ԱՄՆ-ն առևտրային պատերազմ է հրահրում Կանադայի, Մեքսիկայի և Չինաստանի դեմ. վերջինները պատասխան են խոստացել

02/02/2025 schedule20:00

ԱՄՆ-ի նախագահի պաշտոնը զբաղեցնելուց ընդամենը հաշված օրեր են անցել, սակայն «սկանդալային» Թրամփը, հավատարիմ մնալով իրեն տրված մականունին, արդեն հասցրել է մի շարք ոչ ստանդարտ որոշումների, հրամանների հեղինակ դառնալ: Այդ որոշումների մի մասի պատճառները անհասկանալի են հանրության լայն շրջանակների համար, անընդունելի՝ քաղաքական ավելի լայն շրջանակների համար:

Դրանցից վերջինով, օրինակ, շաբաթ օրը՝ փետրվարի 1-ին, Թրամփը հայտարարել է Կանադայից և Մեքսիկայից ԱՄՆ ներկրվող ապրանքների համար 25 տոկոս մաքսատուրքերի, ինչպես նաև կանադական էներգակիրների համար 10 տոկոս մաքսատուրքի մասին։ Չինաստանից բոլոր ապրանքները նույնպես ենթակա են 10% մաքսատուրքի։

Թրամփն ասել է, որ միջոցառումներն անհրաժեշտ են երեք երկրներին «պատասխանատվության ենթարկելու համար և հասկացնելու, որ պետք է դադարեցնել թունավոր թմրադեղերի հոսքը Միացյալ Նահանգներ»:

Կանադան, Մեքսիկան և Չինաստանը խոստանում են պատասխանել ԱՄՆ նախագահ Դոնալդ Թրամփի՝ արտահանման համար հայտարարած նոր՝ «անհասկանալի» և հսկայական մաքսատուրքերին: 

Կանադան և Մեքսիկան համատեղ հայտարարել են, որ պատրաստում են նմանատիպ մաքսատուրքեր ամերիկյան ապրանքների վրա, իսկ Չինաստանը հավելել է, որ «անհրաժեշտ հակամիջոցներ կձեռնարկի՝ իր օրինական իրավունքները և շահերը պաշտպանելու համար»։

Մաքսատուրքերը և դրան հաջորդած պատասխան միջոցները կարող են նշանավորել համաշխարհային առևտրային պատերազմների նոր շրջան

Տնտեսագետները զգուշացնում են, որ ԱՄՆ ներմուծման մաքսատուրքերի սահմանումը և այլ երկրների պատասխան միջոցները կարող են հանգեցնել ապրանքների լայն շրջանակի գների բարձրացմանը՝ մեքենաներից, փայտանյութից և պողպատից մինչև սննդամթերք և ալկոհոլ:

Այնուամենայնիվ, Թրամփը 3 երկրից ստացած պատասխանից ավելի է ոգևորվել և հայտարարել, թե ավելի կմեծացնի մաքսատուրքերը, եթե երկրները պատասխան քայլեր ձեռնարկեն:

«Մաքսատուրքերի հայտարարությունը անհրաժեշտ է Չինաստանին, Մեքսիկային և Կանադային պատասխանատվության ենթարկելու համար, քանի որ չեն կատարվել թունավոր դեղերի հոսքը Միացյալ Նահանգներ դադարեցնելու իրենց խոստումները»,- ասվում է Սպիտակ տան հայտարարության մեջ, որը հրապարակվել է «X»-ում:

Սակագինը ներքին հարկ է, որը գանձվում է ապրանքներից երկիր մուտք գործելիս՝ ներմուծման արժեքին համաչափ։ Սակագները Թրամփի տնտեսական տեսլականի կենտրոնական մասն են, որը նա տեսնում է որպես ԱՄՆ տնտեսության աճի, աշխատատեղերը պաշտպանելու և հարկային եկամուտները բարձրացնելու միջոց, և այս դեպքում՝ նաև դաշնակիցների վրա ճնշում գործադրելու:

BBC-ն գրոմ է, որ նախորդ տարի՝ 2024 թվականին, Չինաստանին, Մեքսիկային և Կանադային բաժին է ընկել ԱՄՆ ներմուծման ավելի քան 40 տոկոսը:

Այս բոլոր երկրների տնտեսությունները միմյանց խիստ կապակցված են, կտուժեն բոլորը

Կանադայի, Մեքսիկայի և Միացյալ Նահանգների տնտեսությունները խորապես ինտեգրված են, և մոտ 2 միլիարդ դոլար արժողությամբ արտադրված ապրանքներ ամեն օր հատում են իրենց սահմանները:

Կանադա

Ամենաբարդ ու խառնաշփոթ իրավիճակը հենց Կանադայի հետ է կապված:

Կանադան ԱՄՆ հում նավթի խոշորագույն արտասահմանյան մատակարարն է։ Առևտրի վերջին պաշտոնական տվյալների համաձայն՝ անցյալ տարվա հունվար-նոյեմբեր ամիսներին ԱՄՆ ներկրված նավթի 61%-ը կանադական ծագում ունի։

Կանադայի վարչապետ Ջասթին Թրյուդոն հայտարարել է 25%-ի չափով մեծ պատասխան մաքսատուրքերի մասին, որոնք կառնչվեն 155 մլրդ դոլար արժողությամբ ամերիկյան ապրանքների: Երկուշաբթի օրվանից ուժի մեջ կմտնեն 30 միլիարդ դոլարի մաքսատուրքերը, իսկ մնացածը կգործի երեք շաբաթից:

Մաքսատուրքերի ենթակա ապրանքները ներառում են ամերիկյան գարեջուր, գինի, բուրբոն, մրգեր և մրգային հյութեր, բանջարեղեն, օծանելիք, հագուստ և կոշիկ, ինչպես նաև կենցաղային տեխնիկա, սպորտային ապրանքներ և կահույք։ Մաքսատուրքերի կենթարկվեն նաև փայտանյութն ու պլաստմասը։

«Մենք չէինք ուզում հայտնվել այս իրավիճակում, մենք դա չենք խնդրել: Բայց մենք չենք նահանջելու կանադացիների շահերը պաշտպանելու հարցում»,- ասել է նա փետրվարի 1-ին կայացած մամուլի ասուլիսում։ 

Թրյուդոն մերժել է այն ենթադրությունը, որ ԱՄՆ-Կանադա սահմանը անվտանգության սպառնալիք է՝ այն անվանելով «աշխարհի ամենաապահով և անվտանգներից մեկը»:

«Միացյալ Նահանգներ մուտք գործող ֆենտանիլի 1%-ից պակասն է գալիս Կանադայից: ԱՄՆ մուտք գործող անօրինական ներգաղթյալների 1%-ից պակասն է գալիս Կանադայից, Կանադայի դեմ առևտրային միջոցառումները միասին աշխատելու լավագույն միջոցը չեն՝ կյանքեր փրկելու համար»,- ասել է Թրյուդոն։ 

Օտտավան ավելի վաղ խոստացել էր 1,3 միլիարդ կանադական դոլար (մոտ 900 միլիոն ԱՄՆ դոլար) արժողությամբ անվտանգության նոր միջոցառումներ իրականացնել ԱՄՆ սահմանին՝ մաքսատուրքերից խուսափելու համար։

Մեքսիկա

Սպիտակ տունը մեղադրել է Մեքսիկայի կառավարությանը մեքսիկական թմրանյութերի վաճառքով զբաղվող կազմակերպությունների հետ «անընդունելի դաշինքի» համար:

Մեքսիկայի նախագահ Կլաուդիա Շայնբաումը «զրպարտություն» է անվանել մեղադրանքները, թե Մեքսիկայի կառավարությունը համագործակցում է հանցավոր կազմակերպությունների հետ և կոչ է արել Միացյալ Նահանգներին ավելին անել մեքսիկական կարտելներին զենքի անօրինական առաքումը դադարեցնելու համար:

«Խնդիրները լուծվում են ոչ թե մաքսատուրքերի սահմանմամբ, այլ բանակցությունների միջոցով»,- ասել է Շեյնբաումը՝ ընդգծելով, որ Մեքսիկան պատրաստ է համագործակցել ԱՄՆ-ի հետ։

Նա իր էկոնոմիկայի նախարարին հանձնարարել է պատասխան միջոցներ ձեռնարկել, ներառյալ սակագների փոփոխություն։ Ակնկալվում է, որ դրանք կներառեն պատասխան մաքսատուրքերը՝ 25% ամերիկյան ապրանքների համար։

Չինաստան

Պաշտոնական Չինաստանն ասում է, որ չինական ապրանքների վրա Թրամփի 10 տոկոս մաքսատուրքը Առևտրի համաշխարհային կազմակերպության կանոնների լուրջ խախտում է:

«Չինաստանը չափազանց դժգոհ է դրանով և կտրականապես դեմ է», - ասել է Չինաստանի առևտրի նախարարությունը։

Հայտարարության մեջ ասվում է, որ Պեկինը գործ կհարուցի ԱՄՆ-ի դեմ «ապօրինի գործելակերպի» համար և հակաքայլեր կձեռնարկի՝ պաշտպանելու իր իրավունքները և շահերը:

«Առևտրային և մաքսատուրքերի պատերազմներում հաղթողներ չկան»,- ասել է Վաշինգտոնում Չինաստանի դեսպանատան ներկայացուցիչը։

Ահազանգում են նաև ամերիկյան արդյունաբերական խմբերը

Արդյունաբերողներն անհանգիստ են. հատկապես կարող է տուժել ավտոմոբիլային ոլորտը: Ավտոպահեստամասերը մի քանի անգամ անցնում են երեք սահման՝ նախքան դրանք հավաքվում են մեքենայի մեջ, և այս դեպքում, TD Economics-ի գնահատմամբ՝ ավտոմեքենայի միջին գինը ԱՄՆ-ում կարող է աճել մոտ 3000 դոլարով:

Փիթերսոնի միջազգային տնտեսագիտության ինստիտուտի հունվարի զեկույցում ասվում է, որ Կանադայի և Մեքսիկայի վրա 25 տոկոս մաքսատուրքեր սահմանելը կարագացնի գնաճը բոլոր երեք երկրում:

«Ազատ առևտրի կողմ արտադրողներ» կազմակերպությունը գտնում է, որ շատ ամերիկացի ֆերմերներ արդեն իսկ բարդ իրավիճակում են, իսկ «նոր մաքսատուրքերը միայն կվատացնեն իրավիճակը Ամերիկայի գյուղական տարածքների մեծ մասի համար»:

ԱՄՆ-ի մանրածախ առևտրի առաջնորդների ասոցիացիան, որը ներկայացնում է ավելի քան 200 խոշոր ընկերություն, ինչպիսիք են Home Depot-ը, Target-ը և Walgreens-ը, հույս է հայտնել, որ մաքսատուրքերից դեռ հնարավոր կլինի խուսափել:

Ուրբաթ օրը Դոնալդ Թրամփը ինքն է խոստովանել, որ մաքսատուրքերը կարող են «որոշ ժամանակավոր, կարճաժամկետ խափանումներ» առաջացնել արդյունաբերության մեջ:

Բացի «պատժիչ» դեր ունենալուց, տեսականորեն, երկիր ներմուծվող ապրանքների վրա բարձր հարկ դնելը նշանակում է, որ ավելի քիչ հավանական է մարդիկ գնեն դրանք, քանի որ դրանք թանկանում են:

Բարձր տուրքեր սահմանելով՝ ԱՄՆ-ը նպատակ ունի ստիպել մարդկանց ավելի էժան տեղական արտադրանք գնել, ինչը խթանելու է երկրի տնտեսությունը։

«Հայկական Ժամանակ»-ը Telegram-ում
Տպել
3396 դիտում

ՀՀ ՄԻՊ-ն ու Եվրոպայի խորհրդի մարդու իրավունքների հանձնակատարը քննարկել են մարդու իրավունքներին առնչվող հարցեր

Վարորդը փակել է ավտոբուսի դռները, 65-ամյա ուղևորը մնացել է արանքում. նա հոսպիտալացվել է

Ընդդիմության «Սուրբ Կովը» տիտղոսին արժանանալու համար ճամբարներում շարունակվում է «բոշա-փչացած» վեճը. Չախոյան

Արագածի գագաթին ձնահյուսի հետևանքով կորած ալպինիստի որոնումները շարունակվում են

Երևանի մանկական երկաթուղու թունելի լուսավորության ցանցը հիմնովին արդիականացվել է

22-րդ հեծանվային զբոսանք. վարչապետը տեսանյութ է հրապարակել

Ինչո՞ւ ենք հեծանիվ քշում և դա ի ցույց դնում․ վարչապետը նշել է պատճառները

Փարաքարի ՏԻՄ ընտրություններ. ովքեր են «Ազգային առաջընթաց» կուսակցության ընտրացուցակում

Ուկրաինան պատրաստ է խաղաղության, ՌԴ-ն պետք է ցույց տա պատերազմը դադարեցնելու իր պատրաստակամությունը. Զելենսկի

Քոչարյանն ու Սերժ Սարգսյանը լուրջ տարաձայնություն ունեն, նրանք իրար համար կարմիր գիծ են դարձել. Դալլաքյան

Վաշինգտոնը դրական պատասխանի հույս ունի. ԱՄՆ-ը Ռուսաստանին կփոխանցի Ուկրաինայում հրադադարի մասին առաջարկը

30-օրյա զինադադար. Կիևը պատրաստակամություն է հայտնել ընդունելու ԱՄՆ-ի առաջարկը

Դաշնակցությանն անհրաժեշտ են ցուցարարներ. Մարիա Կարապետյան

Տեղի է ունեցել «Քաղաքացիական պայմանագիր» կուսակցության վարչության նիստ. այն վարել է Նիկոլ Փաշինյանը

Փարաքարի ՏԻՄ ընտրություններ. ովքեր են «Քաղաքացիական պայմանագրի» ընտրացուցակում

Հետևում եմ Հայաստանում ձնահյուսից տուժած իսպանացի լեռնագնացների խմբի փրկության ջանքերին․ Խոսե Մանուել Ալբարես

Բավականին դինամիկ երկխոսություն ենք վարում Թուրքիայի հետ, նպատակը սահմանների բացումն է. Արարատ Միրզոյան

Գյումրու ավագանու արտահերթ ընտրություններ. ովքեր են Հայաստանի կոմունիստական կուսակցության ընտրացուցակում

Թեքեյան կենտրոնում մտավորականների խորհրդաժողովն ավարտվել է հայհոյանքներով և ծեծկռտուքով. տեսանյութ

«Վայոց ձորի անտառտնտեսություն» մասնաճյուղի նախկին տնօրենից բռնագանձման պահանջ է ներկայացվել

Հայաստանը և Ադրբեջանը շատ մոտ են խաղաղության համաձայնագրի նախագծի վերջնականացմանը. ԱԳ նախարար

Որոնողափրկարարական աշխատանքներին ուղղաթիռներ են ներգրավվել. որ երկրից են ձնահյուսի տակ մնացած արշավականները

Հայաստան կժամանի Նիդերլանդների արտաքին գործերի նախարար Կասպար Վելդկամպը

Հայաստանը չունի ագրեսիայի մտադրություն որևէ 3-րդ երկրի նկատմամբ, արդիականացվում է պաշտպանական ոլորտը. Միրզոյան

Համայնքը շատ լավ է պատրաստվում ընտրություններին․ ում են իրենց ձայնը տալու փարաքարցիները. հարցում. տեսանյութ

Արագածի գագաթին տեղի ունեցած ձնահյուսի հետևանքով տուժած 8 անձինք հոսպիտալացվել են. ինչ վնասվածքներ ունեն

Գյումրու ավագանու արտահերթ ընտրություններ. ովքեր են «Քաղաքացիական պայմանագրի» ընտրացուցակում

Խաղաղությունը միակ ճանապարհն է, որը թույլ կտա ազգերին շարունակել համագործակցությունը. ԱԳ նախարարի հարցազրույցը

Մեկնարկել է Հայաստան-Վրաստան հանդիպման տոմսերի վաճառքը. ինչպես և քանի տոմս կարելի է գնել

Աշտարակ խոշորացված համայնքին է վերադարձվել Օրգովի գյուղատնտեսական նշանակության 4 հա մակերեսով հողամասը

Հարցազրույց եմ տվել թուրքական լրատվամիջոցների ներկայացուցիչներին. վարչապետը տեսանյութ է հրապարակել

Մեկնարկել է ԱՄՆ-Ուկրաինա բանակցությունների երկրորդ փուլը. ընդմիջումն ավարտվել է

Դավիթ Խուդաթյանը Շիրակի մարզում դիտարկել է իրականացված և ընթացքի մեջ գտնվող շինաշխատանքները

Շարժվում են դեպի նպատակը. ԱՄՆ-ի և Ուկրաինայի պատվիրակությունները գնացել են ընդմիջման. տեսանյութ

Հայաստանի և Վրաստանի արդարադատության նախարարությունների միջև առկա է սերտ փոխգործակցություն

Գյումրու և Փարաքարի ՏԻՄ ընտրություններում «Քաղաքացիական պայմանագրի» քվեաթերթիկը 1-ինն է

Խուսափել լեռներ այցելություններից. ձնահյուսերի առաջացման հավանականություն կա

Օդի ջերմաստիճանը կբարձրանա 4-6 աստիճանով. տեղումներ չեն լինի

Արագածի գագաթին 9 անձից բաղկացած արշավախումբը մնացել է ձնահյուսի տակ, նրանցից 1-ն անհետ կորել է. ՆԳՆ

Երևան-Գյումրի ճանապարհին հողային աշխատանքներ կատարելիս մարդու գանգ ու ոսկորներ են հայտնաբերվել