Երևան
18 °C
searchclose
today
menuclose
Երևան
18 °C
Հարցին, թե ինչպե՞ս է վերաբերվում ՀՀԿ-ի կողմից առաջադրված նախագահի թեկնածու Արմեն Սարգսյանին, ՀՅԴ խմբակցության ղեկավար Արմեն Ռուստամյանն ասաց, որ իրենք տեղեկացված էին այս առաջարկությունից, և այդ առումով եղել է նախնական քննարկումներ։
«Մենք ի սկզբանե նկատի ենք ունեցել, չնայած, որ սահմանադրությունը թույլ է տալիս, հասնել մինչեւ ընդհանուր թվի մեծամասնությամբ ընտրված նախագահին, և անգամ կարող է դա տեղի չունենալ եւ նոր ընտրություն պահանջվի։ Բայց կարծում եմ, որ անհրաժեշտություն կա, որ նախագահը ընտրվի հնարավորինս լայն համաձայնության պայմաններում»,- ասաց ՀՅԴ-ականը եւ նշեց՝ ողջունելի է, որ թեկնածուն ինքը որոշել է, որ հանդիպի ոչ միայն քաղաքական ուժերի հետ, այլ նաև արտախորհրդարանական ուժերի հետ, հասարակական սեկտորի հետ։ Իրենք էլ իրենց վերջնական որոշումը կկայացնեն, երբ որ կհանդիպեն, կլսեն թեկնածուի մոտեցումները, տեսակետները։
Հարցին, թե արդյո՞ք վերջնական չէ իրենց որոշումը, կարո՞ղ է նախնականից տարբերվել եւ չպաշտպանեն ՀՀԿ թեկնածու՝ Արմեն Սարգսյանին։ Ռուստամյանն ասաց.
«Բնականաբար Արմեն Սարգսյանն էլ շատ լավ հասկանում է, որ վերջնական որոշումը այսօր կայացնելը ճիշտ չի, եւ այդ գործընթացը, որ հրապարակային եւ բազմակողմանի հանդիպումների ողջունում ենք։ Եվ մենք էլ վերջնական որոշում պետք է կայացնենք»,- ասաց նա։
Այն դիտարկմանը, թե կարո՞ղ է տարբերվել որոշումը, Ռուստամյանն ասաց, որ կարող է հանդիպումների ընթացքում այնպես ստացվի, որ հենց ինքը՝ Արմեն Սարգսյանը չուզենա, իսկ իրենք հանդիպումների արդյունքում կորոշեն։
«Մենք չունենք վերջնական որոշումը եւ մենք էլ պետք է կայացնենք հադիպումներից: Հնարավոր է, որ հանդիպումների ընթացքում, ոչ թե մենք չուզենանք իրեն սատարել, այլ ինքը չցանկանա առաջադրվել»,- նշեց ՀՅԴ խմբակցության ղեկավարը:
Իսկ հարցին, թե այլ թեկնածուներ էլ ե՞ն քննարկել, Ռուստամյանն ասաց, որ բազմաթիվ անուններ են քննարկել, բայց ամենանախընտրելի եղած չափանիշներով Արմեն Սարգսյանի թեկնածությունն է, եւ իրենք համաձայնվել են, որ նրա թեկնածությունը առաջադրվի։
Լրագրողների այն հարցին, թե առաջին փուլով ընտրվելու համար 3/4 ձայն է հարկավոր, այսինքն Ծառուկյան խմբակցության աջակցությունը, ի՞նչ է կարծում կաջակցի Ծառուկյան խմբակցությունը Արմեն Սարգսյանին, Ռուստամյանն ասաց.
«Ես հուսով եմ, դրա համար մենք նկատի ունենք այս հանդիպումները կարեւոր են»։
«Հայկական Ժամանակ»-ի լրագրողին հարցին, թե երբ Սերժ Սարգսյանն ասում էր, որ նախագահի թեկնածուն պետք է հեղինակություն վայելի ե՛ւ սփյուռքում, ե՛ւ Հայաստանում, սակայն մամուլի արխիվներից տեղեկություններ հանվեցին, որ նա Վազգեն Սարգսյանի հետ տարաձայնություններ է ունեցել, անգամ ստել է Վազգեն Սարգսյանին, այս պատմությունից հետո նա հեղինակություն կվայելի՞ հանրության շրջանում, ՀՅԴ-ի պատգամավորն ասաց.
«Ես կարծում եմ, որ լավ են արել հանել են մամուլից, որովհետև այդպիսի բան մեզ հայտնի չէ, որ ստել է, դեռ չսկսկված արդեն սկսել են վարկաբեկել, դա լավ չի։ Իրերը իրենց անուններով է պետք կոչել: Այո, նա եղել է վարչապետ, եւ աշխատել է իր պարտավորությունները և պարտականությունները գիտակցելով։ Եւ այդ փուլում գիտենք ինչ ծանր վիճակ էր Հայաստանի համար, ըստ էության պարոն Սարգսյանը իր ջանքերը գործադրում էր, որպեսզի կարողանար ներհասարակական համերաշխությունը առաջացներ։ Բայց մնացած գնահատականները վարկաբեկիչ, ես կարծում եմ թող մնա նրանց խղճին, ովքեր փորձում են այդպիսի բան անել»,- ասաց Ռուստամյանը։
Լրագրողների այն հարցին թե արդյո՞ք անխոցելի թեկնածու է Արմեն Սարգսյանը, և վերջիվերջո Ծառուկյան դաշինքը կաջակցի՞ նրան, թե՞ ոչ, Արմեն Ռուստամյանը նշեց՝ իդեալական մարդիկ չկան։
«Իդեալական՝ կատարյալ մարդիկ չեն լինում, ամեն մեկն էլ մի աքիլլեսյան գարշապար ունի, կարծում եմ, որ եղած հնարավոր քննարկումները դա են ցույց տվել, որ լայն համախոհության հասնելու իմաստով իր թեկնածությունը ամենահավանականն է, որ նա կարողանա դրան հասնել։ Բայց կարծում եմ, որ սա այն դեպքն է, որ եթե իրենք իրենցը չեն առաջադրում, հակառակի ուղղությամբ գնալն էլ չեմ կարծում, որ ճիշտ է, հանունի համար է պետք գնալ։ Մեկ անգամ է լինելու, 7 տարով է լինելու, սա իսկապես մի նոր հնարավորություն է, որպեսզի անձը կարողանա իրեն լիարժեք դրսևորել որպես անաչառ, ազգը միավորող մի անձ»,- նշեց Ռուստամյանը։
Հարցին՝ ո՞րն է թեկնածու Սարգսյանի «աքիլլեսյան գարշապարը», Ռուստամյանը նկատեց.
«Ես հիմա չեմ խոսելու գարշապարների մասին, ես ավելի շատ խոսում եմ մնացած մարմնի անխոցելիության մասին: Կարծում եմ՝ դա շատ ավելի կարևոր է: Իսկ ում կթվա, թե էդ գարշապարը չունի, չարաչար սխալվում է, բոլորն էլ ունեն: Մարդիկ կան, որ ոչ միայն գարշապարը, այլև մարմնի զգալի մասն է խոցելիությամբ տառապում»,- եզրափակեց Ռուստամյանը:
Մանրամասները՝ տեսանյութում:
Շենքերին արևային համակարգերի տեղադրման ծրագիրը կիրականացվի բնակիչների մասնակցությամբ
ԵՊԲՀ ռեկտոր Արմեն Մուրադյանի հայցն ընդդեմ առողջապահության նախարար Արսեն Թորոսյանի վարույթ է ընդունվել
Կազմվել է ՀՀ տարածքի սեյսմիկ վտանգի հավանականային գնահատման. Ցոլակյանը հանդիպել է ՀԲ-ի ներկայացուցիչների հետ
Չենք կարող խոսել տնտեսության զարգացման մասին, եթե այն նորարարական չէ․ Տիգրան Խաչատրյան
Վնասվածք ունեցող Արթուր Ալեքսանյանը ծննդյան օրը մարզումը բաց չի թողել. այսօր դարձավ 28 տարեկան
Վաղարշակ Հարությունյանը հրավիրվել է Ապրիլյան պատերազմի դեպքերն ուսումնասիրող քննիչ հանձնաժողով՝ խորհրդատվություն տալու
Խոշոր ավտովթար Քեթիի ոլորաններում. կան զոհեր
Շուրջ 1 մլն դրամի յուրացում. ՔԿ-ի նոր բացահայտումը Կոտայքի մարզում
Հետքայլ չի լինելու սահմանադրական արդարադատության հաստատումից․ Վլադիմիր Վարդանյանը՝ ՍԴ-ի շուրջ ստեղծված իրավիճակի մասին
Արմեն Սարգսյանը ցավակցական հեռագիր է հղել Վլադիմիր Պուտինին
Կրթության ամենամեծ դերը մարդուն, երեխային, աշակերտին, ուսանողին քաջալերելն է դեպի ինքնակրթություն. վարչապետ
Արաբկիրում հայրը դանակահարել էր որդուն
Հարկատուների հաշվին որեւէ գումար չի տրամադրվելու «Ryanair» ընկերությանը․ փոխվարչապետ
ՀՀ պաշտպանության նախարարի գլխավորած պատվիրակությունը մեկնել է Չինաստան
Արթուր Դավթյանին շնորհվել է արդարադատության երկրորդ դասի պետական խորհրդականի դասային աստիճան
Թուրքիա՞ն պիտի Վաշինգտոնին ցույց տար ուղղություն. ԱՄՆ-ը զորքերը Սիրիայից տեղափոխում է Իրաք
Ինձ համար էլ էր նորություն թայֆայաբազության եւ կոռումպացվածության մասին Սարհատ Պետրոսյանի հայտարարությունը․ Ավինյան
Հակակոռուպցիոն բարեփոխումների փաթեթ. Լիբանանի վարչապետը համաձայնել է մասնակիորեն կատարել ցուցարարների պահանջները
Տպավորություն է, որ այս բոլոր պրոցեսներում մոռանում ենք, թե անցյալում ինչ է տեղի ունեցել ՍԴ-ում․ Տիգրան Ավինյան
Կադաստրը միայն գրանցող մարմին չէ, ես չեմ եկել որպես գրանցող մարմնի ղեկավար. Սարհատ Պետրոսյանը հեռանում է
