Ի վերջո, ինչ մթնոլորտում է անցել Բրյուսովի հոգաբարձուների նիստը. անդամների և ռեկտորի հայտարարություններն իրարամերժ են

Երևանի Վ․ Բրյուսովի անվան պետական համալսարանի շուրջ խոսակցությունները դեռևս շարունակվում են։ Այս համալսարանը ուշադրության կենտրոնում հայտնվեց հոկտեմբերի 12-ին, երբ պարզ դարձավ, որ ՀՀ կրթության, գիտության, մշակույթի և սպորտի նախարարությունը նախագծով նախատեսում է Բրյուսովի պետական համալսարանը և ֆիզիկական կուլտուրայի ինստիտուտը միացնել Մանկավարժական համալսարանին։

Բրյուսովցիները այս նախագծի հետ կապված մի քանի օր դասադուլ էին հայտարարել և իրականացնում էին ակցիաներ։ Որոշ ժամանակ անց՝ նոյեմբերի 9-ին, բուհը հայտարարեց ռեկտորի թափուր պաշտոնը զբաղեցնելու վերաբերյալ մրցույթ, չնայած դեռ հոկտեմբերի 13-ին էր ԿԳՄՍ նախկին նախարար Վահրամ Դումանյանը խոսել մրցույթի նպատակահարմար չլինելու մասին։ Դեկտեմբերի 9-ին բուհի հոգաբարձուների խորհրդի կայացած նիստի ընթացքում գործող ռեկտոր Կարինե Հարությունյանը վերընտրվեց իր պաշտոնում։

Այնուհետև «Հայկական ժամանակ»-ը, հղում անելով իր աղբյուրներին, հայտնել էր, որ Վալերի Բրյուսովի անվան պետական համալսարանի ռեկտորը՝ Կարինե Հարությունյանը, պաշտոնավարման 4 տարվա ընթացքում մի շարք չարաշահումներ է թույլ տվել, որոնք լրջագույն վնաս են հասցրել կրթական հաստատությանը: Պետական վերահսկողական ծառայությունն էլ մի քանի օր առաջ հանդես եկավ հայտարարությամբ՝ տեղեկացնելով, թե ինչ խախտումներ են հայտնաբերվել Բրյուսովի անվան համալսարանում: ՊՎԾ-ն արձանագրած խախտումների վերաբերյալ տեղեկանքները փոխանցել է ՀՀ դատախազություն։ Դատախազության երեկ տարածած հաղորդագրությամբ էլ նշվում էր, որ Բրյուսովի անվան պետական համալսարանի ռեկտորի ընտրությունների ընթացքում կատարված խուլիգանության և հոգաբարձուների խորհրդի նիստի ընթացքում թույլ տրված կեղծիքների դեպքերի առթիվ նախաձեռնվել են քրեական վարույթներ։

Բուհի հոգաբարձուների խորհուրդը բաղկացած է 20 անդամից, որից 5-ը լիազոր մարմնի առաջադրածն են, 5-ը՝ պրոֆեսորադասախոսական կազմից, 5-ը՝ հիմնադրի առաջադրած, 5-ին էլ՝ սովորողների ընտրած: Հոգաբարձուների խորհրդի նախագահն է նախկին փոխվարչապետ Համբարձում Մաթևոսյանը։

Լիազոր մարմնի առաջադրած խորհրդի անդամ, կրթության փորձագետ, բանասիրական գիտությունների թեկնածու Սամվել Կարաբեկյանը, մեր զրույցում անդրադառնալով օրերս տեղի ունեցած ռեկտորի ընտրության համար հրավիրված հոգաբարձուների խորհրդի նիստին (նկատենք՝ նիստը անցկացվել է փակ և լուսաբանման ենթակա չէր), պնդում է, որ դրա ժամանակ որևէ արտառոց դեպք տեղի չի ունեցել՝ չհերքելով, որ այն թերևս անցկացվել է լարված մթնոլորտում: Նկատենք, սակայն, որ վերընտրված ռեկտոր Կարինե Հարությունյանը ընտրությունից հետո լրագրողների հետ զրույցում ասել էր՝ նիստը անցել է հանգիստ մթնոլորտում: «Բավականին բարյացկամ և լավ մթնոլորտ էր»,- գոհունակության ժպիտը դեմքին՝ նշել էր նա: 

«Եղել են քննարկումներ, թե ինչպես կազմակերպել քվեարկությունը և ինչ եղանակով, սակայն դա նորմալ ընթացակարգ է։ Պետք էր այնպես կազմակերպել, որ ոչ օբյեկտիվ և ոչ հավասար պայմանների խնդիր չլիներ։ Շատ նորմալ ընդունվեց յուրաքանչյուր որոշումը, և ամեն ինչ ընթացավ ըստ ընթացակարգի»,- վստահեցնում է զրուցակիցը:

Ինչ վերաբերում է դատախազության մատնանշած՝ ռեկտորի ընտրությունների ընթացքում համալսարանի վարչական շենքում կատարված խուլիգանության դեպքին, Կարաբեկյանի խոսքով՝ եղել է էմոցիոնալ մթնոլորտ թե՛ նիստի ընթացքում, թե՛ նիստից հետո, սակայն որևէ հայհոյանք չի հնչել որևէ անձի կողմից։

Դիտարկմանը, որ հայհոյող եղել է, և դա, ըստ Հանրային հեռուստաընկերության ռեպորտաժի, կրթության նախկին փոխնախարար Գրիշա Թամրազյանն է, լիազոր մարմնի առաջադրած անդամն ասում է, թե ինքն անձամբ չի լսել և չի տեսել այդ դեպքը: «Կոլեկտիվի կյանքում ղեկավարի ընտրությունը էական նշանակություն ունի։ Երբեմն նաև մեր իրականության մեջ զգացմունքները տեղի են տալիս, ու լինում են էմոցիոնալ արտահայտումներ, բայց խուլիգանություն հոդվածը ինձ ապշեցրեց, չեմ կարծում, որ սա բուհին վերաբերող խնդիր է։ Մարդ, որը զբաղեցրել է ԿԳՄՍ փոխնախարարի պաշտոնը, այն էլ՝ բարձրագույն կրթության ոլորտում, թույլ չի տա իրեն նման բան։ Հույս ունեմ՝ այդ հարցերը շատ հեշտությամբ կպարզաբանվեն»,- հայհոյանքը չլսած, բայց միանշանակ պնդում է նա:

Հոգաբարձուների խորհրդի անդամի կարծիքով՝ որևէ բան չի կեղծվել նաև ընտրության քվեարկության ժամանակ, որի մասին հայտարարության մեջ շեշտել է դատախազությունը․ «Ես չեմ տեսնում որևէ խնդիր, ինչը որևէ մեկին կստիպեր նման գործողություն իրականացնել: Նիստի ընթացքը աշխատանքային է եղել»:

Պետական վերահսկողական ծառայության՝ բուհում հայտնաբերած խախտումների մասին և ռեկտորի շուրջ պտտվող այլ խոսակցությունների վերաբերյալ Կարաբեկյանը նույնպես տեղյակ է, սակայն նրա համար դա ընդամենը սովորական ընթացք է:

«Ռեկտորի աշխատանքի հետ կապված մի բան կարող եմ ասել՝ թերություններ չեն լինում այն ժամանակ, երբ որ դու ոչինչ չես անում։ Նա պատահական անձնավորություն չէ, լուրջ հետագիծ ունի այս ոլորտում, եղել է թե՛ նախարարի տեղակալ, թե՛ կառավարել է տարբեր կրթական համակարգի տարբեր օղակներ։ Շատ լավ գիտի բարձրագույն կրթության արդի որակը»,- Կարինե Հարությունյանի որակական հատկանիշներն է թվարկում զրուցակիցը:

Բուհի հոգաբարձուների խորհրդի անդամ, լիազոր մարմնի առաջադրած Հայաստանի ազգային պատկերասրահի տնօրեն Մարինա Հակոբյանն էլ, ի հակադրություն Կարինե Հարությունյանի, մեր զրույցում շեշտում է՝ նիստը անցել է շատ լարված մթնոլորտում, սակայն որևէ արտառոց դեպք տեղի չի ունեցել։

«Ռեկտորի ընտրության ընթացքում կեղծիք չէր կարող լինել, որովհետև մաքսիմալ թափանցիկ է անցկացվել»,- պնդում է նա: 

Վերջինս այլ հարցերի չցանկացավ պատասխանել՝ պատճառաբանելով, թե տեղյակ չէ:

Տպել
1976 դիտում

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել