Հայաստանի տնտեսությունը աննախադեպ աճում է աննախադեպ անկման շնորհիվ

Այս տարվա հոկտեմբերին տնտեսական ակտիվության ցուցանիշի (ՏԱՑ) աճը անցած տարվա նույն ամսվա համեմատ կազմել է 17 տոկոս: Ահա այսպիսի անակնկալ ու աստղաբաշխական աճեր է հրապարակել երեկ ՀՀ ազգային վիճակագրական ծառայությունը:

Փաստորեն այս տարի առաջին անգամ, ամիսը ամսվա հետ համեմատած, արձանագրվել է, մեղմ ասած, երկնիշ աճ: Իսկ առաջին տասն ամիսների կտրվածքով տնտեսական ակտիվության ցուցանիշը, ըստ պաշտոնական վիճակագրության, աճել է 7 տոկոսով: Մինչեւ տարեվերջ մնացել է երկու ամիս եւ նույն տեմպերով շարունակվելու դեպքում, տարվա ավարտին կարձանագրվի թերեւս 6-7 տոկոս ՏԱՑ-ի աճ: Ու հաշվի առնելով, որ ՏԱՑ-ի ցուցանիշը շատ մոտ է լինում տնտեսական աճի ցուցանիշին, ապա 2017 թվականը կլինի 2012-ից այս կողմ ամենաբարձր տնտեսական աճ արձանագրած տարին:

Այստեղ շատ ուշագրավ մանրուքներ կան: ՀՀ վարչապետ Կարեն Կարապետյանը ֆեյսբուքյան իր էջում անդրադարձել է այս ցուցանիշներին: «2017 թվականի հունվար-հոկտեմբերին՝ նախորդ տարվա նույն ժամանակահատվածի համեմատ, ՀՀ տնտեսական ակտիվությունն աճել է 7%-ով։ Ընթացիկ տարում սա տնտեսական ակտիվության ցուցանիշի (ՏԱՑ) ամենաբարձր մակարդակն է»,- գրել է նա եւ բերել համեմատական մի քանի գծապատկերներ, որոնք ավելի ցայտուն են դարձնում արձանագրված ցուցանիշները:

Իսկ ուշագրավն այն է, թե ինչի շնորհիվ է արձանագրվել այսպիսի աստղաբաշխական աճ: Եթե ուսումնասիրենք ԱՎԾ-ի ներկայացրած ցուցանիշները, ապա կպարզվի, որ հոկտեմբերին արձանագրված 17 տոկոսանոց աճի հիմնական «մեղավորը» գյուղատնտեսությունն է, որտեղ աճը գրեթե  35 տոկոս է: Դժվար է նույնիսկ հիշել, թե երբեւէ այդպիսի աճ եղե՞լ է Հայաստանում: Բայց սա ունի իր հմայքը: Խնդիրն այն է, որ անցած տարվա հոկտեմբերին գյուղատնտեսությունում արձանագրվեց 30 տոկոս անկում: Այլ կերպ ասած, գյուղոլորտի այս տարվա հոկտեմբերի 35 տոկոսանոց աճը եղել է միայն նրա շնորհիվ, որ անցած տարվա նույն ամսին անկում էր գրանցվել 30 տոկոսով: Պարզ թվաբանական գործողություն: Դուք ունեք 100 հատ խնձոր: Դրանից մի  30 հատը ուտում եք, եւ ձեզ մոտ մնում է 70 հատ, այսինքն ձեր խնձորների թիվը նվազում է 30 տոկոսով: Սակայն հետո գնում, այգուց հավաքում եք մի 30-35 հատ խնձոր եւ դնում կերած խնձորների տեղը: Ձեր խնձորների թիվը ավելանում է մի 30-35 տոկոսով: Ընդամենը այսքանը:

Ահա սա է տեղի ունեցել գյուղոլորտում: Եվ մեծապես այսպիսի աճի շնորհիվ է, որ արձանագրվել է ՏԱՑ-ի երկնիշ աճ:

Ահա այստեղ է, որ գալիս ենք ամենաուշագրավ «մանրուքին»: Անցած տարվա սեպտեմբեր-հոկտեմբեր ամիսներին գյուղատնտեսությունում արձանագրված 20-30 տոկոս անկումը որեւէ կերպ չբացատրվեց: Իհարկե, ասացին, թե երաշտ է եղել, ինչ-ինչ այլ պատճառներով քիչ բերք է ստացվել...: Այդ բացատրությունները իրենց տակ որեւէ հիմնավորում չունեին, քանի որ գյուղոլորտում 20-30 տոկոս անկումը լրջագույն հարց է եւ առաջանում է բնակչությանը կերակրելու խնդիր, եւ պետությունները նման դեպքերում արտակարգ ռեժիմով պետք է ապահովեն բնակչությանը սննդամթերքով: Իսկ այդպիսի ռեժիմ մեկ տարի առաջ չի եղել: Այսինքն, 20-30 տոկոսանոց անկումները իրականում վիճակագրական «ճշգրտումներ» էին: Կարեն Կարապետյանի նոր կառավարությունը, ըստ որոշ տեղեկությունների,  պարզապես «մաքրել էր» գյուղատնտեսության ոլորտի տարիներ շարունակ կուտակված հավելագրումները:

Ու հիմա այդ «մաքրման» աշխատանքների շնորհիվ, որի արդյունքում ստացվեց համեմատության խիստ ցածր բազա, այս տարի արձանագրվեց այսպիսի աճ: Հիմա միակ հարցը, որ ծագում է տվյալ պարագայում, հետեւյալն է՝ նոր կառավարությունը անցած տարվա սեպտեմբեր հոկտեմբերին ցուցանիշները հավելագրումներից «մաքրեց» պարզապես «մաքրելու» համա՞ր, թե դա արեց մեկ տարվա հեռահարությամբ այսպիսի ցուցանիշ ստանալու համար: Դա թերեւս պարզ կդառնա հաջորդ տարվա հոկտեմբերի պաշտոնական վիճակագրական տվյալներից: Թե ով կլինի այդ ժամանակ վարչապետ, դուրս է տնտեսական հաշվարկների դաշտից:

Տպել
13194 դիտում

Պետք է բացառվի կոռուպցիոն ցանկացած երևույթ․ ՍԱՊԾ-ն նյութեր է տրամադրում ԱԱԾ-ին

Դավոսի համաշխարհային տնտեսական ֆորումի կազմակերպիչներից հրավեր եմ ունեցել՝ ուղեկցել իմ ամուսնուն ֆորումի շրջանակներում

Արժեքավոր նվերները ես հետ եմ ուղարկում նվիրատուին՝ երկտողով, որ շատ շնորհակալ եմ, համարեք, որ ես դա ունեմ․ Աննա Հակոբյան

Լրագրողական իմ ողջ գործունեության ընթացքում մշտապես մեկ վախ եմ ունեցել, որ իմ գրածի վրա իշխանական կաբինետներում չծիծաղեն

Արարատի մարզում մի շարք ճանապարհներ կբարեկարգվեն

Ինձ ոչ մեկ չի կարող զանգել եւ նման տոնով հետս խոսել. Վանեցյան

Գագիկ Խաչատրյանը ԱԱԾ չի հրավիրվել. Վանեցյան

Արա Մինասյանն ու Լեւոն Սարգսյանն օրինական ճանապարհով հատել են ՀՀ սահմանը. Արթուր Վանեցյան

1 մլն դրամ չի մուտքագվրել պետբյուջե․ ոստիկանները բացահայտել են Մուսալեռ համայնքի ղեկավարի ապօրինությունները (տեսանյութ)

Լուրջ քննադատությանը շատ լուրջ եմ վերաբերվում եւ լուրջ հետեւություններ եմ անում․ Աննա Հակոբյան

Եկեղեցին պետք է լսի զոհերին․ համաժողով Վատիկանում՝ նվիրված հոգևորականների շրջանում սեռական բռնությունների խնդիրներին

Կիեւի եւ Երեւանի հարաբերությունները դինամիկ կզարգանան․ դեսպան

Ալեքսանդր Սարգսյանը պետությանը փոխանցել է 18,5 մլն դոլար, իսկ 11,5 մլն դոլար գանձվել է կոնկրետ ակտերով. ԱԱԾ տնօրեն

Պատրաստվում ենք «Իմ քայլը» հիմնադրամի համար մատչելի տարածք գտնել, որովհետեւ խնայում ենք մեզ վստահված ամեն լումա

Սպառնալիքները միշտ կան. Վանեցյանն իր եւ Փաշինյանի ընտանիքներին ուղղված սպառնալիքների մասին

Մեզ որեւէ բան չի կաշկանդում. ԱԱԾ տնօրենը` Տեր-Պետրոսյանի կառավարման տարիների հետ կապված ստուգումներ իրականացնելու մասին

Ես տեղեկություն չունեմ, որ տարբեր գերատեսչությունների պարգեւավճարների մի մասն ուղղվել է «Իմ քայլը» հիմնադրամին

Դատի տալը ցանկացած քաղաքացու սահմանադրական իրավունքն է. Վանեցյան

Շատ տարբեր իրադարձություններ են արյունաբանական կենտրոնի բացումն ու երկու կենտրոնների միավորումը․ Աննա Հակոբյան

«Իմ քայլը» բարեգործական հիմնադրամի իրականացրած եւ իրականացվելիք ծրագրերը․ ներկայացնում է Աննա Հակոբյանը