Կառավարությունը 6 տոկոս սուբսդիավորում է մարզային բիզնես վարկերը. 180 ծրագիր է ներկայացվել

Վարչապետ Կարեն Կարապետյանն ու ՏԿԶ նախարար Դավիթ Լոքյանը արտադրական ձեռնարկությունում

Տարածքային կառավարման եւ զարգացման նախարարությունում հույս ունեն, որ 2018 թվականին մարզերում մոտ 100 ներդրումային ծրագիր կիրականացվի: «Հայկական ժամանակ»-ի հետ զրույցում նման կանխատեսում արեց տարածքային կառավարման եւ զարգացման նախարարության աշխատակազմի տարածքային ներդրումային քաղաքականության եւ գործառնական ծրագրերի վարչության պետ Նարինե Ավետյան:

Վերջինս մասնակցում էր կառավարության ընդունելությունների մեծ դահլիճում անցկացվող քննարկմանը, որին ներկա էր խոշորացված համայնքների տնտեսական զարգացման հարցերով 80 պատասխանատու՝ տարածքային կառավարման եւ զարգացման նախարար Դավիթ Լոքյանի գլխավորությամբ:

- Տիկին Ավետյան, ներդրումային քանի ծրագիր է ներկայացվել նախարարություն եւ դրանցից քանիսն է դրական եզրակացություն ստացել:

- 2017 թվականի ընթացքում նախարարություն է ներկայացվել շուրջ 180 ներդրումային ծրագիր, որոնք ներկայացվել են ե՛ւ մարզպետարաններից, ե՛ւ անմիջապես ներդրողներից, ե՛ւ գերատեսչություններից: Այդ ծրագրերը մենք ի մի ենք բերել, իսկ մինչեւ այդ, ծրագրերի ձեւաչափ ենք մտածել, որպեսզի գործընթացը հեշտ լինի ներդրողների համար: Ձեւաչափը ներկայացրել ենք քննարկման կենտրոնական բանկ, տնտեսական զարգացման եւ ներդրումների, գյուղատնտեսության նախարարություններ: Իրենցից ստանալով կարծիքներ՝ արդյունքներն ամփոփել ենք եւ ներկայացրել ենք վարչապետի հարթակ: 127 ծրագիր արդեն ներկայացվել է վարչապետի հարթակի քննարկման համար, որից 58-ն արդեն արժանացել է դրական գնահատականի, իսկ 20-ը 2017 թվականին ֆինանսավորվել է մոտ 638 միլիոն դրամի չափով:

- 20-ը ֆինանսավորվել է միայն բանկերի կողմի՞ց, թե՞ կառավարությունն էլ է մասնակցություն ունեցել:

- Դրանք ֆինանսավորվել են ՓՄՁ զարգացման գրասենյակի կամ ՓՄՁ ՈՒՎԿ-ի կողմից, բայց մենք վարկավորումը տրամադրել ենք 10-12 տոկոսանոց 638 միլիոնի չափով: Հիմա նախատեսում ենք, որ ծրագրին կարող են միանալ բոլոր առեւտրային բանկերն ու ունիվերսալ վարկային կազմակերպությունները: Իրենք կարող են վարկավորումը կատարել 12-14 տոկոսով, իսկ սուբսիդավորումը կանի պետությունը:

- Քանի՞ տոկոս է սուբսիդավորվելու այդ ներդրումային վարկերից:

- Մինչեւ 6 տոկոս՝ կախված ծրագրի տեսակից, արժեքից: Տարբեր գործոններ կան, որը պետք է վարչապետի որոշմամբ ստեղծված հանձնաժողովը որոշի: ՏԿԶՆ-ին տարածքային ներդրումային քաղաքականության եւ գործառնական ծրագրերի վարչության պետ Նարինե Ավետյան

- Համայնքները ներդրումայի ծրագրերը մշակում են եւ ներկայացնում են նախարարությա՞նը, թե՞ գաղափարն են առաջարկում, եւ իրենց օգնում եք ծրագիրը գրելու հարցում:

- Մենք ունենք տնտեսական պատասխանատուներ բոլոր համայնքներում, որոնք պետք է աջակցեն այդ գործընթացին: Եթե ներդրողը գնում է տնտեսական պատասխանատուի մոտ, պատասխանատուն արդեն պատրաստված կադր է, որը գիտի, թե հայտը ինչպես պետք է ստեղծվի եւ ուր պետք է գնալ: Ֆինանսավորման հարցում ներդրողն ինքն է որոշում ում դիմի: Եթե ֆինանսական կառույցը դրական եզրակացություն է տալիս եւ վարկավորվում է ծրագիրը, մեր հանձնաժողովը սուբսիդավորման որոշում կկայացնի:

- 2017 թվականի ընթացքում մեկնարկած 20 ծրագիրն արդեն սուբսիդավորվե՞լ է:

- Այդ 20-ը մինչեւ սուբսիդավորման ընթացքն է եղել: Պետական աջակցությամբ է ֆինանսավորվել:

- Կա՞ն գերակա ոլորտներ, որոնց վերաբերյալ ներկայացված ներդրումային ծրագրերը սուբսիդավորվում են:

- Դա կախված է, թե տվյալ տարածաշրջանում ռազմավարական զարգացման ծրագրում կա, թե՝ չէ: Մենք ամեն մարզում ունենք զարգացման ծրագիր, համայնքներն ունեն իրենց զարգացման քառամյա ծրագիրը, ներդրումային ծրագրի հաստատման փուլում մենք դա հաշվի ենք առնում:

- 2017 թվականի իրականացված ծրագրերից որո՞նք կառանձնացնեք:

- Այս 20-ը հիմնականում գործարար, մասնավոր ներդրումներ են: Մենք ունենք ծրագրեր անասնապահության, կաթի վերամշակման, պանրի արտադրության, ելակի բազմացման, այգիների ստեղծման ծրագրեր: Բացի դրանից ունենք նաեւ մետաղի մշակման գործարան Աշտարակում: Տարբեր ծրագրեր են, որոնց արժեքը կազմում է 10 միլիոն դրամից մինչեւ 100 միլիոն դրամի չափով: Պանրի արտադրություն ունենք Վայոց Ձորում, Սեւանում, պահածոների արտադրություն՝ Տավուշի մարզում եւ Լոռիում:

Խոշորացված համայնքների տնտեսական զարգացման հարցերով պատասխանատուների հավաքը

- Ի՞նչ խնդիրներ ունեն ներդրողները:

- Ի սկզբանե բողոքում են տոկոսադրույքներից, դա առաջնահերթ է, որը մենք հիմա փորձում ենք սուբսիդավորման կարգով ցածրացնել: Երկրորդ խնդիրն այն է, որ իրենք պատրաստ չեն վարկ վերցնելու, չեն համապատասխանում վարկային գործընթացին: Գրավի առարկա չունեն կամ գույքը կալանքի տակ է: Մենք որքան էլ փորձում ենք խնդիրները պարզեցնել, բայց ֆինանսավորող կառույցն իր պայմաններն է դնում: Դրա համար դա հասկանալի դժգոհություն է առաջացնում: Ուրիշ խնդիր մենք իրենցից չենք լսել: Բացի ֆինանսավորելուց, մենք նաեւ տարածք ենք տրամադրել Շիրակի մարզում մի ներդրողի: Շիրակ հյուրանոցի տարածքն ենք տրամադրել, որպեսզի ներդրողը կառույցի սպասարկման կենտրոն, հյուրանոց: Ներդրողը խոստացել է մինչեւ 150 աշխատատեղ բացի եւ 1 միլիարդ դրամ ներդրում է կատարելու:

- 2018 թվականի համար կանխորոշվո՞ւմ է, թե՞ ինչ ծրագրեր են իրականացվելու:

- Այս տարի ներդրողները էլ մեզ չեն ներկայացնի, այլ կներկայացնեն ֆինանսական կազմակերպություններին, ու կանխատեսում ենք, որ տարվա մեջ կունենանք մոտ 150 ծրագիր: Մեզ կդիմեն այդքանը:

- Իրականացման փուլ քանիսը կմտնեն:

- Կանխատեսում ենք, որ 100 ծրագիր կարող է լինել, որովհետեւ բյուջեով մենք նախատեսել ենք այդքան գումար, որ կսուբսիդավորենք: Մենք կփորձենք մինչեւ 60-ից 80 ծրագիր առավելագույնը 20 միլիոն դրամով ֆինանսավորել:

Տպել
1740 դիտում

«Դիլիջան» ազգային պարկում ծառերը հատելու նոր հնարք են գտել (տեսանյութ)

Հակոբ Նազարյանը դուրս է գալիս «Բարգավաճ Հայաստան» կուսակցությունից ու ընտրական ցուցակից

Ծաղկաձորը ներառվել է ձմեռային հանգստի համար լավագույն վայրերի առաջին հնգյակում

Առաջիկա 5 օրերին Հայաստանում տեղումներ չեն սպասվում

Արման Փաշիկյանը 10 տարի անց նորից դարձել է շախմատի Հայաստանի չեմպիոն

Ադրբեջանական հաքերները կոտրել են մոտ 2 հազար հայկական էլ․ փոստեր եւ ֆեյսբուքյան հաշիվներ

2018-ի 3-րդ եռամսյակում օտարերկրյա ուղղակի ներդրումները 50%-ով աճել են՝ 2017-ի համեմատ. վարչապետ

Վերին Լարս տանող Գուդաուրի-Կոբի ճանապարհահատվածը բացվել է մարդատար մեքենաների համար

Երևանում փրկել են տղամարդու կյանքը, ով անցել է կամրջի վտանգավոր եզրագիծը, փորձել նետվել

Թագավորական անձրևանոցներ՝ գոյություն ունեցող բոլոր գույներով. երանգներ՝ թագուհուց (լուսանկարներ)

Փրկարարները մարել են անասնագոմի տանիքում բռնկված հրդեհը, դուրս բերել 25 խոզ

Կոմիտասի անվան պանթեոնում վարչապետը հարգանքի տուրք է մատուցել Սիլվա Կապուտիկյանի հիշատակին

Ճապոնիայում 113 տարի եւ 179 օր ապրելուց հետո մահացել է աշխարհի ամենատարեց տղամարդը

Կապուտիկյանի 100-ամյակի առթիվ վարչապետը կարդում է «Հայոց աշխարհ» բանաստեղծությունը (տեսանյութ)

Գյումրիում հայտնաբերել են 2 հնդիկների, որոնք կասկածվում են կեղծ փողեր տպելու մեջ

Սկսել եմ անհանգստանալ իմ ընտանիքի անվտանգության համար. Ելենա Աղաջանովա

Ներխուժել են պատերազմի վետերան թբիլիսահայ Սերգեյ Միրզոյանի բնակարան, ծեծի ենթարկել ու թալանել վերջինիս

Իրականացված բարեփոխումների նպատակն էր ունենալ անկախ ու արհեստավարժ դատական իշխանություն. Բակո Սահակյան

Ստեփանծմինդա-Լարս ավտոճանապարհը բաց է միայն մարդատար մեքենաների համար. 428 մեքենա կա ռուսական կողմում

Դեռևս 20 տարեկանում գրական շռնդալից մուտքով նա դարձավ գրասերների հիացմունքի առարկան. վարչապետի ուղերձը