Երևան
10 °C
Հայկական կինոն 2023 թվականին տոնում է հիմնադրման 100-ամյակը: Այս առթիվ ձևավորվել է ՀՀ կառավարական հոբելյանական հանձնաժողով, որի գլխավորությամբ ՀՀ կրթության, գիտության, մշակույթի և սպորտի նախարարությունը նախաձեռնել է տասնյակից ավելի միջոցառումներ և ծրագրեր:
Այս մասին տեղեկացնում է ՀՀ ԿԳՄՍՆ-ն:
Հոբելյանական տարվան ընդառաջ՝ ՀՀ ԿԳՄՍ նախարարությունում տեղի է ունեցել մամուլի ասուլիս, որի բանախոսներն էին ԿԳՄՍ նախարարի տեղակալ Արա Խզմալյանը,Հայաստանի ազգային կինոկենտրոնի տնօրեն Շուշանիկ Միրզախանյանը և Հայաստանի կինոգործիչների միության նախագահ Հարություն Խաչատրյանը:
Հայ կինոյի 100-ամյակի միջոցառումներն ընդգրկում են ՀՀ բոլոր մարզերը:
ԿԳՄՍ նախարարի տեղակալ Արայիկ Խզմալյանը շնորհավորել է կինոյի ոլորտի ներկայացուցիչներին ու կինոսերներին նշանակալի հոբելյանի կապակցությամբ՝ նշելով, որ հայ կինոյի 100-ամյակի համատեքստում նշանավորվում է նաև անիմացիոն արվեստի 85-ամյակը:
«Կինոն միայն արվեստ չէ, այն անգերազանցելի լծակ է երկրի միջազգայնացման և փափուկ ուժի կիրառման տեսանկյունից: Այս գիտակցումից է, որ հոբելյանական տարեթիվը դիտվում է որպես և՛ անցյալը վերաիմաստավորելու, և՛ ներկայի խնդիրները մեղմացնելու, և՛ ապագան կանխանշելու փայլուն առիթ»,- ասել է ԿԳՄՍ նախարարի տեղակալը:
Փոխնախարարի տեղեկացմամբ՝ հայ կինոյի 100-ամյակի համատեքստում զգալիորեն ավելացվել է կինոարտադրությանը և կինոժառանգության պահպանությանն ուղղված պետական բյուջեն. «2023 թ. կինոնկարների արտադրության բյուջեն աճել է 70 տոկոսով՝ դառնալով 478 մլն դրամ, իսկ կինոժառանգության պահպանության հատկացումները՝ 90 տոկոսով՝ կազմելով 93 մլն դրամ: Հոբելյանական ծրագրերին, ընդհանուր առմամբ, հատկացված է շուրջ 1 մլրդ դրամ»:
Հաստատված ծրագրում նախատեսված են կինոփառատոններ, կրթական ուղղվածության միջոցառումներ, որոնք, ինչպես ընդգծել է Արա Խզմալյանը, կենտրոնացված չեն միայն մայրաքաղաքում. ընդգրկված են բոլոր համայնքները:
Հայ կինոյի 100-ամյակն ընդգրկվել է ՅՈՒՆԵՍԿՕ-ի հռչակավոր մարդկանց և կարևոր իրադարձությունների հոբելյանների 2022-2023 թթ. օրացույցում: Այս շրջանակում Հայաստանում կկազմակերպվի միջազգային գիտաժողով:
Ապրիլի 16-ին Ա. Սպենդիարյանի անվան օպերայի և բալետի ազգային ակադեմիական թատրոնում կկայանա Հայ կինոյի 100-ամյակին նվիրված հոբելյանական «Հանդիսավոր երեկո» մեկնարկային միջոցառումը, և առաջին անգամ հանրությանը կներկայացվի Համո Բեկնազարյանի «Երկիր Նաիրի» համր ֆիլմի վերականգնված տարբերակից հատված:
Արա Խզմալյանն անդրադարձել է նաև հրատարակչական շարունակական ծրագրերին՝ դրանք գնահատելով որպես ազգային արժեքների միջազգայնացման և հանրահռչակման կարևոր ուղղություն: Ընդգծվել է ՀՀ ԿԳՄՍ նախարարության պատվերով հրատարակված «Համո Բեկնազարյան» եռալեզու պատկերագրքի ազգային արժեքը:
Ներկայացնելով մեր կինոն՝ ներկայացնում ենք նաև մեր երկիրը
Հայաստանի ազգային կինոկենտրոնի տնօրեն Շուշանիկ Միրզախանյանն անդրադարձել է հայկական կինոյի մերօրյա ձեռքբերումներին՝ միջազգային կինոփառատոնների մասնակցությունից մինչև տարբեր մրցանակներ: Նա շնորհակալություն է հայտնել կինոգործիչներին այն աշխատանքի համար, ինչի շնորհիվ հայկական կինոն ներկայանում է միջազգային լուրջ հաթակներում:
«Մենք սկսեցինք շոշափելի արդյունքների հասնել՝ փոխելով պետական ֆինանսական աջակցության համակարգը. ընդամենը ընդունեցինք միջազգային ձևաչափը, որով աշխատում է ամբողջ աշխարհը: Այսօր պետությունը՝ ի դեմս կինոկենտրոնի, հանդես է գալիս որպես պետական ֆինանսավորող կառույց: Սրա շնորհիվ մեր կինոարտադրողը սկսեց ակտիվանալ, կարողացավ իսկապես համատեղ արտադրություն ստեղծել տարբեր երկրների հետ: Ներկայացնելով մեր կինոն՝ մենք ներկայացնում ենք նաև մեր երկիրը»,- ասել է Շուշանիկ Միրզախանյանը: Նա անդրադարձել է նաև կինոժառանգության պահպանության աշխատանքներին. «Հատկացված գումարով նախատեսում ենք վերականգնել 25 ֆիլմ՝ և՛ լիամետրաժ, և՛ անիմացիոն, և՛ վավերագրական: Այս պահին վերականգնվում է Ֆրունզե Դովլաթյանի «Բարև, ես եմ» ֆիլմը, որը ներկայացվելու է Կաննի միջազգային կինոփառատոնին: Վերականգնվող ֆիլմերի պրեմիերաներ կլինեն նաև Հայաստանում, շուրջ 100 ֆիլմ ցուցադրվելու է մարզերում, նախատեսվում են ֆիլմերի նոր և հին պաստառների ցուցահանդեսներ՝ երիտասարդ նկարիչների հեղինակությամբ»:
Շուշանիկ Միրզախանյանի հավաստմամբ՝ դպրոցականներին հայ կինոյին առնչելու նպատակով իրականացվում են կրթական ծրագրեր. հուշագրեր են կնքվել «Այբ» դպրոցի, «Թումոյի», Գեղագիտական ազգային կենտրոնի հետ: «Երեխաները մեր ապագա կինոգործիչներն են ու հանդիսատեսը»,- եզրափակել է Միրզախանյանը:
Հայաստանի կինոգործիչների միության նախագահ Հարություն Խաչատրյանն էլ իրազեկել է, որ իրականացվում են կրթական տարբեր ծրագրեր, նախատեսվում է բացել կինոդպրոց, իսկ «Կինոուսուցիչ» ծրագիրը հանրային մեծ հետաքրքություն է վայելում:
Նշենք, որ ասուլիսի շրջանակում կինոյի ոլորտում ունեցած նշանակալի ավանդի համար մի շարք կինոգործիչներ պարգևատրվել են ԿԳՄՍ նախարարության ոսկե մեդալով, պատվոգրերով և շնորհակալագրերով:
Բահրեյնում ընթացող դպրոցականների մարզական խաղերում հայ բռնցքամարտիկներն ապահովել են 4 մեդալ
Շուրջ 36 ժամով դադարեցվել է Վայոց ձորի մարզի մի շարք բնակավայրերի գազամատակարարումը
ՀՀ-ն կարևորում է Չեխիայի հետ բարեկամական հարաբերությունների շարունակական զարգացումը. Փաշինյանը՝ Չեխիայի վարչապետին
Տեղի է ունեցել գերիների, պատանդների և անհետ կորած անձանց հարցերով հանձնաժողովի նիստ. կայացվել են որոշումներ
Ժողովուրդը նույնպես ընտրել է Իրական Հայաստանը և առաջիկա պատեհ առիթով այդ ընտրությունը կվերահաստատի․ ՀՀ վարչապետ
Հաղթանակ զբոսայգում՝ հայտնի «Արևիկ» արհեստական լճակում, հայտնաբերվել է տղամարդու մարմին
Պետք է հնարավորություն ստեղծել, որ աշխատող մարդը հարստանա, ոչ թե յոլա գնա. վարչապետ
Եվրամիությունը ևս կոչ է արել հետաքննել Վրաստանում ընտրախախտումների դեպքերը
Կարելի է հազարավոր կալորիաներ և ժամեր ծախսել, բայց զրո արդյունք ստեղծել. Փաշինյան
Ատելություն է ձևավորվում ցանկացած բարեկեցիկ միջավայրի նկատմամբ, երբ թշվառությունը համընդհանուր է․ վարչապետ
Երևանում հայտնաբերվել է կնոջ դի, որի դեմքին և գլխին եղել են բազմաթիվ հարվածների հետքեր. կասկածյալը նրա որդին է
Պետությունը քաղաքացիների բարեկեցությունն ապահովելու գործիք է. վարչապետ
Բյուջեի եկամուտները կախված են նրանից, թե յուրաքանչյուր քաղաքացի ինչ արդյունավետությամբ է աշխատում. վարչապետ
Սիրիայում ՀՀ դեսպանին շնորհվել է բարձրագույն դասի Պատվո շքանշան
ՀՀ վարչապետն ԱԺ-ում մասնակցում է 2025 թվականի բյուջեի նախագծի քննարկմանը
Մեկնարկել են Հյուսիս-հարավ ճանապարհի՝ Մեղրին շրջանցող տրանսպորտային հանգույցի բետոնացման աշխատանքները
Վազգեն Սարգսյանն ու Կարեն Դեմիրճյանն իրենց կյանքի գնով կանխեցին ՀՀ ինքնիշխան տարածքները զիջելու պլանները. Չախոյան
Օրբանը կժամանի Թբիլիսի. նախատեսված է հանդիպում Կոբախիձեի հետ
Երևանի և 7 մարզի բազմաթիվ հասցեներում մինչև 6-ժամյա հոսանքազրկումներ կլինեն
Սոցիալական ցանցերում դեղերի կեղծ գովազդներ են շրջանառվում. Սամվել Մարտիրոսյանը զգուշացնում է
Եվրոպական խորհրդի ղեկավարը կոչ է արել հետաքննել Վրաստանում ընտրախախտումների դեպքերը
Ալեքսանդրա Գրիգորյանը՝ ծանրամարտի Եվրոպայի Մ20 առաջնության հաղթող
Թուրքիայում 5 մագնիտուդով երկրաշարժ է տեղի ունեցել
Սաակաշվիլին կոչ է արել Վրաստանում բողոքի մեծ ցույցեր անել
Վրաստանի նախագահը հրաժարվել է ճանաչել խորհրդարանական ընտրությունների արդյունքները
Ընդդիմության ներսում բռնկված «հրդեհին» այս անգամ Մամիջանյանը «իր բաժին բենզինը պզզացրեց». ում էր ուղղված նրա «խայթոցը»
Երևանի խանութներից մեկում հայտնաբերվել է տղամարդու դի
Մբապեն հակառեկորդ է սահմանել «Բարսելոնայի» դեմ խաղում
Խոշոր ավտովթար Կոտայքում. բախվել են «Toyota Camry»-ն և «Opel Astra»-ն
Ձիասպորտի կենտրոնում ընթացել է «Սիլ» ակումբի գավաթի խաղարկությունը. հայտնի են արդյունքները (լուսանկարներ)
Վրաստանը չի պատրաստվում վերականգնել դիվանագիտական հարաբերությունները Ռուսաստանի հետ. Կոբախիձե
Ծանրամարտի երիտասարդական ԵԱ․ Ժորա Գրիգորյանը դարձել է ոսկե մեդալակիր, Ռաֆիկ Մարտիրոսյանը՝ արծաթե
Վրաստանի խորհրդարանական ընտրություններում հաղթել է «Վրացական երազանքը». պաշտոնական արդյունքներ
Ժառանգությամբ և նվիրատվությամբ հողամասեր և տներ. ինչ է հայտարարագրել Քննչական կոմիտեի նախագահ Արգիշտի Քյարամյանը
Իսրայելն Իրանի վերաբերյալ իր հաշվարկներում սխալվում է․ Խամենեի
Թամանցիների փողոցը գիշերային ժամերին միակողմանի փակ է լինելու
Կցրտի ևս 2-3 աստիճանով. ինչ եղանակ է սպասվում մարզերում և Երևանում առաջիկա օրերին
Զուրաբիշվիլին ընտրության արդյունքների վերաբերյալ հանդես կգա արտակարգ հայտարարությամբ
Հրդեհ Երևանի Գյուլբենկյան փողոցի հացի փռում. հայտարարվել է բարդության «1 ԲԻՍ» աստիճան
Հոկտեմբերի 27-ի զոհերի հիշատակին հարգանքի տուրք են մատուցել ԱԺ պատգամավորները, աշխատակազմի անդամները և նրանց հարազատները
© 2024 Հայկական ժամանակ