Սերժ Սարգսյանը նախազգուշացնու՞մ է Կարեն Կարապետյանին. խմբագրական

Վարչապետ Կարեն Կարապետյանը երեկ չէր ներկայացել ԱԺ-կառավարություն հարցուպատասխանին, բայց սա չխանգարեց ԱԺ «Ելք» խմբակցության ղեկավար Նիկոլ Փաշինյանին՝ բավականին հետաքրքիր հարցուպատասխան ունենալ նրա հետ։

Փաշինյանը, մոտենալով խոսափողին, ասաց, թե ԱԺ-ում հերյուրանքներ են տարածում, թե վարչապետ Կարեն Կարապետյանը բացակայում է հարցուպատասխանից, բայց ինքը հրաժարվում է հավատալ նույնիսկ սեփական աչքերին, որոնք ակնհայտորեն սխալ տեղեկատվություն են փոխանցում, քանի որ ՀՀ Սահմանադրության 1-ին հոդվածը ասում է, որ Հայաստանը իրավական պետություն է, իսկ 80-րդ հոդվածն ասում է, որ եթե որեւէ մեկը ՀՀ վարչապետ է՝ հերթական նիստերի չորեքշաբթի օրը ժամը 16.30-ից մինչեւ 18.00-ն երկրագնդի վրա միակ տեղը, որտեղ նա կարող է գտնվել, ՀՀ ԱԺ դահլիճն է։

Այս ամենը արձանագրելով՝ Փաշինյանն ասաց․ «Եվ ուրեմն, հարցս ուղղված է ՀՀ վարչապետին․ բարեւ Ձեզ, պարոն վարչապետ։ Ուրախ ենք Ձեզ ԱԺ դահլիճում տեսնել եւ ուրախ ենք, որ տիրապետում եք սահմանադրական ձեր պարտականություններին»։ ԱԺ դահլիճում եւ լրագրողների շրջանում ծիծաղի ալիք բարձրացավ, ԱԺ նախագահը մի պահ չկողմնորոշվեց ինչ անել, նախ փորձեց հումորի տալ, ապա ասաց, թե վարչապետը կամ գրավոր, կամ հաջորդ անգամ կպատասխանի հարցին։ 

Բայց Փաշինյանը հնչեցրեց նաեւ հարցի ոչ հումորային մասը, որը հետեւյալն էր․ վերջերս մամուլում լուրեր հրապարակվեցին, թե Սերժ Սարգսյանը եւ Կարեն Կարապետյանը հանդիպել են եւ պայմանավորվածություն ձեռք բերել, որ 2018-ի ապրիլին Սերժ Սարգսյանը կստանձնի վարչապետի պաշտոնը, իսկ Կարեն Կարապետյանը՝ փոխվարչապետի։ Փաշինյանը վարչապետ Կարապետյանին խնդրեց տեղեկացնել՝ ճի՞շտ են այդ լուրերը, թե ոչ, որովհետեւ «շատերը Ձեզ փորձում էին ներկայացնել որպես փոփոխությունների ավետաբեր, եւ այս հարցի պատասխանից է կախված՝ փոփոխությունների ավետաբե՞ր եք, թե ճահճացման մունետիկ»։

Դժվար է ասել, թե Կարեն Կարապետյանը երբ կանդրադառնա Փաշինյանի այս հարցադրմանը, բայց քանի դեռ հիշատակված լուրերը չեն հաստատվել, թեման մնում է ներքաղաքական կյանքի հիմնական ինտրիգը։ ԱԺ եւ քաղաքական կուլիսներում, լրագրողական շրջանակներում արդեն բավական ժամանակ լուրեր են պտտվում, թե ԱԺ ՀՀԿ-ական պատգամավորների շրջանում ակտիվ լոբբինգի աշխատանքներ են տարվում, եւ ինչ-որ ուժեր փորձում են ՀՀԿ գործող պատգամավորներին համոզել, թե 2018 թվականի ՀՀ վարչապետի իրենց թեկնածուն պետք է լինի գործող վարչապետ Կարեն Կարապետյանը։ Որպես այս պրոցեսի հովանավոր նշվում է ռուսաստանահայ միլիարդատեր Սամվել Կարապետյանի անունը, որի եղբայրը ԱԺ ՀՀԿ խմբակցության անդամ է՝ պատգամավոր Կարեն Կարապետյանը։ Թե ինչքան են այս լուրերը համապատասխանում իրականությանը, դժվար է ասել։ Հնարավոր է սա բամբասանք է, հնարավոր է՝ իրականություն։

Բայց ամենահետաքրքիրն այն է, որ Սերժ Սարգսյանը, այնուամենայնիվ, արձագանքում է այդ լուրերին՝ իր որոշ գործողություններով։

Վերջին մեկ ամսվա ընթացքում նա նախ այցելեց ՀՀ քննչական կոմիտե՝ ելույթ ունենալով եւ դիտողություններ անելով ՀՀ քննչական էլիտայի առաջ, դրանից հետո ոստիկանության կոլեգիայի նիստին մասնակցեց նույն ոճով։ Այս այցերի կարեւորագույն կոնտեքստը ներքաղաքականն է։ Ներիշխանական ինտրիգների մթնոլորտում Սարգսյանը փորձում է ցույց տալ, որ տիրապետում է երկրի իրավական-ուժային լծակներին, մյուս կողմից ոստիկանությունում եւ քննչականում լինելով, փորձում է «մուշտարու աչքով» գնահատել դրանցում տիրող մթնոլորտը, հասկանալ՝ իրենց անելիքը լա՞վ են պատկերացնում Քննչական կոմիտեի ղեկավար Աղվան Հովսեփյանն ու Ոստիկանության պետ Վլադիմիր Գասպարյանը, թե՞ նրանց թոշակի ուղարկելու ժամանակն է։

Ի դեպ, կանխարգելիչ նման միջոցառումներ ՊՆ-ում Սարգսյանը դեռ մի տարի առաջ էր սկսել իրականացնել։ Նախ նա Պաշտպանության նախարար նշանակեց իր երկարամյա մերձավոր Վիգեն Սարգսյանին, իսկ արդեն այս տարվա մայիսին  նախարարի առաջին տեղակալ նշանակեց ԱԺ արտաքին հարաբերությունների հանձնաժողովի նախագահ, ՀՀԿ խմբակցության անդամ Արտակ Զաքարյանին, որը թերեւս ապացուցել է իր հավատարմությունը Սարգսյանին։ Պաշտպանության փոխնախարար նշանակվեց նաեւ նույն չափանիշին համապատասխանող մեկ այլ ՀՀԿ-ական պատգամավոր․ ԱԺ կրթության եւ գիտության հարցերի հանձնաժոողովի նախագահ Արտակ Դավթյանը։

Զինված ուժերի մասով Սարգսյանը կարող է իրեն հանգիստ զգալ այսպիսով, իսկ ԱԱԾ տնօրենի պաշտոնում իր երկարամյա օգնական Գեորգի Կուտոյանն է։

Ընդ որում, հետաքրքիր է, որ Սարգսյանը անընդհատ խոսում է երկարաժամկետ ծրագրերից՝ 18 թվին սա ենք անելու, առաջիկա հինգ տարում սա ենք անելու... Ընդ որում, սա ասում է նաեւ ուժայինների առաջ խոսելիս։ Այսպիսով, Սերժ Սարգսյանը պատրաստվում է 2018 թվականին վարչապետի պաշտոնը ստանձնելուն։ Իսկ Կարեն Կարապետյանը Աժ ամբիոնից դեռ երեք ամիս առաջ հայտարարեց, որ ինքն է հավակնում այդ պաշտոնին։ Այնպես որ՝ նա երկար պետք է մտածի Փաշինյանի հարցին պատասխանելուց առաջ։

Տպել
7021 դիտում

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ

Մետրոյի զարգացման ծրագիրը մտել է գործնական փուլ. քաղաքապետարանի առաջարկը գրավել է ներդրողներին

Ջրի գին. ավելի էժան, քան գիտես

Նիկոլ Փաշինյանը ծանոթացել է Վանաձորի թիվ 7 հիմնական դպրոցի կառուցման շինաշխատանքների ընթացքին

Ընդունում եւ հանձնում. նավից պարահանդես

Երկու աթոռ. պայքարը ավելի է թեժանում

«Իմ քայլը հանուն Լոռու մարզի» բիզնես ֆորումի մասնակիցները նոր ներդրողների են սպասում

Լավ չի, երբ սեփական պարտությունը համարում եք պետությանն ու ժողովրդինը, երբ դուք եք զրկվել ամեն ամիս ծրարով փող ստանալուց

Գեներալ-մայոր Արմեն Աբրահամյանը նշանակվել է Արցախի Հանրապետության ազգային անվտանգության ծառայության տնօրենի տեղակալ