Պատվաստվեք պապիլոմա վիրուսի դեմ. խմբագրական

19/12/2017 schedule10:00

Պապիլոմա վիրուսի դեմ պատվաստումների թեմայով ԱԺ «Ելք» խմբակցության նախաձեռնած քննարկումը, որ երեկ տեղի ունեցավ ԱԺ Առողջապահության եւ սոցիալական հարցերի մշտական հանձնաժողովում, գոնե այս փուլում տվեց առկա հարցերի պատասխանները եւ հիմնավորեց, որ Հայաստանի քաղաքացիները պատվաստումներից խուսափելու որեւէ պատճառ չունեն, ընդհակառակը, պետք է շահագրգռված լինեն իրենց երեխաների պատվաստումներն իրականացնելու հարցում։

Քննարկման ընթացքում մի շարք հետաքրքիր փաստեր արձանագրվեցին այն պնդումների կապակցությամբ, որոնք վերջին ամիսներին սոցիալական ցանցերում ահասարսուռ եզրակացություններ անելու հիմք էին տվել։ Մասնավորապես խոսվում էր, որ ԱՄՆ-ում պապիլոմա վիրուսի դեմ պատվաստումներից հետո 18 հազար 727 պրոբլեմատիկ դեպք է արձանագրվել, որոնցից 63-ը ավարտվել են մահվան ելքով։ Քննարկման ընթացքում, որին մասնակցում էին առողջապահության նախարարը եւ պատվաստումների ոլորտի պատասխանատուներ ու մասնագետներ, պարզվեց, որ 18 հազար պրոբլեմատիկ դեպքը կամ բարդացումը առաջացել է 35 միլիոն պատվաստվածների շրջանում։ Այսինքն՝ 35 միլիոն պատվաստված անձանցից 18 հազարի մոտ ինչ-որ բարդացում արձանագրվելու մասին տեղեկատվություն է եղել։ Մինչ այս տեղեկատվության բովանդակության մեջ խորանալը նշենք, որ ահազանգով զուգորդված դեպքերը կազմում են ընդհանուրի 0.05 տոկոսը։ Աշխարհում չկա որեւէ առողջապահական միջոցառում, որ 0.05 տոկոսի ռիսկ չպարունակի, նույնիսկ ատամ պլոմբելը։

Բայց պապիլոմայի պատվաստման դեպքում իրավիճակը շատ ավելի ակնհայտ է։ Խնդիրն այն է, որ վերը նշված 18 հազարը ոչ թե պատվաստման հետեւանքով առաջացած բարդություններ են, այլ պատվաստումից հետո առաջացած բարդությունները։ Այսինքն, պատկերավոր ասած, եթե որեւէ մեկը պապիլոմայի դեմ պատվաստումից հետո ավտովթարի է ենթարկվել եւ վնասվածք ստացել, այս անձը ընդգրկվել է վերը նշված 18 հազար 727-ի մեջ։ Նույնը վերաբերվում է նաեւ 63 մահերին։ Դրանք ոչ թե պապիլոմայի դեմ պատվաստման արդյունքում առաջացած մահերն են, այլ պապիլոմայի դեմ պատվաստված անձանց շրջանում առաջացած մահերը, որոնց կապը պատվաստման հետ որեւէ կերպ հիմնավորված չէ։ Եվ եթե նույնիսկ ուղղակի կապ ունենային, դա ընդհանուր պատվաստվածների թվի մեջ 0.0001 տոկոսն է։ Ցանկացած բժշկական միջամտության՝ նույնիսկ ամենաանվնաս համարվողների մահվան ռիսկը ավելի բարձր է համարվում, քան 0.0001 տոկոսը։

Հաջորդ կարեւոր պնդումը, որ լայն քննարկում էր ստացել սոցիալական ցանցերում, այն էր, որ պապիլոմայի դեմ պատվաստման հետեւանքով աղջիկների մոտ անպտղություն է զարգանում։ Մասնագետները, սակայն, բացատրեցին, որ պապիլոմայի դեմ պատվաստանյութը կամ ավելի ճիշտ՝ պատվաստման հետեւանքով առաջացած հակամարմինը ոչ թե բջիջ է, այլ, պատկերավոր ասած՝ «բջիջի լուսանկար», հետեւաբար նման դերակատարում չի կարող ստանձնել, այսինքն՝ չբերություն չի կարող զարգացնել, եւ միջազգային վիճակագրությունը հաստատում է պնդումը։

Անդրադարձ եղավ նաեւ այն հարցին, թե ինչու՞ է պատվաստումն իրականացվում հատկապես պապիլոմա վիրուսի երկու տեսակների դեմ, մինչդեռ վիրուսը ավելի մեծ թվով տեսակներ ունի։ Այս հարցն էլ պարզաբանվեց հետեւյալ կերպ. միայն արգանդի վզիկի քաղցկեղի պարագայում է, որ ուռուցքների 98 տոկոսում հայտնաբերվում են պապիլոմա վիրուսի վերը հիշատակված երկու տեսակները։ Հետեւաբար, վիրուսի միայն այս երկու տեսակների պարագայում է ապացուցված նրանց քաղցկեղածին հատկությունը եւ հետեւաբար՝ ապացուցված է միայն այս երկու տեսակների դեմ պատվաստումների արդյունավետությունը։

Քննարկման ընթացքում, ըստ էության, չհաստատվեցին տեղեկություններն այն մասին, թե ինչ-որ երկրներում պապիլոմա վիրուսի դեմ պատվաստումներն ընդհատվել են դրանց վնասակարության հիմքով։ Ոչ մի երկիր ծրագիրը նման հիմքով չի դադարեցրել։ Իսկ միջազգային վիճակագրությունը ցույց է տալիս պատվաստման արդյունավետությունը։ Հետեւաբար, երեկվա քննարկման արդյունքում արձանագրվեց, որ պատվաստումը ոչ միայն վնասակար չէ, այլեւ օգտակար է եւ անհրաժեշտ։

Նշենք նաեւ, որ ԱԺ «Ելք» խմբակցության ղեկավար Նիկոլ Փաշինյանը, ելույթ ունենալով՝ շեշտեց, որ քննարկումը նախաձեռնելուց հետո հրապարակային հայտարարություն է արել, խնդրելով պապիլոմա վիրուսի դեմ պատվաստումներին դեմ արտահայտվող մասնագետներին արձանագրել եւ ներկա լինել քննարկմանը։ Սակայն, փաստորեն, ոչ մի նման մասնագետ այս կոչին չէր արձագանքել։ Փաշինյանն իր ելույթում արձանագրելով սա, ասաց, որ քննարկման արդյունքներով չլսեց որեւէ բան, որ պիտի անհանգստություն առաջացնի պատվաստումների կապակցությամբ։ Բայցեւայնպես Փաշինյանը նորից հայտարարեց, որ եթե կան մասնագետներ, ովքեր պատրաստ են հիմնավորել տվյալ պատվաստման վնասակարությունը, անպայման արձագանքեն, եւ նրանց փաստարկները պատշաճ քննարկման առարկա կդառնան։ Իսկ քանի դեռ նման մասնագետներ եւ փաստարկներ չկան, պատվաստումների վնասակարության մասին որեւէ պնդում արժանահավատ համարել չի կարելի։ Այնպես որ՝ ձեր երեխաներին տարեք պատվաստումների, սիրելի հայրենակիցներ։

Տպել
5284 դիտում

Իշխանությունը զավթելու մեղադրանքով ձերբակալվել է երգիչ Հայկ Ղևոնդյանի որդին. փաստաբան

Ինչ աշխատանքներ են իրականացվում. իրավիճակը Կիրանցում

Հայաստանի և Հայաստանյայց Առաքելական Սուրբ Եկեղեցու հարաբերությունների մասին․ Ալեն Սիմոնյան

Ազգային ժողովը Սահմանադրական դատարանի դատավոր ընտրեց Դավիթ Խաչատուրյանին

Սատանայի երրորդ փորձությունը հայ ժողովրդին եկել է վեղարի տակ, սա ուղղակի մաստեր կլաս է. Հայկ Կոնջորյան

Վազգեն Սարգսյանի անվան ռազմական ակադեմիայում ՆԱՏՕ-ի փորձագետները դասընթաց են անցկացրել

Չափագիտության ազգային ինստիտուտի նախկին պաշտոնյաները վերականգնել են պետությանը պատճառված 51 մլն դրամ վնասը

Երևան-Թբիլիսի-Երևան գնացքներից մեկի պետը պարբերաբար ՀՀ է տեղափոխել մաքսային հսկողությունից թաքցված դեղորայք (տեսանյութ)

Ազնավուրը փառքի և համաշխարհային հարգանքի վայելքների մեջ տառապում էր Հայաստանի ցավերով, ցնծում ձեռքբերումներով. Փաշինյան

Իրանում զոհված նախագահի և մյուսների հրաժեշտի արարողությունն է, մասնակցում են տասնյակ հազարավոր մարդիկ (լուսանկարներ)

Պատմությունը ցույց է տվել, որ մենք դժվարին պահերին միշտ իրար կողք են եղել. ՀՀ-ում Իրանի փոխդեսպան

Նիկոլ Փաշինյանը ժամանել է Իրան (լուսանկարներ, տեսանյութ)

Ադրբեջանի վարչապետի պատվիրակությունը ուղևորվել է Իրան

Սիմոնյանն այցելել է Հայաստանում Իրանի դեսպանատուն և ցավակցական գրառում կատարել սգո մատյանում

Տան նախկին աշխատակիցը տանտերերի դպրոցահասակ աղջկան թմրամիջոց է առաջարկել. 58-ամյա տղամարդը կալանավորվել է

«Նախատեսվում էր Իրանի նախագահի այցը Հայաստան». ԱԺ նախագահ

Սիմոնյանն արձագանքել է եկեղեցու հարկման վերաբերյալ քննարկումներին՝ ներկայացնելով օրենսգրքից հատված

Կրակոցներ Կոտայքի մարզում. ոչ սթափ տղամարդը վնասազերծվել, ձերբակալվել է

Թող ինքնագովություն չթվա՝ ես ինձ դուր եմ գալիս. Շառլ Ազնավուրը կտոներ ծննդյան 100-ամյակը

Կինը Դատաբժշկական գիտագործական կենտրոնի աշխատակիցներին մեղադրում է իր մահացած որդու մատանին գողանալու համար

Կապանում այրվել է Գևորգ Փարսյանին սպասարկող ավտոմեքենան․ կասկածներ կան հրկիզման վերաբերյալ

Վարչապետն աշխատանքային այցով մեկնել է Իրանի Իսլամական Հանրապետություն

Մառախուղ չի եղել, բարենպաստ եղանակ էր. Իրանի նախագահի աշխատակազմը նոր մանրամասներ է հայտնել ուղղաթիռի կործանումից

Աբդոլլահիանին կհուղարկավորեն մայիսի 23-ին, վերջին հրաժեշտը կլինի Իրանի ԱԳ նախարարության մոտից

Մեքենան դուրս է եկել երթևեկելի հատվածից և հայտնվել անտառում․ կա տուժած

Փարաքար համայնքի ղեկավարը հրաժարական է ներկայացրել

Տեղի է ունեցել «Քաղաքացիական պայմանագիր» կուսակցության վարչության նիստ․ այն վարել է Նիկոլ Փաշինյանը

Դուբայ-Մումբայ ինքնաթիռը բախվել է ֆլամինգոների երամին․ թռչունները սատկել են, հետադարձ չվերթը չեղարկվել է

Քասաղի կիրճում արշավախմբի անդամներից մեկի ինքնազգացողությունը վատացել է

Երևանի հեղեղատար և անձրևընդունիչ ցանցի պատասխանատուն «Վեոլիա ջուր»-ն է․ հաշվառվում են հեղեղատարներ չունեցող փողոցները

Իրանի նախագահ Էբրահիմ Ռաիսիի և մյուս զոհերի մարմինները տեղափոխվել են Թեհրան (տեսանյութ)

Եկեղեցին Բագրատի սեփականությո՞ւնն է, այս գործողություններով կրակում են իրենց ոտքին. Դավիթ Ստեփանյան

Լեհաստանի իշխանությունները չեն ծրագրում ականապատել արևելյան սահմանը. Տուսկ

ԱՄՆ-ը հետաքրքրված է Հայաստանի հետ գործակցության ընդլայնմամբ․ ԱՆ-ում ընդունել են Բրենդոն Յոդերի գլխավորած պատվիրակությանը

Ինչու է Զելենսկին զանգել Ալիևին․ ինչ հարցեր են քննարկվել

Համաշխարհային բանկը աղետների ռիսկի կառավարման ոլորտում կաջակցի ՆԳ նախարարությանը

Ազգային ժողովը պետք է նաև քննարկի ավագանու անդամներին աշխատավարձ տալու հնարավորությունը. Գալջյան

Քարերով հարվածել, կոտրել են «Ռոյալ մյուզիք հոլ»-ի ապակիները

Քաղաքական խորհրդակցություններ են կայացել Հայաստանի և Սլովենիայի արտաքին քաղաքական գերատեսչությունների միջև

ՄԻՊ նախաձեռնությամբ ՀՀ-ում ապրող ասորիների իրավունքների պաշտպանությանն ու խթանմանն առնչվող հարցեր են քննարկվել