Հայկական զարդանախշերի փոխարեն թուրքականներն են «գրավել» Վերնիսաժը. Նանե Բագրատունի

Վերնիսաժում մի ամբողջական հատված տրամադրված է թուրքական զարդանախշերով հագուստների՝ գլխարկներ, գոտիներ, գոգնոցներ, կտորից պայուսակներ, գունազարդ կտորով պատված նոթատետրեր եւ մի շարք իրեր: Այս մասին «Հայկական ժամանակ»-ի հետ զրույցում իր մտահոգությունը հայտնեց Ազգային արվեստի կենտրոնի գիտական քարտուղար Նանե Բագրատունին, ով արդեն երկար տարիներ հայկական զարդանախշերի ուսումնասիրությամբ է զբաղվում:

«Երկու տարվա ընթացքում թուրքերը հասկացան, որ Հայաստանում շուկա կա, ինչը նկատելի է Վերնիսաժում: Նախկինում կտորների վրա չկային հայկական այբուբենով, նռերով, խաչերով պատկերներ, այժմ կա եւ դրանք մեծամասամբ բերվում են Թուրքիայից եւ ամենաշատը լցված են Վերնիսաժում»,- ասում է Նանե Բագրատունին:

Նա վստահեցնում է, որ պլպլուն եւ ռաբիս ոսկեգույնով կարված մի շարք իրեր, որոնք ձեռք են բերվում Վերնիսաժից եւ առաջին հայացքից մոտիկ են հայկական զարդարվեստին, վստահաբար՝ գունային գամայով եւ զարդանախշերով հայկական չեն:

«Եվ եթե կտորի վրա պատկերված է նուռ, կամ խաչ, դա չի նշանակում, որ հայկական է: Արեւելյան ոսկեփայլ, էլեկտրիկ գույների առկայությունը երբեք էլ հայկական չի եղել»,- ասում է նա:

Վերնիսաժում վաճառվող գոգնոցներ

Վերնիսաժում արված մեր հարցումներից պարզվեց, որ վաճառողների մի մասն իրենք էլ տեղյակ չեն, թե ինչ են վաճառում: Այդ հարցն ամենավերջինն էր, որը կարող էր մտահոգել նրանցից շատերին:

Հայկական ուտելիքներ թուրքական սփռոցին (Լուսանկարը տրամադրել է Բագրատունին)

«Մի բան է, երբ իմանալով օգտագործում է այդ ապրանքը, մեկ այլ բան, երբ անգիտակցորեն աշխարհին է ներկայցվում որպես հայկական, քանի որ շատ սփույուռքահայեր են գալիս, գնում այդ կտորները եւ տանում: Պարային խմբեր են գալիս ու առնում այդ կտորներից, որպեսզի տարազ կարեն եւ աշխարհին ներկայանան», -ասում է Նանե Բագրատունին, ում վրդովեցրել էր անցած տարի ազգային ուտեստների ցուցադրության ժամանակ տոնական սեղանին գցված թուրքական սփռոցը:

Նրա խոսքով, նման խնդրի հիմնական պատճառն այն է, որ այսօր Հայաստանում կտորի մեծածավալ  արտադրություն չկա: «Մի քանի մշակութային կենտրոն կա, «Տերյան» մշակութային կենտրոնն է, բայց իրենց արտադրանքի աշխատանքը ծավալային առումով փոքր է շատ, «Արցախ կարպետը» ու էլի մի երկու բան»,- ասում է Նանե Բագրատունին:

Նա որպես իրավիճակի լուծում առաջարկում է դատարկ կտորի վրա ասեղնագործել հայկական զարդանախշ, կամ պարզապես նկարել բատիկայի տեխնիկայով՝ կտորի վրա կիրառելով տեքստիլի համար նախատեսված ներկերը: «Հասկանում եմ, որ ասում են թանկ է եւ այլն, բայց կարելի է նույն Թուրքիայից այդ կտորն առնել, վրան նկարել հայկական զարդանախշ»,- ասում է նա:

Նկարում տիկնիկներ են թուրքական նախշերով կտորից եւ նոթատետր ոչ հայկական զարդանախշերով   

Նանե Բագրատունին տեղեկացրեց, որ Ազգային արվեստի կենտրոնն այս խնդիրի հետ կապված առաջարկությունների փաթեթ է ներկայացնելու ՀՀ Մշակույթի նախարարություն:

                                                                                Աղունիկ Հոհաննիսյան

Նյութը հրապարակվել է «Հայկական ժամանակ» օրաթերթի փետրվարի 8-ի համարում:                                                                                                                                                                              

Տպել
4357 դիտում

50 օր՝ Քոչարյանի, Օհանյանի, Խաչատուրովի եւ Գևորգյանի գործի նյութերին ծանոթանալու համար. քննիչի որոշումը

Տարեկան 24 մլն դրամ շրջանառություն ունեցող միկրոձեռնարկատերերը կազատվեն հարկերից (տեսանյութ)

Շիրակի պետհամալսարանում հարուցված քրեական գործը 27 հատոր է, յուրաքանչյուրը՝ 300-ից 400 թերթ

Հանրապետության որոշ ավտոճանապարհներին բուք է

Ո՞նց եք պատկերացնում՝ 19-րդ դպրոցից 25 ուսուցչի միանգամից դատի տայինք. ՇՄ դատախազ

«Պարտեզ» ռեստորանի մոտ տեղի ունեցած զինված միջադեպով մեղադրանք է առաջադրվել 17 անձի. ՔԿ

Ալեքսանդր Լապշինի դեմ Ադրբեջանում նոր քրեական գործեր են հարուցվել

Պատասխանատվություն չենք կրում բնապահպանական որևէ խնդրի համար. Լիդիան Արմենիան զգուշացնում է

Արտասահմանում ուսանելու հնարավորություն. ԿԳՆ-ն հայտարարում է մրցույթներ

Ոստիկանները բացահայտել են կրթօջախում կատարված ավելի քան 3.940.000 դրամի յուրացման դեպք (տեսանյութ)

Դավիթ Տոնոյանն Աբու Դաբիում ներկայացրել է նաև Սիրիայում ՀՀ մարդասիրական առաքելության խնդիրները

Այստեղ եմ նոր գործընկերություն սկսելու համար. նախագահ Արմեն Սարգսյանն այցելել է Մյունխենի տեխնիկական համալսարան

Տիգրան Խաչատրյանն ընդունել է Եվրոպական ներդրումային բանկի պատվիրակությանը

Միհրան Աղբաբյանը մեր ժողովրդի լավագույն զավակներից էր. Արմեն Սարգսյանի ցավակցական ուղերձը

Սեդրակ Քոչարյանին մեղադրանք է առաջադրվել փողերի լվացման եւ հարկերից խուսափելու համար

Ակնհայտ է հասարակության զարմանքը, որ իշխանության ներկայացուցիչները կարող են ՏԻՄ ընտրություններում պարտվել․ Կոնջորյան

Երևանի քաղաքապետարանը մոտ 760 մլն դրամ է տնտեսել գնումների գործընթացի արդյունքում

Իրանի դիրքորոշումը ԼՂ հարցում տարածաշրջանային անվտանգության տեսակետից կարեւոր զսպման գործոն է. դեսպան

Արամ Ա. Կաթողիկոսը պարգևատրել է հռչակավոր երաժիշտ Տիգրան Մանսուրյանին

Նախկինում ընդդիմությունը չի կարողացե՞լ հարցեր տալ, ուզել են հարց տալ, եկել-ծեծել ե՞ն բազկաթոռի վրա․ Մարուքյան