Երևան
31 °C
ԱՄՆ պետքարտուղարությունը հրապարակել է մարդու իրավունքների մասին 2022 թվականի իր զեկույցը, որտեղ, ըստ պետքարտուղարի, ուսումնասիրվել է 200 երկրներում առկա իրավիճակը, այդ թվում` Հայաստանում:
ԱՄՆ պետքարտուղարությունն մարդու իրավունքների մասին 2022 թվականի իր զեկույցում առանձնացրել է Հայաստանի՝ այս ոլորտի առավել նշանակալի խնդիրները, որոնք ներառում են, ըստ արժանահավատ հաղորդումների, «անվտանգության ուժերի անդամների կողմից խոշտանգումները, բանտային ծանր պայմանները, կամայական ձերբակալությունները կամ կալանավորումները, դատական անկախության հետ կապված լուրջ խնդիրները, անձնական կյանքին կամայական կամ անօրինական միջամտությունը, խոսքի ազատության սահմանափակումը, հանցագործությունները, որոնք ներառում են բռնություն կամ սպառնալիքներ՝ քաղաքացիական հասարակության գործիչների և ԼԳԲՏՔ համայնքի ներկայացուցիչների հանդեպ, ինչպես նաև երեխաների աշխատանքի վատթարագույն ձևերի դրսևորումները:
Զեկույցում անդրադարձ կա նաև հայ-ադրբեջանական հակամարտությանը, մասնավորապես նաև անցած տարվա բախումների ընթացքում զինծառայողների անօրինական մահապատժի վերաբերյալ հաղորդումներին: Ըստ զեկույցի՝ «սեպտեմբերի կեսերին ադրբեջանական և հայկական ուժերի միջև ինտենսիվ մարտերից հետո արժանահավատ հաղորդումներ եղան անօրինական մահապատիժների մասին, որոնք ներառում էին ադրբեջանական կալանքի տակ գտնվող հայ զինվորների մահապատիժները»:
Զեկույցը մատնանշում է Human Rights Watch-ը և Bellingcat լրագրողական հետաքննող խմբի հաղորդումները, որոնք պնդել են, որ տարածված տեսանյութում պատկերված են առնվազն յոթ հայ զինվորներ, որոնք անօրինական մահապատժի են ենթարկվել ադրբեջանական զինվորական համազգեստով զինծառայողների կողմից: Մատնանշվում է նաև մեկ այլ տեսանյութ, որը պատկերում է երեք հայ զինվորներին ռազմական դիրքի տարածքում ադրբեջանցի զինվորականների գերության ներքո: Հաղորդվում է, որ երեքի մարմիններն ավելի ուշ վերադարձվել են Հայաստանին և նրանց ինքնությունը հաստատվել է:
Պետքարտուղարության զեկույցը գրում է, որ իրավապաշտպան կազմակերպությունները շարունակում են մտահոգություններ հայտնել հայկական բանակում ոչ մարտական գործողությունների հետևանքով մահերի և իրավապահների կողմից այդ մահերի հետ կապված պատշաճ հետաքննություն չանցկացնելու վերաբերյալ։ Իրավապաշտպան ՀԿ-ների կարծիքով՝ կառավարության թափանցիկության բացակայությունը զինվորականների մահվան դեպքերի շուրջ, անկախ դրանց մարտական կամ ոչ մարտական բնույթից, հանգեցրել է հանրային անվստահությանն այս ոլորտում պաշտոնական տեղեկատվության նկատմամբ:
Զեկույցը շեշտում է, որ երկրում առկա է համակարգային կոռուպցիայի ժառանգություն բազմաթիվ ոլորտներում՝ ներառյալ շինարարության, հանքարդյունաբերության, պետական կառավարման, խորհրդարանի, դատական համակարի, գնումների ու պետական աջակցության տրամադրման: Մեղադրանքներ են հնչեցվել նաև պետական պաշտոնյաների ներգրավմամբ պետական միջոցների յուրացման և կասկածելի բիզնես գործունեության մասին։
Ըստ զեկույցի՝ Հայաստանում չեն արձանագրվել քաղաքական բանտարկյալների առկայության մասին արժանահավատ հաղորդումներ: Սակայն, առկա են հաղորդումներ, որ անվտանգության ուժերի ներկայացուցիչներն արգելանքի տակ գտնվող անձանց շարունակել են ենթարկել խոշտանգումների կամ թույլ են տվել այլ ոտնձգություններ: Դրանց թվում զեկույցն առանձնացնում է ոստիկանական բաժանմունքներում շարունակական խոշտանգումների մասին հաղորդումները, որոնք, ի տարբերություն բանտերի և ոստիկանության կալանավայրերի, ենթակա չեն հանրային մոնիտորինգի:
Զեկույցն անդրադառնում է նաև Հայաստանում խտրականության խնդրին, մասնավորապես սեռի, սեռական կողմնորոշման, սահմանափակ առողջական կարողությունների հիման վրա: Զեկույցի գնահատականով՝ խտրականության դեմ օրենսդրությունը կատարյալ չէ և չի պաշտպանում խոցելի խմբերին՝ անդրադառնալով վերջիններիս կյանքի բոլոր ասպեկտների վրա, այդ թվում՝ աշխատանքի, բնակարանի, ընտանեկան հարաբերությունների, կրթության և առողջապահության հասանելիության վրա, իսկ սահմանափակ առողջական կարողոթյուն ունեցող անձանց նկատմամբ խտրականությունը շարունակում է մնալ համատարած խնդիր։ Վերջիններս այլոց հետ հավասար չունեն կրթական, առողջապահական, հասարակական այլ մասնաշենքերից և տրանսպորտից օգտվելու հնարավորություն:
Բացի այդ, ըստ զեկույցի, կանայք ի տարբերություն տղամարդկանց, հիմնականում չունեն նույն մասնագիտական հնարավորությունները կամ վարձատրությունը: Գործատուները հաճախ նրանց տեղափոխում են ավելի ցածր վարձատրությամբ աշխատանքի: Զեկույցը նշում է, որ աշխատանքային օրենսգիրքը բացահայտորեն չի պահանջում հավասար աշխատանքի դիմաց հավասար վարձատրության ապահովում:
Զեկույցի պնդմամբ՝ հանրային շրջանակներում առկա է կարծիք, որ աշխատավայրերում և քաղաքական ասպարեզում կանանց նկատմամբ սեռական ոտնձգությունները լայնորեն տարածված են ու այս խնդիրը համարժեք կերպով արձագանք չի ստանում կառավարության կողմից:
Խոսելով մարդու իրավունքների այս տարվա զեկույցի մասին, ԱՄՆ պետքարտուղար Էնթոնի Բլինքենը շեշտում է՝ փաստաթուղթը ի ցույց է դնում, որ 2022 թվականին բոլոր տարածաշրջանի երկրներում մենք շարունակում ենք ականատես լինել մարդու իրավունքների հետընթացին, ներառյալ քաղաքացիական ակտիվության սահմանափակման, մարդու հիմնարար արժանապատվության հանդեպ անհարգալից վերաբերմունքին: Նրա խոսքով՝ զեկույցը փաստացի, օբյեկտիվ և խորապես ներկայացնում է մարդու իրավունքների հետ կապված իրավիճակն ամբողջ աշխարհում՝ ուսումնասիրելով մոտ 200 երկրներում և տարածքներում այս ոլորտի հետ կապված զարգացումները:
Պետքարտուղարն ընդգծում է՝ այն կիրառում է նույն չափանիշները բոլորի հանդեպ՝ ինչպես ԱՄՆ դաշնակիցների և գործընկերների, այնպես էլ այն երկրների հանդեպ, որոնց հետ Վաշինգտոնն ունի տարաձայնություններ: Նրա նպատակը խրատելը կամ անարգելը չէ, ասել է պետքարտուղարը՝ շեշտելով, որ այն ավելի շուտ, համապատասխան գործիքակազմ է նրանց համար, ովքեր պայքարում են մարդու իրավուքնների խախտումների դեմ: Չնայած այս զեկույցը ուսումնասիրում է աշխարհի տարբեր երկրներում առկա իրավիճակը, մենք գիտենք, որ Միացյալ Նահանգները ևս բախվում է մարդու իրավունքների հետ` կապված իր մարտահրավերներին, նշել է ԱՄՆ պետքարտուղարը զեկույցի մասին իր ելույթում:
Զլատան Իբրահիմովիչը հայտարարել է կարիերան ավարտելու մասին
Մեկ շաբաթով կդադարեցվի «Թուրքական հոսքով» գազի մատակարարումը
Տեսանյութում երևում է՝ ինչպես է Գարիկ Գալեյանի մեքենան տիկին Գայանեի ետևից գալիս, նրանք միասին են գործել. Աշոտ Փաշինյան
Երևանում գովազդային վահանակը ընկել է ճանապարհի երթևեկելի հատվածին
Փոխվել է Վլադիմիր Գասպարյանի թիկնազորի նախկին պետ Արշակ Հակոբյանի խափանման միջոցը
Հայաստանի Հանրապետությունում հանցագործությունները պետք է պատշաճ գնահատական ստանան. Աշոտ Փաշինյան
Վաշինգտոնում կհանդիպեն Արարատ Միրզոյանն ու Ջեյհուն Բայրամովը
Օդի ջերմաստիճանը կնվազի․ առաջիկա օրերի եղանակային կանխատեսումը
Սևանում հրել, գցել են 11-ամյա երեխային, գողացել՝ գրպանում եղած 4000 դրամը
Հայաստանը հավատարիմ է խաղաղության հասնելու իր դիրքորոշմանը. ՀՀ նախագահն ընդունել է Իտալիայի դեսպանին (տեսանյութ)
Պարեկային ծառայողների օրինական գործունեությանը միջամտելու վերաբերյալ ևս 3 վարույթ է ուղարկվել դատարան
Բացարձակ սուտ է. Աշոտ Փաշինյանը հերքում է զոհվածների ծնողների պնդումները, թե ասել է՝ իր ծնողները «թուրք են, դավաճան»
9 տարի ազատազրկում՝ Իրանից Հայաստան 350 կգ «հերոին»-ի ապօրինի շրջանառության և մաքսանենգության համար
Մեկնարկել է վարչապետի որդու առևանգման գործով դատական նիստը. ներկա է նաև Աշոտ Փաշինյանը
«FLYONE ARMENIA»-ն մոտենում է մեկ տարվա կտրվածքով 1 մլն ուղևոր տեղափոխելու նշաձողին
Որևէ քարտեզի հիման վրա սահմանազատման վերաբերյալ ոչ մի համաձայնություն ձեռք չի բերվել. Ադրբեջանի ԱԳՆ
Ինչու է Նիկոլ Փաշինյանը Թուրքիայի նախագահի երդմնակալության ժամանակ նստած եղել երկրորդ շարքում. Միրզոյանը մանրամասնեց
Մենք ունենք մտահոգություններ, որ կանխամտածված կերպով փորձ է արվում ՀՀ-ից նորանոր տարածքներ պոկել. Արարատ Միրզոյան
Մենք ԼՂ ժողովրդից մանդատ չենք ստացել՝ իրենց ապագան բանակցելու համար, չենք էլ փորձում այդպիսի բան անել. Միրզոյան
Արարատ Միրզոյանը պարզաբանեց, թե ինչու է վարչապետը բարևել ծայրահեղական հայացքներով «Սուլեյման աղա» աղանդի իմամին
ՆԳՆ ոստիկանության պետն ու ոստիկանության զորքերի հրամանատարն այցելել են Սյունիքի սահմանային անցակետեր
Հայաստանի դեպքում 29.8-ը և Ադրբեջանի դեպքում 86.6-ը քաղաքական հայտարարություններ են. ԱԳ նախարար (տեսանյութ)
Խաղաղությունն անխուսափելի է, պետք է ստորագրվի հարաբերությունների կարգավորման համաձայնագիր. Բայրամով
Զատուլինը հնարավոր է զրկվի Պետդումայի կոմիտեի նախագահի առաջին տեղակալի պաշտոնից
Պետք է քննարկվեն տարբեր լուծումներ. Արարատ Միրզոյանը՝ անկլավների մասին
Ղրղզստանում ձերբակալել են հնարավոր պետական հեղաշրջման մասնակիցներին
553 դեպք, որից 157-ը՝ արտակարգ. ՆԳՆ փրկարար ծառայությունն ամփոփել է անցած շաբաթը
Մահվան ելքով վրաերթ Գյումրիում
Նոր նշանակում ՀՀ քննչական կոմիտեում
12 ահազանգ է ստացվել ՀՀ տարբեր տարածքներում նկատված օձերի վերաբերյալ. սողունները տեղափոխվել են անվտանգ տարածք
2022-ին 446 հազար դոլար գումար ենք փոխանցել մի քանի երկրում ՀՀ դեսպանությունների շենքերի վերանորոգման համար. Միրզոյան
«Երևանի էլեկտրատրանսպորտ» ՓԲԸ-ն աշխատանքի է հրավիրում տրոլեյբուսի վարորդների. ովքեր կարող են դիմել
Անհամեմատ ցածր գներով ծաղիկների իրացման և թերհայտարարագրման դեպքով պետությանը պատճառվել է 33 մլն դրամի վնաս. ՊԵԿ
Բացի Շենգավիթից և Կենտրոնից, մյուս վարչական շրջաններում փոսալցման աշխատանքները մոտենում են ավարտին. Գրիգորյան
Ադրբեջանի ԱԳՆ-ն արձագանքել է ՀՀ ԱԽ քարտուղար Արմեն Գրիգորյանի հայտարարությանը
Գայանե Հակոբյանի խափանման միջոցը փոխվել է
Ուղարկվել են փորձաքննության. ՆԳՆ փրկարար ծառայությունը՝ Երևանում հայտնաբերված անկած ձկների մասին
Վանաձորի թաղամասերում թմրամիջոցներով փաթեթներ տեղադրած 19-ամյա երիտասարդը ձերբակալվել է (տեսանյութ)
ԱՄՆ-ում կայծակի հարվածից 160-ամյա եկեղեցին հրդեհվել է
Նոր նշանակում Երևանի քաղաքապետարանում
© 2023 Հայկական ժամանակ