Հայաստանում ունեւորների 10 տոկոսը տիրապետում է ունեցվածքի շուրջ 70 տոկոսին. ԱԺ փոխնախագահ

Հաջորդ տարվա՝ 2018 թվականի պետական բյուջեի քննարկումների շրջանակներում նոյեմբերի 16-ին ԱԺ խմբակցությունները ներկայացրին իրենց դիրքորոշումները:

Մասնավորապես՝ ԱԺ ՀՅԴ խմբակցության անունից ելույթ ունեցավ խմբակցության  քարտուղար Աղվան Վարդանյանն ու նշեց՝ «զգացական, ամբոխավարական, ինչ-ինչ պատճառներով նյարդային դարձածների գնահատականները եթե թողնենք մի կողմ, ապա կմնան թվերն ու փաստերը, որոնք վկայում են կառավարության կամքն ու ջանքերը երկիրը զարգացնելու եւ տնտեսական զարգացման հիմքեր ստեղծելու՝ սա է այս բյուջեի փիլիսոփայությունը»:

Աղվան Վարդանյանն անդրադարձավ բյուջեի 100 միլիարդ դրամով աճելուն ու այդտեղ շեշտեց, որ այդ 100 միլիարդի 70 տոկոսն ուղղվելու է կապիտալ ծախսերին: ՀՅԴ խմբակցության քարտուղարը նշեց նաեւ, թե ԱԺ-ում շահարկում են սոցիալական խնդիրները, ինչը բնական է, քանի որ եթե նպատակը քննադատելն է, պատճառներ միշտ էլ կգտնվեն, հատկապես սոցիալական ոլորտում, որտեղ  խնդիրները շատ-շատ են:

«Մնում է այս դահլիճից ոչ թե հուսահատություն, այլ լավատեսություն հաղորդել հանրությանը: Մեր կարծիքով, որդեգրված՝ տնտեսական կայունության հիմքեր ստեղծելու քաղաքականությունը, դրա արտահայտություն այս բյուջեն, այդ հեռանկարի առաջին քայլերից են: Բնականաբար՝ ՀՅԴ խմբակցությունը կողմ է քվեարկելու՝ մե՛ր կառավարության ներկայացրած նախագծին» ասաց Աղվան Վարդանյանը՝ հատուկ շեշտելով «մեր կառավարություն» բառակապակցությունը:

«Ծառուկյան» խմբակցության կարծիքն էլ արտահայտեց ԱԺ փոխնախագահ Միքայել Մելքումյանը: Նա էլ իր ելույթը կառուցեց ԵԽԽՎ-ում Անջեյ Ջուլիայի արտահայտած մտքի վրա, որի համաձայն՝  նույնիսկ Եվրոպական երկրներում Ջիննի գործակիցը, որը ցույց է տալիս սոցիալական բեւեռացվածության աստիճանը, այնքան բարձր է, որ առաջին 10 տոկոս կազմող ունեւորները տիրապետում են ունեցվածքի 40 տոկոսին, իսկ 40 տոկոսը տիրապետում են 3 տոկոսին եւ նշեց, որ  մեր հանրապետությունում ունեւորների առաջին 10 տոկոսը տիրապետում է ունեցվածքի շուրջ 70 տոկոսին, իսկ շուրջ 40 տոկոսը՝ ընդամենը 2 տոկոսին:

«Այդ հարուստներն իրենց ժառանգներին կարողանում են նյութական բարեկեցություն ապահովել, իսկ դուք՝ կառավարությո՛ւն, չեք կարողանում մեր ազգաբնակչությանն անգամ ոչ նյութական ժառանգականություն ապահովել՝ այսինքն՝ բարձրակարգ կրթություն, բարձրակարգ սոցիալական համակարգ, բարձրակարգ առողջապահական համակարգ: Այս ֆոնի վրա դուք ի՞նչ եք եկել ու դասագրքային ճշմարտությունից եք խոսում, այս ֆոնի վրա եկել եք ու ասում եք, ա՛յ տեսե՛ք, բյուջեի տրամաբանությունը մենք փոխում ենք՝ շուրջ 70 տոկոսով կապիտալ ծախսերն ավելացնում ենք, որպեսզի շինարարության եւ այլ ենթակառուցվածքների վրա ծախսերն ավելացնենք. իսկ դուք ունե՞ք ստերիլ կառուցվածք՝ եթե աշխատավարձ ու թոշակ եք տալիս, հասկանալի է, այնքան էլ տնտեսագիտորեն արդարացված չէ, բայց վճարունակ պահանջարկ է ձեւավորում, այդտեղ կոռուպցիա չկա: Իսկ երբ տանում եք դուք եք ծախսեր անում՝ դուք համոզվա՞ծ եք՝ ո՞ր մասն է կորչում: 70 միլիարդը որ տանում կապիտալ ծախսերով շինարարության վրա դնում ես, դու ունե՞ս ստերիլ կառուցվածք, որ անարդյունավետ ծախսեր չես անելու, թե՞ չունես. եթե չունես՝ ո՞ւր ես տանում: Տանում ես հերթական անգամ մսխե՞ս էդ փողերը: Մի հատ հետ գնա, տես էդ վարկերն ու կապիտալ ծախսերն ի՞նչ ես արել դու, արե՞լ ես, արդյունավե՞տ է եղել»,- հայտարարեց Միքայել Մելքումյանը:

ԱԺ փոխնախագահը հայտարարեց, որ հաշվի առնելով բոլոր այն հանգամանքները, գործոնները, դիտարկումները, որոնք հնչեցին ԱԺ-ում, «Ծառուկյան» դաշինքը չի կարող կիսել այս բյուջեի իրականացման պատասխանատվությունը, եւ հստակ ու միահամուռ դեմ է քվեարկելու այս բյուջեին:

ՀՀԿ խմբակցության տեսակետն էլ ներկայացրեց խմբակցության ղեկավար Վահրամ Բաղդասարյանը եւ ընգծեց, թե 2018 թվականի բյուջեում արտացոլված հարկաբյուջետային քաղաքականությունը կապահովի հետագա տնտեսական զարգացումների համար եւ հետագայում միջինում 5 տոկոս տնտեսական աճի հիմքեր կստեղծի:

«2018 թվականի պետական բյուջեն միտված է ստվերային տնտեսության կրճատմանը, գործարար միջավայրում անհարկի խեղումների բացառմանը, հարկեր-ՀՆԱ ցուցանիշի կայուն բարելավմամը: Ես ավելի քան համոզված եմ, որ 2018 թվականի բյուջեում արտացոլված մակրոտնտեսական ցուցանիշները բխում են կառավարության ծրագրից, ՀՀԿ ծրագրից, նրանք իրատեսական են, ոչ մի թիվ շինծու չէ, եւ դրանք հիմքեր պետք է ստեղծեն հաջորդ տարիներին մեր բարելավման համար»,- հայտարարեց Վահրամ Բաղդասարյանը:

ՀՀԿ խմբակցության ղեկավարն անդրադարձավ ՊԵԿ-ին ու վերջին օրերին «Առինջ մոլ»-ի աշխատակիցների ու ՊԵԿ-ի միջեւ հարաբերությունների վերաբերյալ  հատկապես «Ծառուկյան» խմբակցության պատգամավորների կողմից հնչող դիտարկումներին ու հայտարարություններին եւ նշեց, թե օրենքը հավասար է բոլորի համար եւ առավել եւս հարկային դաշտում բոլորը պետք է լինեն հավասար:

«Այստեղ՝ այս քննարկումների ընթացքում, մենք ընդամենը 1 մոլի կտրվածքով գնահատականներ ենք տալիս ՊԵԿ-ին: Չի կարելի. ընդհանուր գնահատականը պետք  տրվի ընդհանուր գործառույթների հիման վրա: Մենք պետք է հետեւողական լինենք ոչ թե մեկ մոլի, այլ որ բոլոր տնտեսվարողների համար հավասար դաշտ լինի, իսկ եթե այդ ընթացքում վայրագություններ են տեղի ունենում, ինչպես նշվում էր, մենք պետք է հետեւողական լինենք, պետք է բացահայտվեն, եւ եթե կան նմանատիպ երեւույթներ, պետք է բոլորը խստագույնս պատժվեն»,- ասաց Վահրամ Բաղդասարյանը՝ հավելելով, թե պետք  է արհեստական մոնոպոլիաները վերացվեն՝ անխտիր:

Այնուհետեւ Վահրամ Բաղդասարյանը շեշտեց, թե քաղաքական փոքրամասնությունը ցանկություն է հայտնում ղեկավարելու քաղաքական մեծամասնությանը, իսկ այդպես չի կարող լինել:

«Դրա ժամանակը կգա՝ դա 2022 թվականն է, երբ կլինեն ԱԺ ընտրություններ, դուք կապահովեք այդ մեծամասնությունն ու այդ արտոնությունը կունենաք: Այիսնքն՝ մենք, որպես քաղաքական մեծամասնություն, պատասխանատվություն ենք կրում 2018 թվականի բյուջեի համար»,- ասաց Վահրամ Բաղդասարյանը:

Իր ելույթի վերջում ՀՀԿ խմբակցության ղեկավարը հայտարարեց, որ ՀՀԿ խմբակցությունը, բնականաբար, ողջունում է 2018 թվականի պետբյուջեն, այն անվանեց իրատեսական եւ վստահություն հայտնեց, թե այն նպատակները, որոնք դրված են կառավարության ծրագրում, իրականանալի են:

Տպել
3857 դիտում

Զովունիում մեքենան դուրս է եկել հանդիպակաց երթևեկելի գոտի և մխրճվել դեղատան մեջ. վիրավորներ կան

Այս պահին փակ են Վարդենյաց լեռնանցքը, Արագածոտնի և Գեղարքունիքի գյուղամիջյան ճանապարհներ

«Առնո Բաբաջանյան» համերգասրահի փոխտնօրենի նկատմամբ քրեական հետապնդումը դադարեցվել է

Մաշինի դուռը բացվեց ու Փաշինյանն իջավ․ բոլնիսցիները՝ վարչապետի անակնկալ այցի մասին

Մենք կշարունակենք պայքարը, որպեսզի ԻԳԻԼ-ը չբարձրացնի իր գարշելի գլուխը. ԱՄՆ փոխնախագահ

Երեխան ընդունվել է վերջույթների կաթվածով. «Սուրբ Աստվածամայր» Բ/Կ-ն պարզաբանում է փոքրիկի մահը

Գրիպի դեմ պատվաստվողները շատացել են. «Մուրացանում» պատվաստանյութն արագորեն սպառվել է

Մաղթում եմ Ձեզ հաջողություն Ձեր կարեւոր պարտականությունների կատարման գործում. Յագլանդ

ՎՏԲ-Հայաստան Բանկը հայտարարում է Swift դրամային փոխանցումների վերաբերյալ ակցիա՝ նոր հաճախորդների համար

Արման Թաթոյանը Նիդերլանդների դեսպանի հետ քննարկել է Պաշտպանի զեկույցը

Բելգիայի Թագավորության վարչապետ Շառլ Միշելը շնորհավորական ուղերձ է հղել Նիկոլ Փաշինյանին

Ոստիկանության միայն մեկ ստորաբաժանման ծառայության շնորհիվ պետբյուջե է վերադարձվել ավելի քան 708 մլն դրամ

Փրկարարները դուրս են բերել ավտոմեքենան արգելափակումից

Սևանի թերակղզուց դեպի Դիլիջանի թունել ճանապարհահատվածում բուք է

Գրիպով հոսպիտալացվածների 95 տոկոսը երեխաներ են. խուսափելու լավագույն միջոցը պատվաստումն է

ՀՀ և Ադրբեջանի ԱԳ ղեկավարները անդրադարձել են խաղաղ գործընթացին, նաև՝ ժողովուրդների խաղաղությանը

Երեւանի քաղաքապետարանի թեժ գծի համարը փոխվում է, կլինի նաեւ ձայնային հաղորդագրության հնարավորություն

Գյուղատնտեսական տարին պետք է դարձնել մաքսիմալ կանխատեսելի. Նիկոլ Փաշինյան (լուսանկարներ)

Բարեկամավան գյուղում ականի պայթյունից տուժած կա

Ադրբեջանցիները կրկին փորձել են խեղաթյուրել Իրանի բարձրաստիճան պաշտոնյայի հայտարարությունը. փորձագետ