Գյումրու դպրոցներում ցածր ջերմաստիճան է եւ բացակայություն

Գյումրու «Անի» թաղամասի Միքայել Նալբանդյանի անվան թիվ 11 դպրոցի միջանցքում ջերմաչափը +6 է ցույց տալիս: Այս մասին Armtimes.com-ի հետ զրույցում ասաց դպրոցի 5-րդ դասարանի աշակերտուհիներից մեկի ծնողը:

«Շենքում շատ ցուրտ է: Երեխեքս էնտեղ են սովորում: Աղջիկս ասում է` միջանցքում +6 էր, իսկ ֆիզկուլտ դահլիճում ավելի ցածր: Վերարկուով են նստել դասերին, իսկ դասարանի կեսն էլ բացակա է եղել: Երեւի գիշերը չեն վառում, կամ դեռ լրիվ չի հասցրել տաքանալ, բետոն է Անի թաղամասի դպրոցը»,- ասում է ծնողը:

Նալբանդյանի անվան թիվ 11 դպրոցի տնօրենի ժամանակավոր պաշտոնակատար Արմինե Գրիգորյանը Armtimes.com-ին պարզաբանեց, որ ջերմաստիճանը ցածր է, քանի որ երկար ժամանակ չի ջեռուցվել դպրոցի շենքը: Կառույցում առկա է կենտրոնացված ջեռուցման համակարգ: «Դե, նոր ենք դասի գալիս, այ քեզ բան, բա ցուրտ կլինի: Ու՞մ տունն է հիմա տաք, որ էս դպրոցի մեծ շենքը տաք լինի»,- ասաց տնօրենի ժամանակավոր պաշտոնակատարը: Արմինե Գրիգորյանը չպատասխանեց այն հարցերին, թե դպրոցում այժմ որքան է ջերմաստիճանը կամ իսկապե՞ս երեխաները դասաժամերին վերակուներով են նստում. «Ես ժամանակ չունեմ, ժողովի եմ, ցտեսություն»:

Armtimes.com-ը Շիրակի մարզի հանրակրթական դպրոցներում տիրող իրավիճակի մասին տեղեկություններ փորձեց ճշտել մարզպետարանի կրթության վարչության պետի ժամանակավոր պաշտոնակատար Հրայր Կարապետյանից: Վերջինս տեղեկացրեց, որ բացակայություններ կան: «Որոշակի բացակայություններ կան: Մարզի յուրաքանչյուր դպրոցում 8-10 տոկոս բացակայություն կա»,- ասաց վարչության պատասխանատուն:

Մեր հարցին` դասասենյակներում ջերմաստիճանը որքա՞ն է, Կարապետյանը մի փոքր դադարից հետո նշեց. «17-18 աստիճանից չի իջնում»: Իսկ մեզ հասած դժգոհությունների վերաբերյալ ասաց. «Էդ ո՞վ է ասում, մենք նման ցածր ջերմաստիճանով դպրոցներ չունենք, գնացեք, տեսեք»: Կարապետյանը վստահեցրեց՝ դասաժամերը կրճատելու անհրաժեշտություն չկա:

Հիշեցնենք, որ 3-րդից մինչեւ 12-րդ դասարանի աշակերտների դասերը վերսկսվել են հունվարի 9-ից: ՀՀ ԿԳ նախարարությունը շրջաբերական է ուղարկել բոլոր մարզպետներին եւ Երեւանի քաղաքապետին` առաջարկելով այն ուսհաստատություններում, հատկապես գյուղական համայնքների, որտեղ դասասենյակներում ապահովված չէ համապատասխան ջերմաստիճան, ըստ անհրաժեշտության, դասերը սկսել առավոտյան ժամը 10:00-ից` 30 րոպե տևողությամբ դասաժամերով:

Տպել
2411 դիտում

Հրապարակվել է «Լավ երկրների» վարկանշային աղյուսակը. Հայաստանը բարելավել է դիրքերը, հայտնվել 45-րդ տեղում

Քոչարյանի իշխանավարման տարիներին սպառողների համար գազի գինն աճել է մոտ 2.5 անգամ. Հայկ Գեւորգյան

Վարչապետը շարունակում է հանդիպումները Դավոսի տնտեսական համաժողովի շրջանակում (լուսանկարներ)

ՊԵԿ-ը հերքում է. նման պարգևատրումներ գոյություն չունեն

Ինքնախրախուսվել է նաեւ Շիրակի մարզպետը. փոխմարզպետները եւս դրամական պարգեւներ են ստացել

Էլեկտրահարման եղանակով Արփա գետից որսացել են ձկներ, պահել գետի ափին ու բռնվել

Արայիկ Հարությունյանն ԱՄՆ է գնացել հրավիրող կողմի հաշվին

Բակո Սահակյանը ողջունել է Արցախում ՀՅԴ Ընդհանուր ժողովի անցկացումը

Սերժ Սարգսյանն այսօր պարգեւատրել է չեմպիոնների

Վանաձորցիները սպասում են ԱԺ պատգամավորի թեկնածուների «բարի կամքի դրսեւորմանը»

Արտաշատում հատուկ նշանակայինների մասնակցությամբ միջոցառումներ են տեղի ունեցել (տեսանյութ)

Շուկայում փոփոխություններ են տեղի ունեցել, ներմուծող տնտեսվարողների քանակն է ավելացել. Շաբոյանը բենզինի գնի անկման մասին

Չեխիան ստացել է Նարեկ Սարգսյանի արտահանձնման մասին Հայաստանի հայցը

Հայտարարություն մրցույթի մասին

ՀՀԿ-ական քաղաքապետերը նույնպես շարժվել են իրենք իրենց պարգեւատրելու իներցիայով

Ամփոփիչ խորհրդակցություն ոստիկանության Երևան քաղաքի վարչությունում (տեսանյութ)

Սերժ Սարգսյանը այսօր պարգեւատրել է չեմպիոնների

Դարձել եք ազատ, արդար ընտրությունների արդյունքում ձեւավորված խորհրդարանի ղեկավար. Սվիտալսկին՝ Միրզոյանին

Շտապ օգնության կանչերը շուտով կսպասարկվեն նաեւ թեթեւ մարդատար ավտոմեքենաներով

Աշոցքի ավտոճանապարհներին թույլ ձյուն է տեղում