Երևան
18 °C
«Իմ սուբյեկտիվ և մեր կազմակերպության կարծիքով՝ Երևանի կանաչ ֆոնդը գտնվում է խիստ անմխիթար վիճակում: Հստակ տվյալներ չունենք, բայց քաղաքի ծառերի՝ կանաչ զանգվածի մոտ 30%-ը կենսունակության ավարտին է, և մենք լուրջ խնդիր ունենք: Մինչ օրս այս հարցը բարձիթողի վիճակում է եղել»:
«Հայկական ժամանակ»-ի հետ զրույցում ասում է Երևանի քաղաքապետարանի «Կանաչապատման և շրջակա միջավայրի պահպանության» ՀՈԱԿ-ի տնօրեն Արմեն Բեգոյանը:
Վերջինիս վստահեցմամբ՝ քաղաքի կանաչ զանգվածներին, կանաչապատմանն իր մոտեցումն այսուհետև լինելու է գիտականորեն հիմնավորված. խնդիրներին լուծում են տալու ոլորտի առաջադեմ գիտնականների հետ:
«Ճիշտ է՝ մեր կազմակերպությունում աշխատում են գիտական հանրության ներկայացուցիչներ, ոլորտի դոցենտներ, գիտական թեկնածուներ, բայց արդեն այս ամիս Երևանի քաղաքապետարանի հետ համատեղ առաջին անգամ իրականացնելու ենք գիտական ժողով, որտեղ բարձրացվելու է Երևան համայնքում կենսունակության ավարտին մոտ գտնվող և ամբողջովին դեֆորմացված ծառերի հարցը: Հրավիրվելու են ոլորտի առաջատարները՝ միջազգային կազմակերպությունների ներկայացուցիչներ, գիտական հանրությունը՝ հասկանալու համար, թե ինչպե՞ս են պատկերացնում այս հարցի լուծումը, որն արդեն հրատապ է»,- ասում է Բեգոյանը:
Նրա կարծիքով՝ խնդրի լուծման համար պետք է հաշվի առնել նաև միջազգային փորձը:
«Ամեն ծառ ունի իր ապրելու ժամկետը՝ տարիքը, և քաղաքային պայմաններում նրանց կյանքն ավելի է կրճատվում՝ ելնելով մի շարք հանգամանքներից: Իմ սուբյեկտիվ կարծիքով՝ դրանք ենթակա են փոխարինման: Նորը տնկելուց էլ պետք է տնկվեն ֆունկցիոնալ, թանկարժեք, գեղագիտական առումով մայրաքաղաքին հարիր տեսք ունեցող ծառեր: Գաղտնիք չէ, որ մեր բնակիչներն անընդհատ բողոքում են ծառերից թափվող շիրայից, թրթուռներից ու միջատներից: Նույնիսկ նամակներ ենք ստանում, որ մեքենաները չեն ուզում կայանել այդ տեսակ ծառերի տակ: Խնդիրն այստեղ ավտոմեքենան չէ, մենք գնում ենք այն ուղղությամբ, որ Երևան քաղաքում այն հողը, որ նախատեսված է կանաչապատման համար, վերականգնվի խիստ ֆունկցիոնալ ծառերով: Ի՞նչ է ասել ֆունկցիոնալություն. այնպիսի ծառատեսակներ, որոնք օդում եղած էլեմենտների ավելի մեծ քանակ են ֆիլտրում, ունեն փոշու կլանման ավելի մեծ ֆունկցիա, ինչի խնդիր ունի այսօր Երևանը»,- մանրամասնում է «Կանաչապատման և շրջական միջավայրի պահպանության» ՀՈԱԿ-ի տնօրենը:
Ինչ վերաբերում է ավտոբուսների համար նախատեսված կանգառներում իրականացվելիք ծառահատումներին, որի մասին քաղաքապետարանի գործակարգավարական նիստերից մեկի ժամանակ հայտարարել էր քաղաքապետ Հրաչյա Սարգսյանը, Բեգոյանն ասում է՝ տրանսպորտի վարչության հետ աշխատանքային խումբ են ձևավորելու: Դենդրոլոգները պետք է ուսումնասիրեն և ըստ այդմ տան եզրակացություն՝ ենթակա՞ է ծառը հատման կանգառը մեծացնելու համար, թե՞ ոչ:
«Այնպես չէ, որ եթե ծառը խանգարում է կանգառին, ապա պետք է անպայման հատվի: Պետք է հաշվի առնել ծառատեսակը և մի շարք այլ հանգամանքներ, և սա չի կրելու մասսայական բնույթ: Եթե ինչ-որ տեղերում կպարզվի, որ ծառատեսակը դեռ կենսունակ է, բայց կանգառը մեծացնելու այլ ելք չկա, այդ դեպքում մենք կկիրառենք փոխհատուցող կանաչապատման օրենքը, որով հեռացված ծառի փոխարեն կտնկվի ավելի մեծ կենսունակությամբ և ավելի լավ ծառատեսակ, անգամ՝ մեկի փոխարեն մի քանի ծառ: Միանշանակ ասել, որ կանգառներին խանգարող բոլոր ծառերը կհեռացվեն, ճիշտ չէ: Մենք և քաղաքային իշխանությունը չենք գնում այդ ուղղությամբ, վստահ եմ՝ ենթադրվելիք գիտական ժողովը նաև կտա այդ հարցերի պատասխանը»,- վստահեցնում է նա:
Տնօրենը նաև նկատում է՝ հիմնովին փոխվել են կանաչապատման մոտեցումները. այն շիվերը և տնկիները, որոնք տնկվել են Երևան քաղաքում, այլևս չեն լինելու:
«Հազարավոր տնկիներ են տնկվել, որոնք այդպես էլ ծառ չեն դարձել կամ դառնալուց գեղագիտական տեսք չեն ապահովել: Այսուհետև Երևան համայնքը ներկրելու է 10 տարեկան, կայացած սաղարթով, մեծ, հասուն, ֆունկցիոնալ առումով արժեքավոր ծառատեսակներ, և մենք արդեն գնում ենք այդ ուղղությամբ: Մրցույթներ են հայտարարված նման պահանջներով, և կարող եմ ասել, որ դրանց մեծ մասն արդեն կայացել է: Ծառերի հիմնական մասը կներկրվեն արտասահմանից, բայց տնկվելու են միայն գեղազարդ և մեծ ֆունկցիոնալություն ունեցող հասուն ծառեր: Ինչո՞ւ: Որովհետև Երևանի այսօրվա թե՛ օդի վիճակը, թե՛ օդում եղած փոշու աստիճանը մեզ թույլ չեն տալիս, որ տնկենք տնկիներ, որոնք դեռ տասը տարի պետք է մեծանան ու նոր կատարեն ծառի ֆունկցիա: Մեզ պետք է տնկել ծառեր, որոնք հենց տնկման պահից կսկսեն կատարել իրենց ֆունկցիաները: Այդ առումով պատրաստվում ենք, եթե կարելի է այդպես ասել, հեղափոխական մոտեցումների կանաչապատման ոլորտում, և վստահեցնում եմ, որ գարնանը երևանցիները կտեսնեն մեկ այլ՝ ավելի բարձր մակարդակի վրա կանաչապատում»,- ասում է Արմեն Բեգոյանը:
Վերջինս կանաչապատումը բաժանում է երեք հիմնական ուղղությունների. առաջինը ֆունկցիոնալությունն է, երկրորդը՝ երևանցիների կեցության՝ հարմարավետության գրավականը, և երրորդը՝ քաղաքի գեղագիտական տեսքի ապահովումը: Կանաչապատման ոլորտում այս երեք խնդիրներն են դրել իրենց առաջ, որից առաջնայինը տրված է ֆունկցիոնալությանը:
Նրա խոսքով՝ անցյալ տարի Ծիծեռնակաբերդի բարձունքում և Սարալանջում (14 հեկտար տարածքի վրա) իրականացված ծառատունկից հիմնել են ուրբան անտառ և ամենամեծ անտառհիմնման աշխատանքներն են տարել Երևան քաղաքի նորագույն պատմության մեջ. «Կպչողականության մասին վաղ է խոսել, բայց կարող եմ ասել, որ մեծ է: Ակնկալում ենք 90%, որովհետև անտառհիմնման աշխատանքները կատարվել են պրոֆեսիոնալ ճանապարհով, կիրառվել են մի շարք էլեմենտներ, որոնք նախկինում չեն արվել»:
«Կանաչապատման և շրջակա միջավայրի պահպանության» ՀՈԱԿ-ի տնօրենը, խոսելով նաև բնապահպանական առաջնային խնդիրներից, ընդգծում է՝ Երևանում ունենք մեկ շնչին հասնող ոչ բավարար կանաչ զանգված:
«Մեր նորանկախ պատմության մեջ (մինչև 2018 թվականը) տարբեր պատճառներով ունենք այդ տարածքների սեփականաշնորհում, որտեղ շինարարական աշխատանքներ են արվել, և այժմ հնարավոր չէ կանաչապատում իրականացնել, որի հետևանքով առանց այդ էլ մեկ շնչին հասնող ոչ բավարար կանաչ զանգվածն ավելի է նվազել: Խնդիրը լուծելու համար մտածում ենք երևանամերձ տարածքներում անտառներ հիմնել, որը պետք է քննարկենք Շրջակա միջավայրի նախարարության հետ: Կարծում ենք՝ դա պետք է արվի՝ կոմպենսացնելու համար այն կորսված տարածքները, որը ունեցել ենք նախկինում: Այս տարի ունենք անտառհիմնման աշխատանքների մեծ պրոյեկտ «Եռաբլուր» պանթեոնի լանջին գտնվող 8-10 հեկտար տարածքում: Այդ գործողություններն առաջին հերթին ուղղված են ֆունկցիոնալության բարձրացմանը և բերելու են քաղաքի օդի վիճակի բարելավմանը»,- հավատացած է Բեգոյանը:
Հերմինե Կարապետյան
«Լիվերպուլը» հաղթել է «Ատալանտային», բայց դուրս մնացել Եվրոպայի լիգայից
Լոռու մարզում պահեստ է հրդեհվել
Իսրայելը հրթիռային հարվածներ է հասցրել Իրանին. ինչ է հայտնի
«Օպել»-ը բախվել է մայթեզրին ու գլխիվայր շրջվել. ուղևորները տեղափոխվել են հիվանդանոց
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
© 2024 Հայկական ժամանակ