Մեր քաղաքացիները ևս պահանջում են օր առաջ բացել Բարսեղ Թումանյանի՝ օպերա տանող ճանապարհը

Այս էլ որերորդ հրապարակումն է, որ անդրադառնում ենք աշխարհահռչակ երգիչ, անվանի արվեստագետ Բարսեղ Թումանյանի՝ օպերային թատրոնի գեղարվեստական ղեկավարությունը ստանձնելու մասնագիտական, հասարակական բացառիկ պահանջարկին ու հնչեղությանը։

Այդ մասին են վկայում միջազգային ամենահեղինակավոր մեծությունների, անվանի երաժիշտների ու երգիչների, արվեստագետների ու մտավորականների տեսակետները, գնահատականներն ու պահանջները։

Բոլորի ցանկությունը մեկն է՝ օր առաջ Բարսեղ Թումանյանին տեսնել որպես Սպենդիարյանի անվան օպերային թատրոնի գեղարվեստական ղեկավար։ Մեծ հույսով և վստահությամբ բոլորը սպասում և պահանջում են բացել Բարսեղ Թումանյանի՝ օպերային թատրոն տանող ճանապարհը։

Իսկ թե ինչ անկեղծ, սրտացավ ու դիպուկ գրառումներով հանդես եկան արվեստասեր հասարակության բազմահազար ներկայացուցիչներ ու քաղաքացիներ, կարծում եմ, սա արվեստագետի ժողովրդականությունը հաստատող ամենամեծ գնահատականն է։ Իսկապես մշակութային ազգ ենք, քանի որ պահանջում ենք ըստ արժանվույն գնահատել մեր օպերային արքա Բարսեղ Թումանյանին։

Ջեմմա Կարագոզյան
Ցանկացած ազգ կերազեր ունենալ Բարսեղ Թումանյան, ժամանակն է խելքի գալու։

Զոյա Թադևոսյան
Օպերային արվեստի անգերազանցելի վարպետ և աշխարհահռչակ երգիչ Բարսեղ Թումանյանը պետք է և կարող է նոր շունչ տալ օպերային արվեստի զարգացմանը՝ իր շուրջը հավաքելով աշխարհի տարբեր բեմերում հանդես եկող մեր հայրենակիցներին։

Արմինե Թելոյան
Պրոֆեսիոնալի հետ աշխատելուց խուսափում են միայն դիլետանտները, անընդունելի է ունենալ Բարսեղ Թումանյան, և միևնույն ժամանակ ունենալ օպերային թատրոն առանց նրա։

Մհեր Ստեփանյան
Կարոտով սպասում ենք Բարսեղ Թումանյանին մեր օպերային թատրոնում։

Թամարա Կարապետյան
Թուրքից ավելի ահավոր ենք դառնում, երբ փորձում ենք ճանապարհներ փակել, նամանավանդ այսպիսի Աստծո կողմից օրհնված ճանապարհը։ Հիացած ենք Ձեր տաղանդով, սիրում ու անհամբեր սպասում ենք Ձեր վերադարձին։

Անի Փաշայան
Ե՞րբ ենք այս փառահեղ արտիստին ու երգչին տեսնելու մեր օպերայում։

Հաղթանակ Շահումյան
Մեր արժեքները մեր երկրում պիտի լինեն ու գնահատվեն։

Նելլի Սահակյան
Ե՞րբ պետք է սովորենք մեր մեծություններին գնահատել կենդանության օրոք։

Անահիտ Հակոբյան
Թող բացվեն բոլոր ճանապարհները և վերանա անճաշակությունը։

Հռիփսիմե Սաֆարյան
Աշխարհը գնահատում է, հիանում, խոնարհվում, մենք՝ վանում։

Գայանե Գևորգյան
Սա էլ դարձավ Լաչինի ճանապա՞րհը։

Անժելա Գլեջյան
Ամեն ինչով նա արքայական է։ Անհապաղ պետք է ճանապարհը բացել մեծ երգչի առջև։

Ռուզան Բլեյան
Նրա ճաշակը, փորձը ու ճանաչումը օդ ու ջրի նման անհրաժեշտ են մեր օպերային։

Սյուզաննա Թովմասյան
Բարձր արվեստի տարածումն ու խրախուսումը կկոտրի տիրող անճաշակությունը։

Անահիտ Հովհաննիսյան
Երջանիկ կլինեմ Բարսեղ Թումանյանին վայելելու մեր օպերայի բեմում։ Այդպիսի հսկաներին պետք է փայփայել, նրանք են ազգ ու մշակույթ կերտողները։

Սոնա Ֆահրադյան
Եթե համարենք, որ օպերան մուսաների տաճար է, ապա Բարսեղ Թումանյանը իր նվաճումներով և ոգեղենությամբ լիիրավ արժանի է ղեկավարելու մեր օպերային արվեստը։

Գայանե Վարդանյան
Բարսեղ Թումանյանը հայրենիքն իր մեջ կրող ու նրա վերածննդի գաղափարով ապրող ազնիվ հայ է։ Դրա վկայությունը բազմաթիվ հարցազրույցներն են, որոնցում տեսնում ես հզոր անհատի խոհափիլիսոփայական վերլուծությունները։ Ամեն անգամ ափսոսանք ես ապրում, որ նա իր ստեղծագործական և մարդկային ողջ պոտենցիալով չի կարողանում ծառայել սեփական ժողովրդին, որովհետև ինչ-որ մարդուկներ են որոշումներ կայացնում և արդյունքում․․․։

Օֆելյա Ինջիկյան
Շնորհակալ ենք և համոզված ենք, որ կլուսավորվի մեր օպերան հրաշք Բարսեղ Թումանյանով։

Անահիտ Մարինոսյան
Մեր օպերային արվեստը չունի առաջվա համբավը, անհրաժեշտ է Բարսեղ Թումանյանի նման հրաշալի երգիչ և ղեկավար, որ բարձրացնի օպերային արվեստը։

Մետաքսե Պետրոսյան
Բարսեղ Թումանյանն իր անցած ճանապարհով այնպիսի կենսափորձ է կուտակել, որի ներկայությունը որևէ երկրի, որևէ նման հաստատության միայն պատիվ կբերի։ Միակ արժանավոր և անհրաժեշտ անձն է, որի նշանակումը նոր հեռանկարներ կբացի օպերային արվեստի զարգացման և լայնամասշտաբ պրոյեկտների իրականացման համար։

Խորին երախտագիտություն բարձր արվեստը ընկալող ու գնահատող ձեզանից յուրաքանչյուրին։ Փառք ու պատիվ ձեզ, սիրելի հայրենակիցներ։ Եվ ինչպես ասել եմ, նվաճենք ու տիրապետենք աշխարհը մտքով, մշակույթով, հնչյունով ու գիտելիքով․․․ Եվ երբեք չենք պարտվի։

Վահան Վարդապետյան

բժիշկ, հասարակական գործիչ