Ոստիկանության բացահայտումը «Ելքի» մեծադիր պաստառի մասին չէ. Էդմոն Մարուքյանի պարզաբանումը

Շուրջ մեկ շաբաթ առաջ (մարտի 7-ին) Վանաձորի ավագանու «Լուսավոր Հայաստան» խմբակցության ղեկավար Քրիստ Մարուքյանն իր ֆեյսբուքյան էջում հրապարակել էր մի տեսանյութ, որում երեւում էր, թե ինչպես են երկու երիտասարդ Վանաձորում գիշերով փչացնում «Ելք» դաշինքի մեծադիր քարոզչական պաստառները եւ արագ հեռանում:

Երեկ ՀՀ ոստիկանությունը հաղորդագրություն է տարածել, որում մասնավորապես ասվում է. «Մարտի 11-ին, ժամը 17:30-ին,  ոստիկանության  Գուգարքի բաժնի քրեական հետախուզության բաժանմունքի պետը  ոստիկանության Վանաձոր քաղաքի Բազումի բաժին զեկուցագիր է ներկայացրել, որ երկու անչափահաս երեխաներ վնասել են  Վանաձոր քաղաքի Երեւանյան խճուղի 103/1 շենքի պատին փակցված` «ԵԼՔ» դաշինքի կողմից որպես ԱԺ պատգամավորության թեկնածու առաջադրված Էդմոն Մարուքյանի քարոզչական պաստառը: Նախապատրաստված նյութերով  պարզվել է, որ Վանաձորի Երեւանյան խճուղու երկու անչափահաս բնակիչներ (2005 թ. եւ 2006 թ. ծնված) խաղալիս  անգիտակցաբար պոկել են թիվ 103/1 շենքի արեւմտյան  պատին փակցված պատգամավորության թեկնածուի քարոզչական պաստառը»:

Հաշվի առնելով, որ հնչեցված ահազանգում խոսքը գիշերվա մասին էր, իսկ ոստիկանությունը խոսում է անչափահասների խաղալու մասին՝ ԱԺ պատգամավորի թեկնածու Էդմոն Մարուքյանից հետաքրքրվեցինք, թե ի՞նչ է սա նշանակում. Մարուքյանն ասաց, որ այս հաղորդագրությունը թյուրիմացության մեջ է գցել մարդկանց՝ տպավորություն ստեղծելով, թե իբր հայտնաբերվել են մարտի 7-ին իր մեծադիր պաստառը պատռող երիտասարդները: Իրականում, ըստ նրա՝ այդ երիտասարդները հայտնաբերված չեն, իսկ ոստիկանության հաղորդագրությունում խոսքը լրիվ ուրիշ (թղթե)՝ փոքրիկ պաստառների մասին է:

«Ես առավոտյան ՀՀ ոստիկանության Լոռու մարզային վարչության պետի հետ եմ խոսել, ԶԼՄ-ներում տարածված մամուլի հաղորդագրությունը ըստ էության սխալ է ներկայացվել: Իրականում ոստիկանությունը հայտնաբերել է ինչ-որ երեխաների, որոնք թաղամասերում պոկում են թղթից պաստառները: Նրանք ասել են, որ անգիտակցաբար են պոկել: Այդ դեպքում անգիտակցաբար լինելու առումով քննարկելու հարց չկա, բայց խոսքը մեր շտաբի  վրա կատարված հարձակման մասին չէ: Ոստիկանության մարզային վարչության պետն ինձ ասաց, որ շտաբի մեծադիր պաստառը դանակով պոկողները դեռ հայտնաբերված չեն»,- պարզաբանեց Մարուքյանը:

Տպել
3281 դիտում

Հարցաքննվել է ԱԺ նախկին պատգամավոր Արտակ Սարգսյանը

ՀՀ-ն աջակցում է Եգիպտոսին ԵԱՏՄ-ի ազատ առևտրի համաձայնագրի շուրջ բանակցություններում. Մնացականյան

Հանդիպմանը հասկացա, որ վարչապետի ցանկությունը հարցն իրավական ճանապարհով լուծելն է․ Գարեգին Միսկարյան

Քրեական հեղինակություն Բոգոյի վերաբերյալ քրեական գործը կարճվել է. ամբաստանյալի աթոռին է նրա քենակալը

Մոսկվայում մահացել է հայտնի շինարար և բարերար Վարդգես Արծրունին

TotoSport` Նոր բազմաֆունկցիոնալ հավելված TotoGaming-ից

ՀՀ դեսպանը Ռումինիայի ԱԳ նախարարի հետ քննարկել է երկկողմ համագործակցության ընդլայնման հեռանկարները

Հայաստան է այցելել ՆԱՏՕ-ի խորհրդատվական խումբը

Ի՞նչ խնդիրներ ունեն մասնավոր հատվածի ներկայացուցիչները. հանդիպումներ նախարարի հետ

Արտո Թունջբոյաջյան, Վահան Արծրունի. վաղվանից կմեկնարկի «Ֆրեսկո» ամենամյա փառատոնը

«Ներկայիս իրավիճակն անթույլատրելի է». Բակո Սահակյանն այսօր խորհրդակցություն է անցկացրել

Վենետիկի հանձնաժողովը պատրաստ է խորհրդատվական կարծիք տրամադրել Քոչարյանի գործով. Թովմասյանը գրություն է ստացել

ԿԳՄՍ նախարարի հրամանով հաստատվել է, թե որքան է լինելու յուրաքանչյուր դասագրքի համար վճարի չափը

Կամ գտնվում են իրավական հիմնավորումներ, որոնցով հանքը փակվում է, կամ այդ հանքը շահագործվում է․ հանրաքվեն տարբերակ չէ

Շոգն աստիճանաբար կնվազի. եղանակը՝ Հայաստանում

Հրդեհներ Ամազոնի անտառներում. կրակը տարածվում է աննախադեպ արագությամբ

Պետական պարտքի դինամիկան թույլ է տալիս եզրակացնել, որ ռիսկերը կառավարելի են. Ջանջուղազյան

ՀՊՏՀ-ի ռեկտորի ժամանակավոր պաշտոնակատար է նշանակվել Դիանա Գալոյանը

Մեղավորության կանխավարկա՞ծ. Հերոյանը` քիլլե՞ր

Սյունիքի մարզում այրվում է մոտ 100 հա բուսածածկույթ (տեսանյութ)