Հայ դահուկորդը Փհենչհանում առանց դահուկի է. ՀՀ ֆեդերացիայում «գլխին սարքել» են

Հայաստանի դահուկասպորտի ֆեդերացիայում ինտրիգներ են զարգանում: Այսօր՝ փետրվարի 13-ին, հայտնի դարձավ, որ Փհենչհան 2018-ին մասնակցող հայ դահուկորդներից Աշոտ Կարապետյանն առանց գույքի է: «Հայկական ժամանակ»-ի հետ զրույցում մարզիկը հաստատեց, որ այժմ չի կարողանում մարզվել, քանի որ դահուկներ չունի:

«Ինձ մրցաշրջանի սկզբից դահուկ եւ կոշիկ չեն տրամադրել: Այնքան ձգձգեցին մինչեւ եկավ օլիմպիական խաղերի ժամանակը: Ինձ կոշիկներ են ուղարկում, դահուկները... ցանկանում են օգտագործված դահուկներ տալ, որոնցով չեմ պատրաստվում մասնակցել: Այս ամենի մեղավորը ֆեդերացիան է, Հայաստանի ազգային օլիմպիական կոմիտեն կապ չունի»,- ասաց նա՝ այլ մանրամասներ չհայտնելով:

«Հայկական ժամանակ»-ին իր աղբյուրների միջոցով հաջողվեց պարզել, որ ստեղծված իրավիճակի պատճառն այն է, որ ՀՀ դահուկասպորտի ֆեդերացիայում պարզապես փորձել են ինչ-որ կերպ վնասել տղային: Բանն այն է, որ օլիմպիական խաղերի վարկանիշ հաջողվել է ձեռք բերել հենց Աշոտ Կարապետյանին, այնինչ ֆեդերացիայում ցանկացել են, որ Փհենչհան մեկնի ֆեդերացիայի նախագահ Արթուր Հարությունյանի եղբոր՝ մարզիչ Սեյրան Հարությունյանի տղան:

Հայաստանի ազգային օլիմպիական կոմիտեի միջամտությամբ նրանց չի հաջողվել ծանոթ-բարեկամ տարբերակով իրենց տղային ուղարկել օլիմպիական խաղեր, այդ պատճառով էլ որոշել են այս կերպով վնասել Աշոտին: Նրան պետք է 2 զույգ դահուկ տային, սակայն մեկն են տվել, թեեւ ասում են, որ 2-ն են տվել, բայց նա որոշել է մեկը թողնել տանը. Փհենչհան չտանել: Փհենչհանում մարզումների ժամանակ նրա դահուկը կոտրվել է: Այժմ Աշոտը չի կարողանում մարզվել:

ՀԱՕԿ-ից «ՀԺ»-ին քիչ առաջ տեղեկացրին, որ տղայի համար արդեն նոր դահուկներ են գնել: Դրանք ճանապարհին են. ինքնաթիռով ուղարկում են: Մի քանի ժամից նրա մոտ կլինեն:

Աշոտ Կարապետյանն օլիմպիական խաղերում մրցելույթները սկսելու է փետրվարի 18-ին: Այդ օրը պետք է հանդես գա հսկա ոլորավայրէջքում: Փետրվարի 22-ին պետք է մրցի հատուկ ոլորավայրէջքում:

Հայաստանի ներկայացուցիչներից դահուկորդ Միքայել Միքայելյանը Փհենչհանում արդեն 1 մեկնարկ ունեցել է: Այսօր՝ սպրինտի որակավորման փուլում 80 մարզիկի մեջ զբաղեցրել է 72-րդ տեղը եւ չի հաղթահարել որակավորման փուլը: Նրա հաջորդ ելույթը փետրվարի 16-ին է: Հանդես կգա 15 կմ ազատ ոճում:

Այսօր սպրինտի կանանց պայքարում Հայաստանը պետք է ներկայացներ Կատյա Գալստյանը, սակայն նրա անունը բացակայում է մասնակիցների ցուցակից: Փետրվարի 15-ին նա կպայքարի 10 կմ ազատ ոճում:  

Օլիմպիական խաղերը մեկնարկել են փետրվարի 9-ին: Ավարտվելու են 25-ին:

Տպել
6568 դիտում

Փաշինյանի համար ղարաբաղյան հակամարտության հարցն առավել բարդ խնդիր է․ Ռիչարդ Հոգլանդ

«Վորլդ Վիժնի» հետ համագործակցության հիմքում երեխաների համար արժանապատիվ կյանք ապահովելու մղումն է․ նախարար

Ջերմություն, քաշի կորուստ․ Նորքի զինված խմբի գործով անցնող Արթուր Վարդանյանն առողջական խնդիրներ ունի․ ՄԻՊ

«Արսենալը» ԲԱՏԷ-ին թույլ չտվեց սխրանք գործել. Եվրոպա լիգա (տեսանյութ)

Պատրաստվում եմ ՀՀ կառավարությանը հրապարակավ ներկայացնել տնտեսության զարգացման վերաբերյալ իմ առաջարկները. Հարությունյան

Արմեն Սարգսյանը դատավոր է նշանակել

Քննարկում ենք մի հետաքրքիր նախագիծ հայկական սպորտի համար․ Արսեն Թորոսյանը հանդիպել է Յուրա Մովսիսյանի հետ

ՀԱՊԿ-ում համակերպվել են. այս տարի կարող են մնալ առանց գլխավոր քարտուղարի. «Կոմերսանտ»

Էջմիածնի քաղաքապետը կդիմի դատարան՝ ֆեյսբուքյան օգտատերից պահանջելով ներողություն և փոխհատուցում

Ադրբեջանը հայկական անօդաչու չի խոցել, ակնհայտ հին կադրեր են. ՊԲ հայտարարությունը

Թուրքմենստանի ֆինանսների և էկոնոմիկայի նախարարն ու երկրում ՀՀ դեսպանը հանդիպում են ունեցել

Հայաստանը ներառվել է երկշաբաթյա հանգստի համար ամենամատչելի երկրների հնգյակում

Փետրվարի 26-ին Հայաստանի զգալի մասում սպասվում են տեղումներ՝ ձյուն, ձնախառն անձրեւ

Post Classical Ensemble-ի` 2020թ. գարնանը կայանալիք հայկական փառատոնի գալա համերգը ՀՀ դեսպանությունում

Վթար Երևան-Սևան ավտոճանապարհին. 28-ամյա վարորդը տեղում մահացել է

ՀՀ տարածքում կան փակ և դժվարանցանելի ավտոճանապարհներ

UNESCO-ն արևմտահայերենը համարում է Թուրքիայում վերացման վտանգի տակ գտնվող լեզու

Մոսկվայի օդանավակայաններում հետաձգվել կամ չեղարկվել է ավելի քան 100 չվերթ

Երևանում և 6 մարզում այսօր էլեկտրաէներգիայի պլանային անջատումներ կլինեն

Բացահայտվել է Երեւանի բնակարաններից մեկից կատարված գողությունը