Գագիկ Ծառուկյանն իշխանափոխության պահանջ չի առաջնորդի. ելույթի մեսիջները՝ ըստ քաղաքագետի

ԲՀԿ նախկին նախագահ Գագիկ Ծառուկյանն այսօր հայտարարեց քաղաքականության փակված էջը բացելու եւ առաջիկա խորհրդարանական ընտրություններին լայն դաշինքով մասնակցելու մտադրության մասին:

Քաղաքական դաշտում իր գործունեության էջը նա փակել էր 2015 թվականի փետրվարյան հայտնի իրադարձություններից հետո, երբ Սերժ Սարգսյանը նրան անվանեց չարիք, հոխորտաց, որ կրկեսի վերածելու հայրենիք չունենք, հայտարարեց, թե մինչեւ հիմա ինքն է «արգելել որևէ մեկին հոլովել ժողովրդի կողմից դակված «Դոդի Գագո» կնիքը»:

«Թիմա­կիցներն անընդհատ ջանք են թափում բացատրելու, թե որն է «այբը», որը՝ «բենը»: Ոմանք սեփական օրակարգն են գրում, դեմ տալիս՝ մտքում համոզված լինելով, որ «միևնույն է՝ չի հասկանալու ինչ է հնչեցնում»»,- դեռ փետրվարին հայտարարեց Սարգսյանը:

Սրան հաջորդեցին այլ ՀՀԿ-ականների ծաղրական եւ վիրավորական մեկնաբանությունները Ծառուկյանի հասցեին, ապա նա հեռացավ քաղաքականությունից, այդ թվում իր հիմնադրած ԲՀԿ-ի ղեկավարի պաշտոնից:

Միջազգային եւ անվտանգության հարցերի հայկական ինստիտուտի» նախագահ, քաղաքագետ Ստյոպա Սաֆարյանից հետաքրքրվեցինք՝ Ծառուկյանի վերադարձը ցույց է տալիս, որ նա հասկացե՞լ է՝ որն է «այբը», որը՝ «բենը», թե՞ էլի ինչ-որ մեկն է գրել նրա ելույթը, նա ուղղակի ընթերցել է:

- Եթե Սերժ Սարգսյանը գիտի, որ Գագիկ Ծառուկյանի ելույթներն ուրիշներն են գրում, թերեւս այդ հարցի պատասխանն ինքը կտա: Ես դատողություններ կարող եմ անել միայն նրա ընթերցած տեքստից, որը, համենայնդեպս այս պահին, տարածվում է որպես Գագիկ Ծառուկյանի հայտարարություն: Ուշադրություն դարձնենք, թե ինչպես է Գագիկ Ծառուկյանն արդարացնում 2015-ի փետրվարյան իրադարձություններից հետո քաղաքականությունից հեռանալու իր որոշումը: Նա նշում է, որ ժողովրդի խաղաղ շարժումը կարող էր վերածվել արյունահեղության: Եկեք հիշենք, թե ինչն էր տանում այդպիսի առճակատման. դա իշխանությունը փոխելու պահանջն էր: Եվ եթե Գագիկ Ծառուկյանն այժմ հայտարարում է, որ ինքը ճիշտ է արել, որ կանխել է արյունահեղությունը, եւ այժմ վերադառնում է հավատարիմ նույն արժեքներին, ապա գրեթե ուղիղ տեքստով ասում է, որ իշխանափոխության պահանջ չի առաջադրի: Իր մեսիջը դա է:

- Պարոն Սաֆարյան, ստացվում է նույն կրկեսը, որը ցանկացած պահի նորից կարող է ընդհատվել:

- Եթե պայմանավորվածությունները խախտվեն եւ եթե Գագիկ Ծառուկյանը կրկին անցում կատարի իր 2015 թվականի ստրատեգիային՝ իհարկե, որովհետեւ դա կլինի խախտում հենց իր տեքստում, իր իսկ կողմից դրված տրամաբանության:

- Սերժ Սարգսյանի հայտարարությունից հետո, տարբեր ՀՀԿ-ականներ սկսեցին վիրավորական արտահայտություններ թույլ տալ նրա հասցեին. Արմեն Աշոտյանն, օրինակ, Ծառուկյանին տգետ անվանեց՝ հայտարարելով, թե նրա նմաններն են խանգարում իր երեխաներին դպրոցներում սովորել, ասաց, որ նա «Ա»-ն «Բ»-ից չի տարբերում, Պյութագորասի թեորեմը չգիտի, «Վարդանանքը» չի կարդացել... Հիմա ինչպե՞ս են այդ գործիչներն իրենց պահելու: Ասելու են փոխվե՞լ է Ծառուկյանը:

- Հիշում եմ երկու կողմի որակումներն էլ, բայց ես չէի ցանկանա այդ բառաֆոնդով փորձագիտական գնահատականներ տալ: Ակնհայտ է, որ ոչ իշխանությունը, ոչ էլ ընդդիմությունը որեւէ արժեքային հենք չունեն, եւ եթե չունեն արժեքային համակարգ, եթե չունեն վեհ գաղափարներ, որոնց համար պայքարում են, իրենց վարքագիծը չի բխում այդ արժեքներից, հետեւաբար քաղաքական բանավեճն էլ դառնում է փողոցային մակարդակի պիտակում: Բայց դա իրենք կարող են մոռանալ, չհիշել: Գագիկ Ծառուկյանն ասաց, որ քինախնդրություն չի պահում: Իհարկե, քինախնդրություն չարժե պահել եւ դա նրա լավ որոշումներից մեկն է, բայց բացառել, որ եթե Ծառուկյանը խախտի իր ելույթում առկա գործելաոճը՝ կարող ենք ականատես լինել նույն բառաֆոնդին, չի կարելի:

- Գագիկ Ծառուկյանն ասում է, որ լայն դաշինքով է հանդես գալու: Ըստ ձեզ ո՞ր ուժերն են լինելու նրա ղեկավարած դաշինքում՝ բացի ԲՀԿ-ից:

- Դատելով միավորներից, որ ստեղծվել են քաղաքական դաշտում ԲՀԿ-ից պոկված բեկորներից՝ կարելի է ենթադրել, որ խոսքը նախ եւ առաջ դրանց՝ այդ անձ-կուսակցությունների մասին է: Այդ դաշինքում կարող են լինել «Ալյանսը», «Համախմբումը», «Միասնություն» դաշինքը, միգուցե նույնիսկ Սեյրան Օհանյանը: Դեռ չեմ կարող հստակ անուններ նշել: Ակնհայտ է սակայն, որ ինչքան էլ «լայն դաշինք» ձեւակերպումն օգտագործեն՝ չեմ կարծում, որ դա համահայկական դաշինք լինի:

- Ինչո՞ւ: Կարծում եք հայտնի իրադարձություններից հետո Ծառուկյանի հետ համագործակցող քաղաքական ուժերը խրատվե՞լ են:

- Որովհետեւ հիմա քառյակի նման մի ֆորմատի ձեւավորումն ավելի քիչ հավանական է, քան 2014-ին: Օրակարգն էլ չի կարող նույնը լինել: Չգիտեմ ՀԱԿ-ը կվերադառնա՞ Գագիկ Ծառուկյանի հովանու ներքո ընտրություններին մասնակցելու, դեռ չեմ կարող ասել: Դաշնակցությունը՝ բացառում եմ, որ համագործակցի: «Ժառանգությունը»՝ հնարավոր է:

- Դուք ձեր խոսքում այդ մասին ասացիք, բայց ավելի հստակ ճշտենք. Գագիկ Ծառուկյանի այսօրվա հայտարարությունը համաձայնեցվա՞ծ է Սերժ Սարգսյանի հետ:

- Քանի որ հեռացումը տեղի է ունեցել երկու կողմի որոշմամբ, երկու կողմի բանակցությունների արդյունքում, բնականաբար, վերադարձը չի կարող միակողմանի ակտ լինել: Եթե նրա վերադարձը ՀՀԿ-ի կողմից չի ընդունվում սվիններով, ինչպես նրան ճանապարհեցին, բնականաբար, կարող ենք ենթադրել, որ կա երկուստեք համաձայնություն:

- Պարոն Սաֆարյան, Սերժ Սարգսյանի ինչի՞ն է պետք Ծառուկյանին նորից բերել քաղաքականություն:

- Գագիկ Ծառուկյանի տեքստում մի հետաքրքիր նախադասություն կա, որը, թերեւս, վիճարկել չես կարող. նա ասում է, որ իրենից հետո որեւէ քաղաքական ուժի չհաջողվեց զբաղեցնել առաջացած տեղը: Այս իմաստով էլեկտորատի կառավարման խնդիր կա, մի բան, որ Գագիկ Ծառուկյանը տարիներով արել է եւ բուֆեր է դարձել ռադիկալ ընդդիմադիր զանգվածի եւ իշխանության միջեւ՝ մեղմելով իշխանափոխության կամ ժողովրդական ընդվզման փորձերը: Նա միշտ սոցիալական ուղղվածության ծրագրերով, բարեգործություններով մեղմել է մարդկանց դժգոհությունը: Մի բան, որ ոչ մի քաղաքական ուժ դա անցած 1 տարվա ընթացքում չի արել, չէր էլ անի դա, որովհետեւ որեւէ մեկը, հավանաբար այդպիսի միջոցներ չուներ էլ: Բայց, համենայնդեպս, Սերժ Սարգսյանի կուսակցությանը ձեռնտու է, որ լինի քաղաքական մի ուժ, որը կառավարի էլեկտորատի տրամադրությունները եւ թույլ չտա ապստամբության եւ հեղափոխության վիճակների հասունացում:

Տպել
4321 դիտում

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա