Արդեն կապրիզի է վերածվում. փոխնախարարը՝ ուսանողների վերսկսած հացադուլի մասին

«Հանուն գիտության զարգացման» նախաձեռնության անդամները քիչ առաջ հայտարարեցին, որ դադարեցնում են բանակցություններն իշխանությունների տարբեր օղակների հետ եւ վերսկսում հացադուլը, քանի որ բանակցություններն արդյունք չեն տվել:

Պաշտպանության փոխնախարար Արտակ Զաքարյանը քիչ առաջ խորհրդարանում լրագրողների հարցին պատասխանելով տեղեկացրեց, որ  խմբի անդամների հայտարարությանը ծանոթ չէ, բայց նրանց կողմից այս շաբաթ փոփոխությունների առաջարկներ էին ստանալու:

«Հայտարարությանը տեղյակ չեմ, բայց վերջին հանդիպումը պաշտպանության նախարարի հետ է եղել եւ երիտասարդներին տրվել է շատ հստակ հնարավորություն, որպեսզի ներկայացնեն հստակ առաջարկներ, բայց չենք ստացել: Ես ինքս մի քանի օր առաջ կապվել եմ նրանց հետ եւ խնդրել, որ այս շաբաթվա մեջ ներկայացնեն առաջարկներ, որի համաձայն հնարավոր կլինի կառավարության որոշմամբ առանձնացնել կրթության ոլորտում աչքի ընկնող երիտասարդներին՝ տարկետում տալու համար: Ինձ համար տարօրինակ է, որ երիտասարդները դրա համար երկար պայքարել են, բայց հիմա չեն ցանկանում կիրառել»,- նշեց փոխնախարարը:

Զաքարյանը պատասխանելով «Հայկական Ժամանակ»-ի հարցին՝ տեղեկացրեց, որ երիտասարդները ՊՆ երկու փոփոխությունների առաջարկություն են ներկայացրել, որոնցից մեկն անընդունելի է եղել նախարարության կողմից:

«Նրանք երկու առաջարկ են արել, որից մեկը մենք ասել ենք, որ հնարավոր չէ իրականացնել, որովհետեւ դա ընդհանրապես խաթարում է բանակը: Մենք պատրաստ չենք բանակը խաթարելու: Նրանք առաջարկում են միաժամանակ սովորել եւ ծառայել: Այսինքն՝ արձակուրդի ժամանակ գնալ բանակ, իսկ մնացած ժամանակ՝ դասի: Նման բան կա Շվեցարիայում, իսկ Շվեցարիան էլ անվտանգության խնդիր չունի: Այնտեղ նույնիսկ կարող են բանակ էլ չգնալ: Մենք բացատրել ենք, որ դա անհնարին է: Սա բացասական կանդրադառնա բանակի վրա»,- ասաց Վիգեն Սարգսյանի առաջին տեղակալը եւ մանրամասնեց, որ մյուս առաջարկը վերաբերվում էր որոշակի չափորոշիչներ սահմանելուն՝ տաղանդավոր երիտասարդներին տարկետում տալու համար:

«Մենք դրա վերաբերյալ նրանց հետ ծավալուն բանակցել ենք: Հիմա փոխանակ առաջարկներ անեն, հայտարարություն են արել, որոնցով խնդիրը չի լուծվի: Արդեն կապրիզի է նմանվում նրանց քայլերը»,- եզրափակեց Արտակ Զաքարյանը:

Հիշեցնենք, որ «Զինվորական ծառայության եւ զինծառայողի կարգավիճակի» մասին ՀՀ օրենքում տեղ գտած փոփոխության համաձայն ակադեմիական տարեկետում տրվում է «Ես եմ», «Պատիվ ունեմ» ծրագրերի շրջանակներում: Ինչը ուսանողների սրտով չէ:

Տպել
3784 դիտում

Ներկայացված պահանջը դուրս էր ՄԻԵԴ-ի իրավասությունից, երկրի ներքին գործերին միջամտելու շեմին է մոտենում․ Եղիշե Կիրակոսյան

Եվրոպայում կորոնավիրուսն անխնա հարվածել է ծերանոցներին. կառավարությունները մեղադրանքի թիրախում են

Ցանցի վերականգնման աշխատանքները շարունակվում են. «ՅՈՒՔՈՄ»-ը հայցում է բաժանորդների ներողամտությունը

Ստեփան Քարտաշյանը նշանակվել է Հանրապետության նախագահի ռեֆերենտ

Մարտունիում կհիմնանորոգվեն 4 մանկապարտեզների շենքեր

Թրամփից հիասթափվելու, կորոնավիրուսով վարակվելու և նախագահի թեկնածու դառնալու մասին. Քանյե Ուեսթի հարցազրույցը՝ Forbes-ին

Տավուշի մարզպետը 2019-ին վաճառել է իր ավտոմեքենան․ որքան եկամուտ է նա ստացել նույն տարում

Բնակարանային պայմանների բարելավման նպատակով Շուշիին լրացուցիչ 25 մլն ՀՀ դրամ կհատկացվի

Հավանության է արժանացել Վայոց ձորի մարզից ներկայացված սուբվենցիոն 24 ծրագիր

Հրաչյա Թաշչյանը նշանակվել է վարչապետի աշխատակազմի արտաքին կապերի վարչության պետ

Ձեռնարկվում են քայլեր Նիժնի Նովգորոդի օտարերկրացիների ժամանակավոր պահման կենտրոնում գտնվող հայերի ՀՀ վերադարձի համար

Երթևեկության կազմակերպման փոփոխություն կկատարվի Երևանի Անտառային փողոցի Լեռ Կամսար և Սարմենի փողոցների հատվածում

Կհիմնանորոգվի Ծաղկուտի համայնքային կենտրոնը

114 դպրոցի տնօրենը դատի է տվել ԿԳՄՍ նախարարությանը․ պահանջում է անվավեր ճանաչել նախարարի հայտարարած խիստ նկատողությունը

Մեծ Մասրիկում կլուսավորվի 7 փողոց

Հեռավար դասերի լավ կողմերից է ստեղծագործական ազատությունը, վատերից՝ խիտ դասացուցակը և ծնողների անհարկի միջամտությունները

Գյումրու տուն-ինտերնատի ևս 2 խնամյալ է հիվանդանոցում մահացել. կորոնավիրուսի նոր դեպքեր հաստատությունում չեն հայտնաբերվել

Տրդատ Սարգսյանը նշանակվել է «Քաղաքացիական պայմանագիր» կուսակցության աշխատակազմի ղեկավար

Կվերանորոգվի Առատաշեն համայնքի մանկապարտեզի երկրորդ մասնաշենքը. սաների թիվը կավելանա 40-ով

ՀՀ տարածքում ավտոճանապարհներն անցանելի են