Վիգեն Սարգսյանի այցը Պեկին շանտաժ է ուղղված ՌԴ-ին. գրեց, ապա ջնջեց РИА Новости-ն

08/09/2017 schedule17:58

Հայաստանի պաշտպանության նախարար Վիգեն Սարգսյանը Չինաստան կատարած այցի ժամանակ բացահայտ խոսել է չինական արտադրության սպառազինություններով Երևանի հետաքրքրվածության մասին, չնայած Ռուսաստանի հետ ունեցած մի շարք գործարքներին: Այս մասին ասված է Վիգեն Սարգսյանի Չինաստան կատարած այցի վերաբերյալ РИА Новости ռուսական պետական գործակալության ծավալուն անդրադարձում:   

Հոդվածը, որը վերնագրված է «Չինաստան՝ զենքի համար. Հայաստանին քիչ են ռուսական «Սմերչերն» ու «Իսկանդերները»», նվիրված է Վիգեն Սարգսյանի Չինաստան կատարած այցին, որում ՀՀ-ի չինական սպառազինությամբ հետաքրքրվելու մասին լուրերի ֆոնին հիշեցվում է երկու տարի առաջ ՌԴ-ի Հայաստանին տրամադրած 200 մլն դոլարի արտահանման պաշտպանական վարկի մասին: Այդ վարկով Հայաստանը ձեռք բերեց այնպիսի զինատեսակներ, ինչպիսիք են «Սմերչ», ՏՕՍ-1Ա «Սոլնցեպյոկ», «Իգլա-Ս» հրթիռային համակարգեր և զրահամեքենաներ:

«Հավանաբար այս զինատեսակների նման ահռելի քանակությունը Հայաստանին քիչ թվաց և այդ պատճառով հայացքը հառեց դեպի չինական ռազմարդյունաբերություն»,- գրում է գործակալությունն ու փորձագետների խոսքին հղում տալով՝ հավելում, որ Հայաստանին ոչ այդքան անհրաժեշտ են չինական զինատեսակները, որքան ՌԴ-ի հանդեպ ցուցադրական շանտաժի միջոցով նվազեցնել ռուսական սպառազինության առանց այդ էլ ցածր գները:

Քաղաքական և ռազմական ինստիտուտի փոխտնօրեն, ռազմական հարցերով փորձագետ Ալեքսանդր Խրամչիխինը կարծում է, որ Չինաստանի ուղղությամբ Երևանի շարժումների և հայտարարությունների իմաստը Ռուսաստանին հիշեցնելն է, որ այն աշխարհում սպառազինությունների միակ արտահանողը չէ: «Իմաստն այն է, որ տեսականորեն Հայաստանի համար կարելի է մի փոքր իջեցնել սպառազինությունների գները և մատակարարել ավելի մեծ տրամաչափի զենքեր»,- եզրակացնում է փորձագետը՝ հավելելով, որ նման հայտարարություններն առաջին հերթին նպատակ ունեն շանտաժի ենթարկել Ռուսաստանին:

«Հայաստանին պետք է, որպեսզի այն ինչ վերաբերում է զենքին, ապա իրեն վաճառեն որքան հնարավոր է որակով, ցածր գներով ու արագ: Չինաստանից սպառազինությունների ձեռք բերումը ես քիչ հավանական եմ համարում, սակայն դա հնարավոր է այն պարագայում, եթե շարունակությունը լինի շատ շահավետ»,- նշում է նա՝ հիշեցնելով, որ ժամանակին Երևանը Չինաստանից ձեռք է բերել որոշակի զինատեսակներ ու դրանով սահմանափակվել:

Ռազմական փորձագետ Կոնստանտին Մակիենկոն վստահ է, որ Չինաստանին Հայաստանը սպառազինությունների վաճառքի հարցում քիչ է հետաքրքրում՝ Երևանի ցածր գնողունակության և ռեսուրսների սահմանափակվածության պատճառով: «Չինացիները շատ պրագմատիկ մարդիկ են, որոնք գիտեն փողը հաշվել, ուստի նրանք միշտ ձգտում են մաքսիմալ շահավետ գործարքներ կնքել»,- նշել է նա: Փորձագետի կարծիքով, թեեւ Ռուսաստանի ու Չինաստանի սպառազինությունները նմանություն ունեն, սակայն մեծ գնումների պարագայում Հայաստանը պետք է ձևափոխի նյութա-տեխնիկական սպասարկման ողջ համակարգը:         

Ռազմական փորձագետը կարծում է, որ տեսականորեն Հայաստանին չինական սպառազինություններից կարող են հետաքրքրել ՀՕՊ համակարգերը և ԱԹՍ-ները: Նրա կարծիքով, տանկերով չինացիները Հայաստան «չեն մտնի»:        

Միևնույն ժամանակ РИА Нoвости գործակալությունը հիշեցնում է, որ Ռուսաստանը չի «նեղացնում» Հայաստանին սպառազինությունների տրամադրման ոչ քանակով, ոչ տեսակներով: «Անցյալ տարվա սեպտեմբերին Երևանում ռազմական շքերթի ժամանակ ցուցադրվեցին 280 կմ հեռահարության «Իսկանդեր-է» հրթիռային համակարգերը», - հիշեցնում է գործակալությունը:

Ավելի ուշ, РИА Нoвости գործակալությունն  հեռացրեց իր կայքից տվյալ հոդվածը: Համենայնդեպս, նույն հղումով այն այլևս հնարավոր չէ գտնել: Հոդվածի հեռացման պատճառը չի նշվում:

Տպել
3847 դիտում

Վրաստանում կորոնավիրուսի առաջին դեպքը, «դատարկված» սուպերմարկետներն ու դեղատները

Վիրուսին ձեռ չի տալիս, որ սպանի իր տիրոջը, իրեն ձեռք է տալիս, որ ապրի այդ օրգանիզմում. բժիշկը՝ կորոնավիրուսի մասին

Տավուշի մարզպետարանը եւ Teach For Armenia կրթական հիմնադրամը համագործակցության հուշագիր են ստորագրել

ՀՀ հպարտ քաղաքացու անձնագիր. Նիկոլ Փաշինյանը հրապարակել է «Այո» քարոզչության բուկլետը

Արտաշատի ԲԿ-ում ավելի քան 500 աշխատակիցների աշխատավարձը բարձրացվել է

Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածում ձնահոսքի բարձր ռիսկ կա

Գյումրիում կատարված դանակահարությունը բացահայտվել է. 46-ամյա տղամարդուն դանակահարել է 39-ամյա եղբայրը

Արագածոտնի մարզպետը 7 ընտանիքի բնակարանի գնման վկայագրեր է հանձնել

Եվրամիությունն ընդլայնում է Թուրքիայի դեմ պատժամիջոցները

Գյումրի է վերադարձել հետախուզման մեջ գտնվող Վերա Ա.-ն. նա մեղադրվում է ՀՀ ՔՕ 119-րդ (Խոշտանգումը) և 133-րդ հոդվածներով

Սումգայիթի ջարդերի 32-րդ տարելիցն է. ստահոդ քարոզչությունը տարածվում է ռուսական կայքերով

ՃՈ ուժեղացված ծառայություն Երևանում․ պահպանվող հատուկ տարածք է տեղափոխվել 11 մեքենա (տեսանյութ)

Օղակաձեւ զբոսայգում այս տարվա կեսերին հանրային սքեյթ-պարկ կունենանք. Հակոբ Կարապետյան

Երևանի բնակչին մեղադրանք է առաջադրվել՝ փաստաթղթեր կեղծելու և առանձնապես խոշոր չափերով խարդախություն կատարելու համար. ՔԿ

Կորոնավիրուսով է վարակվել Իրանի փոխնախագահը, մահացել՝ նախկին դեսպանը. երկրում 245 դեպք կա

ԿԳՄՍ փոխնախարար Արթուր Մարտիրոսյանն ընդունել է GIZ պատվիրակությանը

Վատիկանում Իրանի նախկին դեսպանը մահացել է կորոնավիրուսից

ՌԴ-ում Հայաստանի դեսպանը դատախազություն է դիմել՝ «Независимая газета»-ին պատասխանատվության ենթարկելու նպատակով

ԱԳՆ-ում կորոնավիրուսի համաճարակի կանխարգելման հարցով հանդիպում է կայացել

ԻԻՀ-ում հաշվառված դատարկ տրանսպորտային միջոցների ելքը պահեստի տարածքից կթույլատրվի բացառապես ՀՀ ՃՈ խմբերի ուղեկցությամբ