Փոխմարզպետի որդու սպանության շարժառիթը. ինչ ցուցմունք է տվել կասկածյալը

Հունվարի 7-ին Գավառի «Քաղառի կռուգ» կոչվող վայրում սպանվել է Գեղարքունիքի փոխմարզպետ Անդրանիկ Հակոբյանի որդին՝ 29-ամյա Հայկ Հակոբյանը (Նորատուսցի Հայկո մականվամբ):

Դեպքը տեղի է ունեցել ցերեկը՝ ժամը 12:30-ի սահմաններում. «Տոյոտա լենդ քրաուզեր պրադո» ավտոմեքենայից կրակոցներ են արձակվել «Աուդի-Q7» մակնիշի ավտոմեքենայի ղեկին գտնվող Հայկ Հակոբյանի գլխի եւ պարանոցի ուղղությամբ, ինչի հետեւանքով ստացած վնասվածքներից վերջինս հիվանդանոցի ճանապարհին մահացել է. Հակոբյանի վրա 7 կրակոց է արձակվել: Սպանության մեջ կասկածվում է Նորատուս գյուղի բնակիչ 20-ամյա Մեխակ Հարությունյանը, որը Նորատուսի գյուղապետ Մուրադ Հարությունյանի եղբոր՝ Արտակ Հարությունյանի որդին է: 20-ամյա երիտասարդը դեպքից անմիջապես հետո հորը պատկանող «Տոյոտա լենդ քրաուզեր պրադո» ավտոմեքենայով դիմել է փախուստի, սակայն հաջորդ օրը՝ հունվարի 8-ին, ներկայացել է ոստիկանության քրեական հետախուզության գլխավոր վարչություն եւ ինքնախոստովանական ցուցմունք տվել:

Մեր տեղեկություններով, նա որպես կասկածյալ հարցաքննվելիս պատմել է, որ կենցաղային հարցերի շուրջ վիճաբանություն է տեղի ունեցել, այլ կերպ ասած՝ «տղայական ռազբորկա»: Նա նշել է, որ վերջին շրջանում իր եւ Հայկ Հակոբյանի միջեւ մի քանի անգամ վիճաբանություն է եղել ավտոմեքենա վարելու հարցի շուրջ: Մեր տեղեկություններով, վիճաբանություններից մեկի ժամանակ Հայկ Հակոբյանը նույնիսկ ապտակել է Մեխակ Հարությունյանին: Եվ ահա դեպքի օրը՝ հունվարի 7-ին, նրանք կրկին նույն թեմայի շուրջ վիճաբանել են. երկուսն էլ եղել են մեքենաներով: Վիճաբանությունը հանգուցալուծվել է նրանով, որ Մեխակ Հարությունյանը «Մակարով» տիպի ատրճանակից մի քանի անգամ կրակել է Հայկ Հակոբյանի վրա: Մեխակ Հարությունյանը իրավապահներին է ներկայացրել նաեւ ապօրինի պահվող հանցագործության գործիք հանդիսացող հրազենը:

Սպանված 29-ամյա Հայկ Հակոբյանը ամուսնացած էր, ուներ երկու մանկահասակ երեխա: Երեկ տեղի է ունեցել նրա հոգեհանգիստը: Նա քրեական հեղինակություն Նորատուսցի Ալիկի մորեղբոր որդին է: Նորատուսցի Ալիկը, հիշեցնենք, կալանավորվել է 2016 թվականին Շենգավիթ վարչական շրջանում գտնվող «Լիա» գեղեցկության սրահում տեղի ունեցած աղմկոտ սպանության գործի շրջանակներում:

Իսկ սպանության մեջ կասկածվող Մեխակ Հարությունյանը սովորում է Երեւանի պետական համալսարանում, հայրը զբաղվում է խեցգետնի առեւտրով: Նրա հորեղբայրը՝ Նորատուսի գյուղապետ Մուրադ Հարությունյանը, երեկ ողջ օրվա ընթացքում չմոտեցավ հեռախոսին. զանգերին պատասխանում էր մեկ այլ անձ եւ հորդորում զանգահարել ավելի ուշ:

Գեղարքունիքի մարզպետ Ռաֆիկ Գրիգորյանը մեզ զրույցում պնդեց, որ Մեխակ Հարությունյանի եւ Հայկ Հակոբյանի ընտանիքներն անձնական խնդիրներ չեն ունեցել. նրանք խնամիական կապերի մեջ են. «Հեռու բարեկամներ են»,- ասաց նա: Մարզպետը չցանկացավ խոսել դեպքի մասին՝ նշելով, որ նախաքննություն է ընթանում, իրավապահներն են զբաղվում, ուստի ոչինչ ասել չի կարող:

Մեր դիտարկմանը, թե սպանությունից հետո ի՞նչ իրավիճակ է Նորատուսում, լարվածություն կա՞, Ռաֆիկ Գրիգորյանը պատասխանեց. «Ես ցնցված  եմ, ցնցված է ոչ միայն համայնքը, այլ նաեւ մարզը: Մեկը մյուսին հարց են տալիս՝ ինչո՞ւ, բայց ոչ մեկը չգիտի այդ հարցի պատասխանը: Նորատուսը ՀՀ-ում այն համայնքն է, որ միասնական է բոլոր հարցերում, ունի իր ուրույն տեղը եւ դերակատարությունը, դրա համար ես ցավում եմ դեպքի առնչությամբ: Ես համոզված եմ՝ նորատուսցին կմնա իր բարձունքին: Չի կարող լարված լինել, որովհետեւ ես ասացի՝ հզոր միասնական համայնք է, բոլորը ցնցված են կատարվածից եւ սգում են միասնական»:

Խոսելով կասկածյալ Մեխակ Հարությունյանի մասին, նա ասաց՝ այն, որ Մեխակը դեռ կասկածյալի կարգավիճակ ունի, դեռ ոչինչ չի նշանակում. «Նա անմեղ է, քանի դեռ չկա վերջնական դատական ակտ»,- նկատեց մարզպետը: Նշենք, որ 20-ամյա երիտասարդը երեկվա դրությամբ փաստաբան չուներ: Նրա ձերբակալման 72 ժամը լրանում է այսօր. հենց այսօր էլ կորոշվի Մեխակ Հարությունյանին դիտավորյալ սպանության եւ ապօրինի զենք պահելու համար մեղադրանք առաջադրելու եւ նրա նկատմամբ որպես խափանման միջոց կալանք ընտրելու հարցը:

Նշենք, որ դեպքի վերաբերյալ երեկ հաղորդագրություն է տարածել ՀՀ քննչական կոմիտեն՝ նշելով, որ սպանությունը բացահայտվել է: «Դեպքի վայրի զննությամբ հայտնաբերվել է թվով 7 պարկուճ եւ երկու գնդակ: Քրեական գործով նշանակվել են դիակի դատաբժշկական, դատակենսաբանական, դատահետքաբանական, դատաձգաբանական փորձաքննություններ: Մշակվել է քննչական պլան, եւ ձեռնարկվում են անհրաժեշտ քննչական եւ օպերատիվ-որոնողական միջոցառումներ`դեպքի բոլոր հանգամանքները պարզելու ուղղությամբ»,- մասնավորապես, ասվում է հաղորդագրությունում: Տեղեկացանք, որ երեկ սույն քրեական գործը Գեղարքունիքի մարզային քննչական վարչությունից փոխանցվել է ՀՀ քննչական կոմիտեի ՀԿԳ քննության վարչություն:

Դեպքի առթիվ հարուցվել է քրեական գործ՝ ՀՀ քրեական օրենսգրքի 104 հոդվածի 1-ին (սպանությունը՝ ապօրինաբար մեկ ուրիշին դիտավորությամբ կյանքից զրկելը՝ պատժվում է ազատազրկմամբ՝ ութից տասնհինգ տարի ժամկետով) եւ ՀՀ ՔՕ 235 հոդվածի 1-ին մասի հատկանիշներով (ապօրինի կերպով զենք, ռազմամթերք, պայթուցիկ նյութեր ձեռ բերելը, կրելը կամ փոխադրելը՝ պատժվում է ազատազրկմամբ՝ առավելագույնը երեք տարի ժամկետով):

Լուսանկարում՝ աջից սպանված Հայկ Հակոբյանը

Տպել
32021 դիտում

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել