Տեր-Պետրոսյանն ու Սերժ Սարգսյանը հանդիպել են, պայմանավորվել՝ հիմա ի՞նչն է խնդիրը. Օսկանյան

ՀՀ նախկին արտգործնախարար Վարդան Օսկանյանն այսօր լրագրողների հետ զրույցում անդրադարձավ ՀՀ առաջին նախագահ Լեւոն Տեր-Պետրոսյանի կողմից հնչեցված այն հայտարարությանը, որ ինքը Մադրիդյան սկզբունքների հայրն է, բայց որբ է թողել դրանց:

«Ես ինձ համարում եմ այդ փաստաթղթի առաջին պարբերության հայր, որովհետեւ այդ փաստաթղթի միակ նորությունը նախկիններից հենց այդ առաջին պարբերությունն էր: Տարածք, փախստականներ, անվտանգություն. այդ երեքը միշտ էլ բոլոր փաստաթղթերում եղել է: Բայց մինչեւ դա բոլոր փաստաթղթերից մի բան է բացակայել՝ Լեռնային Ղարաբաղի ժողովրդի ինքնորոշման իրավունքը»,- հայտարարեց Օսկանյանը՝ ընդգծելով, որ այդ հարցն իր ջանքերով 1998 թվականին ամրագրվել է փաստաթղթում:

Օսկանյանը, սակայն իր զարմանքն արտահայտեց այն կապակցությամբ, որ Տեր-Պետրոսյանը Մադրիդյան սկզբունքների մասին ոչ թե Սերժ Սարգսյանի հետ է խոսում, այլ ընդհանրական բանավեճ է բացում.

«Կարող ենք վիճել, ընտրարշավ է, տարբեր մոտեցումներ կան, ժողովուրդը կորոշի որն է ճիշտը: Ինձ մի բան է զարմացնում՝ հասցեատերը Տեր-Պետրոսյանի սխալ է: Այնտեղ մի հասցեատեր կա, դա իշխանություններն են: Նայեք քառօրյա պատերազմից 1 տարի է անցել, Տեր-Պետրոսյանը այդ ընթացքում հանդիպել է գործող նախագահին, նրանք արդեն պայմանավորվել են, եւ այդ օրվանից Տեր-Պետրոսյանն իր անմնացորդ աջակցությունն է հայտնել իշխանությունների վարած քաղաքականությանը Ղարաբաղի հարցով, ինչպես ինքն է ասում: Է թող անեին, մի տարի կար, ի՞նչն է խնդիրը, մե՞նք ենք խանգարել, կարող ա՞ մենք ենք որոշում: Տեր-Պետրոսյանն ասում է ես հավանում եմ նրանց քաղաքականությունը, նրանք էլ աջակցում են: Ես Տեր-Պետրոսյանի պրիտենզիան չեմ հասկանում, հռետորիկան հասկանում եմ, կարող ենք վիճել, բայց ուրիշ ումի՞ց է բողոքում»,- հայտարարեց նախկին արտգործնախարարը՝ հավելելով, թե դրա պատասխանն այն է, որ իշխանությունները ապաշնորհ են, անգործունակ եւ նույնիսկ տարածք տալ չեն կարող՝ կսխալվեն, սխալ կտան, չի ստացվի:

«ՕՐՕ» դաշինքի առաջնորդն անդրադարձավ նաեւ Տեր-Պետրոսյանի մեկ այլ թեզի, որ Օսկանյանն ու Ռոբերտ Քոչարյանը ժամանակին Քի-Ուեստում քննարկել են, այսպես կոչված, «Մեղրիի տարբերակը», որի իմաստը Մեղրին Լաչինով փոխանակելն է եղել:

«Ցավում եմ, որ երկրի հիմնադիր նախագահը շահարկում է Մեղրիի խնդիրը: Դա ես ցավով եմ արձանագրում, որովհետեւ այդպիսի բան չկա, չի եղել եւ չի կարող լինել: Ընդամենը, երեւի կհիշեք, Գոբլի ինչ-որ մի ծրագիր կար, որը գոյություն է ունեցել եւ 90-ականներին եւ 2000-ականներին, բայց ոչ սկզբնական շրջանում, ոչ հետո Հայաստանի որեւէ իշխանություն չէր կարող դրան լուրջ վերաբերվել»,- հայտարարեց Օսկանյանը:

Շարունակելով թեման՝ նա ընդգծեց, որ մինչեւ 2008 թվական ժողովուրդը մի քանի բան է ապացուցել, որը շատ այժմեական է այսօր Ղարաբաղի շուրջ ծավալվող այս դիսկուրսին.

1. հնարավոր է հակառակ Ղարաբաղի հարցի առկայության խաղաղություն պահպանել, 2. հնարավոր է զարգանալ այդ պայմաններում նույնիսկ երկնիշ տնտեսական աճով, 3. հնարավոր է աղքատությունը կրճատել, 4. հնարավոր է արտագաղթը կանգնեցնել ամբողջությամբ, 3 տարի Հայաստանում արտագաղթը կանգնել է: Եվ այդ բոլորը կարելի է անել առանց դրսից պարտքեր վերցնելու: 5. հնարավոր է նաեւ ի հավելումն այդ բոլորի առաջընթաց արձանագրել Ղարաբաղի բանակցություններում եւ պահպանել խաղաղություն:

Այս ամենը թվելուց հետո Օսկանյանն ասաց, որ իրենք իրենց «ՕՐՕ» դաշինքով հիմա այս ամենը կրկնելը հնարավոր են համարում:

Հ.Գ. Օսկանյանը խոսեց նաեւ «Գելափ» կազմակերպության մասին, որի հարցումներով «ՕՐՕ» դաշինքը ԱԺ չի անցնելու: «Այդ կազմակերպությունը գոյություն չունի, չկա այդպիսի կազմակերպություն, դա հնարած կազմակերպություն է՝ հենց նախագահականի կողմից, նրանց ֆինանսավորմամբ: Այդպիսի բան գոյություն  չունի: Դա իմ անձնական կարծիքն է ու կարծում եմ՝ չեմ սխալվում»:

Տպել
5463 դիտում

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)