Առանց ավագանու հաստատման՝ Մամիկոն Ասլանյանը նոր հաստիք է ավելացրել քաղաքապետարանում

Վանաձորի քաղաքապետ Մամիկոն Ասլանյանը քաղաքապետարանում նոր հաստիք է ավելացրել՝ քաղաքապետի առաջին տեղակալ: Պաշտոնում նշանակվել է Արտյոմ Գրիգորյանը:

Վանաձորի ավագանու «Լուսավոր Հայաստան» խմբակցությունը սա համարում է քաղաքապետարանի հաստիքացուցակի ուռճացում, ինչի կապակցությամբ այսօր դիմում է ներկայացրել Ասլանյանին:

«Քանի որ ավագանու կողմից չի հաստատվել նոր հաստիքացուցակ, իսկ գործողի մեջ նման հաստիք նախատեսված չէ, պարզաբանումների եւ իրավական հիմքերի վերաբերյալ տեղեկություններ ստանալու համար այսօր Վանաձորի ավագանու «Լուսավոր Հայաստան» խմբակցությունը դիմել է պարոն Ասլանյանին։ Սրանով նաև ուռճացվում է քաղաքապետարանի հաստիքացուցակը, ինչն այս պարագայում որևէ արդարացում չի կարող ունենալ»,- իր ֆեյսբուքյան էջում գրել է «Լուսավոր Հայաստան» խմբակցության ղեկավար Քրիստ Մարուքյանը:

Վանաձորի քաղաքապետ Մամիկոն Ասլանյանը մեզ հետ զրույցում ասաց, որ քաղաքապետի առաջին տեղակալի հաստիք ավելացվել է համաձայն ՏԻՄ մասին օրենքի 57 հոդվածի: «ՏԻՄ օրենքի 57 հոդված կա, Քրիստ Մարուքյանն էլ, իր համակիրներն էլ, թող բացեն, կարդան, նոր մեկնաբանություններ անեն, ես չեմ մեկնաբանում օրենքը»,- նկատեց Ասլանյանը՝ հավելելով, թե օրենքի այդ պահանջը ուժի մեջ է մտել հունվարի 1-ից:

Մեր հարցին, թե արդյո՞ք կար առաջին տեղակալի անհրաժեշտություն՝ Ասլանյանը պատասխանեց, թե այդ անհրաժեշտությունը օրենքով էր: Պատասխանելով հարցին, թե արդյո՞ք «Լուսավոր Հայաստան» խմբակցության ղեկավար Քրիստ Մարուքյանին պատասխանել է՝ Ասլանյանը արձագանքեց. «Մարուքյանին ես որտե՞ղ գտնեմ՝ պատասխանեմ: Գրավոր դիմել է, սահմանված ժամկետներում կպատասխանեմ»:

Նշենք, որ համաձայն հունվարի 1-ից ուժի մեջ մտած ՏԻՄ մասին օրենքի 57 հոդվածի՝ համայնքի ղեկավարի տեղակալներին համայնքի ղեկավարի ներկայացմամբ նշանակում է ավագանին՝ ընդհանուր թվի ձայների մեծամասնությամբ: Համայնքի ղեկավարի տեղակալի թեկնածությունը ավագանու կողմից երկու անգամ չհաստատվելու դեպքում վերջինս նշանակվում է համայնքի ղեկավարի կողմից:

Հիշեցնենք, որ հոկտեմբերից մինչ օրս Վանաձորի ավագանու նիստ չի հրավիրվել՝ քվորում չլինելու պատճառով: Վանաձորում հոկտեմբերի 2-ին կայացած ընտրությունների արդյունքում ավագանու կազմում ընդգրկված «Լուսավոր Հայաստան», Բարգավաճ Հայաստան եւ Հայկական վերածնունդ կուսակցությունները բոյկոտում են նիստերը՝ համարելով, որ Մամիկոն Ասլանյանը քաղաքապետի աթոռին է հայտնվել ապօրինաբար: Նրանք պատրաստվում են ապրիլին քաղաքապետի հրաժարականի հարց բարձրացնել:

Տպել
5585 դիտում

Երբ «Արարատը» կրկին հաղթող է. շնորհավորում եմ բոլորիս. Նիկոլ Փաշինյան

Ամերիկաբնակ 2 հայերը դատի են տվել Թուրքիային՝ հայրենի գյուղ մեկնելու նպատակով վիզա չտրամադրելու համար

Շատ եմ ափսոսում մեծ արդյունքը, որը հստակ տեսանելի էր, ափսոսում եմ սեպտեմբերից սպասվող ամեն մի ծրագիր. Հայրապետյան

Կես տոննա անասնակեր, 4 հա խոտածածկույթ ու մասամբ այրված վագոն-տնակ. հրդեհ Վերին Գետաշենում

Լոզան-2020․ օլիմպիական խաղերի բացման պաշտոնական արարողությունը կկայանա «Մալի» սառցադաշտում

«Արարատ-Արմենիա»-«Ֆ91 Դյուդելանժ»՝ 2:1. ԵԼ խմբային փուլն ավելի մոտ է

ԱՄՆ-ն մտահոգված է Վանի, Դիարբեքիրի և Մարդինի քաղաքապետների պաշտոնանկության որոշմամբ

20 վերելակների փոխարինման մրցույթի արդյունքները կասեցվել են. քաղաքապետարանը, միեւնույն է, հույս ունի այս տարի հասցնել

Արայի լեռան ստորոտում հրդեհաշիջման աշխատանքները շարունակվում են. կրակի ընդհանուր մակերեսը կազմում է 1800 հա

Ոստիկանությունը ներկայացնում է «Օրենքով գող» մասիվցի Անդիկի սպանության բոլոր մանրամասները (տեսանյութ)

Հայ խաղաղապահները Գերմանիայում մասնակցել են բազմազգ զորավարժության առաջին փուլին

Վարոս Սիմոնյանը նշանակվել է էկոնոմիկայի նախարարի տեղակալ

Ռոբերտ Ղուկասյանը նշանակվել է վարչապետի խորհրդական. պաշտոնական

Մի քանի ամիս առաջ Արտաշատում կատարված պայուսակի գողությունը բացահայտվել է

Բողոքի ակցիաներ Գյումրու լուծարվող գիշերօթիկներում. ու՞ր են գնալու երեխաներն ու գործազուրկ մանկավարժները

Մեկի համար Ամուլսարը սար է, մյուսի համար՝ հանք, 3-րդի համար՝ առիթ

Գառնու ձորում վթարից տուժած երկրորդ ուղեւորը հիվանդանոցում մահացել է. զոհերը ՌԴ քաղաքացիներ են

Արմավիրի մարզի Այգեշատ գյուղում ավտոմեքենան ամբողջությամբ այրվել է

Լեհաստանի Օսուվ քաղաքում հուշատախտակ է տեղադրվել` ի հիշատակ հայազգի զիվորների

Նախագահը հանդես է գալիս պետականության ամրապնդմանը միտված որոշումների օգտին. Ամուլսարի հանքի մասին