Կարեն Կարապետյանը երեկ Արմավիրում կարծես մի փոքր գինովցած էր

Հանրապետական կուսակցության նախընտրական քարոզարշավը երեկ բացեց վարչապետ Կարեն Կարապետյանը՝ այցելելով Արմավիրի մարզ:

Նա թեեւ ընդգրկված չէ կուսակցության նախընտրական ցուցակում, քանի որ չի բավարարում պատգամավորի թեկնածուի համար վերջին 4 տարիներին Հայաստանում մշտական բնակություն ունենալու պահանջը, բայց հենց ինքն է գլխավորում եւ հավանաբար կշարունակի գլխավորել ՀՀԿ-ի քարոզարշավը:

ՀՀԿ-ն այս անգամ կարծես թե ընտրողներին քարոզչական նոր ոճով է ներկայանում: Այդ նորությունն իր նոր ու երիտասարդ կադրերն են: Կարեն Կարապետյանն իր հետ Արմավիր էր բերել պաշտպանության նախարար Վիգեն Սարգսյանին եւ արդարադատության նախարար Արփինե Հովհաննիսյանին: Պատերազմական վիճակում գտնվող մեր երկրում միշտ էլ պաշտպանության նախարարներն իրենց մյուս գործընկերներից, երբեմն անգամ վարչապետներից ավելի ազդեցիկ ու բարձր վարկանիշ են ունեցել: Իհարկե, Վիգեն Սարգսյանը դեռ դրան չի հասել, բայց իր մյուս գործընկերների համեմատ ավելի լավ վիճակում է: Իսկ Արփինե Հովհաննիսյանը, ինչպես խոստովանում են շատ ՀՀԿ-ականներ, բավական բարձր վարկանիշ ունի: Դրանում իրենք համոզվել են ներքին օգտագործման համար պատվիրած բազմաթիվ սոցհարցումների արդյունքում: Եվ իզուր չէ, որ հենց նա է ցուցակի առաջին կինը:

ՀՀԿ-ն այս անգամ ետին պլան է թողել իր հին ու հիմնական անդամներին եւ հանրությանը ներկայանում է այս երեք դեմքերով: Անգամ Սերժ Սարգսյանն այս անգամ նախընտրական հանդիպումներին չի մասնակցում այն դեպքում, երբ 2012թ. նա այդ ողջ բեռը գրեթե միայնակ իր վրա էր վերցրել: Իշխող կուսակցությունն այս նոր դեմքերով ու նոր իմիջով կարծես թե փորձում է մոլորեցնել ընտրողներին, թե ինքը փոխվել է, եւ ստանալ նրանց ձայները:

Իսկ երեկ Արմավիրում բավականին լավ դիմավորեցին այս եռյակին: Իհարկե, այդ լավը հարաբերական է, քանի որ յուրաքանչյուր հանդիպման վայր բերված մարդկանց առանձնահատուկ է զգուշացվում՝ լինել ուրախ եւ ոգեւորված: Ու նախապես այդ ոգեւորությունը խթանում են տարբեր միջոցներով՝ ծաղիկներով, ռիթմիկ երաժշտությամբ: ՀՀԿ-ի թիմը երեկ նախ եղավ Էջմիածնում, մոմ վառեց սուրբ Հռիփսիմե եկեղեցում, այնուհետեւ այցելեց Ակնալիճ գյուղ ու Մեծամորի ատոմակայան: Մեծամորի մշակույթի տանը կազմակերպված հանդիպման ժամանակ թե՛ ընտրողները, թե՛ ՀՀԿ-ականները մի լավ մրսեցին, ու հետո մարզային քարոզարշավն ավարտեցին Արմավիր քաղաքում բացօթյա հանդիպմամբ: Այստեղ նախապես կազմակերպած համերգով՝ բավականին բարձրացրել էին հավաքվածների տրամադրությունը: Երբ Կարեն Կարապետյանը մոտենում էր հրապարակին, Կամո Սեյրանյանը նվագում էր «Կտրիճ Դավոն», երբ վարչապետն Արփինե Հովհաննիսյանի ու Վիգեն Սարգսյանի հետ մոտեցավ հարթակին, Կամո Սեյրանյանը պարեղանակը փոխեց ու սկսեց հարսանքաեղանակ նվագել: «Պադյեզդի դեմի երաժշտությունն է, երբ հարսին ու փեսին հարսի տնից հանում են»,- կատակեց ներկաներից մեկը:

Իսկ հանդիպման ժամանակ նախ ելույթ ունեցավ Արփինե Հովհաննիսյանը՝ հայտարարելով, թե իրենք այլ կուսակցությունների նման չեն կարող տալ ոչ իրատեսական խոստումներ եւ ասել, թե ապրիլի 3-ին՝ ընտրությունների հաջորդ օրը, բոլորը ստանալու են բարձր աշխատավարձ կամ թոշակ: «Մենք գիտենք, որ ունենք բացթողումներ, բայց գիտենք նաեւ, որ բոլոր այն ծրագրերը, որոնք ձեզ ենք ներկայացնելու, իրատեսական են»,- ասաց նա:

Վիգեն Սարգսյանն իր ելույթում մեջբերելով ՀՀԿ-ի նախորդ՝ «Հավատանք, որ փոխենք» կարգախոսը՝ փորձեց ներկայացնել, թե անցած տարիներին իշխանություններն ինչ ձեռքբերումներ կամ փոփոխություններ են ունեցել եւ հիշեց միայն 2015թ. սահմանադրական փոփոխությունները: Պաշտպանության նախարարը ՀՀԿ-ին համարեց ամենալավ թիմ ունեցողը՝ նշելով, թե մյուս ուժերը չունեն անգամ 2000 մարդ, որ ընտրատեղամասերում վստահված անձ նշանակեն: Իսկ Կ.Կարապետյանն անկեղծացավ, որ այս հանդիպումը նախընտրական քարոզարշավում իր առաջին փորձն է: «Չգիտեմ՝ ինչքանով ձեզ հետ այս հանդիպումը կհիշվի, բայց ես միանշանակ հիշելու եմ»,- հայտարարեց նա:

Նկատելի էր, որ նա չի կարողանում համարժեք կեցվածք դրսեւորել, միգուցե անկեղծ է, բայց դեռ քաղաքական կերպար չէ: Հենց դրա համար էլ հանդիպման սկզբում գինովցած տղամարդու մասին անեկդոտ պատմեց: Ինքն էլ կարծես թե մի փոքր գինովցած լիներ. ողջ օրվա հանդիպումների ընթացքում մարզի չինովնիկները նրան առանց հյուրասիրության չէին թողնի: Իհարկե, չի բացառվում, որ պարզապես նա հարբած լիներ հավաքված կանանց կողմից իրեն հղված օդային համբույրներից:

Այսպիսով, իշխանություններն իրենց քարոզարշավը կառուցելիս, կարծես թե ճիշտ ընտրություն են կատարել: Նրանք՝ որպես իրենց դեմք, ընտրողներին են ներկայացնում հմայիչ տղամարդու եւ երիտասարդ կնոջ: Դա մարդկանց մեջ զգացողություն ու վերաբերմունք է փոխել: Ընտրողներն արդեն հոգնել են սուտ խոստումներից  ու ընդդիմության քննադատություններից: Եվ ի վերջո նրանք ընտրություններին գնալուց առաջ հիմնականում որեւէ ուժի ծրագիրը չեն կարդում: Այնպես որ, ՀՀԿ-ն կարող է մի քիչ հանգիստ լինել, Կարեն Կարապետյանին համակրող կանանց ձայնը բաժին կհասնի իրենց: Այստեղ արդեն բավական լուրջ կորուստ կունենա «Օրինաց երկիր» կուսակցության նախագահ Արթուր Բաղդասարյանը: Ասում են, միջին տարիքի կանանց մի փոքր հատված նրան էլ է համակրում:

Ինչեւէ: Կարեն Կարապետյանը նույնպես իր երկու գործընկերների նման որեւէ խոստում չտվեց: Կարծես թե նրանք եկել էին ասելու, որ եկել ենք ասելու, որ մեզ վրա հույս չդնեք:

Տպել
3533 դիտում

Ոստիկանությունը մասնագիտական ստուգումներ է նշանակել Լոռու մարզում ծառահատման 2 դեպքով

Փոխվարչապետ Մհեր Գրիգորյանի նախագահությամբ կայացել է միջգերատեսչական հանձնաժողովի հերթական նիստը

Լոռու Գարգառ գյուղում անասնագոմ է հրդեհվել՝ այրելով մոտ 700 հակ անասնակեր

Ոստիկանները վկայել են, որ իրականում տեղեկություն չեն ունեցել զենքի ու զինամթերքի մասին. Վահե Գրիգորյան

Ում էր պետք Մաշադյանի որդու շուրջ աղմուկը

Գեմաֆին Գասպարյանը նշանակվել է աշխատանքի եւ սոցիալական հարցերի նախարարի առաջին տեղակալ

Առաջիկա շաբաթներին ԵՄ-ի կողմից Ռուսաստանի դեմ նոր պատժամիջոցներ կսահմանվեն. Մոգերինի

Մայրապետյանի հետ առերեսվել եմ, եւ նա ընդունել է, որ գումար եմ փոխանցել. Սիլվա Համբարձումյան

ՀԿ-ի նախագահը կասկածվում է տարբեր անձանցից 29,5 մլն դրամի հափշտակության մեջ

«Իմ քայլը հանուն Լոռու մարզի» բիզնես ֆորումի նախապատրաստական աշխատանքներն ավարտված են. մարզպետ

30 խոշոր հարկատուներից 25-ը նախորդ տարվա համեմատ ավելացրել են հարկերը, 5-ը՝ պակասեցրել. Բաբկեն Թունյան

Ալեքսանյանի ընկերության վճարած հարկերը ոչ թե նվազել, այլ ավելացել են. «Գազպրոմը» չի նվազեցրել հարկերը

Մարիխուաննա ծխող մարդիկ միշտ ժպտում են ու շատ բարի են. Արման Մարգարյան

ԱԱԾ-ն արձագանքել է Սեդրակ Քոչարյանին մեղադրանք առաջադրելու մասին տեղեկություններին

Վարչապետի՝ սպորտի հետ կապված ծրագրերը հեղափոխական չէին. Դավիթ Խիթարյան

Շվեյցարիայի բարձրագույն դատարանը մերժել է Հայոց ցեղասպանությանը նվիրված հուշարձանի տեղադրման դեմ բողոքը

Ավտովթար Լոռիում. կան վիրավորներ

Գյումրեցի կնոջ մահվան մեջ մեղադրվող ռուս զինվորականը ցուցմունք չի տվել, նմուշ չի հանձնել

«Նուբարաշեն» ՔԿՀ-ի դատապարտյալը «Արմենիա» ԲԿ-ից փախուստի է դիմել

Ուսման վարձի փոխհատուցում կստանան ապրիլյան պատերազմին մասնակցած նաեւ հեռակա սովորող ուսանողները