Սարգսյանն ու Կարապետյանն են Ավշարի Արայիկի եղբորն առաջարկել Արարատի մարզը ղեկավարել

Արարատի նորանշանակ մարզպետ Արամայիս Գրիգորյանը տեղյակ չի եղել, որ իրեն պետք է նշանակեին մարզպետ, միայն այսօր առավոտյան է վարչապետի հետ զրուցել եւ տվել իր համաձայնությունը: Այս մասին կառավարության նիստից հետո լրագրողների հետ զրույցում ասաց Արամայիս Գրիգորյանն՝ անդրադառնալով իր նշանակմանը:

Լրագրողների հետ նրա հարցուպատասխանը ներկայացնում ենք ստորեւ:

- Տեղեկություններ կան, որ նախկին մարզպետը հրաժարական տվեց, քանի որ Հովիկ Աբրահամյանի թիմից էր: Մտահոգիչ չէ՞, որ մեր մարզերը ղեկավարվում են քաղաքական նպատակահարմարությունից ելնելով՝ ով ում դուր է գալիս, ով ում թիմակիցն է:

- Կարծում եմ դա իմ հարցը չի, որովհետեւ ես ժողովրդին ծառա եմ գնում: Ես աշխատել եմ այդ տարածքում, ժողովուրդն ինձ շատ լավ է ճանաչում, ես ժողովրդին շատ լավ եմ ճանաչում: Այնպես չի, որ այստեղ քաղաքականություն…: Ես գնում եմ ժողովրդին ծառայելու, որպեսզի կարողանանք մի բան ավելին անել, մեր ժողովրդի հոգսերը թեթեւացնենք:

- Հովիկ Աբրահամյանի թիմի հետ բախում կլինի՞, առաջիկայում ընտություններ են:

- Ընտրությունների հետ կապված, ժողովուրդ, դեռեւս վաղ է այդ մասին խոսելը, որովհետեւ կգա ժամանակը, կսկսվի քարոզչությունը, այդ ժամանակ ձեր բոլոր հարցերին, ձեր բոլոր խնդիրներին, հարցումներին կպատասխանեմ:

- Արարատի մարզում ՀՀԿ-ի «կուրացիան» դո՞ւք եք իրականացնելու:

- Խնդիրն իմը չի հիմա, ես կարծում եմ, որ դուք դա (նկատի ունի հարցը) պետք է ներկայացնեք ՀՀԿ-ին եւ այնտեղ որոշում կկայացնեն՝ ասեն:

- Դուք կմասնակցե՞ք քարոզարշավին, նախընտրական պրոցեսների մեջ ներգրավված կլինե՞ք:

- Երբ կսկսվի քարոզչությունը, բնականաբար, դրա մասին նաեւ տեղեկություն կունենաք ըստ սահմանված կարգի:

- Կներեք, բայց կարո՞ղ ենք ասել, որ Հովիկ Աբրահամյանի ազդեցությունը թուլացնելու համար էր ձեր նշանակումն այս մարզում:

- Գիտեք, դուք կարող եք տարբեր կարծիքներ ներկայացնել, բայց ես գնում եմ մարզի բնակչությանը ծառայելու համար:

- Ինչո՞ւ այն ժամանակ (2014 թվականին ազատվել է Արարատի մարզպետի պաշտոնից) այդ ծառայությունից հրաժարվեցիք:

- Ես ծառայությունից երբեք չեմ հրաժարվել: Երեւի թե, աշխատանքը գնահատելով ինձ ուղարկեցին կառավարություն (2014 թ.-ին նշանակվեց բնապահպանության նախարար), հիմա նորից վերադառնում եմ, որեւէ խնդիր չեմ տեսնում այստեղ:

- Նախորդ մարզպետի թիմից կազատվե՞ք, ձեր թիմը բերելո՞ւ եք մարզպետարան:

- Ես կարծում եմ, որ բոլոր այն մարդիկ, որոնք կարող են աշխատել, կարողանում են պրոֆեսիոնալ իրենց գործն անել, վայելում են ժողովրդի կողմից հարգանք՝ բոլոր այդ մարդիկ պետք է մնան եւ աշխատեն:

- Առաջարկությունն ումի՞ց եք ստացել՝ Սերժ Սարգսյանի՞ց, Կարեն Կարապետյանի՞ց:

-Ե՛ւ հանրապետության նախագահից, ե՛ւ հանրապետության վարչապետից:

Տպել
24688 դիտում

Ազատամուտ գյուղում այրվել է փայտյա տնակ (տեսանյութ)

Ներքաղաքական պայքարի անվան տակ

Սևանավանքի տարածքում մարդկային կուտակումներ և անկանոն հերթեր չեն արձանագրվել․ ԲԸՏՄ

Վաղը քննությունների ամենածանրաբեռնված օրն է. մաթեմատիկայից քննություն կհանձնի ավելի քան 5000 դիմորդ. նախարար

Հուլիսի 7-ին տեղի կունենա Վորոնեժ-Երևան չվերթը

Սևանում և Գավառում խստացված ստուգումներ են. ՍԱՏՄ-ն շարունակում է մշտադիտարկումները սննդի շղթայի օբեկտներում

Աթլետիկայի համաշխարհային ֆեդերացիան պաշտոնապես հայտարարել է մի քանի համաշխարհային ռեկորդների վավերացման մասին

Եկեղեցու տոնացույցով այս տարի Վարդավառը հուլիսի 19-ին է

Հայ-ռուսական հարաբերությունների մասին

Հրդեհ Նուբարաշեն վարչական շրջանում. այրվել է մոտ 200 խմ տոլ (տեսանյութ)

Սիրիայում թուրքական օդուժը մեկ ամիս շարունակ ռմբակոծել է Աֆրինի և Շահբայի շրջանները

ԱԻՆ ջրափրկարարները վերսկսել են հունիսի 26-ից կորած քաղաքացու ստորջրյա որոնողական աշխատանքները

Վթար Ապարան-Վարդենիս ավտոճանապարհին․ տուժածի վիճակը գնահատվել է բավարար

Կիևյան կամրջի տակ դի է հայտնաբերվել

Իրենց արշինով են չափում

Մոտ օրերին ուլտրամանուշակագույն ճառագայթումը նորմայից բարձր է լինելու․ խորհուրդ է տրվում խուսափել ուղիղ ճառագայթներից

Ռեփեր Քանյե Ուեսթը կրկին հայտարարել է ԱՄՆ-ի նախագահի ընտրություններում առաջադրվելու մասին

«ՎԱԶ-2106» մակնիշի ավտոմեքենան բախվել է կայանած ավտոքարշակին. կա տուժած

Ոստիկանների ստուգումներով հայտնաբերվել է օրինախախտման 3072 դեպք, խախտումների ընդհանուր թիվը 68.305 է

Արցախի ՊԲ հրամանատարը շնորհավորել է ծառայության անցնող զորակոչիկներին