչ իրավիճակ է հանրապետության ճանապարհներին և Լարսում
Նոր հանրային քրեական հետապնդում՝ Ծառուկյանի նկատմամբ․ հայտնի է՝ ինչի համար
Չքաղաքականացնել․ վարչապետը տեսանյութ է հրապարակել
Զոլաքար-Վարդենիկ ճանապարհին բախվել են «ՎԱԶ 2106»-ը և «Ford Transit»-ը․ վերջինը կողաշրջվել է
Պայմանագիր՝ Մատենադարանի և Գալուստ Կիւլպէնկեան հիմնադրամի միջև․ տեղի է ունեցել կլոր սեղան-քննարկում
ՔՏՀԱ ՏՄ ուշադրության կենտրոնում են սուբվենցիոն ծրագրերով իրականացվող շինաշխատանքներին առնչվող հարցերը
Ուկրաինայի ու Թուրքիայի ԱԳ նախարարները Սև ծովում ազատ նավարկությանը վերաբերող հարցեր են քննարկել
ՍԱՏՄ-ն «Մարիոթ Արմենիա»-ից զատ ստուգումներ կիրականացնի սննդատեսակները մատակարարած բոլոր կազմակերպություններում
Կապանում անցկացվել են ԱՊՀ միջազգային երիտասարդական համաժողովը և երիտասարդության հարցերով խորհրդի նիստը
«Հորիզոններ» դուալ կրթական ծրագրի սովորողները Չինաստանում մասնակցում են միջազգային երիտասարդական ճամբարի
Վայոց ձորի բնակիչ 63-ամյա տղամարդու ննջասենյակից փաթեթներով թմրամիջոց է հայտնաբերվել
