Լիկբեզ Հայաստանի տարածքին վերաբերող հայտարարությունները միտումնավոր խեղաթյուրող գործիչների համար

«Ողջախոհության ճրագ» դառնալու հավակնություններով ԱԺ արտահերթ ընտրություններին մասնակցած, բայց նվազագույն շեմը չհաղթահարած՝ 1,54 տոկոս ստացած երբեմնի «կառուցողական» ընդդիմության ներկայացուցիչներից մեկը հարցազրույց է տվել Ժուռնալիստների միության նախագա(հ)ին։ Այս հարցազրույցին կարելի էր նշանակություն չտալ, եթե դրանում հիշյալ գործիչը՝ ՀԱԿ փոխնախագահ Լեւոն Զուրաբյանը, հարցազրուցավարի հետ սինխրոն չզբաղվեր փաստերի միտումնավոր խեղաթյուրմամբ, կեղծիք տիրաժավորելով։ 

Մինչ այդ մանիպուլյացիաներից մեկին անդրադառնալը՝ մի դիտարկում․ «Հայկական ժամանակ»-ի մասին խոսելիս Ժուռնալիստների միության նախագա(հ)ը եւ նրա զրուցակիցը եւս, ի թիվս այլոց, գործածում են «ընտանեկան լրատվամիջոց», «սեփական լրատվամիջոց» եզրույթները՝ այսպիսով, ըստ էության, լրատվամիջոցի հրապարակումները դիտարկելով «Կառավարությունից իջեցված» «քարոզչական պատվերի» շրջանակներում։ 

Զավեշտն այն է, որ նման կապակցություն հնչում է մասնավորապես այն գործիչների շուրթերից, որոնք «գրանտով» ընտանեկան կայք են «աշխատացնում» (որտեղ տպագրվող նյութերն իրենց վուլգար շարադրանքով արժանի են դասվել բուլվարային մամուլի դասական նմուշների շարքին), հանքարդյունավերության հսկաներից մեկի բյուջեից գրպանված միլիարդներով էլ՝ ՀԿ-ներ ու «ԹՎ»-ներ ֆինանսավորում։ Կամ էլ հետամուտ լինելով հայկական ասացվածքի տրամաբանությանը՝ «խորամանկ գառան» վարքագիծ ցուցաբերում՝ «երկու մոր ծիծ են  ուտում»՝ գոհունակությամբ կատարելով «կաթ տվողների» քաղաքական մանր ու մեծ հրահանգները։ 

Զարմանալին այն է, որ «ընտանեկան կայքերից» մեկում Ժուռնալիստների միության նախագահը ժամանակին ներկայացվել է որպես «Միքայել Մինասյանի գործուն աջակցությամբ» պաշտոնը ստանձնած եւ «միմիայն նախկինների շահերը սպասարկել շարունակող» անձ։ Բայց է՛լ ավելի զարմանալին այն է, որ սույն կայքի հետ աֆիլացված անձը չի խորշել նույն այդ՝ քաղաքական գծի սպասարկմամբ զբաղվող լրատվամիջոցի եթեր գնալ՝ այսպիսով, փաստորեն, համալրելով «սպասարկուների» շարքը։

Մեր խնդիրը, սակայն, մորալի դասեր կարդալը չէ եւ ոչ էլ աշխատաոճ թելադրելը, այլ, ինչպես ասացինք, աղաղակող մի կեղծիքի անդրադառնալը։     

Եվ այսպես․ խոսելով խաղաղության օրակարգի շուրջ ընթացող բանակցային գործընթացի համատեքստում՝ ՀՀ տարածքի չափին վերաբերող՝ իշխանության ներկայացուցիչների հայտարարությունների մասին՝ Զուրաբյանը անում է խեղաթյուրված մի պնդում։ «Էդ 29 հազար թիվը որ չե՜ն ասում․․․ ես մի քիչ արդեն սկսում եմ ջղայնանալ։ Իրականում մեր տարածքը 30 հազար է․․․ այսինքն՝ 29 հազարից ավել է»։  Հարցազրուցավար Սաթիկ Սեյրանյանն էլ, միջամտելով զրուցակցի խոսքին, փորձում է ամրապնդել իր զրուցակցի սխալը՝ նշելով․ «Գոնե դպրոցական դասագրքերում էլ է 29 հազարից ավելի․․․»։

«Կառուցողական ընդդիմության» ներկայացուցիչը, համաձայնելով ասվածին, շարունակում է պնդել․ «Այսինքն՝ 29 հազարից ավելին է, 29 հազար 800 քանի․․․․․այսինքն՝ էլեմենտար մաթեմատիկական պարկեշտությունը ենթադրում է՝ նման դեպքերում ասել՝ 30 հազար։ ․․․Ես ըտեղ քաղաքականություն եմ տեսնում, մի օր բացվելու է, որ մեր տիրապետության տակ մնացել է 29 հազար կիլոմետր ընդամենը, եւ նրանք (-խմբ. իշխանությունը) նույնքան անմեղ տեսքով ասելու են՝ գիդեք, ոնց եղել է 29 հազար, ըտենց էլ պահպանել ենք։ Այսինքն՝ էս թվերն էլ, էս մանիպուլյացիաներն էլ հենց էնպես չեն արվում»։ «Ողջախոհության ճրագի» հավակնորդ, մասնագիտությամբ ֆիզիկոս պարոն Զուրաբյանին էլեմենտար մաթեմատիկական մի հուշում անենք՝ ՀՀ տարածքը 30 հազար կիլոմետր չէ, այլ ունի ստույգ չափ՝ 29,743 կմ2 է՝ ըստ պետական վիճակագրական հաստատության՝ ԱՎԿ-ի գերստույգ տվյալի:

Հետեւապես ՀՀ տարածքի չափի մասին խոսելիս պետք է լինել ծայրահեղ կոռեկտ եւ այդ չափը չշփոթել հոնորարի կամ աշխատավարձի չափի հետ՝ այն, այսպես ասած, «կլորացված» ներկայացնելով։

Ինչ վերաբերում է ՀԱԿ փոխնախագահի դիտարկմանը, թե ինքը միտում է տեսնում «29 հազար» թիվ նշելու մեջ, ապա մենք էլ միտում ենք տեսնում նրա կողմից՝ սուտ, կեղծիք, թերասածություն պարունակող հայտարարություն անելու, քանի որ ՀՀ վարչապետը, խոսելով ՀՀ տարածքի մասին, երբեք չի կրճատել այն՝ պակասեցնելով մոտ 800-ով։
Հատուկ մի քանի հիշեցում Փաշինյանի խոսքը միտումնավոր խեղաթյուրողների համար․ առաջին անգամ այդ կապակցությունը ՀՀ վարչապետը գործածեց ԱԺ-Կառավարություն հարցուպատասխանի ժամանակ՝ հայտարարելով, որ «29,800 քառակուսի կմ Հայաստանի սուվերեն տարածքը կարմիր գիծ է մեզ համար»։ «ՀՀ տարածքներն անսահմանափակ չեն, ՀՀ-ն ունի սուվերեն տարածք, էդ սուվերեն տարածքը Խորհրդային Հայաստանի տարածքն է՝ 29 հազար 800 քառակուսի  կիլոմետր»,- նշեց Փաշինյանը:

Եթե պարոն Զուրաբյանը պատահմամբ բաց է թողել Փաշինյանի այս հայտարարությունը կամ էլ 29 հազարի վերջում արտասանվող 800-ը չի լսել, ապա նրա համար եւս մեկ մեջբերում Փաշինյանի՝ արդեն ՄԱԿ-ի ամբիոնից հնչած ելույթից․ ««Եթե Ադրբեջանը ճանաչի Հայաստանի տարածքային ամբողջականությունը ոչ թե տեսականորեն, այլ գործնականում, նկատի ունեմ մեր՝ միջազգայնորեն ճանաչված 29 հազար 800 քառակուսի կիլոմետրի ամբողջականությունը, նշանակում է՝ մենք կարող ենք ստորագրել խաղաղության համաձայնագիր»։

Հ1-ին տված հարցազրույցում նույնպես խոսելով Հայաստանի եւ Ադրբեջանի միջեւ խաղաղության պայմանագրի հնարավոր բովանդակության եւ հայկական կողմի պատկերացումների մասին՝ Փաշինյանը մասնավորապես հայտարարել էր․ «Ես ասում եմ՝ ՀՀ-ն 29 հազար 800 քառակուսի կիլոմետր է: Ինչո՞ւ եմ ասում՝ 29 հազար 800, որովհետեւ ՀՀ միջազգայնորեն ճանաչված սահմանը 29 հազար 800 քառակուսի կիլոմետր է: ․․․Եվ մենք ի՞նչ ենք ասում՝ եթե Ադրբեջանը ճանաչում է մեր տարածքային ամբողջականությունը, որը հիմնված է 1991 թ. դեկտեմբերի 18-ին Անկախ պետությունների համագործակցություն (ԱՊՀ) ստեղծելու համաձայնագրի վրա, մենք պատրաստ ենք այդ հենքի վրա գնալ տարածքային ամբողջականության փոխադարձ ճանաչման»։

Փաշինյանը ՀՀ տարածքի մասին հարցն արծարծեց նաեւ «Բյուջե-2023»-ի քննարկումների ժամանակ իր եզրափակիչ խոսքում՝ մասնավորապես նշելով․ «Ադրբեջանն ունի այսպիսի դիրքորոշում, որ 2021 թվականից առաջ էլ, մայիսից առաջ էլ կան տարածքներ, որոնք, այսպես ասած, օրինակ՝ Հայաստանը օկուպացրել է, եւ եթե կա խնդիր, եւ իրենք կարծում են, որ Հայաստանն էլ իր հերթին պետք է դուրս գա այդ տարածքներից: ․․․Մենք ասում ենք՝ շատ լավ, ցույց տվեք քարտեզը, ցույց տվեք սահմանի գիծը եւ ցույց տվեք այդ սահմանի ձեր ցույց տված գիծն ի՞նչ իրավական հիմնավորում ունի: Այդ դեպքում նաեւ մենք պատրաստ ենք, ինչպես ասել եմ իմ վերջին հարցազրույցներից մեկում, իրադրությունը զարգացնել մինչեւ ամբողջ սահմանի երկայնքով, որ ո՛չ ադրբեջանական, ո՛չ հայաստանյան օկուպացված տարածքներ չլինեն:․․ Ես ուզում եմ՝ ե՛ւ հայ հանրությունը, ե՛ւ միջազգային հանրությունը սա արձանագրի՝ պայմանով, որ մեր այն սիրելի հայրենակիցները, ովքեր քարտեզի մասին այդքան էլ լավ պատկերացում չունեն, միանգամից չշտապեն որակումներ տալ, որովհետեւ խոսքը 29 հազար 800 քառակուսի կիլոմետր ՀՀ տարածքային ամբողջականությունը վերականգնելու եւ ոչ թե ընդհակառակը՝ զիջելու մասին է»:

Հավելենք նաեւ, որ կառավարող ուժի մի շարք ներկայացուցիչներ եւս, խոսելով ՀՀ-ի, այսպես ասած, «կարմիր գծերի» մասին եւ այդ համատեքստում շեշտելով ՀՀ տարածքի չափը, գործածել եւ գործածում են ոչ թե 29 հազար, ինչպես Զուրաբյանն է միտումնավոր խեղաթյուրելով ներկայացնում, այլ 29 հազար 800 քառակուսի կիլոմետր կապակցությունը։

Լ․ Զուրաբյանը սույն երկարուձիգ հարցազրույցում մի շարք այլ մանիպուլյատիվ, հայ-ռուսական հարաբերություններին վնասող, տրամաբանության կանոնների առջեւ մեղանչող հայտարարություններ էլ է արել՝ իշխանությանը մեղադրելով «Արցախը Ադրբեջանի կազմում թողնելու» մտադրության համար, ընդհուպ Նիկոլ Փաշինյանին համեմատել է Ադրբեջանի նախկին նախագահի հետ եւ որակել «կպչուն Էլչիբեյ»։ Դրանց անդրադառնալը, անկեղծ ասած, նպատակահարմար չենք գտնում...

Ընդամենն արձանագրենք, որ, ի դեմս որոշ «կառուցողական ընդդիմադիր գործիչների», գործ ունենք ոչ թե «ողջախոհության ճրագների», այլ «հանգած մոխիրների» հետ։ Իսկ «հանգածների» մասին՝ կա՛մ լավը, կա՛մ․․․ ոչինչ։ 

Հայկ Մալխասյան

Տպել
1127 դիտում

Շիրակի մարզպետը պատասխանատուների հետ քննարկել է սուբվենցիոն ծրագրերի ընթացքը, հորդորել է լինել առավել կառուցողական

Ընդդիմության հին ու չարչրկված սցենարով հերթական արարի ականատեսն ենք, պարոնա՛յք, հանդիսատեսը հոգնել է․ Նազելի Բաղդասարյան

ՔՊ խմբակցության պատգամավորները Մայքլ Սեսիրին ներկայացրել են Լաչինի միջանցքի արգելափակման հետեւանքով ստեղծված իրավիճակը

Համաշխարհային բանկը պատրաստակամություն է հայտնել շարունակել ընթացիկ համագործակցությունը Հայաստանի հետ

Գյումրու փոխքաղաքապետի պաշտոնը 5 ամիս է՝ թափուր է. Վահագն Ալեքսանյանը վստահեցնում է՝ տեսանելի ապագայում նշանակում կլինի

Ոստիկանության կոլեգիալ նիստում 2023-ը հայտարարվել է թմրամիջոցների դեմ պայքարի և ապօրինի զենք-զինամթերքի առգրավման տարի

Սահմանադրական բարեփոխումների խորհրդի որոշմամբ՝ հանձնաժողովի անդամներ են ընտրվել Ռաֆիկ Գրիգորյանը և Դավիթ Հակոբյանը

Կայացել է Արամ Խաչատրյանի 120-ամյակի կազմակերպման աշխատանքներով զբաղվող հանձնաժողովի նիստը

ՀՀ կառավարությունը գնահատում է Ֆրանսիայի հանձնառությունը՝ Հայաստանի հետ տնտեսական համագործակցության զարգացման հարցում

«Դինամո» մարզադահլիճում վաղը կմեկնարկեն Հայասատանի բռնցքամարտի առաջնության եզրափակիչները

ԿԳՄՍ նախարարը և Շվեդիայի դեսպանը քննարկել են համագործակցության զարգացման հնարավորությունները

Աննա Հակոբյանն Ալմաթիում այցելել է Ղազախստանի ժողովրդական գործիքների և Պետական արվեստի թանգարան (լուսանկարներ)

Մեղրիի լեռնանցքը ձյան ու բքի պատճառով որոշ փոխադրամիջոցների համար փակ է

Հանրային քննարկման է ներկայացվել սովորողի ուսումնառության արդյունքների գնահատման կարգի նախագիծը

«Ձեր դատավճիռը տվել է ժողովուրդը, դուք դառնալու եք պատերազմի նոր հրձիգներ. ԱԺ-ում կրքերը թեժ էին

Ընդդիմությունն ունի մեկ նպատակ՝ նոյեմբերի 9-ի հայտարարությունը խախտող կողմերին ազատել պատասխանատվությունից. Ռուբինյան

Արցախում դատարկ են նաև մսի կետերը, շրջափակման հետևանքով առնվազն 5100 մարդ կորցրել է աշխատանքը. տեղեկագիր

Ոչ սթափ վարորդը Ստեփանակերտում վրաերթի է ենթարկել 26-ամյա կնոջն ու նրա 2-ամյա երեխային

ԱՄՆ դեսպանատան ներկայացուցիչները հանդիպել են ՀՀ հակակոռուպցիոն կոմիտեի նախագահի հետ

Բացահայտնվել է թմրամիջոցի ապօրինի շրջանառության դեպք. մեկ անձ ձերբակալվել է

Հացավանի տներից մեկում կիսաայրված հայտնաբերված տղամարդն ապրել է միայնակ, դեպքով հարուցվել է վարույթ. մանրամասներ

Կրթական նախագծեր՝ Երևանի և Լիոնի միջև. ստորագրվել է համագործակցության հուշագիր

Արցախի արտգործնախարարը նամակներ է ուղարկել Հայաստանում հավատարմագրված մի շարք երկրների դեսպանների

Պետության տրամադրած տրակտորը արցախցին տեղափոխել է Էջմիածին ու հայտնել, թե այն մնացել է ադրբեջանական կողմում

Լավրովը կրկին խոսել է Հայաստան ՀԱՊԿ-ի գալու մասին, որովհետև «գիտեն», որ նոր պատերազմ է լինելու. Սաֆարյան

«Հայաստան» խմբակցությունը Լաչինի միջանցքի փակման թեմայով խորհրդարանական լսումներ է անցկացնում

Իրանի քաղաքացին Մեղրիի մաքսակետով փորձել է անցկացնել մոտ 0,5 կգ թմրամիջոց. հասցեատերը հայտնի է, նախաձեռնվել է վարույթ

«Արդար Հայաստան» կուսակցությունը մասնակցելու է Երևանի ավագանու ընտրություններին

ԱՄՆ կոնգրեսական Ֆրենկ Փալոնը միացել է Լաչինի միջանցքի արգելափակման դեմ ամերիկահայերի ցույցին

Հայաստանը նախորդ տարի արտահանել է 400 մլն դոլարի մշակված ադամանդ. Քերոբյանն ավելի բարձր ցուցանիշ է սպասում. Armenpress

2 տարի առաջ երևանյան ակումբներից մեկի մոտ ծեծկռտուքի, կրակոցի և խուլիգանության գործով նյութերն ուղարկվել են դատարան

Թվային տնտեսության զարգացումը Հայաստանի համար մնում է կարևորագույն առաջնահերթություններից. վարչապետ (լուսանկարներ)

Աղվորիկ, Զարիշատ, Բերդաշեն, Զորակերտ բնակավայրերի ջրագծի կառուցումն իրականացվել է խախտումներով. վարույթ կնախաձեռնվի

«Փորձագիտական կենտրոն»-ը առաջիկայում կիրականացնի բացառիկ փորձաքննություններ

Հայտնաբերվել է ապօրինի հատված 26 կաղնի

ԱՄՆ-ի պետքարտուղարությունը հիշեցրել է Կոնգրեսի իրավունքը՝ քվեարկելու Թուրքիային F-16-ներ վաճառելու վերաբերյալ հարցում

«Ես ճանապարհորդում եմ առանց COVID-19» հավելվածը հիմք է տալիս թվային բժշկության զարգացման համար. Նիկոլ Փաշինյան

Փրկարարները դուրս են բերել ձյան տեղումների հետևանքով արգելափակված 11 ավտոմեքենա

Երկար ժամանակով լույս չի լինելու Երևանի և 4 մարզի բազմաթիվ հասցեներում

Երևանի 10 վարչական շրջանում 400 նոր վերելակ կտեղադրվի. հայտնի են հասցեները