Լեւոն Տեր-Պետրոսյանը Սերժ Սարգսյանի ծրագրի մի մասն է

Ժառանգություն խմբակցության պատգամավոր Զարուհի Փոստանջյանի համոզմամբ՝ Կառավարության ծրագիրը դատապարտված է ձախողման։

Այս մասին ասաց պատգամավորը  Armtimes.com-ի հետ զրույցում։ Հիշեցնենք, որ Կառավարության արտահերթ նիստում ծրագիրն արդեն հավանության է արժանացել, եւ վաղը կներկայացվի խորհրդարանին։

-Տիկին Փոստանջյան, ի՞նչ կարող եք ասել ծրագրի մասին, որքանո՞վ է այն իրատեսական։

-Կարող եմ ասել, որ ծրագիրն արարողակարգային բնույթ է կրում, նոր Կառավարությունն ըստ սահմանված օրենսդրության պետք է ներկայացներ ծրագիր։ Իրականում ոչ մի նորություն չկա, ես նույնիսկ համեմատություն էի անում 2014 թվականի ծրագրի հետ, կարող եմ ասել որեւէ էական փոփոխություններ կամ արտառոց կամ հեղափոխական մոտեցումներ չկան։ Տնտեսական ու քաղաքական ճգնաժամը ճեղքելու միջոց իրենց կողմից ներկայացված փաստաթղթում չկա։ Ոչ մի դրույթ ներառված չէ, որը միտված է իրական փոփոխության, որպեսզի կարողանանք հաղթահարել տնտեսական ճգնաժամը, պետք է ունենանք քաղաքական ինստիտուների հիմնադրում՝ տնտեսական զարգացում չես կարող ունենալ, եթե չեն աշխատում քաղաքական ինտիտուտները։ Իսկ քաղաքական ինստիտուտների զարգացման համար համապատասխան ծրագիր պետք է ընդունես, որը գոյություն չունի։ Հասկանալի է, որ վաղը շարքային բնույթի ներկայացում է լինելու ԱԺ-ում, եւ այս ամիսների ընթացքում որեւէ դրական փոփոխություն չի արձանագրվելու։

-Եթե համեմատեք, օրինակ, Հովիկ Աբրահամյանի ծրագրի հետ, որեւէ բարեփոխիչ դրույթ կարո՞ղ եք ասել, քանի որ ՀՀԿ-ականների խոսքով ծրագրի առանցքային դրույթը բարեփոխումներն են։

-Գիտեք ինչ, բնույթն ընդհանուր առմամբ իրարից չի տարբերվում, ուղղակի այն ծրագիրն ավելի ընդգրկուն ու երկար է, սա ավելի կարճ է։ Այստեղ ինչ-որ մեկ միասնական պատուհան է Սփյուռքի հետ կապված, մինչդեռ մենք այսօր խնդիր ունենք ոչ թե մեկ պատուհան կամ նմանատիպ հայտարարությունների, այլ օտար երկրներում գտնվող մեր հայրենակիցներին մասնակից դարձնել մեր քաղաքական կյանքին՝ դրանով նպաստելով, որ նրանք իրենց կարողություններն ու ռեսուրսները ներդնեն ՀՀ-ում։ Եթե քաղաքացին օտարված է իր հայրենիքի քաղաքական կյանքից, ինչպե՞ս պետք է ներդրումներին մասնակցի։

-Ինչպիսի՞ն կլինի «Ժառանգության» դիրքորոշումը Կառավարության ծրագրի քվեարկության ժամանակ։

-«Ժառանգությունը» ներկայացնում եմ ես, ես դեմ եմ քվեարկելու, մյուս անդամները գիտեք ովքեր են, խմբակցությունը չեն ներկայացնում, ինչպես կհանձնարարեն, այդպես էլ կքվեարկեն։

-Ի՞նչ եք կարծում՝ ընդհանուր ընդդիմությունն ինչ դիրքորոշում կունենա այս հարցի շուրջ։

-Չեմ ուզում որեւէ մեկին մեկնաբանել, դուք տեսաք վերջին քվեարկությունը վերաբերում էր հանրահայտ ընտրակեղծարարների խմբին՝ գլխավորությամբ պարոն Մուկուչյանի (նկատի ունի ԿԸՀ անդամների ընտրությունը), եւ դուք տեսաք, թե ինչպես տեղի ունեցավ քվեարկությունը։

-Տիկին Փոստանջյան, վարչապետ Կարեն Կարապետյանը դեռեւս ՀՀԿ-ական չէ, չնայած ՀՀԿ-ականները չեն բացառում, որ ի վերջո կանդամակցի, Կառավարության ծրագրի հնարավոր տապալումը համարվելու է վարչապետի՞, թե՞ ՀՀԿ-ի տապալում։

-Ընդհանուր առմամբ, իհարկե, ՀՀԿ-ի տապալումն է, այն որ հնարավոր չէ սա իրականացնել, միանշանակ է։ Միանշանակ է նաեւ, որ առաջին հերթին իրենց տապալումն է, իրենք են ներկայացրել Կարեն Կարապետյանին՝ անկախ նրանից ներկայացնում են իրենց կուսակցության անդամ, թե ոչ։ Չտապալվելու համար առաջին հերթին քաղաքական մենաշնորհի վերացում է պետք, մինչդեռ այս ծրագիրն ուղղակի կրկնություն է։ Մենք գտնվում ենք ճգնաժամի մեջ, այն ծրագիր չէ ճգնաժամից դուրս գալու, այլ զուտ արարողակարգային փաստաթուղթ է, ծրագրում պետք է լիներ անդրադարձ նաեւ քառօրյա պատերազմին։ Ինչպե՞ս է լինում, որ երկրում կան տարածքային կորուստներ ու որեւէ մեկը պատասխանատու չէ։

-Առաջին նախագահ Լեւոն Տեր-Պետրոսյանն էր առաջարկություններով հանդես եկել ծրագրի հետ կապված, ծանո՞թ եք։

-Լեւոն Տեր-Պետրոսյանը լավ կլիներ լյուստրացիայի՝ գաղտնազերծման մասին օրենսդրական նախաձեռնության առաջարկով հանդես գար, որով կբացահայտվեր, թե ինքը որտեղից է սերված։ Այսինքն КГБ-ի որ գործակալությունից է եկել։

-Մի քանի օր առաջ էլ բարձրաձայնել էր դեֆոլտի վտանգի մասին։

-Նորից եմ կրկնում՝ առաջին հերթին լյուստրացիա պետք է անցկացնենք, տեսնենք՝ որտեղի գործակալ է։ Լեւոն Տեր-Պետրոսյանը Սերժ Սարգսյանի ծրագրի մի մասն է։

-Այսինքն, պատահական չէ՞ր դեֆոլտի մասին հայտարարությունը ծրագրին ընդառաջ։

-Իհարկե պատահական չէ, երբ Լեւոն Տեր-Պետրոսյանը լռում-լռում է ու ինչ-որ հայտարարությամբ հանդես գալիս, հստակ հանձնարարական է կատարում։

-Ո՞ւմ հանձնարարականը։

-Այ որ լյուստրացիա անցկացնեք, կտեսնեք՝ ում հանձնարարականը։

-Հիմա հստակ չէ՞։

-Ես ասացի, որ Տեր-Պետրոսյանը հովանավորում է Սերժ Սարգսյանին։ Նախկին կոմունիստական կուսակցությունից, ԱԱԾ-ից կամ հատուկ այլ ծառայություններից մարդիկ, ովքեր դարձել են պետության ղեկավար՝ իրենց կոչելով բարեփոխիչներ, ռեֆորմատորներ, նրանք հստակ ծրագիր են իրականացնում, որը ոչ մի կապ չունի բարեփոխումների հետ։ Լեւոն Տեր-Պետրոսյանը նույն այդ ծրագրի անդամ է եւ հովանավորն այդ ամենի։

Տպել
3990 դիտում

Եթե պարոն Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է

«Անցյալին վերադարձ չի լինելու` ՀՀԿ կլինի, քոչարյանականներ կլինեն, ով ուզում ա լինի»

Թուրքիան վերսկսելու է ավիահաղորդակցությունը շուրջ 40 երկրի հետ

Արեւաշող համայնքի «Յազիկ» թաղամասում կկառուցվի մանկական խաղահրապարակ

ՌԴ-ից Ադրբեջան ռազմական արտադրանք է մատակարարվել կաշառքի միջոցով. ձերբակալվել են պաշտոնյաներ

Արդենիսում 1730 մետր նոր ջրագիծ կկառուցվի

ԿԳՄՍ նախարարությունը սկսել է ԵՊՀ հոգաբարձուների խորհրդի ձեւավորման գործընթացը. բուհ գրություն է ուղարկվել

Արթուր Վանեցյանը դատի է տվել վարչապետին եւ նրա խոսնակին․ պահանջում է նաեւ 2 մլն դրամ

Ամբերդ համայնքում 80 տնտեսություն կապահովվի կապույտ վառելիքով

ՊՎԾ ուսումնասիրությունը ՊԵԿ նախագահի հրաժարականի հետ կապելը իրատեսական չէ․ ՊՎԾ ղեկավարի պարտականությունները կատարող

Անցկացվել են մեքենավարման և հրաձգության գործնական պարապմունքներ

Կառավարական թիվ 1 և 3 տներում գործող հանրային սննդի կետերը կասեցվել են. Արթուր Ասոյան

Հետախուզում է հայտարարվել Գագիկ Խաչատրյանի մյուս որդու՝ Արտյոմ Խաչատրյանի նկատմամբ. նա մեղադրյալ է ներգրավվել 4 հոդվածով

Նախակորոնավիրուսյան «Մարդկության դիմանկար»-ը

Նիկոլ Փաշինյանը բացատրել է, թե կորոնավիրուսից բուժվածների թիվն ինչու՞ է փոքր

Ոստիկանության ծառայողներից մեկին սպանելու, մյուսին մարմնական վնասվածք հասցնելու վերաբերյալ քրգործն ուղարկվել է դատարան

Ցանկացած հրապարակում ահազանգ է, իսկ անհատական տվյալների պաշտպանության խնդիր միշտ կա. Նիկոլ Փաշինյան

Զոհրաբ Մնացականյանը հեռախոսազրույց է ունեցել Վրաստանի ԱԳ նախարար Դավիդ Զալկալիանիի հետ

Էդվարդ Հովհաննիսյանը նշանակվեց ՊԵԿ նախագահ

Գողանում էին մեքենաների համարանիշերն ու տերերից փող շորթում․ ոստիկանության բացահայտումը (տեսանյութ)