Կարեն Կարապետյանը քարտ բլանշ է ստացել, որը հնարավոր է` այդպես էլ «բլանշ» մնա

ՀՀ հանրության մի ստվար զանգված նորանշանակ վարչապետ Կարեն Կարապետյանից կոնկրետ ակնկալիքներ ունի: Անցած 3 օրվա ընթացքում նա արդեն հասցրել է կառավարության նիստ վարել, խորհրդարանում մասնակցել կառավարության հետ հարցուպատասխանին, ինչպես նաեւ` շփվել լրագրողների հետ` այդպիսով որոշակի տպավորություն ստեղծել սեփական անձի մասին:

Առաջին տպավորությունը կարող է խաբուսիկ լինել, սակայն հիմքեր կան շատ զգուշավոր կանխատեսումների, որ նոր վարչապետից սպասելիքները չափազանցված են:

Կարապետյանը, պարզվում է, լուրջ խնդիրներ ունի հայոց լեզվի հետ: Նա, օրինակ, «ենթադրություն» եւ «ենթատեքստ» բառերի իմաստային նրբությունները լավ չի տարբերում, խնդիր ունի բայերի վերջավորությունների, «կապ»-երի, եզակի եւ հոգնակի ենթակաների հետ համապատասխան ստորոգյալ օգտագործելու եւ մի շարք այլ քերականական կանոնների հետ: Սա չարժե տառակերություն համարել, քանի որ Հայաստանի Հանրապետության վարչապետի պաշտոնը զբաղեցնող անձը պարտավոր է տիրապետել իր մայրենի եւ պետական լեզվին: Չտիրապետելն ուղղակի թուլացնում է նրան:

Բացի լեզվական խնդիրներից, տպավորություն ստեղծվեց, որ Կարապետյանը այնքան էլ լուրջ չի վերաբերվում իր ստանձնած պաշտոնին եւ պատշաճ չէր պատրաստվել ԱԺ-ին ներկայանալուն կամ կառավարության նիստը վարելուն: Վերջինիս դեպքում նա կարծես ֆալստարտ արձանագրեց` «ատամ» ցույց տալու համար ընտրելով «ամենահարմար» նախարարին՝ Արծվիկ Մինասյանին եւ շահելով իշխանական կոալիցիոն կուսակցության զայրույթը: 

ԱԺ-ում նորանշանակ վարչապետը նստել էր «էս ուր եմ ընկել» դեմքի արտահայտությամբ, իսկ կեցվածքում մի բան կար, որ նման էր դասակարգային անջրպետի իր եւ դահլիճում գտնվող մեծամասնության միջեւ: Իրեն ուղղված պատգամավորների հարցերին ի պատասխան՝ Կարապետյանը մի քանի հիշվող հայտարարություն արեց. որ Հայաստանի տնտեսության վիճակը չափազանց ծանր է եւ որ կախարդական փայտիկ չկա դա շտկելու համար (սա արդեն թեւավոր խոսք է նորանշանակ վարչապետների համար):

Լրագրողների հետ զրույցում եւս Կարապետյանը առանձնապես չփայլեց: Նրան հիշեցրին, որ տարիներ առաջ հայտարարել է` եթե անգամ իրեն վարչապետի պաշտոն առաջարկեն, չի համաձայնվի, եւ հարց հնչեց. «Ի՞նչն է փոխվել»:  «Եթե չեմ սխալվում, հայտարարել եմ 2013 թվականին, հիմա որոշակի պայմանները փոփոխվել են»,-պատասխանեց վարչապետը:

Կարեն Կարապետյանը, սակայն, սկանդալային հայտարարություն արեց՝ խոսելով Հայաստանում մենաշնորհների խնդրի մասին: «Երկրի փոքրությունը բերելու է նրան, որ որեւիցե ոլորտում միշտ լինելու է խոշոր խաղացող, այլ խնդիր է` այդ խոշոր խաղացողը արդարացի, մրցունակ պայմաններում է առաջանում, թե ադմինիստրատիվ կերպով: Լինելու են հավասար պայմաններ, եթե մեկնումեկը լինի հաջողակ բիզնես, մենք իրանից էդ բիզնեսը որեւիցե կերպ չենք խլելու»,- ասաց նա: Այս հայտարարության մեջ թաքնված սպառնալիք կա, որ բոլոր այն խոշոր խաղացողները, որոնք առաջացել են ադմինիստրատիվ կերպով, կարող են զրկվել իրենց հաջողակ բիզնեսից:

Հայաստանի նման երկրում սա բավական հավակնոտ ակնարկ-սպառնալիք է: Սա նաեւ այն հիմնական հարցն է, որի լուծումը հանրությունն ակնկալում է նորանշանակ վարչապետից` լֆիկական եւ միհրանական մենաշնորհների վերացում: Կարեն Կարապետյանն ակնհայտորեն ստանձնել է այդ պարտավորությունը եւ Սերժ Սարգսյանից ստացել է գործելու լիակատար ազատություն: Երբ նա ասում է, որ համաձայնել է վարչապետի պաշտոնին, որովհետեւ հիմա պայմանները փոխվել են, հենց սա նկատի ունի:

Ինչպես օրեր առաջ ՀՀԿ-ականները բացահայտեցին, Կարապետյանը Երեւանի քաղաքապետի պաշտոնից ժամանակին հրաժարական է տվել, որովհետեւ չի ունեցել որոշումներ կայացնելու եւ իրագործելու ազատություն: Ակնհայտ է, որ հիմա Սերժ Սարգսյանի հետ հակառակ պայմանավորվածությունը կա, եւ նորանշանակ վարչապետը  մենաշնորհների դեմ պայքարի հարցում որեւէ անձի հետ կապված՝ կաշկանդված չլինելու հավաստիացում է ստացել:

Հարց է առաջանում. ինչո՞ւ է Սերժ Սարգսյանը նման քայլի գնացել: Լավատեսական պատասխանն այն կլիներ, որ նա իսկապես ուզում է վերջ դնել ՀՀ-ում, օրինակ`շաքարավազի մենաշնորհին: Իրատեսական պատասխանը, սակայն, այն է, որ Սերժ Սարգսյանը համոզված է, որ Կարեն Կարապետյանը պարզապես չի կարողանալու դա անել, որովհետեւ չունի դրա համար անհրաժեշտ որակներ: Սերժ Սարգսյանի հաշվարկներով՝ նորանշանակ վարչապետը հայաստանյան քաղաքական իրականությանը կարող է դիմակայել առավելագույնը 6-7 ամիս, այն էլ` իր օգնությամբ: Այնքան, ինչքան մոտավորապես անհրաժեշտ է մինչեւ ընտրություններն ու նոր կառավարության ձեւավորումը: 

Տպել
5846 դիտում

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)