«Ծառուկյան» դաշինքն ու «Ելք»-ը կոալիցիա կկազմե՞ն. Գագիկ Ծառուկյանի սենսացիոն խոսքը

Հայաստանում նախընտրական մթնոլորտը կամաց-կամաց կարգավորվում է. կրակոցներ, դանակահարություններ, ծեծ, հայհոյանք: Արդեն սկսում էինք անհանգստանալ, որ անթերի ընտրություններ կազմակերպելու իշխանությունների ծրագիրը, առնվազն քարոզչության փուլում, կարող է իրականություն դառնալ, երբ իրավիճակը շտկեցին Երանոսյան եղբայրները:

Ջրառատ գյուղում նորմալ հայկական նախընտրական պատկեր ապահովվեց. կրակեցին Օհանյան-Րաֆֆի-Օսկանյան դաշինքի կողմնակիցներից մեկի վրա, մյուսին դանակահարեցին, դպրոցահասակ երեխայի ձեռքի ոսկորները խողովակով փշրեցին:

Նախընտրական մթնոլորտը, սակայն, ամբողջական չէր լինի, եթե ինչ-որ կանայք չհարձակվեին Նիկոլ Փաշինյանի վրա: Դա էլ տեղի ունեցավ այսօր «Տորք Անգեղ» մարզամշակութային կենտրոնի հայտնի միջադեպի ժամանակ, երբ կենտրոնի հավաքարարուհին բռնեց Փաշինյանի կոկորդից, հավանաբար խեղդելու նպատակով:

Տհաճ միջադեպը իհարկե որեւէ կերպ չի անդրադառնա «Ելք»-ի քարոզարշավի կամ քվեների վրա: Նույնը չի կարելի ասել Օհանյանենց դաշինքի մասին. եւս մի քանի կրակոց այս ուժի ուղղությամբ եւ այն կհաղթահարի 7 տոկոսի շեմը:

Բուռն քարոզարշավից բացի, սակայն, առաջիկա ընտրությունների համատեքստում շատ ավելի հետաքրքիր իրավիճակ է նշմարվում: Խոսքը հետընտրական դաշինքների մասին է:

Փորձագետների գնահատմամբ՝ ընտրություններին մասնակցող որեւէ ուժ մեծամասնություն կազմելու եւ միայնակ կառավարություն ձեւավորելու անհրաժեշտ քվե չի կարող ստանալ: Այսինքն՝ հաջորդ իշխանությունը, այսպես թե այնպես, պետք է կոալիցիոն լինի: Ամենահավանականը համարվում է ՀՀԿ-«Ծառուկյան» դաշինք-ՀՅԴ կոալիցիան:

Երկու օր առաջ, սակայն, Նաիրա Զոհրաբյանը պատասխանատու հայտարարություն արեց. «Ամենայն պատասխանատվությամբ հայտարարում եմ՝ «Ծառուկյան դաշինքը» գործող իշխանության հետ կոալիցիա չի կազմի»: Նույն օրը Արագածոտնի մարզում Գագիկ Ծառուկյանը ելույթում հայտարարեց. «Ով մեղավոր է երկրում ստեղծված վատ վիճակի համար, պետք է հեռանա»:

Սա սենսացիոն հայտարարություն է: Վերադարձից հետո Ծառուկյանը ոչ միայն իշխանությունների հասցեին որեւէ ռադիկալ խոսք չի ասում, այլեւ մինչեւ վերջերս ուրիշներին թույլ չէր տալիս իր ներկայությամբ դա անել: Եւ տարօրինակ է, որ Զոհրաբյանի ու նրա խոսքերը համընկան. առաջինն ասում է, որ ՀՀԿ-ի հետ կոալիցիա չեն կազմի, երկրորդն ասում է`ՀՀԿ-ն պետք է հեռանա:

Դրանից ընդամենը երեք օր առաջ Տավուշում Նաիրա Զոհրաբյանը ապրիլի 2-ը իշխանափոխության օր էր հռչակել: «Ես հասկանում եմ՝ դժվար է, բայց մի անգամ մենք ազգովին պիտի մեր մեջ գտնենք էդ վճռականությունը՝ ապրիլի 2-ին մեծ վերջակետ դնելու էս իշխանության վրա»,- ասել էր նա: Հաջորդ օրը Գագիկ Ծառուկյանն իր ելույթով ուղղել էր Զոհրաբյանին, ասելով, թե իշխանափոխության մասին պետք չէ մտածել:

Ի՞նչ փոխվեց, ուրեմն, մեկ շաբաթվա ընթացքում, որ Ծառուկյանը սկսեց խոսել իշխանափոխության մասին: Արդեն գրել ենք, որ սոցիոլոգիական հարցումների հրապարակվող արդյունքները, որոնցում առաջատարը «Ծառուկյան» դաշինքն է, մեծ ռիսկ են պարունակում, քանի որ ցանկացած ուժ` տեսնելով, որ ընտրություններում հաղթելու ռեալ շանս ունի, կգնա իշխանությունը վերցնելու: Կանխատեսել էինք, սակայն, որ Ծառուկյանն այս իմաստով տարբերվում է բոլորից, որովհետեւ հայտնի իրադարձություններից հետո ոչ մի պարագայում Սերժ Սարգսյանին դեմ չի գնա:

Երկու օր առաջ արած նրա սենսացիոն հայտարարությունը, սակայն, կասկածներ է առաջացնում, որ նույնիսկ Ծառուկյանը չի կարողանում դիմակայել իշխանության գայթակղությանը, ինչը կարող ենք ենթադրել` ամեն անգամ բազմապատկվում է, երբ շրջաններում իրեն թագավորի պես են դիմավորում:

ՀՀԿ-ին հեռացնելու եւ իշխանափոխություն իրականացնելու միակ տարբերակը նույնպես դաշինքն է լինելու, այս անգամ ընդդիմադիր որեւէ ուժի հետ: Սոցիոլոգիական հարցումներով եւ փորձագետների վերլուծություններով՝ «Ծառուկյան» դաշինքից եւ ՀՀԿ-ից հետո ամենաշատ ձայն ստանալու շանսերը «Ելք» դաշինքին են:

«Ելք»-ի ներկայացուցիչները բազմիցս հայտարարել են, որ կոալիցիա բացառում են միայն ՀՀԿ-ի հետ: «Եթե խորհրդարանում մենք տեսնենք, որ կա իրական հնարավորություն Հայաստանում իշխանության փոփոխություն իրականացնելու համար, մենք պետք է որպես հանրության առաջ ստանձնած պարտավորություն՝ կարողանանք այդտեղ ճկուն գտնվել: Այո՛, հանուն փոփոխությունների գնալ քայլերի, որոնք կօգնեն մեզ կատարել մեր պարտավորությունները հանրության առաջ»,- դաշինքի առաջին ասուլիսում հայտարարել է Նիկոլ Փաշինյանը:

Ստացվում է, որ «Ելք»-ը չի բացառում, որ իշխանություն փոխելու համար կոալիցիա կկազմի այդ թվում նաեւ` «Ծառուկյան» դաշինքի հետ, իսկ «Ծառուկյան» դաշինքը չի բացառում, որ ՀՀԿ-ին իշխանությունից կհեռացնի:

Չի բացառվում, որ հաջող գանգստերական քարոզարշավի շնորհիվ խորհրդարան անցնելով, այս երկուսին միանա նաեւ Օհանյանենց դաշինքը: Այսինքն, կարող է երկրում նոր իշխանություն ձեւավորելու ռեալ հնարավորություն ստեղծվել, թեեւ ուժերի այսպիսի դասավորությանը, եթե նույնիսկ դա ստացվի, իշխանությունը կհակադրի ՀՀԿ-ՀՅԴ-«Հայկական վերածնունդ» կոալիցիան:

Տպել
32621 դիտում

Աշոցք-Վարդաղբյուր ճանապարհին ավտոմեքենա է շրջվել․ տուժածներից մեկի վիճակը ծանր է

Ասում են` չեն կռվի այդ հրամանատարության ներքո, բայց հանկարծ սկսում են բահ ու քլունգ գնել, ի՞նչ փոխվեց. Հովհաննիսյան

Կրթվելու և մշակույթին էլ ավելի մոտ լինելու «խրամատը» ևս ամուր պետք է լինի․ կայացավ գրքի երևանյան փառատոնի բացումը

Հայ-ադրբեջանական սահմանին իրադրության փոփոխություն չի արձանագրվել. ՊՆ

ՀԱՊԿ-ում նույնպես արձանագրվել է, որ Հայաստանում կառույցի նկատմամբ հանրային որոշակի տրամադրություններ են փոխվել. Փաշինյան

«ԳեոՊրոՄայնինգը» շարունակում է համայնքներում համալրել կոմունալ ծառայությունների սպասարկման տեխնիկական պարկը

Հրապարակումները, որոնք եղել են հնդկական մամուլում, ՀՀ-ի կողմից չեն հերքվել, լրացուցիչ բան ասել չեմ կարող. վարչապետ

Դիտորդական առաքելության նպատակներից մեկը սահմանի իրադրության վերաբերյալ անաչառ տեղեկատվության փոխանցումն է. վարչապետ

Երաշխավորված անվտանգությունը կարող է ապահովել միայն համապարփակ խաղաղությունը. Նիկոլ Փաշինյան

Նիկոլ Փաշինյանը հայտնեց, թե ինչու չեն հրապարկվում Ադրբեջանի հրահրած վերջին ագրեսիայի հետևանքով զոհվածների անունները

Կիևը արագացված կարգով դիմում է ՆԱՏՕ-ին անդամակցելու համար. Զելենսկի

Իշխանությունը և անձամբ ես գիտակցում ենք երկրի ճակատագրի հանդեպ պատասխանատվությունը և պատրաստ ենք այն կրել. վարչապետ

Արտակ Բեգլարյանի նախագահությամբ գումարվել է թվայնացման խորհրդի նիստ

Անահիտ Ավանեսյանն ու ԱՄՆ-ում ՀՀ պատվավոր հյուպատոսը քննարկել են առողջապահության ոլորտում փոխգործակցության հեռանկարները

Սեպտեմբերի 28-ին զոհված Հովհաննեսը վերջին անգամ հեռախոսով ծառայող որդու և կնոջ հետ է խոսել, կինը լսել է պայթյունի ձայնը

Հայ պատգամավորների պատվիրակությունը հանդիպումներ է ունեցել Լեհաստանի Սեյմում

Իրավիճակը Լարսում կարգավորվել է․ Վրաստանի ՆԳՆ

Վկա և տուժող երեխաների մասնակցությամբ քննչական և այլ գործողությունները կկազմակերպվեն «մեկ պատուհան» սկզբունքով

Վարդենիս-Սոթք ավտոճանապարհին վթարի է ենթարկվել բլոգեր Արսեն Հակոբյանը. վերջինիս վիճակը ծանր է

ԱԳ նախարարն ընդունել է Հայաստանում Իրանի դեսպանին ու նորանշանակ գլխավոր հյուպատոսին, ստացել վերջինիս արտոնագիրը

ՏԻՄ ընտրություններին քարոզչության դրդելու առթիվ վարույթի շրջանակում կալանավորվել է նաև Բերդ համայնքի ղեկավարի տեղակալը

Դոնբասը, Զապարոժյեի ու Խերսոնի շրջանները պաշտոնապես հաստատվեցին որպես ՌԴ մաս. Պուտինը ստորագրել է հրամանագրերը

ԵԱՏՄ անդամ պետությունների մաքսային ծառայությունների միավորված կոլեգիայի նիստի շրջանակում ստորագրվել է 19 որոշում

Շիրակի մարզպետարանում քննարկվել են սուբվենցիոն ծրագրերի արդյունավետության, մարզի քաղպաշտպանությանը վերաբերող հարցեր

Աբովյան քաղաքի Դարանի փողոցի վերջնամասում այրվել է ավտոմեքենա

Ջերմաստիճանը հոկտեմբերի 1-2-ը աստիճանաբար կնվազի 2-4 աստիճանով

Դոլարի փոխարժեքը նվազել է. ՀՀ կենտրոնական բանկը հրապարակել է նոր փոխարժեքներ

Տարբեր ժողովուրդների մշակութային տարրերի ցուցահանդեսին ՀՀ-ն մասնակցել է հայկական ժանյակի ցուցադրությամբ

Հանրայինն իրավական գործընթաց է սկսել, որպեսզի վերականգնի «Կյանք ու կռիվ» ֆիլմը ցուցադրելու իր հեղինակային իրավունքները

Դավիթ Բեկ գյուղի մոտակայքում այրվել է 10 հա խոտածածկ տարածք

Ինչ կարող է անել սփյուռքը այս իրավիճակում. Էդմոն Մարուքյանը գործողությունների ծրագիր է ներկայացրել (տեսանյութ)

Երևանում կայացել է առևտրատնտեսական համագործակցության հարցերով հայ-բելառուսական միջկառավարական հանձնաժողովի 16-րդ նիստը

Քննարկվել են երկրի անվտանգությանը վերաբերող հարցեր. «Դուրս ՀԱՊԿ»-ից միության անդամը՝ Քոչարյանի հետ հանդիպման մասին

Պետություն կառուցել՝ սա ենք մենք պարտք Անմահներին. Աննա Հակոբյան (լուսանկարներ)

Ոստիկանները որսագողության դեպք են բացահայտել

Վնասվել է Արշակունյաց պողոտայով անցնող միջին ճնշման ստորգետնյա գազատարը

Տնտեսական ակտիվության ցուցանիշը կազմել է 13.9%. նախարարությունը հրապարակել է օգոստոս ամսվա մակրոտնտեսական ցուցանիշները

Վերջին մեկ շաբաթում Մոսկվա-Երեւան քանի չվերթ է իրականացվել «Զվարթնոց» օդանավակայանից

ՀՀ քննչական կոմիտեն որոնում է տեսագրության մեջ պատկերված անձին

Քննարկվել են հայ-մեքսիկական մշակութային համագործակցության հարցեր