Փոխմարզպետի որդին սպանությունից առաջ ծեծե՞լ էր մեղադրյալին. նոր մանրամասներ

Գեղարքունիքի փոխմարզպետ Անդրանիկ Հակոբյանի որդին՝ 29-ամյա Հայկ Հակոբյանը, սպանության նախորդ օրը՝ հունվարի 6-ին, ծեծի է ենթարկել Մեխակ Հարությունյանին: Նման տեղեկություն մեր աղբյուրների փոխանցմամբ իրավապահներին հայտնել է ինքը՝ Հակոբյանի սպանության մեջ մեղադրվող Մեխակ Հարությունյանը:

Ըստ այդմ՝ նա նշել է, որ առաջադրված մեղադրանքը չի ընդունում`իրավական գնահատականների հետ համաձայն չլինելու պատճառով, սակայն ընդունել է, որ Հայկ Հակոբյանը սպանվել է իր կողմից արձակած կրակոցներից: Մեր տեղեկություններով, նա նաեւ հայտնել է, որ Հակոբյանին սպանելու դիտավորություն չի ունեցել, իրադրությունն է այդպես զարգացել: Տուժողն ու մեղադրյալը տեւական ժամանակ լարված փոխհարաբերություններ են ունեցել. ըստ մեղադրյալի՝ Հայկ Հակոբյանը պարբերաբար վիրավորել է իրեն, հայհոյել:

Մեխակ Հարությունյանի շահերը պաշտպանում է Ինեսսա Պետրոսյանը: Վերջինս մեր զրույցում ասաց, որ իր պաշտպանյալին կալանավորելուց հետո միջնորդել է քննիչին, որպեսզի անվտանգության նկատառումներից ելնելով իր պաշտպանյալին «Նուբարաշեն» ՔԿՀ չտեղափոխեն: Նշենք, որ սպանված Հայկ Հակոբյանը քրեական հեղինակություն Նորատուսցի Ալիկի մորեղբոր որդին է: Նա կալանավորվել է 2016 թվականին Շենգավիթ վարչական շրջանում գտնվող «Լիա» գեղեցկության սրահում տեղի ունեցած աղմկոտ սպանության գործի շրջանակներում:

Նորատուսցի Ալիկը պահվում է «Նուբարաշեն» ՔԿՀ-ում, հենց այդ պատճառով էլ պաշտպանը միջնորդել է, որպեսզի Մեխակ Հարությունյանին այդ ՔԿՀ չտեղափոխեն, այլ տեղափոխեն «Երեւան-Կենտրոն»: Պաշտպանի միջնորդությունը մասամբ է բավարարվել. Մեխակ Հարությունյանը ո՛չ «Երեւան-Կենտրոն» ո՛չ էլ «Նուբարաշեն» ՔԿՀ է տեղափոխվել. նա պահվում է այլ քրեակատարողական հիմնարկում, որն առայժմ գաղտնի է պահվում՝ կրկին անվտանգության նկատառումներից ելնելով:

Մեխակ Հարությունյանին նախօրեին մեղադրանք է առաջադրվել ՀՀ Քրեական օրենսգրքի 104 հոդվածի 1-ին մասով (դիտավորյալ սպանություն) եւ ՀՀ ՔՕ 235 հոդվածի 1-ին մասով (ապօրինի զենք պահելը, կրելը կամ փոխադրելը): Նրա նկատմամբ որպես խափանման միջոց է ընտրվել երկամսյա կալանքը: Ամենայն հավանականությամբ, կալանքի որոշումը պաշտպանական կողմը չի բողոքարկի:

Հիշեցնենք, որ Գեղարքունիքի փոխմարզպետի որդին սպանվել է հունվարի 7-ին, Գավառի «Քաղառի կռուգ» կոչվող վայրում:

Տպել
24729 դիտում

200 ժամ հարկադիր աշխատանք. դատարանն անփոփոխ է թողել Արմեն Ջիգարխանյանի նախկին կնոջ դատավճիռը

Հեռացավ՝ իր հետ տանելով ավանդապաշտության ողջ դարաշրջան. Հասմիկ Պապյանը՝ Լագերֆելդի մասին

Կյանքից հեռացել է բարերար Ալեք Մանուկյանի դուստրը՝ Լուիզ Մանուկյան-Սիմոնը

Պատահական անցորդներին գրքեր են նվիրում նախարարներն ու վարչապետը (տեսանյութ)

Դատախազությունը բողոք կներկայացնի քրեական հեղինակություններ Նորատուցի Ալիկի եւ Չարբախցի Գեղամի դատավճռի դեմ

Արգենտինայի փոխնախագահը հայտնել է ՀՀ պաշտոնական այց կատարելու ցանկության մասին

Սեդրակ Քոչարյանին առաջարկել են ցուցմունք տալ, սակայն նա չի ցանկացել

Ղազարավան գյուղում բռնկված հրդեհը մեծ վնասներ է պատճառել

12-ամյա Հրաչյա Բադասյանը որոնվում է որպես անհետ կորած (տեսանյութ)

ԵՊՀ ռեկտորը չարաշահում է իր պաշտոնը. Restart

Փակ են Շիրակի ու Արագածոտնի մարզի շուրջ 20 գյուղերի միջհամայնքային ճանապարհներ

Նիկոլ Փաշինյանն ու Աննա Հակոբյանը գրքեր են նվիրում քաղաքացիներին (տեսանյութ)

Ոստիկանությունը նախկին պատգամավորին խորհուրդ է տալիս ձեռնպահ մնալ զուտ «ցնցող» բան գրած լինելու գայթակղությունից

Վճարեք կասեմ. Ֆլեշի Բարսեղը Սերժ Սարգսյանի հետ վերջին անգամ հանդիպելու մասին հարցին ի պատասխան

Գյումրու 2 մարզաուսումնական հաստատություններում 32.4 մլն դրամի վատնում կատարելու դեպքերով հարուցվել են քրգործեր

Մարտի 4-ից կհայտարարվի Հանրային հեռուստառադիոընկերության նախագահի մրցույթը. «Ա1+»-ի տնօրենը՝ իսկական Հանրայինի մասին

Հանդիպել են Լիբանանում ՀՀ դեսպանն ու երկրի վարչապետը

Աշտարակ քաղաքում վագոն-տնակ է հրդեհվել

«Արարատ» ակումբը դատական կարգով թիմի բժշկի պարտքը վերադարձրել է, ֆուտբոլիստը դեռ սպասում է

Ռուս սահմանապահն իր շան օգնությամբ գտել է Սյունիքում կորած քաղաքացու մարմինը