Երևան
12 °C
Նախօրեին գնաճի թեմայով Սերժ Սարգսյանի հրավիրած խորհրդակցությունը առնվազն կարելի է տարօրինակ համարել:
Խնդիրն այն է, որ թեման որպես այդպիսին գոյություն չունի, եթե հավատանք պաշտոնական վիճակագրությանը: Ըստ ՀՀ պետական բյուջեի մասին օրենքի, Հայաստանում գնաճի իդեալական մակարդակը 4 տոկոսն է: Բայց կարող է շեղվել այդ մակարդակից 1.5 տոկոս վերեւ կամ ներքեւ: Այսինքն, եթե Հայաստանում արձանագրվում է 2.5-ից 5.5 տոկոս գնաճ, ապա դա հոյակապ է՝ դա գնաճի թույլատրելի միջանցքն է: ՀՀ ազգային վիճակագրական ծառայության՝ նախօրեին հրապարակած տեղեկանքի համաձայն, Հայաստանում 12- ամսյա գնաճը եղել է 2.6 տոկոս: Այսինքն, գնաճը եղել է թույլատրելի՝ հոյակապ միջանցքի ամենացածր կետի վրա: Մտահոգության որեւէ առիթ, պատճառ, պայման, իրավիճակ պետք է որ չլինի:
Բայց, հասկանում եք, Սերժ Սարգսյանին դա մտահոգում է այնքան, որ նա խորհրդակցություն է հրավիրում: Ուրեմն կամ վիճակագրական տվյալներն են ոչ հավաստի, կամ կան ներքաղաքական բնույթի հարցեր, օրինակ՝ զանգվածային ընդվզումների կանխազգացումներ: Բայց թողնենք սա եւ անդրադառնանք բուն գնաճի թեմայի վերաբերյալ Սերժ Սարգսյանի հայտնած մի քանի մտքերի:
«Մենք ունենք բազմաթիվ լծակներ՝ պարզելու, թե շուկաներում տատանումներն իրոք օբյեկտիվ գործընթացների արդյունք են, թե տնտեսավարողների ագահության պատճառ»,- ասել է Սերժ Սարգսյանը:
Շուտով կլրանա Սերժ Սարգսյանի պաշտոնավարման 10 տարին: Երբեւէ նրա գլխավորած իշխանությունը օգտագործե՞լ է այդ «բազմաթիվ լծակները» եւ պարզե՞լ է արդյոք, թե այդ 10 տարիներին, ասենք, շաքարավազի, բանանի, բենզինի, ալյուրի եւ բազմաթիվ այլ ապրանքների գների տատանումները օբյեկտի՞վ են արդյոք: Եթե, օրինակ, համաշխարհային շուկայում շաքարավազը էժանանում էր 30-35 տոկոսով, իսկ Հայաստանում դրա գինը չէր փոխվում, դա օբյեկտի՞վ էր, թե Սերժ Սարգսյանի ամենասիրելի օլիգարխ, շաքարի ներկրման մոնոպոլիստ Սամվել Ալեքսանյանի «ագահության պատճառ»: Եթե հետեւենք տարատեսակ պաշտոնյաների հայտարարությունների, շաքարի գինը Հայաստանում միշտ էլ օբյեկտիվ է եղել:
Տարիներ շարունակ Հայաստանում բանանը, որը առանց այդ էլ 1.5 անգամ թանկ է, քան, ասենք, եվրոպական մի շարք երկրներում, Ամանորին ընդառաջ թանկանում է եւս 10-40 տոկոսով: Հիմա դա օբյեկտի՞վ է, թե՞ Քեթրինի Միհրանի «ագահության պատճառ»: Այս դեպքում պաշտոնական մակարդակներում որեւէ հրապարակային ակնարկ, թե սա օբյեկտիվ չէ, չի եղել: Երբեք:
Ու այսպես բազմաթիվ՝ առաջին հերթին ամենալայն սպառման ապրանքների վերաբերյալ:
Բայց անդրադառնանք այս պահին ամենաքննարկվող ապրանքների գների տատանումներին: Օրինակ, բենզինը: Հունվարի մեկից բենզինի ակցիզը թանկացավ, որը բերեց բենզինի մանրածախ գնի բարձրացմանը: Առաջին հայացքից սա օբյեկտիվ է: Բայց՝ միայն առաջին հայացքից: Ըստ 2013 թվականին կնքված համաձայնագրի, Հայաստանը քվոտա ստացավ Ռուսաստանից բենզին ներկրելու համար: Այդ բենզինը, ըստ համաձայնագրի, պետք է մատակարարվեր Ռուսաստանի ներքին գներով: Այս պահին Ռուսաստանում մեկ լիտր բենզինի մանրածախ գինը 41,7 ռուբլի է կամ 355 դրամ: Դա՝ մանրածախը: Մեծածախ գինը, որով պետք է ըստ այդ համաձայնագրի մատակարարվեր Հայաստանին, շատ ավելի ցածր է: Մոտ 240 դրամ: Ու հենց այդ գնով էլ բենզինը իբր մատակարարվում է Հայաստանին: Իբր: Իրականում այդ գնով բենզինը մատակարարվում է Հայաստանում գրանցված «Ռոսնեֆտ Արմենիա» ընկերությանը, որի միակ բաժնետերը հենց ռուսական «Ռոսնեֆտն» է: Վերջինս ոչինչ չի անում: Միայն ստանում է քվոտայով մեզ հատկացված էժան բենզինը ու շատ ավելի թանկ գնով վաճառում այլ ներկրողների: Հիմա բենզինի գինը Հայաստանում օբյեկտիվ մակարդակի՞ է, թե ոչ: Եթե քվոտայով բենզինը ուղիղ, առանց «Ռոսնեֆտ Արմենիայի» հասնի Հայաստան, որքանո՞վ այն էժան կլինի: Նույնը դիզվառելիքի դեպքում, որը ավելի շատ է թանկացել:
Ու ընդհանրապես, Հայաստանը դարձել է ԵՏՄ անդամ, Ռուսաստանի հետ գտնվում է միեւնույն տնտեսական տարածքում, բայց լայն սպառման բազմաթիվ ապրանքներ, մեղմ ասած, շատ ավելի թանկ են Հայաստանում, քան Ռուսաստանում: Ռուսաստանաբնակ հայ մեծահարուստները որոշակիորեն վերահսկում են հարյուրավոր սուպերմարկետներից ու մեգամարկետներից բաղկացած ամբողջական ցանցեր, սակայն որեւէ կերպ փորձ չեն անում այդ ցանցերը բերել Հայաստան իրենց մատակարարումների սխեմաներով: Դրա արդյունքում Հայաստանում գները էականորեն կնվազեին, բայց միեւնույն ժամանակ, դա կշոշափի տեղացի օլիգարխների՝ հատկապես Սերժ Սարգսյանի ամենասիրելի օլիգարխների շահերը: Եթե Սերժ Սարգսյանը իրոք այդքան մտահոգված է թանկացումներով, ապա չարժի՞ արդյոք խորհրդակցության ժամանակ խոսել հենց դրա մասին: Իհարկե արժե: Բայց այդ թեմայով խորհրդակցություն Սարգսյանը չի հրավիրի երբեք: Գնաճը, իհարկե, մտահոգիչ է, բայց իր մտերիմ օլիգարխների շահերը գերակա են:
«Հայկական Ժամանակ»-ը Telegram-ումԵրևանի երիտասարդական նվագախումբը մեր ամենակարևոր նախաձեռնություններից է. Տիգրան Ավինյան. լուսանկարներ
Առաջիկայում հուշագիր կստորագրվի Հայաստանի և Իրանի դեղերի փորձագիտական կենտրոնների միջև
Գևորգ Պապոյանը ՄԱԿ-ի սննդի համակարգերի գագաթնաժողովի մասնակիցներին հրավիրել է Հայաստան
Չգիտեմ՝ կազդի՞ Ռուսաստանի վրա, բայց տալիս եմ 10 օր՝ սկսած այսօրվանից. Թրամփը կրկին վերջնաժամկետ է սահմանել
Ախուրյանի խճուղում մեքենաներ են բախվել. կան տուժածներ
Հետաքրքիր է` ինչպե՞ս կվերաբերվեր Վազգեն Ռշտունին իրեն սպանելու ծրագիր մշակած մեղադրյալի ազատ արձակմանը. Եղոյան
Իսկ եթե դատավորը Ռշտունին լինի՞. Ալեքսանյանը գրառում է արել
Կերանայվեն փոխհատուցման գները. Ավանեսյանը հանդիպել է ԲԿ-ների վերակենդանացման բաժանմունքների ղեկավարների հետ
ՀԱՀ-ի՝ Ֆարմանյանի շուրջ ստեղծված իրավիճակի վերաբերյալ արած հայտարարության մեջ վիճելի պնդումներ կան. Ղազարյան
Սարկավագին ազատելու որոշումը իրավական խեղում է՝ ցուցադրելով ՀՀ դատական համակարգի համակարգային նեխվածությունը
2000-ականներ. Աննա Հակոբյանը մինչհեղափոխական անձնական կյանքից լուսանկարներ է հրապարակել
ՀՀ նախագահն այցելել է Կապանի օդանավակայան, ծանոթացել աշխատանքին, տեխնիկական զինվածությանն ու կահավորմանը
Հրայր սարկավագ Հակոբյանի խափանման միջոցը փոխվել է․ դատախազությունը վճռաբեկ բողոք կներկայացնի
Արտահանման կրճատում ըստ էության չունենք, ընդամենը վերացել է ՀՀ-ով ռուսական ոսկու տրանզիտի պրակտիկան. Պապոյան
Ապամոնտաժվել են Տիգրան Մեծի պողոտայում ապօրինի տեղակայված սննդի կետերը. տեսանյութ
Սադրում էր, ասում՝ ծեծեք ինձ. պատարագը վերածել էր ելույթի. Գրիգորյանը՝ եկեղեցում տեղի ունեցածի մասին
Հիբրիդային պատերազմի սկիզբը տրված է, գները տարբեր են, փողը՝ ռուսական ռուբլիով. Սիմոնյանը սքրինշոթ է հրապարակել
Կկառուցվի ագրոդրոնների ուսուցման կենտրոն. նոր ծրագիր «Իմ քայլը» հիմնադրամի կողմից
Պայմանագիր՝ «60+». Զելենսկին Ուկրաինայի անվտանգության ծառայությունն ամրապնդելու մասին օրենք է ստորագրել
Քննչական կոմիտեի նախագահն ընդունել է Իտալիայի դեսպանին. ձեռք են բերվել պայմանավորվածություններ
Գեղարքունիքի մարզպետն այցելել է Երանոս գյուղի հիմնանորոգված ու նորաբաց մանկապարտեզ. լուսանկարներ
Երևան-Մեղրի ավտոճանապարհին ծառն ընկել է․ երթևեկությունը դարձել է միակողմանի
Հրաձիգ Հովհաննես Մարգարյանը՝ համաշխարհային ռեկորդակիր և Եվրոպայի չեմպիոն
Մոսկվայի դատարանը տուգանել է Zoom ընկերությանը
Պեսկովը մեկնաբանել է Լավրովի՝ «պատմության մեջ 1-ին անգամ ՌԴ-ն միայնակ է կռվում Արևմուտքի դեմ» հայտարարությունը
Սյունիքում դատախազական ներգործությամբ վերականգնվել է 51 հզր, քրվարույթներով՝ 93 հզր ԱՄՆ դոլարին համարժեք դրամ
ՀՀ նախագահը եռօրյա աշխատանքային այցով Սյունիքում է. տեղի է ունեցել խորհրդակցություն. տեսանյութ
Վանաձորի նախկին քաղաքապետն ու եղբայրը գրավի դիմաց ազատ են արձակվել
Նախարարն ամփոփել է Արագածոտնի մարզի ՆԳՆ ծառայությունների կիսամյակի աշխատանքը. տեսանյութ
Լոռիում 2025-ի առաջին կիսամյակում քրվարույթներով վերականգնվել է 14 միլիոն, դատական ակտերով՝ 3 միլիոն դրամ
Ինչու է աղմկում իրավապաշտպանը, և իրականում ինչու են որոշ քննիչներ ազատվել աշխատանքից. մանրամասներ
Arca համակարգի բնականոն աշխատանքը լիովին վերականգնվել է
Ձորագետի կիրճում «Միցուբիշի»-ն գետում արգելափակվել է
ՃՏՊ-ի հետևանքով որևէ զինծառայող մարմնական վնասվածք չի ստացել և չի տեղափոխվել բժշկական կենտրոն. ՊՆ
Մասիսի և Սևանի ավագանիների նախկին անդամները դիտավորությամբ հայտարարագիր չեն ներկայացրել. վարույթը դատարանում է
MyInvest Academy․ ներդրումների մասին առաջին հայալեզու կրթական հարթակը մոբայլ հավելվածում
ՀԷՑ-ի ժամանակավոր կառավարչի որոշմամբ՝ ՀԷՑ-ի գլխավոր տնօրենի չորս խորհրդական ազատվել է աշխատանքից
Ինչ փոփոխություններ է արձանագրել տարադրամի շուկան հուլիսի 29-ին
Չափազանց կարևոր է նոր ստանդարտներին համապատասխան վերակենդանացման ծառայության հստակ մակարդակ ունենալը. նախարար
Հիմնանորոգվում է Ակնալիճ-Զարթոնք-Արևիկ ճանապարհին գտնվող կամուրջը, որն ամբողջությամբ քայքայված է եղել
© 2025 Հայկական ժամանակ
Website by MATEMAT