Կոալիցիա չի ստացվում. սպասում են քաղաքական բացարձակ նոր իրավիճակի

28/12/2015 schedule09:00

Իշխանական կոալիցիա ձեւավորելու հարցը փակված է: Մինչեւ 2017-ի խորհրդարանական ընտրությունները նման փաստաթղթի ստորագրում քաղաքական ուժերի միջեւ չի նախատեսվում:

Քաղաքական շրջանակներում խոսակցություններ կային, որ սահմանադրական փոփոխություններին աջակցած Հայ հեղափոխական դաշնակցությունը, որի եւ ՀՀԿ-ի միջեւ կոալիցիա ձեւավորելու մասին խոսակցությունները պարբերաբար քննարկվել են նաեւ մամուլում, հանրաքվեին աջակցելու դիմաց 3 մարզպետի պաշտոն է ուզել: ՀՅԴ-ն, ըստ նույն շրջանակների, նախարարական պորտֆելների փոխարեն նախընտրել է մարզպետական պոստերը, որպեսզի հնարավորություն ունենա առաջիկա համապետական ընտրությունների համար որոշակի քանակությամբ ձայներ ապահովել իր համար, բայց չի կարողացել Սերժ Սարգսյանի հետ նման համաձայնության գալ: Երեկ, երբ դաշնակցական պատգամավոր Արծվիկ Մինասյանին հարցրինք՝ ճի՞շտ է, որ ՀՅԴ-ն 3 մարզպետի պաշտոն է ուզել, բայց քանի որ համաձայնություն ձեռք չի բերվել՝ կոալիցիա չի ձեւավորվելու, նա պատասխանեց. «Նախ, այդ տեղեկատվությունը իրականությանը չի համապատասխանում, այս պահին չկա որեւէ նման քննարկում՝ կոալիցիա մտնելու կամ չմտնելու մասին, ինչ վերաբերում է ապագայում, մասնավորապես՝ հունվարից սկսած ինչ տեղի կունենա, ժամանակը ցույց կտա: Մենք այս պահին շահագրգռված ենք, որպեսզի սահմանադրական փոփոխությունները դարձնենք իրականություն, նկատի ունեմ, այդ նորմերը կյանք դառնան: Իսկ դա նշանակում է, որ առաջին հերթին լուրջ աշխատանք կա. համագործակցություն այդ ոլորտում տեսնում ենք, մասնավորապես Ընտրական օրենսգրքի մշակման, կուսակցությունների մասին օրենքի նախագծի ձեւավորման հարցում, իսկ գործադիր ֆունկցիաների հարցում այս պահին պարզապես չկա նման որեւէ քննարկում»: Այսինքն, դեռ չի՞ բացառվում, որ այդուամենայնիվ, ստեղծվի կոալիցիա մինչեւ խորհրդարանական ընտրությունները՝ մեր նկատառմանը Մինասյանն արձագանքեց. «Անունը դնենք համագործակցություն: Եվ չի բացառվում, որ գործադիր ոլորտում էլ ունենանք համագործակցություն: Բայց այս պահին նման քննարկում չկա: Այդ պատճառով հաստատել կամ հերքել որեւէ ձեւով հնարավոր չէ»: Գործադիր ոլորտում համագործակցություն ասելով՝ նկատի ունեք, որ ՀՅԴ-ն, այնուամենայնիվ, պաշտոննե՞ր ունենա՝ հստակեցմանը Մինասյանը պատասխանեց. «Այո»:

Այս ընթացքում խոսակցություններ են եղել, որ ԲՀԿ-ն եւս հնարավոր է կոալիցիոն հուշագիր ստորագրի ՀՀԿ-ի հետ: Երեկ մեզ հետ զրույցում ԲՀԿ նախագահ Նաիրա Զոհրաբյանը պնդում էր, որ իրենց մոտ նման քննարկումներ չեն եղել:  

- Նման խոսակցություններ եղել են բացառապես մամուլում, որեւէ այլ ֆորմատով որեւէ այլ տեղ խոսակցություններ երբեւէ չեն եղել, այս պահին ԲՀԿ-ի օրակարգում նման հարց չկա, ուստի, մեկնաբանել այն, ինչ շրջանառվում է մամուլում եւ ինչը իրականությանը չի համապատասխանում, անկեղծ ասած, ես չեմ պատրաստվում: Բացի դրանից, ես չեմ կարծում, սա արդեն իմ անձնական կարծիքն է, որ այսօր, երբ խորհրդարանական ընտրություններին, ըստ էության, մնացել է 1 տարուց ավելի քիչ ժամանակ, որեւէ կոալիցիա կարող է լինել արդյունավետ:

- Դուք ասում եք՝ նման քննարկում չի եղել, բայց դաշնակցական պատգամավոր Արծվիկ Մինասյանը օրեր առաջ մեզ հետ զրույցում չէր բացառել կոալիցիայի ձեւավորումը:

- Ես նշեցի, որ ԲՀԿ-ի հետ նման քննարկում չի եղել եւ ԲՀԿ-ի ներսում նման քննարկում չի եղել:

- Իսկ խորհրդարանական ընտրությունների ընթացքում կամ դրանից հետո դուք հակվա՞ծ եք ՀՀԿ-ի հետ կոալիցիա ձեւավորել:

- Երբ կլինեն խորհրդարանական ընտրությունները, երբ պարզ կլինի քաղաքական դաշտի խճապատկերը ընդհանրապես... այսօր խոսել, թե ինչ կլինի խորհրդարանական ընտրություններից հետո, դա ամենաանլուրջ բանը կլինի, որը իրեն կարող է թույլ տալ որեւէ քաղաքական գործիչ: Ես կարծում եմ, 2017-ի խորհրդարանական ընտրություններից հետո Հայաստանի քաղաքական ներկապնակը էապես տարբերվելու է մինչ այս եղած քաղաքական պատկերից: Կարծում եմ, այնտեղ կլինեն լրջագույն փոփոխություններ, եւ այսօր ասել, թե ինչ հնարավոր ալյանսներ կարող են ձեւավորվել 17-ի ընտրություններից հետո, կլինի ամենաանլուրջ բանը:

- Իսկ ի՞նչ հիմք ունի ձեր այդ վստահությունը, որ ասում եք՝ 2017-ից հետո քաղաքական այլ ներկապնակ կլինի:

- Թույլ տվեք փակագծեր շատ չբացել. կարծում եմ, որոշ քաղաքական ուժեր ուղղակի չեն լինի խորհրդարանում, դա իմ անձնական վերլուծության արդյունքն է, նրանց փոխարեն խորհրդարանում կլինեն այլ քաղաքական միավորներ:

- Ենթադրվում է, նկատի ունեք ՀԱԿ-ին եւ Ժառանգությանը:

- Իմ ենթադրությունները թողեք ինձ, ես ասացի, եւ կարծում եմ, 2017-ից հետո մենք կունենանք քաղաքական բացարձակ նոր իրավիճակ:

- Տեղեկություններ կան, որ Ընտրական օրենսգրքի փոփոխությունների շուրջ քաղաքական ուժերի միջեւ կոնսուլտացիաներ են սկսվել:

- Ի դեպ, շատ բան կախված է նաեւ, թե ինչպիսի Ընտրական օրենսգիրք մենք կունենանք: ԲՀԿ-ի ներսում մենք մեր քննարկումները սկսել ենք, խորհրդարանում, կարծում եմ, քննարկումները կմեկնարկեն անմիջապես հունվարյան արձակուրդներից հետո: Հիմա ԲՀԿ-ն գույքագրում է բոլոր այն ընտրախախտումների տեսակները, իսկ հայաստանյան ընտրական էպոպեան շատ հարուստ է տարատեսակ ընտրախախտումներով՝ սկսած դեռեւս 90-ական թվականներից, ընտրախախտումների տեսականին շատ մեծ է, մենք գույքագրում ենք բոլոր հնարավոր սողանցքները, որ ԸՕ-ն թույլ է տալիս ապօրինի միջամտություն ընտրական գործընթացներին եւ մեր իրավաբան մասնագետների հետ փորձում ենք գտնել, ձեւակերպել այն մեխանիզմները, որոնք կառաջարկենք ԸՕ-ում, որոնք հնարավորություն կտան գոնե նվազագույնի հասցնել ընտրական պրոցեսներում անօրինական միջամտությունները: Այս պահին կուսակցության ներսում այդ աշխատանքներն են տարվում, եւ երբ խորհրդարանում կսկսվեն քննարկումները, կարծում եմ, յուրաքանչյուր քաղաքական ուժ իր առաջարկները կներկայացնի հրապարակային: Հաշվի առնելով նոր Սահմանադրությամբ նախատեսված 100 տոկոս համամասնական ընտրակարգը եւ բազմաթիվ այլ ռադիկալ փոփոխություններ, շատ կարեւոր է, որ մենք ունենանք այնպիսի Ընտրական օրենսգիրք, որով ընտրական պրոցեսի սկզբի օղակից մինչեւ քվեաթերթիկի ամփոփում, արձանագրությունների կազմում, բոլոր հնարավոր անօրինական միջամտությունների հակաբիոտիկը կարողանանք իրավական ձեւակերպմամբ ներառել Ընտրական օրենսգրքում:

Տպել
4004 դիտում

Գորիս-Տաթև ճանապարհը բքի պատճառով փակ է, կան 100-ից ավել կուտակված մեքենաներ

Մահացել է ճարտարապետ Ստեփան Նալբանդյանը

Ստամբուլում կոգեկոչեն Թուրքիայի 1-ին պրոֆեսիոնալ բռնցքամարտիկ Կարպիս Զաքարյանի հիշատակը

Վայոց ձորի մարզում բախվել են աղով բեռնված «ԿամԱԶ»-ը և «Mercedes»-ը. կա վիրավոր

Դատարանը կալանավորել է Աշտարակում 19-ամյա տղային սպանելու մեջ կասկածվող 20-ամյա երիտասարդին

Վթարի հետեւանքով 24 ժամ ջուր չի լինի Երեւանում եւ Արարատի մարզում

Ջո Բայդենի նախընտրական արշավի համար 1,5 միլիարդ դոլար է ծախսվել. հավաքվել է ռեկորդային գումար անանուն աղբյուրներից

Ոչ նյութական Ժառանգության պահպանության համար ստեղծվել են հայկական ավանդական խաղերի և ուտելի բույսերի շտեմարաններ

Հայաստանի մարմնամարզության ֆեդերացիայի նախագահ է ընտրվել Գագիկ Վանոյանը

Թուրքական բանակի հարվածների հետեւանքով Սիրիայում զոհվել է 3 մարդ, վիրավորվել են 7-ը

Լարսը բաց է բոլոր տեսակի ավտոմեքենաների համար, բայց ՌԴ կողմում կուտակվել է 1000-ից ավելի բեռնատար

Փետրվարի 1-ից Վրաստանը կվերականգնի կանոնավոր չվերթները

Վահան Քերոբյանը հանդիպել է Իրանի արդյունաբերության նախարարի և ԿԲ նախագահի հետ, ստորագրվել է հուշագիր

33 ժամով կդադարեցվի Արարատի մարզի մի շարք բնակավայրերի ջրամատակարարումը

Վարչապետի հրաժարականի պահանջով ավտոերթի մասնակից մեքենաները տարվել են տուգանային հրապարակ

Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ

Արայիկ Հարությունյանն ընդունել է ՀՀ-ից ժամանած մի խումբ բժիշկ-փորձագետների

Քննարկվել են Հայաստանի և Սփյուռքի ներգրավմամբ արցախցիների սոցիալական խնդիրների լուծման տարբերակները

Կոտայքում ավտոմեքենան ընկել է կամրջից. վարորդը հիվանդանոցում մահացել է

Անկարայում բացվել է ԱԹՍ-ների սերիական արտադրության նոր գործարան

Երևանի Արմենակյան փողոցում այրվել է Volkswagen Golf մակնիշի ավտոմեքենա

Վայոց ձորում Mercedes-ը մխրճվել է երկաթե արգելապատնեշի մեջ. 5-ամյա տղան տեղում մահացել է

Երևանում և մարզերում էլեկտրաէներգիայի պլանային անջատումներ են սպասվում

Արագածոտնի, Վայոց ձորի, Շիրակի մարզերի ավտոճանապարհներին առկա է մերկասառույց

Երեկ կատարված 1953 թեստավորումից հաստատվել է կորոնավիրուսի 127 նոր դեպք

Մեկնարկեցին շախմատի Հայաստանի տղամարդկանց և կանանց 1-ին խմբի մրցաշարերը

Երևան-Երասխ ավտոճանապարհին մեքենան բախվել է բետոնե արգելապատնեշին և շրջվել դաշտամիջյան հատվածում․ կա տուժած

Ադրբեջանը վերադարձրել է 30 հայ զինծառայողի աճյուն, մարմիններն անճանաչելի են․ ԱԻՊԾ

Քաղաքական դաշտ մտնելով՝ ցույց եմ տալիս նաև, որ հավատարիմ եմ 18 թվականի հեղափոխությանը. Գնել Սարգսյան

Ազոխում դիեր են գտնվել. 80-ամյա Յուրիկը գյուղից չի հեռացել կամովին, 55-ամյա Սերժիկը նկուղում է մնացել պատահաբար

Արա Այվազյանը Դավիդ Զալկալիանիի հետ տարածաշրջանային անվտանգության, փոխկապակցվածության հարցերին է անդրադարձել(տեսանյութ)

9 մարզի 101 դպրոցում 18 առարկա չի դասավանդվում ուսուցիչների բացակայության հետևանքով

Իր գործունեությունն է սկսել «Կրթության զարգացման և նորարարության ազգային կենտրոն» հիմնադրամը

Սիսիան-«Զանգեր» ճանապարհահատվածում բուք է, Սարավանի լեռնանցքում՝ տեղ-տեղ մերկասառույց

Երկրաշարժ է գրանցվել Նախիջևանից 34 կմ հյուսիս-արևելք. ցնցումները զգացվել են Վայքում և Սյունիքում

7 մետր սահելուց հետո մեքենան հայտնվել է Արփա գետում

Մահացել է ամերիկացի լեգենդար հեռուստամեկնաբան Լարի Քինգը

Պատերազմից հետո Արցախում աշխատուժի պակաս է զգացվում

Օպերլիազորը հետախուզվողից 400 եվրո է հափշտակել. ՀՀ ոստիկանություն

Ֆրանսիայում աննախադեպ վիրահատություն է իրականացվել․ երկու ձեռքի փոխպատվաստումն արվել է հայ բժշկի գլխավորությամբ