Հարկային արտոնություններ պետք չեն, որ մասնավորն աշխատավարձ բարձրացնի. ՀՀԿ-ական պատգամավոր

Աղքատության, գնաճի եւ ըստ Սերժ Սարգսյանի մասնավոր սեկտորում տեղի ունեցող աշխատավարձի բարձրացման շուրջ «Հայկական ժամանակը» զրուցել է ԱԺ ՀՀԿ խմբակցության պատգամավոր, տեխնիկական գիտությունների թեկնածու Վահան Հարությունյանի հետ:

- Պարոն Հարությունյան, երկու ամիս առաջ սկսված եւ կանգ չառնող առաջին անհրաժեշտության ապրանքների գնաճը զսպելու համար պետությունն ի՞նչ պետք է անի:

-Գնաճը կապված է հիմնականում միջազգային գների փոփոխությունների հետ, որտեղ պետությունը որեւէ գործիքակազմ չունի: Մեր պետությունը չի կարող միջազգային գների վրա ազդել: Կարագի գինը, եթե միջազգային շուկայում թանկանում է, բնականաբար հայկական շուկայում էլ է թանկանում:

- Պահանջ կա, որ խոշոր տնտեսվարողների, մասնավորապես, «Ալեքս Գրիգ» ընկերությունում պետք է լրացուցիչ ստուգումներ իրականացվեն, որը զբաղվում է կարագի ներկրմամբ: (Այն պատկանում է ՀՀԿ-ական Սամվել Ալեքսանյանի ընտանիքին):

- Այսի՞նքն...Լրացուցիչ ստուգումների անհրաժեշտություն լինում է ցանկացած տնտեսվարողի մոտ, որը ունի գերիշխող դիրք: Դրա համար Հայաստանում գործում է հակամենաշնորհային կառույցը եւ անհրաժեշտ ստուգումներ են իրականացվում, համապատասխան տվյալներ են ձեռքբերվում:

- Պարոն Հարությունյան, Սերժ Սարգսյանն ասում էր, որ մասնավոր սեկտորում աշխատավարձի աճ է նախատեսվում: Տնտեսական այս պայմաններում, երբ մասնավոր տնտեսվարողներին հարկային արտոնություն չի տրվում, աշխատավարձի բարձրացումը իրականանալի՞ է:

- Իսկ ի՞նչ է նշանակում հարկային արտոնություններ տալ: Հարկային արտոնություննե՞րն են, որ պետք է թույլ տան, որ աշխատավարձը բարձրացվի, եթե հարկային արտոնություններ չկան, ուրեմն աշխատավարձը չպե՞տք է բարձրանա:

- Այսինքն՝ անհրաժեշտություն չկա՞ որոշ հարկեր զիջել:

- Հարկերի զիջումը կապել աշխատավարձի բարձրացումների հե՞տ, հարցի իմաստը չեմ հասկանում:

- Հարկերը բարձր չե՞ն:

- Հարկերը բա՞րձր...հարկերն այնքնան են, որքան սահմանված է դրույքաչափը: Դա կապել աշխատավարձի բարձր կամ ցածր լինելու հետ բացարձակ կապ չունեցող երկու մեծություն ենք ուզում համեմատել:

- Մասնավոր սեկտորին ի՞նչ արտոնություններ են պետք պետության կողմից, որ կարողանա աշխատավարձ բարձրացնել:

- Աշխատավարձ բարձրացնելու համար պետք է արտադրողականություն բարձրացնել: Ոչ, թե հարկային արտոնություն է պետք: Ցանկացած աշխատավարձի բարձրացում, որը հիմնված չէ արտադրողականության բարձրացման վրա, դա ուղղակի կործանարար է:

- Պետությունը ինչ-որ գործիքակազմ կիրառու՞մ է, որ արտադրողականությունը բարձրանա:

- Դա տնտեսվարողը պետք է անի, որ իր հիմնարկում արտադրողականությունը բարձրանա:

- Այսինքն՝ պետությունը ոչ մի քայլ չպե՞տք է անի, որ մասնավորը շահագրգռվի «գործ դնել»:

- Որպեսզի աշխատավարձը բարձրանա՞:

Տնտեսագետներն ասում են, որ մասնավորին հարկային արտոնություն է անհրաժեշտ: Սխա՞լ են վերլուծում տնտեսագետները:

- Եթե հարկային արտոնություն տանք ու դրա հետեւանքով աշխատավարձերը բարձրանան, հետո ի՞նչ կլինի: Այսօր հրաժարվում ենք եկամտահարկից ու եկամտահարկի չափով աշխատավարձը բարձրանում է, որը քիչ չէ՝ մինչեւ 36 տոկոս է: Իսկ թոշակը որտեղից ենք տալու՞:

Տնտեսագիտական կարծիք կա, որ մասնավոր սեկտորում աշխատավարձը չի բարձրանում, որովհետեւ ոլորտում 80 տոկոսը մենաշնորհային է: Այսինքն, եթե մասնագետը հրաժարվի աշխատել մի ՍՊԸ-ում, ապա նա չունի ոչ մի այլընտրանք եւ դառնում է գործազուրկ: Համամիտ ե՞ք:

- Չեմ կիսում այդ տեսակետը:

Տպել
8606 դիտում

ԵՄ-«Թումո» համատեղ նախաձեռնություն. կառուցվելու է ինժեներական և կիրառական գիտությունների համալիր

Լիմոնադ արտադրողները հանդիպել են կառավարության անդամներին և փոխվարչապետին. օրինագիծը կվերանայվի

Թեհրանի օդանավակայանում 50 ուղեւոր տեղափոխող ինքնաթիռ է հրդեհվել. հասցրել են էվակուացնել ուղեւորներին

Վարչապետ Փաշինյանը հեռախոսազրույց է ունեցել Նուրսուլթան Նազարբաևի հետ

27-ամյա երիտասարդի սպանության դեպքի առթիվ քրեական գործ է հարուցվել

Հեչ անհարմար չե՞ս զգում… Վահան Շիրխանյանի նամակը Ռոբերտ Քոչարյանին

Ճիշտ կլինի, որպեսզի հարգելի սեւազգեստ մայրերին ներկայացնեն իրենց փաստաբանները․ վարչապետ

Դուռը կբացենք, բայց համայնքապետը ներս չպիտի մտնի, ինքը հրաժարական պիտի տա

Երեւանի կենդանաբանական այգում կապիկ է ծնվել

Մահացել է Օլիմպիական խաղերի ամենահավատարիմ երկրպագուն

Ո՞նց կարող ա նման բան լինի. Սպիտակի մշակույթի տան տնօրենը պարզաբանում է ստեղծված իրավիճակը

«Ավան»-ի հոգեբուժարանում հիվանդին դուրս գրելը և անվճար դեղորայքի փաստաթուղթը 20000 դրամ են արժեցել. քրգործ է հարուցվել

Նոր իշխանությունները հին ծուղակում չեն հայտնվելու

Գորիսի ավտոճանապարհներին մառախուղ է, տեսանելիությունը՝ 30-50 մետր

Երևանի պատվիրակությունը տրանսպորտային բարեփոխումների հարցով մեկնել է Չեխիա

Սպանություն Երեւանում. երիտասարդը մահացել է՝ հիվանդանոցում գիտակցության չգալով (լուսանկարներ)

Հայտարարություն մրցույթի մասին

«Թուֆենկյան» հյուրանոցն ամենամեծն է լինելու Հայաստանում. վարչապետն ընդունել է Ջեյմս Թուֆենկյանին

ՀՀ հավաքականը վաստակել է բրոնզե մեդալ՝ հրաձգության Եվրոպայի առաջնությունից

Ես ասելիք ունեմ ադրբեջանցի ժողովրդին եւ ես շատ ուրախ կլինեի նման հնարավորության համար․ Նիկոլ Փաշինյան