Թագուհի Թովմասյանը պատրաստվում է «Բաքվում հող գնել, սրճարան կառուցել», Սերժ Սարգսյանը «դաբրոն» տվել է. Կ.

01/04/2024 schedule22:05

ԱԺ «Պատիվ ունեմ» խմբակցության պատգամավոր Թագուհի Թովմասյանին պատկանող «Ժողովուրդ»-ի խմբագրակազմը՝ ի դեմս խմբագրության «թագուհու», ինչպես ժողովուրդն է ասում, որոշել էին «էս նեղ մաջալին սատանի մայլում քյանդրբազ խաղալ»։

Այսինքն՝ ապրիլմեկյան կատակի թեմա դարձնել այն, ինչը առնվազն վերջին երեք տարիներին ամենաշատն է տանջում հայրենի ընդդիմությանը, Հայաստանի արտաքին թշնամիներին, թշնամացած դաշնակիցներին եւ մեծ հավանականությամբ նաեւ թերթի ստնտուներին՝ ՀՀ վարչապետ Նիկոլ Փաշինյանի հրաժարականը։

Փաստորեն, այս սուբյեկտների բարոյահոգեբանական վիճակն այն աստիճան (ծայրահեղ) վատ է, որ որոշել են իրենց սեւեռուն մտքի, եթե կուզեք՝ անանց փափագի մասին խոսել նաեւ հումորի ժանրում։ Թե․ «Նիկո (հենց այսպես՝ առանց «լ»-ի -խմբ․) Փաշինյանը կուսակցության հրատապ նիստ է գումարել։ Ադրբեջանի պահանջները Տավուշի անկլավների վերաբերյալ այնքան են խորացել, որ այդ օրավիճակը թուլացնելու համար Փաշինյանը որոշում է կայացրել հրաժարական տալ։ Ըստ նրա սա իր եւ իր կառավարության փրկությունն է լինելու։ Փաշինյանը քննարկել է եւ որոշում է կայացրել, որ արտահերթ խորհրդարանական ընտրություններ տեղի կունենան սեպտեմբերի 10-ին։ Սա եւս մեկ շանս է Փաշինյանի համար սեփական կաշին փրկելու։ Կ․»։ 

Եթե նման էժանագին շուլուխ բստրեր որեւէ «սունկ» կայք, ասենք՝ «դժգույն գարշասունկ»-ը կամ «կարմիր ճանճասպան»-ը՝ ինքնահաստատվելու ու դիտում հավաքելու նպատակով, գուցե ըմբռնումով մոտենայինք։ Թեեւ՝ տեղեկատվական տեխնոլոգիաների դարաշրջանում անգամ «սունկ» կայքերի միջոցով գեներացվող ու տիրաժավորվող կեղծ տեղեկատվությունը, որքան էլ որ այն անմեղ փաթեթավորմամբ՝ որպես կատակ շրջանառվի, կարող է սպառնալ ազգային անվտանգությանը՝ խուճապ ու քաոս առաջացնելով հանրության շրջանում։ Մի խնդիր, որը, փաստորեն, կատարեց ԱԺ ընդդիմադիր պատգամավորին, ԱԺ մարդու իրավունքների եւ հանրային հարցերի մշտական հանձնաժողովի նախկին նախագահին պատկանող կայքը։

Ի դեպ, ըստ հավաստի տեղեկությունների, սույն ԶԼՄ-ում որեւէ տող կամ բառ առանց տիկին Թովմասյանի իմացության չի գրվում, նա թեեւ իր կարգավիճակի բերումով իրավունք չունի զբաղվել թերթի խմբագրական աշխատանքով, սակայն, ինչպես թերթին մոտ կանգնած մեր աղբյուրն է հայտնում, նա պատգամավորական աշխատանքը համատեղում է նաեւ խմբագրական աշխատանքի հետ՝ մասնավորապես՝ հանձնարարականներ իջեցնելով աշխատակազմին։ Միամտություն կլիներ կարծելը, թե ունենալով այնպիսի հզոր զենք, ինչպիսին թերթն է, որեւէ պատգամավոր չէր օգտագործի սեփական քաղաքական կարիերան առաջ մղելու եւ դրան «հարակից» շահերը սպասարկելու համար։  

Արդ, ի՞նչ կատակ էր որոշել անել տիկին Թովմասյանն արտաքին մարտահրավերներ ունեցող երկրի քաղաքացիների հետ, այն էլ ապրիլի 5-ին սպասվող կարեւոր հանդիպմանն ընդառաջ։ Հանդիպում, որը, հիշեցնենք, տեղի է ունենալու Բրյուսելում՝ ՀՀ վարչապետ Նիկոլ Փաշինյանի, Եվրոպական հանձնաժողովի նախագահ Ուրսուլա Ֆոն դեր Լայենի, ԱՄՆ պետքարտուղար Էնթոնի Բլինքենի մասնակցությամբ, որը տապալելու, ձախողելու ուղղությամբ աշխատում է ոչ միայն Կրեմլի, այլեւ Ալիեւի կատաղի ագիտպրոպը։

Ուշագրավ է, որ երեւանյան խմբագրություններից մեկում արտադրված այս ֆեյք նյուզը կայծակնային արագությամբ տարածվեց հենց ռուսալեզու հարթակներում, մասնավորապես՝ «Սպուտնիկ» կայքի տեղական «ֆիլիալը» արտատպեց այն (ապա՝ ժամանակ անց հեռացրեց հրապարակումը), այնուհետեւ լուրը սփռվեց համացանցում, մասնավորապես՝ տելեգրամյան ալիքներում, «Ադրբեջանի պահանջներ», «Տավուշի անկլավներ», «հրաժարական» բառերը վերնագրերում ընդգծելով՝ լուրի տիրաժավորմանը միացան նաեւ ադրբեջանական եւ ռուսական մի շարք ԶԼՄ-ներ (մասնավորապես apa.az, abc.az, buta.media, gazeta.ru, caliber.az, minval.az) եւ․․․․  

«Ժողովուրդ»-ը, փաստորեն, իր վարած «հեռատես ու հավասարակշռված, պրոպետական ու հայրենասիրական» լրատվական քաղաքականությամբ ապահովեց թշնամական քարոզչության «ջրաղացի» «վարար ջուրը»։

Եվ մինչ հարեւան երկրի քարոզչական ռեսուրսները վերլուծություններ կկառուցեին  հայկական ԶԼՄ-ի մտքի արգասիքի շուրջ, հանրության, մասնավորապես՝ տավուշցիների շրջանում տարածված խուճապն ու անհանգստությունն էլ թափ կհավաքեր, շուլուխի հեղինակները (ենթադրաբար անարգանքի սյունին գամվելուց իրենց «կաշին փրկելու համար») հանդես եկան պարզաբանմամբ, թե՝ «Կ» տառով թողարկված լուրերը կատակ են։

Նկատեք, որ կեղծ լուրը հրապարակվել է 10:45, իսկ պարզաբանումը կայքում զետեղել է 12:51, ավելի քան երկու ժամ հետո։ «․․․Հարգելի  ընթերցող, եթե այսօր կայքում հանդիպեք «Կ» մակագրությամբ լուրեր, ապա դրանք ապրիլմեկյան կատակներ են, խնդրում ենք լուրջ չընդունել։ Եթե մեր լուրերը ձեզ անհանգստություն կպատճառեն, նախապես հայցում ենք ձեր ներողամտությունը»,- մասնավորապես ասված է պարզաբանման մեջ։

Ահա այսպիսի «պրոֆեսիոնալիզմ», ահա այսպիսի «լրջություն» մի կայքի կողմից, որը դժվար թե չիմանա այն մասին, որ իր լրատվական արտադրանքի շահառուների թվում է նաեւ ադրբեջանական քարոզչամեքենան։  

Ի դեպ, հայ հանրությանն անհանգստություն պատճառած կայքից օգտված ադրբեջանական ԶԼՄ-ները դեռեւս չեն հեռացրել «Жоховурд»-ի «ապրիլմեկյան կատակը», ոչ էլ իրենց ընթերցողին ծանուցել են վերոհիշյալ «հետշուլուխյան պարզաբանման» մասին։

Այնպես որ, Թովմասյանը, թերեւս, ստիպված պետք է լինի իրեն հարմար լեզվով պարզաբանում հղել ՀՀ-ում ՌԴ դեսպանատանն ու դրա միջոցով նաեւ Ալիեւի աշխատակազմին՝ ներողություն հայցելով նաեւ նրանից՝ փուչ հույսեր ներշնչելու ու «երազախաբ» անելու համար։ 

Նիկոլ Փաշինյանը չի պատրաստվում հրաժարական տալ, վարչապետի աշխատակազմն արդեն արձագանքել է այս ապրիլմեկյան անհաջող կատակին։

Հ․Գ․ Ըստ մեզ հասած տեղեկությունների՝ Թագուհի Թովմասյանը պատրաստվում է ՌԴ-ում իր ունեցած կապերն օգտագործել ու Բաքվի արվարձաններից մեկում հողակտոր գնել՝ սրճարան կառուցելու համար՝ այսպիսով լինելով առաջին հայ գործարարը, որը իրականություն կդարձնի «Բաքվում չայ խմելու» մասին որոշ ռազմահայրենասերների երազանքը։ Ըստ մեր աղբյուրի՝ պատգամավորն իր այս մտադրության մասին հայտնել է ՊՈՒ խմբակցության փակ նիստում եւ հեռակա կարգով ստացել անձամբ Սերժ Սարգսյանի աջակցությունը։ Կ․»։

Տպել
20970 դիտում

Մահացած վիճակում հիվանդանոց է տեղափոխվել 5-ամյա երեխա

Ինչու Իրանը որոշեց Իսրայելի «աչքը վախեցնել» և հաջողվե՞ց նպատակին ծառայեցնել գործողությունը

Թուրքիան չի ցանկանում տարածաշրջանում կրկին լարվածության մեծացում. Ֆիդանը՝ Աբդոլլահիանին

Բայդենի հետ բանակցություններից հետո Նեթանյահուն հրաժարվել է հակահարված տալ Իրանին. NYT

Հարևան երկրները տեղեկացված են եղել Իսրայելի վրա հարձակման մասին գործողությունից 72 ժամ առաջ. Աբդոլլահիան

Իսրայելը կպատասխանի Իրանի հարձակմանը. CNN

Ծաղկունքում հրդեհի հետևանքով այրվել է պահեստավորված անասնակերն ու խորդանոցը

Քեզ ո՞ւմ տեղն ես դրել, որ մարդու արժանապատվության հետ ես խաղում. Կարեն Բաբաջանյանը՝ Արմուշի և «32 ատամ» ակումբի մասին

Ավարտին են մոտենում Սանահին-Ակներ ճանապարհի կառուցման աշխատանքները

Ժամկետային զինծառայողը մեքենայով բախվել է կայանված բեռնատարին, այնուհետ՝ պատին. նա տեղափոխվել է հիվանդանոց

Իրանի հարձակումը հետ մղելը Իսրայելին արժեցել է 1,3 միլիարդ դոլար

«Մա՛հ Իսրայելին». Իրանի խորհրդարանը վանկարկումներով «տոնել է» իր գործողությունը (տեսանյութ)

Ադրբեջանն ու Հորդանանը համաձայնագիր են ստորագրել պաշտպանության ոլորտում համագործակցության մասին

Իսրայելի ցանկացած նոր արկածախնդրություն կարժանանա ավելի ծանր պատասխանի. Ռայիսին մեկնաբանել է Իրանի գործողությունը

Այս պահին Իրանը մտադիր չէ շարունակել պաշտպանական գործողությունները. Աբդոլլահիան

Երևանում բախվել են «Ֆոլկսվագեն»-ն ու կվադրոցիկլը․ վարորդները տեղափոխվել են հիվանդանոց

Իրանի ԱԳՆ-ն Իսրայելի վրա հարձակումից հետո կանչել է Մեծ Բրիտանիայի, Գերմանիայի և Ֆրանսիայի դեսպաններին

Հռոմի պապը մտահոգություն է հայտնել Իրանի գործողություններից հետո Մերձավոր Արեւելքում տիրող իրավիճակի կապակցությամբ

Գետափնյա գյուղի մոտակա կամրջով երթևեկությունը դեռևս փակ է

Սպասվում են տեղումներ, ամպրոպ, քամու ուժգնացում. առաջիկա օրերի եղանակային կանխատեսումը

Երուսաղեմում կրթական բոլոր հաստատությունները փակ են, ցանկացած հավաք՝ արգելված. Արտյոմ Չերնամորյան

ՄԻՊ-ն իրականացրել է պարեկային ծառայությունում կանանց ներգրավման հարցերի ուսումնասիրություն

Քիմ Քարդաշյանը մասնակցել է 10-րդ «Breakthrough Prize» մրցանակաբաշխությանը (լուսանկարներ)

Արման Ծառուկյանը հաղթել է UFC դասակարգման առաջատարին՝ բրազիլացի Չարլզ Օլիվեյրային

Աղոթեք, որ մեր լավ հարևան Իրանը չմտնի արևմուտքի մեր լավ բարեկամների հետ ռազմական հակամարտության մեջ. Իոաննիսյան

Իրանը հայտարարել է Իսրայելի դեմ գործողության ավարտի մասին

Երևանի մանկապարտեզներից մեկում շչակ է գործարկվելու

Մահվան ելքով վրաերթ Երևանում. հետիոտնը մահացել է ճանապարհին

Իսրայելը բացել է օդային տարածքը

Տոկաևը կժամանի Հայաստան. հայտնի է հանդիպումների շրջանակը

Իրան-Իսրայել լարվածության ֆոնին Նեթանյահուն առաջին անգամ հայտարարություն է արել

ԱՄՆ-ը հրավիրել է G7-ի առաջնորդներին՝ Իրանի «լկտի» հարձակման պատասխան մշակելու համար

ԱՄՆ-ն օգնեց Իսրայելին ոչնչացնել գրեթե բոլոր անօդաչու սարքերն ու հրթիռները. Բայդեն

Իսրայելը կպատժվի. Իրանի գերագույն առաջնորդ

Երուսաղեմի հայկական թաղամասում ամեն ինչ հանգիստ է. զոհեր և վիրավորներ չկան

Իսրայելի՝ Թել Ավիվ քաղաքի երկինքը (տեսանյութ)

Սա աննախադեպ էսկալացիա է և լուրջ սպառնալիք տարածաշրջանային անվտանգության համար․ Բորել

Խստորեն դատապարտում ենք Իրանի հարձակումը Իսրայելի վրա․ Մեծ Բրիտանիայի վարչապետ

Մի շարք երկրներ փակել են իրենց օդային տարածքները

Իրանական բալիստիկ հրթիռներն Իրաքի օդային տարածքում (տեսանյութ)