«Մարտի 1-ի» բարիկադներից ներս եւ դուրս. «Ելք»-ը պայքարի հարմար դաշտ չէ

«Ժառանգություն» կուսակցությունը մոտ երկու շաբաթ առաջ հայտարարեց, որ ընտրություններին դաշինքով մասնակցելու համար միաժամանակ բանակցում է երկու քաղաքական միավորի`«Ելք» դաշինքի եւ Օհանյան-Օսկանյան դաշինքի հետ: Երկու օր առաջ հայտնի դարձավ, որ ընտրությունը կանգնել է Սեյրան Օհանյան-Վարդան Օսկանյան զույգի վրա, իսկ երեկ տեղի ունեցավ «Օհանյան-Րաֆֆի-Օսկանյան» դաշինքի հուշագրի ստորագրումը:

«Ժառանգության» փոխնախագահ Արմեն Մարտիրոսյանն իրենց ընտրությունը բացատրեց այսպես. «Պայքարելու առավելագույն դաշտը մենք այստեղ տեսանք»։

Հայաստանում քաղաքականությամբ զբաղվող մարդկանց համար գոյություն ունեն հերթապահ արտահայտություններ եւ նախադասություններ, որոնք օգտագործվում են ելնելով նրանից թե տվյալ անձը տվյալ պահին որ ճամբարում է գտնվում`ընդդիմադիր, թե իշխանական: Արմեն Մարտիրոսյանը հիմնավորելով իրենց որոշումը օգտագործեց հերթապահ արտահայտություններից մեկը, ապավինելով պրակտիկային, որ բանաձեւային այդ նախադասությունից հետո հարցերը փակվում են:

Եւ այնուամենայնիվ, հարց է առաջանում, իսկ ինչո՞ւ «Ելք» դաշինքը չէր կարող լինել պայքարի այդ առավելագույն դաշտը: Ո՞րն էր խնդիրը: Իսկ գուցե այս դաշինքին մաս կազմած կուսակցությունների առաջնորդները հակված չե՞ն պայքարի, կամ գուցե նրանք պատասխանատվություն են կրում հայաստանյան այն իրականության համար, որի դեմ «Ժառանգությունը» պայքարո՞ւմ է: Կամ գուցե նրանք ազնիվ չեն իրենց հայտարարություններում եւ արդարության պայքարի անվան տակ ընդամենը ցանկանում են իրենց կլանային իշխանությո՞ւնը հաստատել երկրում: Եւ ընդհանրապես, ինչ է բանակցել «Ժառանգությունը» «Ելքի» հետ եւ ինչ` Սամվել Բաբայանենց հետ:

Սույն հարցերի պատասխաններն Արմեն Մարտիրոսյանը չի հնչեցրել, թեեւ բազմաթիվ հարցազրույցներ է տվել այս ընթացքում: Փոխարենը «Ելք» դաշինքի անդամ «Լուսավոր Հայաստան» կուսակցության նախագահ Էդմոն Մարուքյանը «Ազատության» վերջին «Կիրակնօրյա վերլուծական»-ի ժամանակ պատասխանելով Հրայր Թամրազյանի հարցերին ասաց հետեւյալը.

«Մենք ասել ենք, որ եթե «Ժառանգությունը» միանում է «Ելք» դաշինքին, դա նշանակում է միանում է մեր հուշագրին իր բոլոր դրույթներով: «Ելք» դաշինքը ստեղծվել է առանց նախապայմանների, եղել է հարց`կա ուժ, որ ունի նախապայմաններ, օրինակ, որ իրենց առաջին համարը պետք է լինի դաշինքի առաջին համարը, կամ քվոտաներ է պահանջում, երեք ուժերն ասել են, որ չունեն նման նախապայմաններ: Նույն բանն ասվել է «Ժառանգությանը» եւ «Ժառանգությունն» ունեցել է նախապայմաններ, հավասար մոտեցում չի եղել, իրենց առավել են համարել....Մենք ասել ենք` եկեք քննարկումների, բայց իմացեք, որ կարող եք լինել առաջին համարը, կարող եք չլինել առաջին համարը: Դրանից հետո չեն եկել»:

Այսօր «Ելք» դաշինքի համամասնական ցուցակի առաջին երեք համարների ընտրությունից հետո Արամ Սարգսյանը «Առավոտ»-ի թղթակցի հարցին ի պատասխան ասաց, որ Րաֆֆի Հովհաննիսյանը ցանկացել է, որ դաշինքի համամասնական ցուցակի առաջին հորիզոնականը «Ժառանգության» ներկայացուցչին հատկացվի: Ասվել է նաեւ, որ հնարավոր է այն զբաղեցնի ոչ թե կուսակցության նախագահ Րաֆֆի Հովհաննիսյանը, այլ`փոխնախագահ Արմեն Մարտիրոսյանը: Նույն միջոցառման ժամանակ լրագրողների հարցերին պատասխանելիս Նիկոլ Փաշինյանն առանց փակագծեր բացելու ասաց, որ իրենք «Ժառանգությանն» առաջարկել են նույն պայմանները, որ գոյություն ունեն դաշինքի երեք ուժերի համար, բայց «Ժառանգությունը» այլ ճանապարհ ընտրեց, որի համար Փաշինյանը ցավ հայտնեց:

Ստացվում է, երբ «Ժառանգության» ներկայացուցիչները հայտարարում էին, թե ընտրություններին դաշինքով մասնակցելու շուրջ միաժամանակ բանակցում են երկու քաղաքական միավորի հետ, նկատի ունեին համամասնական ցուցակի տեղերի շուրջ բանակցությունները: Եւ եթե ընտրությունը կանգնել է Օհանյան-Օսկանյան միավորի վրա, ուրեմն պայմաններն ավելի գրավի՞չ են եղել:  

Բնականաբար Արմեն Մարտիրոսյանի համար այստեղ ոչ ոք առաջին հորիզոնական չէր պահանջի: Նման պահանջ կարելի է ներկայացնել մի դաշինքի, որի առաջնորդներից մեկը 2008-ի մարտի 1-ի գործով առանցքային քաղբանտարկյալներից է, մյուսը՝ 2008-ի շարժման լիդերներից եւ երկարամյա ընդդիմադիր գործիչ, երրորդը` 2008-ին քաղբանտարկյալների գործերով զբաղվող ամենաակտիվ իրավապաշտպաններից մեկը: Արմեն Մարտիրոսյանի անցած քաղաքական ուղին, ինչ խոսք, ստվեր է գցում նշյալ գործիչների վրա եւ միանգամայն նորմալ կլիներ, եթե Մարտիրոսյանը լիներ «Ելք»-ի առաջին համարը:

Բայց ահա 2008 թ.-ին Հայաստանի ԱԳ եւ ՊՆ նախարարների պաշտոնները զբաղեցրած եւ մարտի 1-ին բարիկադի մյուս կողմում եղած Օսկանյանի եւ Օհանյանի հետ Արմեն Մարտիրոսյանը չպետք է ոտք մեկնի: Դրա համար դեռ պետք է համապատասխան քաղաքական բազա կուտակել: Նրանց հետ անգամ Րաֆֆի Հովհաննիսյանը դիսկոմֆորտ կզգա, ամեն դեպքում ինքը պետական կառավարման այդպիսի հարուստ փորձ չունի, ինչպես Օսկանյանն եւ Օհանյանը:

Եւ այս առումով իսկապես անհասկանալի է, թե ինչ նկատի ունի «Ժառանգության» փոխնախագահը, երբ ասում է, որ պայքարելու առավելագույն դաշտն իրենք այս դաշինքում տեսան: Այսինքն, եթե «Ելք»-ի համամասնական ցուցակի առաջին հորիզոնականն Արմեն Մարտիրոսյանին հատկացվեր, պայքարի առավելագույն դաշտը «Ելք»-ում կտեսնեի՞ն: 

Հ.Գ. Մինչ հայաստանյան բոլոր քաղաքական ուժերը «պայքար, արդարություն, փոփոխություն» տերմինալոգիայի քողի տակ համամասնական ցուցակներ են բանակցում, «Ելք» դաշինքն այսօր հերթական հարվածը հասցրեց ավանդական քաղաքական համակարգին`դաշինքի համամասնական ցուցակի առաջին երեք համարին ընտրելով փակ գաղտնի քվեարկության միջոցով`լրատվամիջոցների ներկայությամբ:    

Տպել
6198 դիտում

Թել Աբյադ քաղաքի հայ ընտանիքները երեկ Հալեպ են հասել, Ղամիշլիում իրավիճակը համեմատաբար հանդարտ է․ Զարեհ Սինանյան

Սպանդանոցները ունեն համապատասխան հզորություններ և պատրաստ են մատուցելու անհրաժեշտ ծառայությունները

«Երևան Մոլ»-ի ավտոկայանատեղիում կոտրել են Lexus-ի ապակին և հափշտակել մոտ 6 մլն դրամ

ՍԴ-ն խուսափում է կատարել իր վրա դրված Սահմանադրական առաքելությունը․ Վարդանյանը՝ ԱԺ դիմումը վարույթ չընդունելու մասին

Բալթյան պաշտպանական քոլեջի դեկանն այցելել է Պաշտպանական ազգային հետազոտական համալսարան

Հակատանկային ստորաբաժանումներում կազմակերպվել են գործնական պարապմունքներ

Հայ ականազերծողների և բժիշկների մարդասիրական առաքելության նոր խումբը մեկնել է Սիրիա

Բակո Սահակյանը խորհրդակցություն է անցկացրել ԱԳՆ-ի ղեկավար կազմի եւ արտերկրում մշտական ներկայացուցիչների հետ

Զոհեր և 100-ի հասնող ծանր վիրավորներ. ռազմական գործողությունները Սիրիայում շարունակվում են. օր 6-րդ

Ալավերդու ԲԿ տնօրենի պաշտոնի շուրջ աղմուկը կարող է հասնել դատարան. հավակնորդը մրցութային կարգի իր մեկնաբանությունն ունի

«Հրազդան» ՔԿՀ ծառայողները նկատել են հիմնարկ նետված դեղահաբերը

Բոլոր մարզերի կողմից կներկայացվեն մարզը զբոսաշրջիկների համար հետաքրքիր դարձնող ծրագրեր. Պապիկյան

Փլուզում Մեծարենցի փողոցում. փլուզվել է տան արտաքին պատերից մեկը, ճաքճքել են մյուսները

Եթե առանց էմոցիաների նայեք, կտեսնեք, որ 1-ին կեսում լավ կոմբինացիաներ էին ստացվում. Գյուլբուդաղյանցը Լիխտենշտեյնի մասին

Թուրքիայում ռազմական գործողությունների արդյունքում փախստականների թիվը հասել է 160 հազարի. ՄԱԿ

Ինձ թվում է՝ թիմի խաղն ստացվեց. Տիգրան Բարսեղյանը՝ Լիխտենշտեյնի դեմ հանդիպման մասին

Նախարար Պապիկյանը մարզպետների հետ խորհրդակցություն է անցկացրել

39-ամյա կինը որոնվում է որպես անհետ կորած (տեսանյութ)

Գյումրիում մեքենաները մաքսազերծվում են 20 րոպեում. Հյուսիսային մաքսատունն անցել է աշխատանքային ռեժիմի

Ուզում եմ շնորհակալություն հայտնել բոլոր մարդկանց, ում շնորհիվ հաղթահարեցինք աղբահանության ճգնաժամը. Հայկ Մարության