Չեմ բացառում, որ Օսկանյանը միանա ԲՀԿ-ին. Սերգեյ Մինասյանը՝ հնարավոր դաշինքների մասին

2017-ի խորհրդարանական ընտրություններին ընդառաջ կարծես թե եւս մեկ քաղաքական ուժ է նշմարվում. խոսքը ՀՀ պաշտպանության նախկին նախարար Սեյրան Օհանյանի կողմից ստեղծվող ուժի մասին է: Կովկասի ինստիտուտի փոխտնօրեն, քաղաքագետ Սերգեյ Մինասյանը կարծում է, որ մինչ ընտրություններ քաղաքական դաշտում դեռ պատկերը շատ կփոխվի:

- Պարոն Մինասյան, դեռ դժվա՞ր է ասել, թե 2017 թվականի ապրիլին քաղաքական դաշտն ինչ տեսք կունենա:

- Այդ մասին դեռ վաղ է խոսելը: Մենք այս պահին ունենք իրավիճակ, երբ կա Փաշինյանի, Արամ Սարգսյանի եւ Էդմոն Մարուքյանի կուսակցությունների դաշիքնը, որը ես հակված եմ համարելու արեւմտամետ կողմորոշում ունեցող գլխավոր ուժ: Եթե մինչ այդ «Ժառանգությունն» էր այդպիսի ուժ համարվում, ապա այժմ «ժառանգությունը» հավանաբար լրիվ կազմալուծվել է: Կա նաեւ ՀԱԿ կուսակցություն, որը փորձում է որպես ընդդիմադիր եւս մեկ գլխավոր ուժ ձեւավորվել. դա երեւում է Լեւոն Տեր-Պետրոսյանի հայեցակարգային մոտեցումներից: Բացի դրանից ԲՀԿ-ն է փորձում ռեինկարնացիայից վերադառնալ քաղաքական դաշտ: Գուցե նաեւ Բարգավաճ Հայաստանի շուրջ կստեղծվեն որոշ քաղաքական դաշինքներ եւ ընտրապայքարում ԲՀԿ-ն իր ռեսուրսների շնորհիվ կարողանա իր տեղն ունենալ: Ես չեմ բացառում, որ Վարդան Օսկանյանը միանա այդ կուսակցությանը: Հաջորդ դաշինքը որ նշմարվում է՝ դա Սեյրան Օհանյանի եւ Վիկտոր Դալլաքյանի քաղաքական ուժը կարող է լինել: Այլ լուրջ քաղաքական ուժեր, որոնք տեսանելի կարող են լինել քաղաքական դաշտում, այս պահին չկան՝ բացառությամբ իհարկե իշխող Հանրապետականի եւ Դաշնակցության: Դժվարանում եմ ասել, թե էլ ինչ ուժեր կստեղծվեն, իսկ եթե նույնիսկ լինեն, շատ քիչ հավանականություն կա, որ այսքան կարճ ժամկետում կհասցնեն կայանալ եւ լուրջ դեր ունենալ:

- Դուք խոսեցիք «Քաղաքացիական պայմանագիր», «Հանրապետություն», «Լուսավոր Հայաստան» ուժերի մասին՝ նշելով, որ այդ դաշինքը արեւմտամետ եք համարում: Սակայն նրանք վերջերս հատուկ հայտարարեցին, որ իրենց դաշինքը չի կարող արեւմտամետ լինել: Դուք ինչի՞ հիման վրա եք այդպես ասում:

- Համաձայնեք, որ ընտրությունների քարոզարշավի ընթացքում յուրաքանչյուր ուժ փորձում է հնարավորինս լայն ընտրազանգվածի վրա հենվել՝ ցույց չտալով իր նեղ ուղղվածությունը: Բայց նմանատիպ ընկալում քաղաքական եւ հասարակական դաշտում կա:

- Իսկ ըստ ձեզ ո՞ր ուժն է համարվում ռուսամետ:

- Ես չէի ասի, որ մեզ մոտ այքան ընդգծված բաժանում կա, ուղղակի արեւմտամետի տարբերակը մի քիչ առանձնանում է, որովհետեւ գրեթե բոլոր քաղաքական ուժերը կամ բալանսավորված կոմպլեմենտար քաղաքական մոտեցում ունեն կամ փորձում են արտաքին քաղաքականության առումով հստակ դիրքորոշումներ չունենալ: Չեմ կարծում, որ ակնհայտ ռուսամետ ուժեր փորձելու են ինչ-որ դեր խաղալ առաջիկա ընտրություններում կամ նկատելի լինել: Բացի Օրինաց երկրից, որը փորձում էր Եվրասիական ինտեգրման գլխավոր դերակատարներից մեկը լինել Հայաստանում, մյուսները այդքան տեսանելի չեն լինելու որպես ռուսամետ քաղաքական ուժ:

- Իսկ ՀԱ՞Կ-ը: ԱԺ-ում ԵՏՄ-ին կողմ քվեարկեցին, Լեւոն Տեր-Պետրոսյանն էլ շաբաթ օրվա իր ելույթում ակնհայտ ցույց տվեց իր ուղղվածությունը: Համացանցում դա քննարկման առարկա է դարձել:

- Ես կարծում եմ, որ ՀԱԿ-ը կոմպլեմենտար քաղաքայանության կողմնակից է: Ընդհանրապես կա մոտեցում, որ յուրաքանչյուր քաղաքական ուժ, որ քֆուրով չի խոսում Ռուսաստանի վարած քաղաքականսւթյան մասին՝ պետք է դիտարկել պրոռուսական: Բայց դա այդպես չի, եթե խոսքը Տեր-Պետրոսյանի կողմից Ղարաբաղի հարցում ՌԴ դերի ընդգծման մասին է, ապա դա ընդունում են բոլորը:

- Վիկտոր Դալլաքյանի ստեղծած քաղաքական ուժը կկարողանա՞ այս ընթացքում ընտրազանգված հավաքել: Սեյրան Օհանյանը կմիանա՞ նրան:

- Ինչպես հասկացա այսօրվա իր հայտարարությունից եւ Դալլաքյանի նախորդ օրվա հայտարարությունից, այդ ուժը փորձելու է ինչ-որ դեր խաղալ: Կստացվի, թե ոչ, դժվարանում եմ ասել, որովհետեւ եւ Օհանյանը եւ Դալլաքյանը ունեն քաղաքական հարուստ  փորձ, բայց բավական խոցելի են  քաղաքական քննադատությունների առումով: Դալլաքյանի դեպքում քննադատությունները կարող են լինել տարբեր քաղաքական սկզբունքներ փոխելու առումով, Սեյրան Օհանյանի դեպքում՝ բանակում եղած խնդիրներում նրա մեղավորության առումով: Արդյոք հնարավոր կլինի ակտիվ դեր խաղալ եւ հաղթահարել խորհրդարան մտնելու ցենզը՝ ժամանակը ցույց կտա:

- Կա՞ն ժամանակին քիչ թե շատ ընտրազանգված ունեցող քաղաքական ուժեր, որոնք դուրս կմնան խորհրդարանից:

- Իմ կարծիքով երկու հավանական թեկնածուներ կան՝ ՕԵԿ-ը եւ Ժառանգությունը: Բայց դաշինքները դեռ ձեւավորման փուլում են, քաղաքական դաշտը դեռ հստակ չէ, ուստի քաղաքական իրավիճակի մասին ավելի հստակ հնարավոր կլինի խոսել Ամանորից հետո:

Տպել
2619 դիտում

Մասիսի թիվ 1 մանկապարտեզում հայտնաբերվել է «Զինվորի բաժին. վաճառքի ենթակա չէ» մակնշմամբ թթվասեր

ԵՊՀ ուսանողական խորհուրդը հանդիպման է հրավիրում ԿԳՄՍ նախարար Արայիկ Հարությունյանին

Մեկնարկել է ԱԺ-կառավարություն հարց ու պատասխանը․ հարցերի համար հերթագրվել է 42 պատգամավոր

Ինեկոբանկը նոր գործադիր տնօրեն ունի

Գիտության ոլորտում մոտ 1 միլիարդի թերֆինանսավորում ունենք․ Սերգեյ Բագրատյանը՝ 2020 թվականի բյուջեի մասին

Փոխվարչապետի խորհրդական Ավետիք Էլոյանն ունի 5 անշարժ գույք եւ 138 հազար դոլար, իսկ կինը՝ 130 հազար դոլար

Էմմին մտորում է կրկին «Եվրատեսիլ» գնալու մասին. հարցրել է երկրպագուներին

2020 թվականին պետական պարտքը կնվազի՝ հասնելով ՀՆԱ 50%-ից ցածր մակարդակի․ նախարար (տեսանյութ)

Արման Սարգսյանը անձնակազմերին է ներկայացրել Լոռու և Գեղարքունիքի մարզային վարչությունների նորանշանակ պետերին (տեսանյութ)

Վազգեն Մանուկյանը հայտարարել է Հանրային խորհուրդը լքելու մասին

Ծառուկյանի ընկերությունը 5 ամիս է՝ հրաժարվում է վճարել պարտքը. պնդում է բամբակի դաշտում աշխատած տրակտորի տերը

Հայաստանի ֆուտբոլի հավաքականն ունի լուրջ խնդիրներ ու հույս. մարզիչը նախանձելի վիճակում չէ

ՊԵԿ աշխատակիցներն ազատվել են սեփական դիմումի համաձայն. ՊԵԿ-ի պարզաբանումը

Հնարավոր է՝ ԵՊՀ ռեկտորի թափուր պաշտոնի մրցույթից հետո էլ բուհը ղեկավարի Գեղամ Գրիգորյանը. հոգաբարձուների խորհրդի նախագահ

Այս տարի ծնված երեխաների թիվը գերազանցել է անցած տարվա նույն ժամանահակահատվածի ցուցանիշը. վարչապետ

ՊՆ-ում կազմակերպվում են «1991 ստորաբաժանումում» ծառայություն անցնելու համար նախապատրաստական դասընթացներ

Հայաստանը երբեւէ չի սահմանափակում իր քաղաքացիների ազատ տեղաշարժի իրավունքը. ԱԳՆ-ն՝ Ուկրաինայի դեսպանությանը

ԲՀԿ-ն 2020 թվականի բյուջեի նախագծին դեմ է քվեարկելու․ նրանց համոզմամբ՝ այն չի սպասարկում տնտեսական հեղափոխությունը

Սիրիայի նախագահը ցավակցություն է հայտնել հայ քահանայի սպանության կապակցությամբ

Որպես անհետ կորած որոնվող 31-ամյա Մայա Ժիդկովան հայտնաբերվել է