Ունենալ առանց ծխի աշխարհ. Աբու Դաբիում կայացել է Philip Morris International ընկերության միջոցառումը

Դեկտեմբերի 11-ին Աբու Դաբիում կայացել է Philip Morris International ընկերության կազմակերպած 2024թ. Technovation Smoke-Free միջոցառումը, որի ժամանակ PMI-ի գլխավոր տնօրեն Յացեկ Օլչակը հաստատել է ընկերության տեսլականը՝ ունենալ առանց ծխի աշխարհ և այդ նպատակով շարունակել օգնել միլիոնավոր չափահաս ծխողների՝ անցնելու այլընտրանքային ապրանքների:

Իսկ ի՞նչ քայլեր են առաջարկում մասնագետները, որո՞նք են այլընտրանքային ուղիները. այս և այլ հարցերի շուրջ «Հայկական ժամանակ»-ը զրուցել է Հարկ վճարողների պաշտպանության դաշինքի վնասի նվազեցման ավագ գիտաշխատող Լինդսի Ստրաուդի հետ:

Հարցազրույցը՝ ստորև.

Բարի օր և շնորհակալություն հարցազրույցի համար։ Կարո՞ղ եք մի փոքր պատմել Ձեր մասին։ Ի՞նչը դրդեց Ձեզ կենտրոնանալ վնասի նվազեցման և սպառողների կողմից այնպիսի ապրանքնելի հասանելիության վրա, ինչպիսիք են ալկոհոլը, ծխախոտը և այլն։

Ես սկսել եմ աշխատել Հարթլենդի ինստիտուտսւմ 2016թ.-ին։ Այդ ժամանակ ինձ առաջարկեցին աշխատել վեյփինգի պորտֆոլիոյի վրա։ Սա շատ ծավալուն թեմա է, ես մի փոքր փորձ ունեմ ալկոհոլի ոլորտում, բայց հիմնականում կենտրոնանում եմ ծխելու վնասի նվազեցման վրա։ Ես կատարում եմ 50 նահանգների վերլուծություն, ուսումնասիրում եմ ծխելու մակարդակը չափահասների ու երիտասարդների շրջանում։ Արդեն հինգ տարի է դրանով եմ զբաղվում, իմ աշխատանքը կհրապարակվի հունվարին, ինչն ինձ շատ է ոգևորում։ Ես խորապես ուսումնասիրել եմ ծխելու մակարդակը 18-24 տարեկանների շրջանում։ Օրինակ՝ 2023թ․ արդյունքներով Յուտա նահանգում երիտասարդների 2%-ն է ծխում։ Հարցը կարգավորումների մեջ է և ինչպես կարող ենք պայքարել ապատեղեկատվության դեմ։

Ձեր կարծիքով ո՞ր երկրներն են առաջատարը ծխելու վնասի նվազեցման արդյունավետ քաղաքականության իրականացման մեջ։

Եվրոպական շատ երկրներ ունեն ծխելու վնասի նվազեցման բավականին լավ քաղաքականություն։ Նոր Զելանդիան, նրանք իսկապես օգտագործում են տաքացվող, բայց այրում չառաջացնող արտադրատեսակները, վեյփերը։ Ամեն ինչ անընդհատ փոխվում է։ Կարծում եմ՝ ամեն ինչ շատ արագ է փոխվում, շատ ու շատ երկրներ սկսում են բացվել ծխելու վնասի նվազեցման գաղափարի առաջ։
Շվեդիայի օրինակը հիանալի է, մենք կարող ենք տեսնել, որ տեխնոլոգիա ունենալու դեպքում մարդիկ կշարժվեն այդ ուղղությամբ։ Հիշում եմ՝ առաջին գրքերից մեկը, որ գրեցի 2017թ․-ին, երբ խոսում էինք Շվեդիայի մասին, նրանք գրանցել էին ծխախոտի օգտագործման ամենաբարձր մակարդակը, բայց օգտագործվող արտադրանքը սնուսն էր, ու միաժամանակ երկիրը գրանցել էր քաղցկեղի ամենացածր ցուցանիշը։

Ձեր կարծիքով, այլ երկրներն ինչպե՞ս կարող են սովորել այս օրինակներից՝ բարելավելու ծխելու վնասի նվազեցման իրենց սեփական ռազմավարությունը։

Առաջին հերթին հարկավոր է պատրաստակամ լինել ներգրավվելու արդյունաբերության մեջ, այն լավ կարգավորել, բացել դռները, ունենալ որոշակի միջազգային չափանիշներ։ Եվ ամենակարևոր մասը կրթելն է, ապատեղեկատվությունը, հատկապես ծխողների շրջանում։ Այսօր մենք խոսում էինք կլիմայի փոփոխությունների մասին, ինչը աճող խնդիր է։ Այսիպիսի սարքերի վրա կան շատ կարգավորիչ սահմանափակումներ, բայց ես դրանք դիտարկում եմ նույն կերպ, ինչպես վիտամինների արդյունաբերությունն է աշխատում ԱՄՆ-ում։ Անհրաժեշտ է ունենալ լավ կարգավորված շուկա, քանի որ խնդիրների առաջացման դեպքում հարկավոր է կարողանալ անմիջապես արձագանքել։ Պետք է լինեն ճիշտ կարգավորումներ, և ինչքան էլ ես կուզենայի ազատ շուկա, դա լավ չէ, հարկավոր է բաց պայմաններ ստեղծել, որպեսզի փոքր բիզնեսը ևս կարողանա ներգրավվել։

Ծխելու այլընտրանքային տարբերակների վերաբերյալ ի՞նչ սխալ պատկերացումների եք ավելի հաճախ հանդիպում։

Իրականում շատ ապատեղեկտվություն է տարածվում, և դա տխուր է։ Դեռևս 40 տարի առաջ Մայքլ Ռասսելն ասել է, որ մարդիկ ծխում են նիկոտինի համար, բայց մահանում են խեժից։ Մինչև հիմա մարդիկ նիկոտինն են ներկայացնում որպես հրեշ։ Եվ ես հիշում եմ, 90-ականներին մարդիկ ասում էին՝ եթե կարող ես ծխելը թողնել 30 օր, դրանից հնարավոր է հրաժարվել, այժմ նրանք ասում են, որ նիկոտինը նման է հերոինի կախվածության, ինչը ճիշտ չէ։ Այո՛, ապատեղեկատվությունը շատ է։ Հույս ունենք՝ այս ամենը կփոխվի։