«Ելք» դաշինքի վարչապետի թեկնածուին պետք է փնտրել առաջին եռյակի մեջ. Նիկոլ Փաշինյան

«Ելք» դաշինքի վարչապետի թեկնածուին պետք է փնտրել առաջին եռյակի մեջ: Լրագրողների հետ այսօր կայացած հանդիպման ժամանակ այս մասին հայտարարեց ՀՀ ԱԺ պատգամավոր, «Ելք» դաշինքի ներկայացուցիչ, Քաղաքացիական պայմանագիր կուսակցության վարչության անդամ Նիկոլ Փաշինյանը:

Հարցին՝ չի՞ նեղանա, եթե վերջնական քննարկումների արդյունքում որոշվի, որ վարչապետի թեկնածուն ինքը չէ, Փաշինյանը նկատեց՝ դա չի արվում անձնական դափնիներ ունենալու համար: «Ես այս պահին էլ շարունակում եմ մնալ ՔՊ վարչապետի թեկնածուն, գլխավորում եմ կուսակցության համամասնական ցուցակը, իսկ ահա «Ելք»-ում 3-րդն եմ, սակայն դրանից առանձնապես չեմ նեղվում»,- ասաց նա:

Անդրադառնալով 2014թ-ի վերջին Սերժ Սարգսյանի իմպիչմենտի՝ իր կողմից նախաձեռնված գործընթացին՝ Նիկոլ Փաշինյանը նշեց, որ բացառում է կոալիցիայի ձեւավորումը ՀՀԿ-ի հետ: «Այս պահին մենք միակ քաղաքական ուժն ենք, որ նման հստակ հայտարարութուն ենք արել: Հիմա էլ «Ելք»-ի անունից ասում եմ, որ մենք Սերժ Սարգսյանի հետ նամակագրություն չունենք: Բացառվում է, որ Հայաստանում իշխանափոխություն տեղի չունենա միայն այն պատճառով, որ բաց թողնենք ընձեռնված հնարավորությունը:

Ընտրությունների մասնակցող ուժերի մեծ մասը պոտենցիալ կոալիցիոն գործընկեր են ՀՀԿ-ին: Այդ կուսակցությունները գոնե բացահայտ հակառակը չեն պնդում, ինչպես մենք ենք պնդում: Իսկ Հայաստանում իշխանափոխության հասնելը «Ելք»-ին իշխանափոխություն իրականացնելու մանդատ տալն է: Ընտրողն իրեն ինչպես պահի ընտրատեղամասում, այդպես էլ հետագայում լինելու է: Մենք մեզնից կախվածն անելու ենք»,- փաստեց բանախոսը:

Հարցին՝ ինչպե՞ս կմեկնաբանի պաշտպանության նախկին նախարար Սեյրան Օհանյանի այն հայտարարությունը, թե բացառությամբ «Օհանյան‐Րաֆֆի‐ Օսկանյան» դաշինքի՝ բոլոր մյուս քաղաքական ուժերը կառավարվում են իշխանության կողմից, Նիկոլ Փաշինյանը մեկ անգամ եւս պնդեց՝ նման հայտարարության համար վերջինս պետք է ներողություն խնդրի իրենց դաշինքից: «Ես Սեյրան Օհանյանին հրավիրում եմ ուղիղ եթերում երես առ երես նման հայտարարություն անել: Խոստանում եմ, որ նա քաղաքական համարձակություն եւ բարոյական իրավունք չի ունենա ինձ հետ դեմառդեմ զրույցում նույնը պնդել: Բարոյականությունը թելադրում է միայն ներողություն խնդրել»,- ասաց պատգամավորը:

Նիկոլ Փաշինյանը հայտարարեց նաեւ, որ մեկ ընդդիմության տեսլականը չի տապալվել, ավելին՝ իրենք հստակ եւ վստահ ընթանում են այդ ճանապարհով: «Ելք» դաշինքը, ըստ նրա, հենց այդ ընդդիմությունն է:

«Մինչեւ հիմա մենք այնքան լուրջ քաղաքական կենսագրություն ունենք, որ ընտրողները պետք է որոշած լինեն՝ հավատան մեզ, թե չհավատան: Մենք ոմանց նման չենք կախվում ընտրողների թեւերից՝ ասելով, որ բանան, շաքար, լավաշ կամ մեկ այլ բան կբաժանենք: Մենք ասում ենք, որ մեր իշխանության գալով՝ Հայաստանը զերծ կլինի քաղբանտարկյալներից եւ մենաշնորհներից: Եթե մեկը մտածում է, որ մեզ ընտրելով՝ մեզ լավություն է անում, լավ է՝ մեզ ընդհանրապես չընտրի: Սա սխալ սկզբունք է: Մենք մեր ծառայությունն ենք առաջարկում հանրությանը, եւ հանրությունը պետք է որոշի` ուզում է օգտվել այդ ծառայությունից, թե ոչ: Մենք հավակնում ենք Հայաստանում ստանձել պետական իշխանությունը»,- ասաց բանախոսը՝ միաժամանակ հավելելով, որ «Ելք»-ը միակ մրցակից համարում է ՀՀԿ-ին, մնացածի մասին ոչինչ չունի ասելու:

Նիկոլ Փաշինյանը հայտարարեց նաեւ, որ մարտի 5-ին՝ դաշինքի նախընտրական ծրագրի շնորհանդեսի օրը, միաժամանակ կազմակերպվելու է դրամահավաք, որի հավաքագրած միջոցներով էլ քաղաքական ուժը հոգալու է քարոզարշավի ծախսերը:

Անդրադառնալով Մարտի 1-ի թեմային՝ Նիկոլ Փաշինյանը շեշտեց, որ այդ հանցագործությունը գործող իշխանության օրոք չի բացահայտվելու: Գործի բացահայտման միակ պայմանը, ըստ նրա, քաղաքական իրավիճակի փոփոխությունն է: «Մարտի 1-ը չպետք է լինի որեւէ քաղաքական ուժի մենաշնորհ: Այդ նպատակով «Ելք» դաշինքը բանակցել է ՀԱԿ-ի հետ՝ մարտիմեկյան հնարահավաքին մասնակցելու խնդրանքով, սակայն ՀԱԿ-ը քննարկել եւ մերժել է մեր առաջարկը՝ պատճառաբանելով, որ զոհերի հարազատները դեմ են դրան: Ես անձամբ զրուցել եմ նրանցից ոմանց հետ, ովքեր հերքել են ՀԱԿ-ի պատճառաբանությունը: Դեմ է եղել միայն մեկ հարազատ՝ Վաչագան Ֆարմանյանը, ով առավել սերտ կապերով կապված է ՀԱԿ-ին»,- տեղեկացրեց խորհրդարանականը՝ միաժամանակ հիշեցնելով, որ մինչեւ այժմ չեն հարցաքննվել այն ոստիկաններն, ովքեր Մարտի 1-ին «Չերյոմուխա» կիրառելու հրահանգ են ստացել:

Վերջում Նիկոլ Փաշինյանը շեշտեց, որ քանի դեռ Հայաստանում կան քաղաքական հայացքների համար բանտերում գտնվող անձինք, նրանք ոչ այլ ոք են, քան քաղբանտարկյալներ՝ Շանթ Հարությունյան, Ժիրայր Սեֆիլյան, Վարուժան Ավետիսյան, Արթուր Սարգսյան, Վոլոդյա Ավետիսյան:

Տպել
4071 դիտում

Իրանում արձանագրվել է նոր կորոնավիրուսով վարակվելու 5 դեպք. «Մեղրի» անցակետում հսկողությունը կուժեղացվի

2-րդ զորամիավորման զորամասերը բերվել են մարտական պատրաստականության բարձր աստիճանի. ՊՆ (լուսանկարներ)

IDBank-ի մասնաճյուղերն այսուհետ ավելի երկար կաշխատեն

Բախվել են «BMW 3», «Porsche Cayenne» եւ «Lexus RX 300» մակնիշների ավտոմեքենաները. տուժածներ չկան

JTI ընկերությունը կրկին ճանաչվել է որպես Լավագույն գործատու Հայաստանում

2019թ. տարվա 10 լավագույն մարզիկները 5-ական մլն դրամ պարգեւավճար կստանան (տեսանյութ)

Արմեն Սարգսյանը ցավակցական ուղերձ է հղել Երվանդ Մանարյանի մահվան կապակցությամբ

Դիլիջանում ապօրինի փայտանյութը քողարկել էր թեփի պարկերով (տեսանյութ)

ՀՀ ԶՈՒ գլխավոր շտաբի պետի գլխավորած պատվիրակությունն այցելել է Վրաստան

Ապօրինի ծառահատում «Սևան» ազգային պարկում. հարուցվել է քրեական գործ (տեսանյութ)

Գնդացիր, ինքնաձիգ, ատրճանակ, հրացաններ, նռնակներ ու փամփուշտներ. ոստիկանությունում զենքեր են հանձնել

Իրանի Քոմ քաղաքում փակվել են բոլոր դպրոցներն ու համալսարանները. պատճառը կորոնավիրուսն է

Դրանք այն ենթամշակույթի հետեւանքն են, որոնց դեմ մենք պայքարում ենք. նախարարը՝ դպրոցականների դանակահարությունների մասին

Երեւանում ամբողջությամբ այրվել է վագոն-տնակ. տուժածներ չկան

Հրդեհ Ռուբինյանց հասցեի բնակելի շենքում. առաջին հարկի բնակիչը տանը դույլի մեջ կրակ է արել (լուսանկարներ)

Հանդիպել են Արցախի նախագահ Բակո Սահակյանն ու ՀՀ գլխավոր դատախազ Արթուր Դավթյանը

ԵՊՀ-ում այսօր հրավիրված Հոգաբարձուների խորհրդի նիստը տեղի չի ունեցել

Մայիսի 29-ը ոչ աշխատանքային կլինի. Կառավարությունը որոշում ընդունեց

«Ոչինչ, ես միշտ 1000 դրամի եմ լցնում». վարչապետը հայտնի անեկդոտ հիշեց

Կյանքից հեռացել է ՀՀ ժողովրդական արտիստ, դիրիժոր, պրոֆեսոր Յուրի Դավթյանը